عزيزي الشاب تعال ابيك في سالفة واذا تبي تشاركينا اختي حياج المجال مفتوح !

[بوحارب]

السلام عليكم ورحمه الله وبركاته

عزيزي الشاب تعال ابيك في سالفة :D

تعال خلنا نفكر في مستقبلنا شوي

ليش كل فكرك سيارة وسفرة ووناسه ووووو

واهم شي يكون عندك بي بي وفودافون وكرت هلا وووووووو

ولازم موتر للبر وموتر للبحر وموتر للجو

وليش تحب يكون عندك كل جديد وماتحب اي شي قديم:spider:

الى متى بتم تضيع فلوسك على اشيا تسوى واشيا كثيرة ماتسوى

صارلك 5 سنين تشتغل ممكن تقولي كم رصيدك في البنك اليوم ؟؟؟

صارلك 5 سنين تشتغل وللحين ما عندك حتى 40 الف في البنك كاش!!

راتبك الشهري اللي مب اقل من 10.000 ريال وين يروح !

هل راح في سيارة او دراجة في سكوتر ولا في رينو :(

لاتصير غبي وتتبع المثل اللي يقول اصرف مافي الجيب ويأتيك مافي الغيب :eek5:
وامش على مثل الشيبان اللي يقول خل القرش الأبيض لليوم الأسود:D

دلع نفسك وكشخ عمرك وبطر نفسك وووووو كل الأمور الكمالية خلها عندك لكن في حدود المعقول

لأنه بيجيك يوم بتحاج الريال ولا راح تلاقيه !

وتذكر قوله تعالى {وَلا تُسْرِفُوا إِنَّهُ لا يُحِبُّ الْمُسْرِفِينَ}، وقال جل ذكره: {وَلا تُبَذِّرْ تَبْذِيراً * إِنَّ الْمُبَذِّرِينَ كَانُوا إِخْوَانَ الشَّيَاطِينِ وَكَانَ الشَّيْطَانُ لِرَبِّهِ كَفُورا}، وقال سبحانه: {وَلا تَجْعَلْ يَدَكَ مَغْلُولَةً إِلَى عُنُقِكَ وَلا تَبْسُطْهَا كُلَّ الْبَسْطِ فَتَقْعُدَ مَلُوماً مَحْسُورا}.
كما نهى النبي -صلى الله عليه وسلم- عن الإسراف في الأمر كله، ولو كان في الوضوء:(

عيب على الشاب بعد سنوات من العمل والدوام ولين يجي موعد الزواج حتى ماعنده فلوس حق المهر مب حق العرس بس !

هذا الكلام موجه حق اخواني الشباب خاصه والبنات عامه

اتمنى الفكرة اوصلت والسموحة على الطرح البسيط

[كازانوفا]

والله صحيح كلامك وهذا الكلام للجميع مش بس للشباب فقط

[أ التميمي]

لاهنت يابوحارب كلامك من ذهب والي قلته صح الله يهدينا ويهدي امة محمد صلى الله عليه وسلم


صباااااحك ورد يالغالي

[ابو ضمير]

صحيح كلامك يا بو حارب لاني صارلي سنتين اشتغل وفلوسي ما ادري وين تروح:spider:
وانا عادني ما سويت شي :rolleyes2:

[qatar-2022]

يعطيك العافية ابوحارب كلام صحيح مليون في المئه.. وموجهة للجميع للزوجة والزوج والشباب..

[((غلا قطر))]

صح الله السانك (( التميمي )) والله ياريت نقدر انجمع لو ألف ريال كل شهر الفلوس طايرة على الشنط والمكياج وووووو

[ودي أكون]

والله اخوي بوحارب الفلوس ماتم فاليد ترا ..

غصبن عنك بطير ..

هي المسأله مسألة الترشيد في الاستهلاك << مكانها صح الجمله والا بس تنقال حق الماي:rolleyes2::shy::tease:



عموما :shy:

احسن حل .. الواحد يحط له حساب توفير وينساه .. خاطري اسوي لي وان سويت مابقول حق احد :shy: .. حتى اهني :tooth:

[عذوبـة قلم]

.♦. ♠ .♦
:
♥
:

بوحارب .. كلام واقعي .. 100%

للآسفـ ..!!
آصبحت هذه هي معظم إهتمامات "بعض" الشباب ..

آتعلم آخي .. لو آنني انا من طرحت هذا الموضوع للنقاش
ستكون آول جملة هي "وآنتي شدراج فينا..!!
مصاريف وبترول وسياره ووكاله وفحص فني !! >> شدخل الفحص فالموضوع؟" ..!!

لذا آقف آحتراما وشكر لكـ .. لانكـ آنت من طرحت هذه السطور
كونكـ شاب .. " مثلهم " ..

يعجبني من يأخذ راتبـه ويقسمه حسب الآولويات
قسم يضعه في يد والدته ووالده .. قسم يساهم في تعديلات البيت .. من صيانه واحتياجات خاصه
قسم يحتفظ به .. قسم للبترول + فاتورة "موبايله" وليست موبايلاته !!.. التي لا آرى لكثرتها معنى

وملاحظه: عندما أقول قسم .. لا آعني بان يكون مبلغ وقدره .. آنما ولو مبلغ رمزي بسيط

لننضج آخوانا "الشاب القطري بالتحديد" ..

لنتمسكـ بقرار جديد بعد هذا الطرح .. لنفكر بواقعيه آكثر
ما الذي سنستفيده من تبذير آموالنا على آشياء تافهه ..


آسال الرحمن ان يوفقكم ويوفقك طارح هذا اموضوع بكل خيـر
ويوفقني ويوفق آخواتي في الله .. بما يحبه ويرضاه

تقبلو تحيات ريشة قلمي .. آختكم في الله
:
♥
:
.. ع ـذوبـة الـ ق ـلم ..
.♣.

[بوخالد2]

كلام جميل بوحرووب

نجرب ونشوف

[بوخالد911]

تسلم بو حرووبي للطرح المميز

وانت صادق بكل كلمة

معظم الشباب وللأسف مش جاديين
وكلله معتمدين على مساعدة الوالد + أخذ قرض من البنوك
يعني بياخذون (( ربا ))

والله يسترر من النهاية

تحياتي قبل أن تجف كلمااتي
؛؛؛


مسيوو / بوخالد911

[عـ العبيدلي]

10 ما تكفي .. ياخي والله غريبه ..
مادري وين يودون فلوسهم ربعنا

[سارونه]

الله يعطيك الف عافية على الموضوع الرائع

كلامك صحيح وواقعي وملموس

في ناس الله ناعم عليها بالمال ويتمنون الصحة ومش محصلينها ( الحمد لله ) .

وفي ناس الله ناعم عليها بالصحة والستر بس ماعندهم المال ( لكن مبسوطين ) .

فئات من البشر مختلفين في الطباع والانماط والتفكير ماعندهم التخطيط للمستقبل

احنا في زمن الله يكفينا شره من جميع الامور الحياتيه - كل شي بيتغير .

لين يطيح الفاس فالراس الناس بتنتبه وتقول ياليت فكرت بالمستقبل واليوم مو مثل بكره .

بارك الله فيك يا سيدي الفاضل - وجعله في ميزان حسناتك ..

