الصيدليات ولعبتة الاسعار (( بالصور ))

[rashid alkubaisi]

بسم الله الرحمن الرحيم


السلام عليكم ورحمة الله وبركاته


هلا والله بجميع اعضاء المنتدى

عندي موضوع ومتردد انى انزله كم يوم قلت خلني اتاكد احسن, وخاصه ان الاسعار هالايام ماتثبت الشي اللي تاخذه اليوم ب10 بكره ب20 ريال
لكن بصراحه تاكدة من الموضوع اللي عندي وبصراحه حبيت اخذ رايكم فيه
الموضوع عن اختلاف اسعار الصيدليات
يعني دوم الواحد يروح اكثر من صيدليه ويشوف في فرق فالاسعار
يعني فرق بعض الاحيان نص ريال وبعض الاحيان يكون ريال او حتى ريالين
ودوووم نشوووووف ونسكت
على اساس في حماية المستهلك كل يوم والثاني حاطين اسعار منتجات الميره وغيره فالجرايد
يعطيهم الف عافيه بس ياليت لو يلتفتون للصيدليات
المهم ماطول عليكم اكثر
في نوع معين من الدوا شريته في اكثر من صيدليه بسعر ثابت اللي هو 69.50 ريال

خذته من صيدلية اكستير فالخريطات وصيدلية الشفاء في لخريطيات ومن صيدليه داخل قراند ماركت هم فالخريطيات

لكن مره من المرات بالغلط ارسلت السايق وخذ لدوى من صيدلية برزان لكن بسعر ثاني

وهو 77.75 ريال

اتوقع في فرق واضح فالسعر معناتها مافي رقابه قلنا لريال ولريالين عادي لكن قاموا يتمادووون اكثر

والمشكله انه يقول اللي فالصيدليه ان لدوى متسعر في الوكيل على ماظن

لكن بعد كل الصيدليات ختمها غير والدوى اللي سعره اغلى ويقول من نفس الوكيل سعره يختلف

للعلم اليوم رحت صيدليه ثانيه وخذته بنفس السعر المعتاد اللي هو 69.50


طبعا انا قلت اللي عندي مب علشان لفلوس لكن مش معقوله ان الواحد لو حب يشترى دوى لازم قبلها يدور الصيدليه الارخص والاضمن وغيره

بصراحه مادري اكلم حماية المستهلك فالموضوع ولا اخاف يقولون الصيدليات كيفهم

لان بصراحه انا من زمان اشوف الصيدليات اسعارها تفرق عن بعض لكن هالمره زادة وبقوه


اللحين بعرض عليكم الصور للتاكيد على الكلام اللي قلته


هذي صورة الدوى بالسعر اللي اتبيعه صيدلية برزان

http://img105.herosh.com/2010/07/11/501860824.jpg (http://www.herosh.com)


وهذي صورة لدوى بالسعر العادي

http://img103.herosh.com/2010/07/11/147667913.jpg (http://www.herosh.com)



وهذي صوره تبين العلبتين وتبين ختم او تسعيرة الوكيل والفرق بينهم فالسعر والالوان وحتى الشعار البرتقالي واحد قريب من لزرق والثاني بعيد

http://img105.herosh.com/2010/07/11/156715051.jpg (http://www.herosh.com)



احس نفسي صرت المحقق كونان والسبه هالصيدليات واللعبه اللي لاعبينها علينا

المهم ودي تشاركوني فالموضوع

[حياة]

كلام صحيح وكلن يحط سعره واحنا اللي رايحين فيها
الله يرحم حااااااااااالنا

[ana_ana]

نفس موضوعك اخوي صار معاي والي اخذه هو محلول دموع للعين ماركه Artelac Advanced
مسعر ب 94 ريال ولما يضرب عليه بالليزر للحساب يطلع قيمة 84 ريال وانا اخذه على اساس انه 84ريال
ولما تقول له في خطاء بسعر المنتج يقولك خطء وهو مسجل السعر الصحيح في الكمبيوتر وفي بعض الصيدليات مايتسخدمون الليزر في حساب قيمة السلعه ومحد مهتم طبعاً

[صمت 1]

اخوي الله لا يهينك بلغ حماية المستهلك اذا انت سكت وانا سكت وغيرنا سكت

اعتقد حقنا بيضيع

[La Bella]

كلهم بصوب وصيدلية البتيل بصوب طريق سلوى
عادي حاط 30 أو 40 ريال زيادة على المنتج

[hasss1969]

اخوي لو انا سكتت وانت سكتت راح يتمادوا في الامر...وتذكر انك تخدم نفسك وبلدك في المقام الاول قبل ماتخدم غيرك ....بلغ وتاكد ان الاخوة في حماية المستهلك عندهم تعليمات بمتابعة كل شكاوى الناس ...والوقوف بصفهم....

[Delete]

اخوي سعره في السعودية ب48 ريال

[ابو فهيد]

الكلام صحيح فية تفاوت في الاسعار بين اللصيدليات
بس انا سمعت وماعرف هل الكلام صحيح او لا ان الصيدليات الي فاتحة 24 ساعة اغلاء من الي غيرها
ياليت الي عندة خبر ايخبرنا

[rashid alkubaisi]

الكلام صحيح فية تفاوت في الاسعار بين اللصيدليات
بس انا سمعت وماعرف هل الكلام صحيح او لا ان الصيدليات الي فاتحة 24 ساعة اغلاء من الي غيرها
ياليت الي عندة خبر ايخبرنا

معظم الصيدليات اللي تعاملت معاهم 24 ساعه ماعدى صيدلية الشفاء فقط

لكن اللي يفرق والله اعلم كل مافتحت صيدليه في مكان جديد ومافي غيرها

قلت يالله بلعب فالسعر دام مافي حد يراغب

[مهره]

بصراحة اسعار الادوية بالدوحة ناررر مقارنة بها فى دول الخليج

[الهاشم]

مــــــن أمـــــن الـــعقوبـــــه أســـاء الأدب ..!!

