يحسب إني مت !!!

[شمعة الحب]

http://www.iraqiartist.com/Archive/painting_of_the_week/index.41.jpg
الشاعر : صالح الشادي

مشاعر احببتها.. رغم نزفها
عشتها.. رغم استحالتها
واظنني .. أني تلذذت معاناتها زمن ما..

وربما.. لا زلت..!!!

!!!!!!
!!!!


يوم ضاقت قلت وينك يالفرج
قال جيت وشفت حولك ألف صاحب وخفت اسبب لك حرج
ارتكيت .. بس وين اللي يشيل الحمل وينه
وين ذاك اللي ذخرته للظما قطرات وينه
وين أبو الفزعات عني ماقدرت ألقاه وينه
من لمحني فوق كف الموج .. فظ
كسر الــــــــواح الرجا.. بيني وبينه
حز نفسي
غص في حلقي
ورض كل ضلعٍ لي معاه..وغض عينه
(يحسب إني مت هم.. مادرى إني حي.. لكن مت خنقة يدينه)
يالفــــرج..
صاحبي ماشفت زوله من فقدته ,,يوم شده
بس..!! لوجاني على قلعت عيوني ..حالفٍ إني ما أرده
والمودة,, يالفرج.. هي المودة
صاحبي.. مالي بصده
صاحبي روحي عرينه
ولو نصاني .. والنواصي " عش بقبري"
والله.. إني غصب لاحيــا ..ثم اعينه
ارتكيت.. وطحت
والجلمود نـــــــــــاخ
آه.. ياظلم الليالي البض ..
آه.. يالم الصباخ
(من مشاها.. ولاوراخ زنود تبري الكبد ... دااااااخ)
ياكثر ماخيبت طن اللبيب..
وياكثر ماغيبت وجه قريب
وياكثر ماشاف منها ..صافي النية وشـــاخ
ارتكيت...وأثر ظلي مايمون!!
واثرني كومة طعون!!
من غلاة أصحابها ماقدرت ..ماقدرت أقول: آخ
لي مبــــــــــادي..
صاحبي لوجار منه الجور ..عادي
صاحبي لو هوبخل برضاي .. عادي
صاحبي لوقتل ذكاراي.. عادي
صاحبي يبقى العزيز الناصع إللي له ودادي
ودام أنا ستره وثوبه...!!
صاحبي ماقول عنه أبداً .. وتوبه
ياهـــــــــلا به..
وبعيوبه.. وبذنوبه ياهـــــــلا
إن وصلني ,,ياهلا
وإن قطعني ..ياهلا
صاحبي.. وإلا فلا
والغلا نغمة كريم وساقها لكل المـــلا
ويالفـــــــرج
حاول تحب ..دام لأهل الارض رب
ولوتشوف اصحاب واجد حول قلبي لاتهــــــاب
السواعد من سراب
الحصايد من يباس
الشعر كذاب
خل فتال الشوارب ..خاذلينك
ولا تخاف من الحرج لو قيل وينك؟؟!!
كلهم مثلي تراهم بالنهاية . طالبينك يالفرج
يوم ضاقت قلت وينك يالفرج
قال جيت وشفت حولك ألف صاحب وخفت اسبب لك حرج

قصيدة
يالفرج وينك (http://www.dwaihi.com/poem/8shady16.ram)

اغنية
http://sam.meuserver.net/~s1s1sco/boahmed/mp3/Jalsat/jlsah.3ood/YOOM.THAGAT.mp3