[missperfect]

كلااااامك عين العقل

ربي يوفقك ويهنيك :victory::victory:

[شبح الصمت]

كلامك جميـل بوحارب

وربك كريم

اقول عندك سلف مليووووووووووووون

يصير اشوي تسلفني وبردها لك

:shy:

[al-sadd]

صدقت يابوحارب
وكلامك كله ينقط عسل =]
وانا اشوف لو الواحد يفتحله حسابين الاول للمعاش والثاني يحط فيه مثلا 20٪ من المعاش للتوفير ولا يسحب منه ريال واحد
وبعد عمر طويل بيشوف برصيده مبلغ ممكن اتيسرله أمور كثيره*

[بو خليفه 123]

حكم و درر يا بو خطيبة ولدي


نصائح وجيهة و لكن ظروف البعض لا يعلم بها الا الله ..



تقبّل تحياتي ..

[همس القصيـد]

صبحكم الله بالخير
جزاك الله خير يا بو حارب على هذه النصايح
أنا أشوف من وجهة نظري أن الشاب لازم يوفر من راتبه مبلغ وقدره حتى لو ألف ريال شهريا
أنا باقولكم تجربتي مع عيالي
أول ما توظفوا ولله الحمد والمنه ألزمتهم أن كل واحد منهم يدفع 10000 ريال شهريا ودخلتهم في جمعيه وحده من الجماعه تسوي كل سنه جمعيه وكلا يدخل على حسب مقدرته يعني اللي بالف واللي بخمسة الاف
مدتها عشر شهور يعني عيالي بعد هالعشر شهور صار مع كل واحد منهم100000 الف
أول الأمر استصعبوا الموضوع وقالوا احنا بنخليها في التوفير بس
أنا ما وافقت لأني أعرف أنهم بيصرفونها
ولله الحمد قدرت اجمع لهم اذا الشاب ما يعرف مصلحة نفسه لازم الأم أو الأب يكون لهم دور.
واسفه على الأطاله بس هذي تجربتي وحبيت انكم تستفيدوا وشكرا

[الجـــــــرح]

وامش على مثل الشيبان اللي يقول خل القرش الأبيض لليوم الأسود:d

الافضل يكون قرش اليوم الابيض لغتنام الفرص تسلم على الطرح يابو حارب

[La Bella]

الحمد الله أنا من النوع إلي ماحب التغير وايد أحب أغراضي الشخصية وايد
وعندي النوكيا e66 ستين الف مره يطيح من يدي وكل الي حوالي خذو البلاك بيري وماعادو يطرشون لي مسجات:weeping:
ويعز علي أغيره.
والسياره نفس الشي:)

[Gh2o]

كلام كبير وموضوع جميل

[bo_hamad]

بارك الله فيك اخوي بوحارب فعلاً للاسف شبابنا يدورون الموضه والايس كريم الله يهديهم ويصلح شأنهم (آمين)

[miss-qatr]

تسلم ياخوي بوحارب على طرح هالموضوع اللي فعلاً ما جيت وطرحته إلا مقتنع بالفكره :)


مشكلتنا ياخوي بالمظاهر تلقى حتى البنات والله


أوكي انتي ماعندك مبلغ شنطه بمبلغ && ليش تحطين فلوسك كلها بس على شان اتجيبينها؟؟؟

مش لو حطيتيها بأشياء أهم بيكون احسن لك ؟


صار تفكير الواحد مقرون باللي حوله

هي عندها ليش أنا ماعندي


وقيس هالموضوع على بعض الشباب اللي من يشتغل راتبه كله أقساط

لو الواحد اقتنع باللي عنده ورسم لحياته أهداف صدقني بيحققها لكن مايجي كل شي بسرعة

والله أقارن بالناس برا وفينا :(

ليش أغلبنا اتهمهم المظاهر!!!



الله يعطيك العافية بوحارب ولاتحرمنا من مواضيعك الحلوه :victory:

[الجوكر90]

السلام عليكم ورحمه الله وبركاته

صارلك 5 سنين تشتغل ممكن تقولي كم رصيدك في البنك اليوم ؟؟؟



انا رصيدي فالبنك 120 ريال
لا بعطيك بالضبط توني شايف المسج فالتلفون
120.94 طبعا ريال

والله اخوي انا عندي مثل ثاني احلى
( مد رجولك ع قد الحافك )
والله في واحد اعرفه
راتبه يمكن 20 الف
متزوج وعليه سلفيه الزواج وعنده موتر كل شهر كان ينخصم منه تقريبا 10 نص راتبه
راح بو الشباب طلع له بورش 2009 ولا ع الاوله للتمويل والحين مايصفى من راتبه الا 4000
انزين ليش يعني انت مرتز فموترك ولا موتره القديم جي اكس 2007
انزين ياخي ادفع فلوسك ع شي يسوى مب موتر الماني اول ماتاخذه يطيح سعره ولا الشكل تغير

المهم شبابنا ملحوسين من قلب
فيهم هفه مب طبيعيه
شاف واحد عنده شي لازم يكون عنده نفس هالشي


المهم شكلي طولت فالكلام
وتسلم ع الموضوع
ولاهنت

[الجوكر90]

تسلم بو حرووبي للطرح المميز

وانت صادق بكل كلمة

معظم الشباب وللأسف مش جاديين
وكلله معتمدين على مساعدة الوالد + أخذ قرض من البنوك
يعني بياخذون (( ربا ))

والله يسترر من النهاية

تحياتي قبل أن تجف كلمااتي
؛؛؛


مسيوو / بوخالد911


مب الكل
انا اتسلف من ابوي وارجعله كل ريال
احسن من اني اتسلف من البنك

[Qt.1]

والله جبتها على الجرح ياخوي , فعلاا الااغلبيه من الشباب همهم الكشخه والمظاهر ومحد ايعرف معنى القناعه , اخوك قنوع لدرجه ماتصورها , قبل الزواج كنت مافكر الي في خاطري اشتريه بدون تردد , والحين عقب الزواج والااعيال الوضع تغير , كل شي بحسابه , والحمدالله عندي قناعه كبيره :)

[مستر بن]

باارك الله فيك

[الصريحه]

انشاءالله .............
بنحاول نوفر الموضوع مهم وصادق في كل كلمه
الله يعين بس

[aljaber1]

اصبت ووفقت بهذه النصيحه العاليه والغاليه
وجزاك الله خير على حرصك ومحبتك للجميع
ولانك احببت الجميع فقد استحقيت محبة الجميع لك .

[لاجل QT]

كلامك صح

ولكن

هل العيب في الشاب او الفتاة اللى يبون يتمتعون في الحياة

ولا

في المعاش اللى مايقدر يجمع منة شي واللى كلة رايح حق قسط سيارة او قرض شخصي

[رهج السنابك]

؛ حِكم جدي بوحارب ؛؛

بس انا ملاحظة ان الشباب في الاسراف أضعاف من البنات !

