==== التطعيم ضد الانفلونزا ====

[العقل الحر]

الانفلونزا مرض موسمي وبعض الاحيان يسبب خطورة على صحة المريض هل يوجد تطعيم له

في قطر

ووين اقدر احصل التطعيم ضد الانفلونزا الموسمية وليس اتش 1 ان 1 في قطر ؟ في اين مكان ؟

وهل في من الاعضاء الكرام يتطعم ضد الانفلونزا الموسمية ؟

وما مدى تأثير المتطعم ضدها ؟ هل فيه تغيير ؟ هل يصاب بالانفلونزا بعد التطعيم او لا ؟


وشكرا

[سـ ع ـود]

مرحبا اخوي التطعيم الموسمي عادي وانا العام اللي راح ماخذه
تقريبا مفعوله اذا ماكنت غلطان ست شهور والحمدالله ماجاني اي شي بعد التطعيم لين يومك
حي ارزق ولله المنه والحمد
تقدر تاخذه في اي مركز صحي
والله يحميك ان شاء الله

[كازانوفا]

غريبه ليش هو لليوم في انفلونزا خنازيرررررر
؟؟؟؟؟؟

[ضوى]

تطعيم الانلفونزا الموسمية في مركز التطعيمات الباع للمجلس الاعلى للصحة بجوار محطة بترول او هامور الجديدة ، ولا يوجد منها اي ضرر ، وهي تطعيم عادي لا ضرر منه ابدا ، واحتمال تصيدك الانلفونزا بس تكون اعراضها وايد خفيفة واحيانا العكس يعني تناسب اجسام وماتناسب اجسام اخرى ، لو انت مب بحاجتها مالها داعي تاخذها ، ان كنت كثير المرض بالانفلونزا فالظاهر جسمك قد اكتسب مناعة ذاتية ضد كل التطعيمات المعروفة للانفلونزا والافضل ماتاخذها

[بنت سيف]

أنا آخذ التطعيم كل سنة من سنة 2006 .. لحد اليوم ما جاتني انفلونزا

اعتقد التطعيم يتجدد كل سنة .. وأفضل فترة لأخذه هي ما بين شهر 10 و 11 .. واعتقد هي الفترة اللي يكون متوفر فيها ..

[بنت الجسرة]

انا اخذها كل سنة لان جسمي مافيه مناعة من الامراض فلازم اخذها ولازم تاخذها بداية الشتاء يعني من شهر 11الى شهر 1 لاني انا اخذها في هالوقت من يوم سويت العملية بس السنة الي راحت خذته متاخرة يعني خذته شهر 2 \2010 بسبب ظروف صحية مرت فيني وانا خذته في المستشفى وهي مالها اي اعراض بس انك اليوم الي تاخذ فيها الابرة لازم ماتتسبح لان يسبب انتفاخ بسيط مكان الابرة واحمرار

[ولد قطــــــر]

اخووي انا اخذها في عيادة الدوحه .. وسعرها 150 ريال .. ومثل ما قالوا الاخوان هي تنزل شهر 10 او 11 من كل سنه ومفعولها ينتهي بعد سنه.

[العقل الحر]

مرحبا اخوي التطعيم الموسمي عادي وانا العام اللي راح ماخذه
تقريبا مفعوله اذا ماكنت غلطان ست شهور والحمدالله ماجاني اي شي بعد التطعيم لين يومك
حي ارزق ولله المنه والحمد
تقدر تاخذه في اي مركز صحي
والله يحميك ان شاء الله

مشكور اخوي على الرد ولكن سألت المركز الصحي قالوا لي مب عندنا !!


غريبه ليش هو لليوم في انفلونزا خنازيرررررر
؟؟؟؟؟؟

اختي كازانوفا الموضوع عن الانفلونزا الموسمية وشرفني مرورك بس مب كأنه اسم كازانوفا اسم رجال !! :rolleyes2:


تطعيم الانلفونزا الموسمية في مركز التطعيمات الباع للمجلس الاعلى للصحة بجوار محطة بترول او هامور الجديدة ، ولا يوجد منها اي ضرر ، وهي تطعيم عادي لا ضرر منه ابدا ، واحتمال تصيدك الانلفونزا بس تكون اعراضها وايد خفيفة واحيانا العكس يعني تناسب اجسام وماتناسب اجسام اخرى ، لو انت مب بحاجتها مالها داعي تاخذها ، ان كنت كثير المرض بالانفلونزا فالظاهر جسمك قد اكتسب مناعة ذاتية ضد كل التطعيمات المعروفة للانفلونزا والافضل ماتاخذها

مشكورة اختي ضوى على الرد الوافي ولكن ويش اسم المركز هل اسمه (( مركز التطعيمات ))


أنا آخذ التطعيم كل سنة من سنة 2006 .. لحد اليوم ما جاتني انفلونزا

اعتقد التطعيم يتجدد كل سنة .. وأفضل فترة لأخذه هي ما بين شهر 10 و 11 .. واعتقد هي الفترة اللي يكون متوفر فيها ..

اختي بنت سيف شرف عظيم لي مرورك على موضوعي ومبين عليك اهتمامك في صحتك شي ممتاز

بس اختي ماقلتي لي من وين تأخذينه وهل التطعيم في شهر 10 و11 بس ولا اقدر اخذه اي وقت

وشكرا


انا اخذها كل سنة لان جسمي مافيه مناعة من الامراض فلازم اخذها ولازم تاخذها بداية الشتاء يعني من شهر 11الى شهر 1 لاني انا اخذها في هالوقت من يوم سويت العملية بس السنة الي راحت خذته متاخرة يعني خذته شهر 2 \2010 بسبب ظروف صحية مرت فيني وانا خذته في المستشفى وهي مالها اي اعراض بس انك اليوم الي تاخذ فيها الابرة لازم ماتتسبح لان يسبب انتفاخ بسيط مكان الابرة واحمرار

وماتشوفين شر اختي وتقومين بصحه وسلامه

بس شرط انى اي واحد يأخذ الابرة في يومها مايسبح ويسبب له انتفاخ واحمرار ولا كل شخص يختلف

ومشكورة على الرد المفيد


اخووي انا اخذها في عيادة الدوحه .. وسعرها 150 ريال .. ومثل ما قالوا الاخوان هي تنزل شهر 10 او 11 من كل سنه ومفعولها ينتهي بعد سنه.

اخوي ولد قطر يعني الحين مافيه ابر تطعيم بس في شهر 10 و11

ومشكور اخوي على الرد

[الخير كله]

اخوي العقل الحر ما ادري انت خذتها ولا عادك للحين..
بس اقول ان ما منها ضرر لكن نصيحه لا تعود نفسك عليها ...
اسال مجرب

[بنت سيف]

اختي بنت سيف شرف عظيم لي مرورك على موضوعي ومبين عليك اهتمامك في صحتك شي ممتاز

بس اختي ماقلتي لي من وين تأخذينه وهل التطعيم في شهر 10 و11 بس ولا اقدر اخذه اي وقت

وشكرا


هلا أخوي العقل الحر ..

أول كنت آخذها من عيادة مستشفى الرميلة ..
بس الحين أسأل في المركز الصحي متى بينزل وعادة يعطونه الأطفال أول .. وبعدين الكبار ..
ويعطوني عادة بدون إشكال ..

تحياتي

بنت سيف