؛

[جاكوار]

صح كلامك ومو بس للشباب حتى للبنات هالكلام

وانا اول من ينصح نفسي

[ANONYMOUS]

البركه في الراتب

والقناعه كنز لايفنى

والعقل

كلها عوامل مؤثره

[شيط ويط]

نسيت أهم شي (كدوا لنا فلووووووووووووووس) :shy:

[الصدى الخالد]

يعطيك العافية اخوي بوحارب وكلامك عين العقل وان شاء الله يكون له أثر على الشباب والبنات



وحبيت اقول تجربة اخوي للإستفادة

اخوي الصغير لما توظف كان من النوع المبذر ومثل معظم الشباب فاتفقت مع الوالدة الله يحفظها ان نمسك من راتبه شهريا حوالي 2500 ريال وطبعا هو متضايق ولكن ما بيده شي ومرت الأيام ولما حب يتزوج سلمناه المبلغ وبفضل الله تزوج وصرف على عرسه وزادت الفلوس عنده وللحين يذكرنا ويشكرنا على اللي سويناه معاه ويقول الحمدلله تزوجت وما علي دين وربعي اللي تزوج وعليه ديون والبعض ما تزوج لأن ماعنده مصاريف العرس

فنصيحتي ان المفروض على كل شخص يفتح له حساب توفير بالبنك غير حسابه الاساسي اللي ينزل عليه راتبه ويحول مبلغ شهري لو بسيط ولكن بعد فترة راح يكون مبلغ طيب وبشرط يمنع خاصية السحب عن طريق البطاقة حتى يتثيقل لروحة البنك:victory:


وتجربة ثانية :shy:

ولدي الصغير احول لراتبه شهريا 50 ريال (( مبلغ بسيط )) ولكن الحمدلله اللحين عنده في حدود 23000 ريال

وان شاء الله افدتكم

[ولد الخال]

والله كلمك درر يا بوحارب

جبتها صحيح

وآنه من اليوم سوف أسمع كلامك وبجمع فلوسي بدل صرفها على كماليات لا نحتاج لها

ومشكور على النصيحة

عمل من أربع سنوات وما في حسابي أربعين ألف ريال

والله مستحي منك أخوي بو حارب

[بوحارب]

والله صحيح كلامك وهذا الكلام للجميع مش بس للشباب فقط
يسلمو على المرور نحاول نغير شي بالكلام وأن شاء الله هالكلام يكون فيه فايده لنا وللجميع :)


لاهنت يابوحارب كلامك من ذهب والي قلته صح الله يهدينا ويهدي امة محمد صلى الله عليه وسلم


صباااااحك ورد يالغالي
لاهان شانك يالتميمي

وصباحك رضى وسعاده وكرك :D


صحيح كلامك يا بو حارب لاني صارلي سنتين اشتغل وفلوسي ما ادري وين تروح:spider:
وانا عادني ما سويت شي :rolleyes2:
رتب امورك اخوي بوضمير ترى الفلوس نعمه والنعمه زواله مثل ما يقولون

راجع حساباتك صح وشوف انت وين تودي راتبك كل شهر !

:)


يعطيك العافية ابوحارب كلام صحيح مليون في المئه.. وموجهة للجميع للزوجة والزوج والشباب..
الله يعافيك اخوي


صح الله السانك (( التميمي )) والله ياريت نقدر انجمع لو ألف ريال كل شهر الفلوس طايرة على الشنط والمكياج وووووو
انه مب تميمي :shy:

عاد انتوا يالحريم انه تعمدت ماتكلم عنكم لأنه شنطة وحده تسوى راتب كامل :eek5:


والله اخوي بوحارب الفلوس ماتم فاليد ترا ..

غصبن عنك بطير ..

هي المسأله مسألة الترشيد في الاستهلاك << مكانها صح الجمله والا بس تنقال حق الماي:rolleyes2::shy::tease:



عموما :shy:

احسن حل .. الواحد يحط له حساب توفير وينساه .. خاطري اسوي لي وان سويت مابقول حق احد :shy: .. حتى اهني :tooth:
اما ترشيد الأستهلاك هههه ترى نتكلم عن الراتب مب الكهربه :D

تبي نصيحتي

سوي حساب توفير في بنك ثاني ( اسلامي ) وكل شهر ودي جزء من الراتب هناك وانسية وحاولي قد ما تقدرين ماتزخين ولا ريال من هالحساب

وشوفي عقب شلون الرصيد بينترس :)

ولاتقولين حق حد عن الفلوس بس عطيني البطاقة والرقم السري اخشهم عندي :o



.♦. ♠ .♦
:
♥
:

بوحارب .. كلام واقعي .. 100%

للآسفـ ..!!
آصبحت هذه هي معظم إهتمامات "بعض" الشباب ..

آتعلم آخي .. لو آنني انا من طرحت هذا الموضوع للنقاش
ستكون آول جملة هي "وآنتي شدراج فينا..!!
مصاريف وبترول وسياره ووكاله وفحص فني !! >> شدخل الفحص فالموضوع؟" ..!!

لذا آقف آحتراما وشكر لكـ .. لانكـ آنت من طرحت هذه السطور
كونكـ شاب .. " مثلهم " ..

يعجبني من يأخذ راتبـه ويقسمه حسب الآولويات
قسم يضعه في يد والدته ووالده .. قسم يساهم في تعديلات البيت .. من صيانه واحتياجات خاصه
قسم يحتفظ به .. قسم للبترول + فاتورة "موبايله" وليست موبايلاته !!.. التي لا آرى لكثرتها معنى

وملاحظه: عندما أقول قسم .. لا آعني بان يكون مبلغ وقدره .. آنما ولو مبلغ رمزي بسيط

لننضج آخوانا "الشاب القطري بالتحديد" ..

لنتمسكـ بقرار جديد بعد هذا الطرح .. لنفكر بواقعيه آكثر
ما الذي سنستفيده من تبذير آموالنا على آشياء تافهه ..


آسال الرحمن ان يوفقكم ويوفقك طارح هذا اموضوع بكل خيـر
ويوفقني ويوفق آخواتي في الله .. بما يحبه ويرضاه


تقبلو تحيات ريشة قلمي .. آختكم في الله
:
♥
:
.. ع ـذوبـة الـ ق ـلم ..
.♣.

بالعكس يمكن لو انتي بيكون القبول للموضوع اكثر واكثر بس اهم شي الثقه في الطرح

اعجبتني فكرة تقسيم الراتب حسب الأاولويات وهذا المفروض

اما اللي يطير راتبه من اول يوم في الشهر هذا نقوله الله يعيييييينك يا فلان

تسلمين على الأضافة الحلوة اختي عذوبه واشكرج على الدعوة الطيبة :)


كلام جميل بوحرووب

نجرب ونشوف



تسلم بو حرووبي للطرح المميز

وانت صادق بكل كلمة

معظم الشباب وللأسف مش جاديين
وكلله معتمدين على مساعدة الوالد + أخذ قرض من البنوك
يعني بياخذون (( ربا ))

والله يسترر من النهاية

تحياتي قبل أن تجف كلمااتي
؛؛؛


مسيوو / بوخالد911


الله يبعد عن المسلمين الربا !

اشكرك على المرور هنا بوخالد

وعلى فكرة بحتاجك في خدمة توني ماخذ بي بي وبعطيه هدية حق انسان عزيز علي

ابيك تضبطلي التلفون قبل ما اعطيه الشخص

تحياتي قبل ارسال هدياتي :D


10 ما تكفي .. ياخي والله غريبه ..
مادري وين يودون فلوسهم ربعنا

اللي ماعنده تخطيط سليم في ادارة الراتب ما راح يوفر شي

حتى لو كان راتبه 100 الف :)

[بوحارب]

الله يعطيك الف عافية على الموضوع الرائع

كلامك صحيح وواقعي وملموس

في ناس الله ناعم عليها بالمال ويتمنون الصحة ومش محصلينها ( الحمد لله ) .

وفي ناس الله ناعم عليها بالصحة والستر بس ماعندهم المال ( لكن مبسوطين ) .

فئات من البشر مختلفين في الطباع والانماط والتفكير ماعندهم التخطيط للمستقبل

احنا في زمن الله يكفينا شره من جميع الامور الحياتيه - كل شي بيتغير .

لين يطيح الفاس فالراس الناس بتنتبه وتقول ياليت فكرت بالمستقبل واليوم مو مثل بكره .

بارك الله فيك يا سيدي الفاضل - وجعله في ميزان حسناتك ..
تسلمين على النصيحة الجميلة اختي

نورتي الموضوع :)


كلااااامك عين العقل

ربي يوفقك ويهنيك :victory::victory:
ولك بمثله

لاهنتي على المرور



كلامك جميـل بوحارب

وربك كريم

اقول عندك سلف مليووووووووووووون

يصير اشوي تسلفني وبردها لك

:shy:
عندي مليون صومالي اذا تبيها نتواعد بكرة افا عليك :unsure:

صدقت يابوحارب
وكلامك كله ينقط عسل =]
وانا اشوف لو الواحد يفتحله حسابين الاول للمعاش والثاني يحط فيه مثلا 20٪ من المعاش للتوفير ولا يسحب منه ريال واحد
وبعد عمر طويل بيشوف برصيده مبلغ ممكن اتيسرله أمور كثيره*
هذا الكلام اللي ابي اوصله للشباب والشابات :)

تسلم على الرد الطيب اللي ينقط كرك :victory:


حكم و درر يا بو خطيبة ولدي


نصائح وجيهة و لكن ظروف البعض لا يعلم بها الا الله ..



تقبّل تحياتي ..

هلا بوخطيب بنتي

تدري وانه اكتب الموضوع تذكر حال البعض اللي ضروفه معاندته وقلت في نفسي الله يكون في عونهم

تسلم على المرور الطيب :)


صبحكم الله بالخير
جزاك الله خير يا بو حارب على هذه النصايح
أنا أشوف من وجهة نظري أن الشاب لازم يوفر من راتبه مبلغ وقدره حتى لو ألف ريال شهريا
أنا باقولكم تجربتي مع عيالي
أول ما توظفوا ولله الحمد والمنه ألزمتهم أن كل واحد منهم يدفع 10000 ريال شهريا ودخلتهم في جمعيه وحده من الجماعه تسوي كل سنه جمعيه وكلا يدخل على حسب مقدرته يعني اللي بالف واللي بخمسة الاف
مدتها عشر شهور يعني عيالي بعد هالعشر شهور صار مع كل واحد منهم100000 الف
أول الأمر استصعبوا الموضوع وقالوا احنا بنخليها في التوفير بس
أنا ما وافقت لأني أعرف أنهم بيصرفونها
ولله الحمد قدرت اجمع لهم اذا الشاب ما يعرف مصلحة نفسه لازم الأم أو الأب يكون لهم دور.
واسفه على الأطاله بس هذي تجربتي وحبيت انكم تستفيدوا وشكرا
بارك الله فيج على حسن التصرف والتدبير والله يخلي لج العيال وابوهم

امتعتينا بهذي التجربة الطيبة
:)

وامش على مثل الشيبان اللي يقول خل القرش الأبيض لليوم الأسود:d

الافضل يكون قرش اليوم الابيض لغتنام الفرص تسلم على الطرح يابو حارب
كلامك صحيح

بعض الأحيان تجي فرص للأنسان ما تكرر

مثلا موتر ارخيص او اكتتاب او صفقه شراء بسعر منخف ...... الخ

عاد اللي ماعنده راس مال كاش ما راح يستفيد ولا شي

اشكرك على الرد الطيب :)

الحمد الله أنا من النوع إلي ماحب التغير وايد أحب أغراضي الشخصية وايد
وعندي النوكيا e66 ستين الف مره يطيح من يدي وكل الي حوالي خذو البلاك بيري وماعادو يطرشون لي مسجات:weeping:
ويعز علي أغيره.
والسياره نفس الشي:)
وانه نفس الحاله جوالي ال n73 قطن وهو عندي وموتري 96 مافيه احلى منه اهم شي انه المكيف بارد ويوصلني لين عند الكرك:polling: بس عندي غيره :unsure:

يعجبني الأنسان القنوع والقناعه كنز لايفنى

منورة يالتاجره


كلام كبير وموضوع جميل
تسلم تسلم عزيزي :victory:


بارك الله فيك اخوي بوحارب فعلاً للاسف شبابنا يدورون الموضه والايس كريم الله يهديهم ويصلح شأنهم (آمين)

لو راحوا صوب الكرك ولا السليماني ابرك لهم من هالأيسكريم اللي كله شكر :shy:

[الحمر]

الفلوس مادري وين تروح)
الكل لازم يحاسب من البنوك الربوية . والله ان البركة ترووووووح من الراتب

[Special man]

تعال هاوشني يابابا حرووب اصرفه ع اليهال والكبار بس احب اشوفهم مستانسين :weeping:

[بوحارب]

تسلم ياخوي بوحارب على طرح هالموضوع اللي فعلاً ما جيت وطرحته إلا مقتنع بالفكره :)


مشكلتنا ياخوي بالمظاهر تلقى حتى البنات والله


أوكي انتي ماعندك مبلغ شنطه بمبلغ && ليش تحطين فلوسك كلها بس على شان اتجيبينها؟؟؟

مش لو حطيتيها بأشياء أهم بيكون احسن لك ؟


صار تفكير الواحد مقرون باللي حوله

هي عندها ليش أنا ماعندي


وقيس هالموضوع على بعض الشباب اللي من يشتغل راتبه كله أقساط

لو الواحد اقتنع باللي عنده ورسم لحياته أهداف صدقني بيحققها لكن مايجي كل شي بسرعة

والله أقارن بالناس برا وفينا :(

ليش أغلبنا اتهمهم المظاهر!!!



الله يعطيك العافية بوحارب ولاتحرمنا من مواضيعك الحلوه :victory:

عاد مشكلة اللي تشتري شنطه قيمتها بالاف واخر شي مافيها الا 80 ريال بس وعطر بو 50 :(

مسكينه تبي المظهر بس

الله يعافيج اختي مس ومنورة المكان :)


انا رصيدي فالبنك 120 ريال
لا بعطيك بالضبط توني شايف المسج فالتلفون
120.94 طبعا ريال

والله اخوي انا عندي مثل ثاني احلى
( مد رجولك ع قد الحافك )
والله في واحد اعرفه
راتبه يمكن 20 الف
متزوج وعليه سلفيه الزواج وعنده موتر كل شهر كان ينخصم منه تقريبا 10 نص راتبه
راح بو الشباب طلع له بورش 2009 ولا ع الاوله للتمويل والحين مايصفى من راتبه الا 4000
انزين ليش يعني انت مرتز فموترك ولا موتره القديم جي اكس 2007
انزين ياخي ادفع فلوسك ع شي يسوى مب موتر الماني اول ماتاخذه يطيح سعره ولا الشكل تغير

المهم شبابنا ملحوسين من قلب
فيهم هفه مب طبيعيه
شاف واحد عنده شي لازم يكون عنده نفس هالشي


المهم شكلي طولت فالكلام
وتسلم ع الموضوع
ولاهنت
اشرايك تسلفني هال 120 ريال ابرك لك عشان تجي البركة في فلوسك :tooth:

الصراحة زعلتني بخصوص رفيجك راعي البورش والله انسان فاضي وماعنده سالفة !

يعني يبي يكشخ بموتر وفي الأخير ماعنده راتب :)

صدقت والله اكثر شبابنا ملحوسين

الله يسلمك يالجوكر ولاهنت على الأضافة الطيبة



مب الكل
انا اتسلف من ابوي وارجعله كل ريال
احسن من اني اتسلف من البنك
وانه نفسك اتسلف من ابوي وايد وارجع له كل ريال

واذا قالي الباقي من صوبك حبية راسه واقوله يسلموا باباتي :threaten::happy:


والله جبتها على الجرح ياخوي , فعلاا الااغلبيه من الشباب همهم الكشخه والمظاهر ومحد ايعرف معنى القناعه , اخوك قنوع لدرجه ماتصورها , قبل الزواج كنت مافكر الي في خاطري اشتريه بدون تردد , والحين عقب الزواج والااعيال الوضع تغير , كل شي بحسابه , والحمدالله عندي قناعه كبيره :)
مافي احسن من الأنسان القنوع

الله يديم عليك الصحه والعافية والقناعة :)



باارك الله فيك
تسلم :)

انشاءالله .............
بنحاول نوفر الموضوع مهم وصادق في كل كلمه
الله يعين بس
كم مرة اقولكم قولوا أن شاء الله وليس انشالله :o

وفري قد ما تقدرين بس مب عقب ما توفرين كم من ريال تروحي تشترين لج شنطه :D


اصبت ووفقت بهذه النصيحه العاليه والغاليه
وجزاك الله خير على حرصك ومحبتك للجميع
ولانك احببت الجميع فقد استحقيت محبة الجميع لك .
تسلم اخوي الجابر على ردك الطيب

احرجتني :oops:


كلامك صح

ولكن

هل العيب في الشاب او الفتاة اللى يبون يتمتعون في الحياة

ولا

في المعاش اللى مايقدر يجمع منة شي واللى كلة رايح حق قسط سيارة او قرض شخصي
اكيد العيب في الشخص نفسه شاب وبنت

ولو كان قنوع كان بتلاقينه عنده مبلغ وقدره في البنك

لكن اللي عينه ماتمليها شي او اللي مب قنوع بتحصلين يراكض في كل يسوق يبي هذا وهذا وهذا .... الخ

المعاشات هالأيام الحمدلله كبيرة ووصلت لمستوى نحسد ( نسأل الله ان يديم علينا هالنعمه ) لكن سوء التدبير في الراتب هو اللي يخلي الشخص على الزيرو قبل نهاية الشهر بكثيييييير :this:


؛ حِكم جدي بوحارب ؛؛

بس انا ملاحظة ان الشباب في الاسراف أضعاف من البنات !

؛
مرحبا بنتي :D

غلطانه اختي

البنت تصرف بدون تفكير والشاب يصرف مع القليل من التفكير

والبنت تكون في السوق اكثر من الشاب في كثير من الأحيان وتشتري اللي تبيه واللي ما تبيه


صح :con2:




صح كلامك ومو بس للشباب حتى للبنات هالكلام

وانا اول من ينصح نفسي


اشكرك والله يوفقك في حياتك وفلوسك :)


البركه في الراتب

والقناعه كنز لايفنى

والعقل

كلها عوامل مؤثره
تسلم استاذي سعر الدعم على الأضافة الحلوة :)


نسيت أهم شي (كدوا لنا فلووووووووووووووس) :shy:
من وين يا عزي



يعطيك العافية اخوي بوحارب وكلامك عين العقل وان شاء الله يكون له أثر على الشباب والبنات



وحبيت اقول تجربة اخوي للإستفادة

اخوي الصغير لما توظف كان من النوع المبذر ومثل معظم الشباب فاتفقت مع الوالدة الله يحفظها ان نمسك من راتبه شهريا حوالي 2500 ريال وطبعا هو متضايق ولكن ما بيده شي ومرت الأيام ولما حب يتزوج سلمناه المبلغ وبفضل الله تزوج وصرف على عرسه وزادت الفلوس عنده وللحين يذكرنا ويشكرنا على اللي سويناه معاه ويقول الحمدلله تزوجت وما علي دين وربعي اللي تزوج وعليه ديون والبعض ما تزوج لأن ماعنده مصاريف العرس

فنصيحتي ان المفروض على كل شخص يفتح له حساب توفير بالبنك غير حسابه الاساسي اللي ينزل عليه راتبه ويحول مبلغ شهري لو بسيط ولكن بعد فترة راح يكون مبلغ طيب وبشرط يمنع خاصية السحب عن طريق البطاقة حتى يتثيقل لروحة البنك:victory:


وتجربة ثانية :shy:

ولدي الصغير احول لراتبه شهريا 50 ريال (( مبلغ بسيط )) ولكن الحمدلله اللحين عنده في حدود 23000 ريال

وان شاء الله افدتكم


ما شاء الله على الترتيب والتصرف الطيب

الله يوفقكم

واشكرك اخوي على هالرد اللي في الكثيييييييييييييير من العبر والدروس :)


والله كلمك درر يا بوحارب

جبتها صحيح

وآنه من اليوم سوف أسمع كلامك وبجمع فلوسي بدل صرفها على كماليات لا نحتاج لها

ومشكور على النصيحة

عمل من أربع سنوات وما في حسابي أربعين ألف ريال

والله مستحي منك أخوي بو حارب

معليش اخوي انت ما صارلك الا 4 سنين وهذا ولا شي غيرك صارله 15 سنه يشتغل وللحين ماجمع شي ولا تزوج ولا شرى موتر سنع !!!!

ابدا من اليوم يالغالي ورتب امورك وبتشوف الأثر الطيب

ولا تتبع هوى في النفس لأنه النفس تبي كل شي !

الله يوفقك اخوي ويرزقك من فضله


الفلوس مادري وين تروح)
الكل لازم يحاسب من البنوك الربوية . والله ان البركة ترووووووح من الراتب
اكبر مصيبة الربا

والله يتعامل بالربا كأنه ماسك سيف ورايح يحارب الله ورسوله نسأل الله السلامة والعافية
جزاك الله خير على الرد اخوي



تعال هاوشني يابابا حرووب اصرفه ع اليهال والكبار بس احب اشوفهم مستانسين :weeping:

عاد انت اللي مضيع فلوس الشباب بأغراضك الغالية ويبيلك ضرب :threaten: هههههههه

بالعكس انت تعجبني تفكر صح ومسوي لك تجارة تمشي امورك وتستفيد من وراها وهذا الشي طيب وله مدخول للواحد يساعده

الله يوفقك في تجارتك ويرزقك من فضله :)

واصرف على اليهال والكبار ولا تنسى تصرف على بوحرووب بعد :eek3:

الصرف يكون في حدود المعقول صح:nice:؟

تسلم نورت الموضوع

[الجوكر90]

وانه نفسك اتسلف من ابوي وايد وارجع له كل ريال

واذا قالي الباقي من صوبك حبية راسه واقوله يسلموا باباتي :threaten::happy:



هاهاهاها
انت من صجك يقولي الباقي من صوبك
ترى انا ماخذ منه الف ولا الفين
انا يا اطلب مبلغ وقدره يا كلش مارز ويهي واطلب شي:strong

بخصوص ال120 ماتبي الخرده الي مع ال120 ترى زيدهم ربع وتشتري كرك:secret:

[علي السليطي]

اقول لك شئ جزاك الله خير
بس انطرني لو حد سوه الي قلته

[عاشق ميونخ]

اخوي بوحارب مشكور على الموضوع وان شاء جميع الاخوان والاخوات يستفيدون منة ويغيرون شوي من سياسة الاسراف اللي مالة داعي وانا عن نفسي اول مااشتغلت كنت مبذر لابعد الحدود لاكن سبحان اللة جاتني نصيحة من شخص اعزة كثير وصدقني يابوحارب من بعدها صرت اوفر نص راتبي والحمدللة اموري الحين 10/10 والحين لما اشوف بعض الشباب اللي مغرق نفسة بالديون وتفكيرة بس في الحياة سيارة اخر موديل وبعض الكماليات اللي مامنها فايدة واللة اني ازعل عليهم ولما تسألة ها الحين انشاء اللة جمعتلك مبلغ يقولك وين جمعت نص راتبي يروح اقصاد والباقي كيوتل وشوية خردة ماتكفي لي اخر الشهر,,,,

[بوحارب]

هاهاهاها
انت من صجك يقولي الباقي من صوبك
ترى انا ماخذ منه الف ولا الفين
انا يا اطلب مبلغ وقدره يا كلش مارز ويهي واطلب شي:strong

بخصوص ال120 ماتبي الخرده الي مع ال120 ترى زيدهم ربع وتشتري كرك:secret:

يا رجال وانه من شماليك واخر مره ماخذ منه 400.000 وللحين انطره بس يقولي خلاص الباقي من صوبك :)

والله لو يقولي من صوبك يمكن افجر الجي :(

اي ابي الخرده :shy:


اقول لك شئ جزاك الله خير
بس انطرني لو حد سوه الي قلته

ويجزاك بمثله

معليه يابوحسن حنا قدمنا النصيحة والفطين هو اللي يتبع الكلام

[بوحارب]

اخوي بوحارب مشكور على الموضوع وان شاء جميع الاخوان والاخوات يستفيدون منة ويغيرون شوي من سياسة الاسراف اللي مالة داعي وانا عن نفسي اول مااشتغلت كنت مبذر لابعد الحدود لاكن سبحان اللة جاتني نصيحة من شخص اعزة كثير وصدقني يابوحارب من بعدها صرت اوفر نص راتبي والحمدللة اموري الحين 10/10 والحين لما اشوف بعض الشباب اللي مغرق نفسة بالديون وتفكيرة بس في الحياة سيارة اخر موديل وبعض الكماليات اللي مامنها فايدة واللة اني ازعل عليهم ولما تسألة ها الحين انشاء اللة جمعتلك مبلغ يقولك وين جمعت نص راتبي يروح اقصاد والباقي كيوتل وشوية خردة ماتكفي لي اخر الشهر,,,,

ما شاء الله عليك والله انك فنان يا عاشق ميونج

وياريت الشباب ياخذون هالمشاركة بالحسبان لأنك قدمت لنا مثال في غاية الروعة

تحياتي لك عزيزي :)

[فارس قطر333]

كلامك صحيح 100%

بس هالشي ما ينطبق على كل الشباب

[هند88]

معاك حق
بس
خير انشالله
خاطري اعرف اوفر 1000 والا 500 ريال في رصيدي لين اخر الشهر
:(

[بوحارب]

كلامك صحيح 100%

بس هالشي ما ينطبق على كل الشباب
اكيد

فيه شباب ما شاء الله عليهم ينضرب فيهم المثل وشفنا بعض الردود شلون بعض الأعضاء عندهم حسن تدبير وتصرف في الراتب :)

اسعدني مرورك اخوي فارس وصباحك خير


معاك حق
بس
خير انشالله
خاطري اعرف اوفر 1000 والا 500 ريال في رصيدي لين اخر الشهر
:(

هند اكيد الراتب مب اقل من 9000

لو كان كذا او اكثر ابي اعرف وين يروووح

قطي 20% من الراتب شهريا على جمب وانسي المبلغ قد ما تقدرين وبتشوفين الرصيد عقب فترة شلون بيكون متروس فلوووووووس :)

اشكرج على المرور

[اسعاف]

السلام عليكم ورحمه الله وبركاته

عزيزي الشاب تعال ابيك في سالفة :D

تعال خلنا نفكر في مستقبلنا شوي

ليش كل فكرك سيارة وسفرة ووناسه ووووو

واهم شي يكون عندك بي بي وفودافون وكرت هلا وووووووو

ولازم موتر للبر وموتر للبحر وموتر للجو

وليش تحب يكون عندك كل جديد وماتحب اي شي قديم:spider:

الى متى بتم تضيع فلوسك على اشيا تسوى واشيا كثيرة ماتسوى

صارلك 5 سنين تشتغل ممكن تقولي كم رصيدك في البنك اليوم ؟؟؟

صارلك 5 سنين تشتغل وللحين ما عندك حتى 40 الف في البنك كاش!!

راتبك الشهري اللي مب اقل من 10.000 ريال وين يروح !

هل راح في سيارة او دراجة في سكوتر ولا في رينو :(

لاتصير غبي وتتبع المثل اللي يقول اصرف مافي الجيب ويأتيك مافي الغيب :eek5:
وامش على مثل الشيبان اللي يقول خل القرش الأبيض لليوم الأسود:D

دلع نفسك وكشخ عمرك وبطر نفسك وووووو كل الأمور الكمالية خلها عندك لكن في حدود المعقول

لأنه بيجيك يوم بتحاج الريال ولا راح تلاقيه !

وتذكر قوله تعالى {وَلا تُسْرِفُوا إِنَّهُ لا يُحِبُّ الْمُسْرِفِينَ}، وقال جل ذكره: {وَلا تُبَذِّرْ تَبْذِيراً * إِنَّ الْمُبَذِّرِينَ كَانُوا إِخْوَانَ الشَّيَاطِينِ وَكَانَ الشَّيْطَانُ لِرَبِّهِ كَفُورا}، وقال سبحانه: {وَلا تَجْعَلْ يَدَكَ مَغْلُولَةً إِلَى عُنُقِكَ وَلا تَبْسُطْهَا كُلَّ الْبَسْطِ فَتَقْعُدَ مَلُوماً مَحْسُورا}.
كما نهى النبي -صلى الله عليه وسلم- عن الإسراف في الأمر كله، ولو كان في الوضوء:(

عيب على الشاب بعد سنوات من العمل والدوام ولين يجي موعد الزواج حتى ماعنده فلوس حق المهر مب حق العرس بس !

هذا الكلام موجه حق اخواني الشباب خاصه والبنات عامه

اتمنى الفكرة اوصلت والسموحة على الطرح البسيط

خوش نصيحة

بس هالكلمة تراها ثقيلة على المنصوح

لكن بوحارب هذي (نكهته)لازم في كلامه اشوي ابزورات وفلفل:nice:

[wadha-qa]

كلامك صحيح يا بوحارب تسلم على هالطرح القيم و المفيد
انا بقول لكم نظامي و ان شاء الله تستفيدون ... و ترى نظرتكم للبنات صراحه يبي لها اعادة نظر بقول لكم ليش ..

المهم انا توظفت صار لي سنتين اول ما تثبت خذت سلفية السيارة و اعباء الحياه و كان عندي بالتوفير 20 الف يعني صارو 100 ألف حطيتهم وديعه بالمصرف ..
و راتبي مقسمته و اموري الحمد لله ماشيه تمام حتى لو يخلص على نص الشهر بس انا مقتنعه باللي اسويه
كل شهر 5000 تروح للتوفير مرات اصرف منهم بس الحين اتبعت نظام اني احولهم ع المجموعه على طول اشتري اسهم كل شهر ! هذي هي الطريقه اللي قللت من سحب فلوس من التوفير
و مبلغ للبيت و للسياره الي توصلني و فاتوره كيوتل ما اتعدى 300 ريال و يبقى لي 3000 ريال تقريبا زينه يعني تمشي الحال :)

و بعد كل اجازه سنويه ينزلون لي مبلغ محترم احاول اني اجمع قبله بكم شهر و اسويهم وديعه بعد
و طبعا محد يدري عن الودايع الا اختي كاتمة اسراري لا تعلمون احد احسن :)

الحين بقول لكم قصه اخوي الذكي خخخ

المهم توه متوظف ما كمل السنه كان يستخدم سيارة البيت الفورويل من ايام المدرسه المهم اول ما توظف قال بيعوها ما نبيها تكفيكم السياره الصغيره ؟ليش ؟؟ عشان الاخو يبي يشتري سيارة عالبنك ! حاولنا معاه جمع لين صار معاك سعر سياره اشتر لا تاخذها باقساط ما رضى زين ع الاقل جمع نص المبلغ بعد ما رضى ؟ المهم خذا له سياره بالاقساط و عليه دين يمكن 190 الف .. هذا و عمره 19 توه يقول بسم الله
شوي الا مطلع كرت ثاني ماله داعي شتبي فيه ؟؟ يقول عادي فودافون رخيص ! شوي الا مطلع هلا صراحه دايم اتهاوش وياه بسبب هالصرف اللي ما له داعي
و كل شوي تلفون جديد و المشكله يشتري ويخسر و يبيع بخساره و الحين و بعد مشادات كلاميه حاده قرر انه يفتح حساب توفير و يحط فيه مبلغ كل شهر عاد ما يندرى يصرف منه ولا لا بس هالشباب مشكله الله يعينا عليهم و راتبه اكثر من راتبي و يقول ما يبقى منه شي زين وفر شوي بكره وراك مهر و مصاريف عرس من وين بتجيبهم بعد سلفيات و قروض ؟؟

الحين قولي من يصرف اكثر البنت ولا الولد !!!!!!!

[بوخالد911]

كلامك صحيح يا بوحارب تسلم على هالطرح القيم و المفيد
انا بقول لكم نظامي و ان شاء الله تستفيدون ... و ترى نظرتكم للبنات صراحه يبي لها اعادة نظر بقول لكم ليش ..

المهم انا توظفت صار لي سنتين اول ما تثبت خذت سلفية السيارة و اعباء الحياه و كان عندي بالتوفير 20 الف يعني صارو 100 ألف حطيتهم وديعه بالمصرف ..
و راتبي مقسمته و اموري الحمد لله ماشيه تمام حتى لو يخلص على نص الشهر بس انا مقتنعه باللي اسويه
كل شهر 5000 تروح للتوفير مرات اصرف منهم بس الحين اتبعت نظام اني احولهم ع المجموعه على طول اشتري اسهم كل شهر ! هذي هي الطريقه اللي قللت من سحب فلوس من التوفير
و مبلغ للبيت و للسياره الي توصلني و فاتوره كيوتل ما اتعدى 300 ريال و يبقى لي 3000 ريال تقريبا زينه يعني تمشي الحال :)

و بعد كل اجازه سنويه ينزلون لي مبلغ محترم احاول اني اجمع قبله بكم شهر و اسويهم وديعه بعد
و طبعا محد يدري عن الودايع الا اختي كاتمة اسراري لا تعلمون احد احسن :)

الحين بقول لكم قصه اخوي الذكي خخخ

المهم توه متوظف ما كمل السنه كان يستخدم سيارة البيت الفورويل من ايام المدرسه المهم اول ما توظف قال بيعوها ما نبيها تكفيكم السياره الصغيره ؟ليش ؟؟ عشان الاخو يبي يشتري سيارة عالبنك ! حاولنا معاه جمع لين صار معاك سعر سياره اشتر لا تاخذها باقساط ما رضى زين ع الاقل جمع نص المبلغ بعد ما رضى ؟ المهم خذا له سياره بالاقساط و عليه دين يمكن 190 الف .. هذا و عمره 19 توه يقول بسم الله
شوي الا مطلع كرت ثاني ماله داعي شتبي فيه ؟؟ يقول عادي فودافون رخيص ! شوي الا مطلع هلا صراحه دايم اتهاوش وياه بسبب هالصرف اللي ما له داعي
و كل شوي تلفون جديد و المشكله يشتري ويخسر و يبيع بخساره و الحين و بعد مشادات كلاميه حاده قرر انه يفتح حساب توفير و يحط فيه مبلغ كل شهر عاد ما يندرى يصرف منه ولا لا بس هالشباب مشكله الله يعينا عليهم و راتبه اكثر من راتبي و يقول ما يبقى منه شي زين وفر شوي بكره وراك مهر و مصاريف عرس من وين بتجيبهم بعد سلفيات و قروض ؟؟

الحين قولي من يصرف اكثر البنت ولا الولد !!!!!!!

تصررفج عين العقل والله

الله يحفظج

:victory:

[مـالـﮓ رجى]

أعجبني موضوعك اخوي بو حارب تسلم ايدينك

[بوحارب]

خوش نصيحة

بس هالكلمة تراها ثقيلة على المنصوح

لكن بوحارب هذي (نكهته)لازم في كلامه اشوي ابزورات وفلفل:nice:

المنصوح يدري اني اتغشمر لا تحاتي :looking:

وعلى قولتك لازم بهارات شوي في الموضوع :oops:


كلامك صحيح يا بوحارب تسلم على هالطرح القيم و المفيد
انا بقول لكم نظامي و ان شاء الله تستفيدون ... و ترى نظرتكم للبنات صراحه يبي لها اعادة نظر بقول لكم ليش ..

المهم انا توظفت صار لي سنتين اول ما تثبت خذت سلفية السيارة و اعباء الحياه و كان عندي بالتوفير 20 الف يعني صارو 100 ألف حطيتهم وديعه بالمصرف ..
و راتبي مقسمته و اموري الحمد لله ماشيه تمام حتى لو يخلص على نص الشهر بس انا مقتنعه باللي اسويه
كل شهر 5000 تروح للتوفير مرات اصرف منهم بس الحين اتبعت نظام اني احولهم ع المجموعه على طول اشتري اسهم كل شهر ! هذي هي الطريقه اللي قللت من سحب فلوس من التوفير
و مبلغ للبيت و للسياره الي توصلني و فاتوره كيوتل ما اتعدى 300 ريال و يبقى لي 3000 ريال تقريبا زينه يعني تمشي الحال :)

و بعد كل اجازه سنويه ينزلون لي مبلغ محترم احاول اني اجمع قبله بكم شهر و اسويهم وديعه بعد
و طبعا محد يدري عن الودايع الا اختي كاتمة اسراري لا تعلمون احد احسن :)

الحين بقول لكم قصه اخوي الذكي خخخ

المهم توه متوظف ما كمل السنه كان يستخدم سيارة البيت الفورويل من ايام المدرسه المهم اول ما توظف قال بيعوها ما نبيها تكفيكم السياره الصغيره ؟ليش ؟؟ عشان الاخو يبي يشتري سيارة عالبنك ! حاولنا معاه جمع لين صار معاك سعر سياره اشتر لا تاخذها باقساط ما رضى زين ع الاقل جمع نص المبلغ بعد ما رضى ؟ المهم خذا له سياره بالاقساط و عليه دين يمكن 190 الف .. هذا و عمره 19 توه يقول بسم الله
شوي الا مطلع كرت ثاني ماله داعي شتبي فيه ؟؟ يقول عادي فودافون رخيص ! شوي الا مطلع هلا صراحه دايم اتهاوش وياه بسبب هالصرف اللي ما له داعي
و كل شوي تلفون جديد و المشكله يشتري ويخسر و يبيع بخساره و الحين و بعد مشادات كلاميه حاده قرر انه يفتح حساب توفير و يحط فيه مبلغ كل شهر عاد ما يندرى يصرف منه ولا لا بس هالشباب مشكله الله يعينا عليهم و راتبه اكثر من راتبي و يقول ما يبقى منه شي زين وفر شوي بكره وراك مهر و مصاريف عرس من وين بتجيبهم بعد سلفيات و قروض ؟؟

الحين قولي من يصرف اكثر البنت ولا الولد !!!!!!!

مرحبا ومسهلا بسمية بنتي :D

دائما اي وحده يكون اسمها وضحى لازم يكون عندها شي من الحكمة :pardon:

نرجع للموضوع

في البداية يا اختي احنا نظرتنا ما يبيلها اعادة نظر عن المرأة وانتي اكيد تتفقين معاانا ان الحريم هو اسوأ من الرجل في المصاريف !

وهذا الشي ماظن يختلف عليه 2:con2:

بعدين ترتيبج للراتب غلط في غلط

يعني فكرة انج تحويلين التوفير للمجموعة عشان تشترين اسهم تظنين هالشي صح !:
thumbdown:

ترى مب كل صفقه في البورصه فيها ربح يا وضحى :anger1: ونصيحتي لج ابتعدي عن شي اسمة اسهم وعوار راس

ولا تخطيطج للراتب حلو وفي محله بس فكرة تشترين اسهم هذا ماعجبني


اما اخوج ومع احتررامي لأخوج هذا انه اسميه النوع الغبي

يعني اول ما تشتغل تاخذ موتر من البنك واخر موديل :eek5: ياخي وش حاااااااااااادك والمشكلة عنده موتر ثاني جديد ومحترم !!

واكبر كذبه يكذبها الشاب على نفسة لما يكون عمره 19 او 20 او 21 ويقول باخذ موتر جديد للعمر:omg:

حسسني بوالشباب عمره 45 وعنده 5 عيال :spider:

هذا اخوج لازم تحنين على راسه وتشوفينه وين يودي فلوسه ولا ترى بيجي يوم عرسة عقب وماعنده ولا ريال وفي الأخير بيروح ياخذ سلفة ثانية وديون من اول وجديد !:thumbdown:

لو بنقارن بينج وبين اخوج اكيد انتي الأفضل والأحسن ب مليون مرة

ولكن بعد يظل العنصر النسائي هم السواد الأعظم في الصرف والتبذير :)

اشكرج على الرد الطيب الصراحة مبدعة يالسمية في تخطيطج والله يوووفقج

[بوحارب]

أعجبني موضوعك اخوي بو حارب تسلم ايدينك

الله يسلمك يالحبيب

نورت المووضوع :)

[لاجل QT]

اكيد العيب في الشخص نفسه شاب وبنت

ولو كان قنوع كان بتلاقينه عنده مبلغ وقدره في البنك

لكن اللي عينه ماتمليها شي او اللي مب قنوع بتحصلين يراكض في كل يسوق يبي هذا وهذا وهذا .... الخ

المعاشات هالأيام الحمدلله كبيرة ووصلت لمستوى نحسد ( نسأل الله ان يديم علينا هالنعمه ) لكن سوء التدبير في الراتب هو اللي يخلي الشخص على الزيرو قبل نهاية الشهر بكثيييييير


انا صارلى فترة ماشريتلى شي ..يبالفيت ابي اجمع :shy:

وبعد مايصفالي شي من الراتب ..

هل اذا صرفت على بيتى واعيالى اعتبر ممبذرة:anger1:


بو حروب :omen2:
ياريت تحط لنا طوريقتك في تجميع المعاش ..في حال اذا معاشك 8000 ..وعلييك قسط سيارة ..وطبعا وجود السيارة ضروري جدا..وقرض شخصي اوتخذ لضروف قاهر

يلا ..الحين ابيك ..تعلمنى كيف اقدر اجمع من المعاش المنتف والمقصقص ريشة حتة حتة:nice:

[بوحارب]

اكيد العيب في الشخص نفسه شاب وبنت

ولو كان قنوع كان بتلاقينه عنده مبلغ وقدره في البنك

لكن اللي عينه ماتمليها شي او اللي مب قنوع بتحصلين يراكض في كل يسوق يبي هذا وهذا وهذا .... الخ

المعاشات هالأيام الحمدلله كبيرة ووصلت لمستوى نحسد ( نسأل الله ان يديم علينا هالنعمه ) لكن سوء التدبير في الراتب هو اللي يخلي الشخص على الزيرو قبل نهاية الشهر بكثيييييير


انا صارلى فترة ماشريتلى شي ..يبالفيت ابي اجمع :shy:

وبعد مايصفالي شي من الراتب ..

هل اذا صرفت على بيتى واعيالى اعتبر ممبذرة:anger1:


بو حروب :omen2:
ياريت تحط لنا طوريقتك في تجميع المعاش ..في حال اذا معاشك 8000 ..وعلييك قسط سيارة ..وطبعا وجود السيارة ضروري جدا..وقرض شخصي اوتخذ لضروف قاهر

يلا ..الحين ابيك ..تعلمنى كيف اقدر اجمع من المعاش المنتف والمقصقص ريشة حتة حتة:nice:

لو تصرفين على البيت والعيال بالعقل لج أجر أن شاء الله

اما بالنسبة لراتبي المسكين الفقير فأول شي 8000 ريال تروح للبنك وهذا قسط مب راتبي على قولتج :) ولحد يسأل عن الراتب كم :(

على العموم اللي يصفى لي من الراتب 6000 ريال تقريبا من عقب تسديد جميييييييييييع الألتزامات واقزر بهال 6000 لين اخر الشهر واذا قدرت اوفر منها 1000 او 2000 حلوين

[الغالي!]

ترا الظروف تجر الواحد في ناس عايشه وناس الله علم بحالهم الحمد الله على النعمه

[شذى الروح» ~]

معاك حق أخوي في كل كلمة وان شاء الله الأخوان يستفيدون من تجارب غيرهم ويطبقونها على نفسهم عشان يذقون حلاوتها فالنهاية:nice: وفي نفس الوقت يرضون رب العالمين ويتعلمون مايبذرون أموالهم للكماليات وبعقل مب بتقليد:)

[بـــــــنت النوخـّــــذه]

واذا كان الاسراف وراثه اب عن جد شبتسوي :nice:

بس والله كلامك منطقي والنعمه زواله ولازم الشخص يحسب حساب لليوم الي يحتاج فيه وحزتها يدخل يده داخل مخابيه مايحصل غير هوى :rolleyes2:

عموما " الاعتدال بكل شي مطلووووووب بدون تبذير ولا بخل

[بوحارب]

ترا الظروف تجر الواحد في ناس عايشه وناس الله علم بحالهم الحمد الله على النعمه
الحمدلله على كل حالي يالغالي :)

معاك حق أخوي في كل كلمة وان شاء الله الأخوان يستفيدون من تجارب غيرهم ويطبقونها على نفسهم عشان يذقون حلاوتها فالنهاية:nice: وفي نفس الوقت يرضون رب العالمين ويتعلمون مايبذرون أموالهم للكماليات وبعقل مب بتقليد:)
اشكرج على المرور الجميل شذى الروح:)


واذا كان الاسراف وراثه اب عن جد شبتسوي :nice:

بس والله كلامك منطقي والنعمه زواله ولازم الشخص يحسب حساب لليوم الي يحتاج فيه وحزتها يدخل يده داخل مخابيه مايحصل غير هوى :rolleyes2:

عموما " الاعتدال بكل شي مطلووووووب بدون تبذير ولا بخل

اي نعم هالمطلوب لا اسراف ولا بخل اهم شي الأعتدال

يسلمو على المرور بنت النوخذه :)