[طبعي كذا]

في كل شي تـــلاااااااعب باالاسعار هي جاءت على الصيدليات حتى الجمعيااااات ....:anger1:

..بس أناسمعت إن الادويه في السعوديه أرخص ماأدري ....

[مساهم فنان]

الدليل على التلاعب أغلب الصيدليات ما يعطون فاتورة ؟؟؟؟؟ ليش ؟؟؟
غش تجاري واضح ... لو اشتكى المواطن بسبب السعر أو نتهاء الصلاحية أو خطأ في إعطاء الدوام .......... فلا يستطيع أحد يثبت أنه اشترى الدواء منهم .

[toomi9]

حسبي الله ونعم الوكيل
بلغ عليهم عشان يكونون عبره لـ غيرهم

[بولينجر]

أخوي تأكد من تاريخ الصلاحية.... اذا كان الارخص يخلص اسرع فهو من الدفعة القديمة وسعرها يكون السعر القديم.... احتمال الدفعة الجديدة سعرها اغلى..... ما شفت هالشي من قبل في الدوحة لكن في السعودية شفت اسعار تختلف باختلاف الصلاحية.....

واذا كنت تبي نفس الدوا ارخص روح المستشفى واطلب من الدكتور يصرفونه لك ببلاش من صيدلية مستشفى حمد..... او حتى المركز الصحي.....
الحمدلله الدولة موفرة لنا العلاج بالمجان.....

[ولد الرسلان]

اخوي كلامك صحيح

بس انا لاحظت شي.. تاكد من بلد الصنع

يوم شفت الصور اللي انت حاطهم .. لاحظت الكتابه تختلف من علبه لعلبه.. في علبه خطها كبير شوي

والعلبه الثانيه خطها صغير

تاكد من بلد الصنع..


وربي يوفق

[المخفي]

بعض الادوية السعر يحدده الوكيل و يمكن الارخص انت شاريه من الدفعة القديمة و الدفعة الجديدة الوكيل رافع السعر

[muraikhi77]

للاسف بعض الصيدليات واللي يشتغلون فيها طخة ( العرب )هناك سوء في إدارتها . مثلا الغبار على العلب وقبل لا يعطيك العلبة يمسحها بيده بطريقة مقززة والبعض الآخر حاط لك سعر المنتج على أهم شي في العلبه مثل الفيتامينات او المكملات أو يحطها على اسم المنتج . بصراحة تعجبني الصيدليات اللي في المستشفيات( الاهلي العمادي ، ابن الهيثم .. ) او المجمعات الطبية( المنصور ، الشفاء ... ) لأن أدويتهم تمشي ما تتخزن كثير .
عادي خذ الروشته :) ودش صيدلية المجمع او المستشفى واصرفها .

[ANONYMOUS]

ماتشوفون شر ان شاء الله

[VIVA]

في كل شي تـــلاااااااعب باالاسعار هي جاءت على الصيدليات حتى الجمعيااااات ....:anger1:

..بس أناسمعت إن الادويه في السعوديه أرخص ماأدري ....



كل الادويه تكون ارخص في السعوديه ماعدا المضادات الحيويه عندهم اغلى او ضعف السعر عن باقي دول الخليج

يعطيك العافيه على الموضوع والمفروض ماتسكت عن حقك بس بشرط ان تتأكد من موضوع الصلاحيه في الاول

تحياتي

[مسدس ماي]

لو تلاحظ في فرق فالاسم
كم حرف غير :)

[£عبدالعزيز£]

صح كلامك اخوي سمعنا وايد عن اختلاف الاسعار

بس بالنسبة للدواء اللي انت حاطه اعتقد انهم محقين

لانه لو تلاحظ في فرق بين العلبتين مب بس في لزقة السعر

حتى العلبة نفسها فيها اختلاف

http://img105.herosh.com/2010/07/11/156715051.jpg

لاحظ طريقة كتابة ال(10 mg)

هذا معناته انه الشركة قامت تصدر الدواء بعلبة جديدة

ومب مستبعد انه يكون بسعر جديد

والصيدليات اللي تبيه بالسعر الاصلي للحين ما خلصت الكمية اللي عندها

والصيدلية اللي شريت منها بالسعر الجديد تكون توها جايبة الدفعة الجديدة

..

مجرد توقعات .. والله اعلم

..

وتسلم اخوي على الموضوع

[rashid alkubaisi]

المشكله اليوم شريت لدوى من صيدليه وقالي مستحيل يكون سعره 77 ريال احس راعي الصيدليه طلعني كذاب قلت له والله شاريه من كم يوم بهذا السعر قالي مستحيل

للعلم انا اشوف الاختلاف فالكابه واضح جدا بين العلبتين
والتاريخ فيه فرق لكن معقوله كل الصيدليات اشتري منها بسعر الا هذي الصيدليه


للعلم انا ماظن راح اشتكي لكن نزلت الموضوع علشان الناس تنتبه ان الاسعار كلها ملعوب فيها


يعني لو كان تلاعب فالاسعار فهو على راسنى كلنا

وان كان تغير فالعلبه وانه انتاج جديد فهذا شي اكبر اذا كل يوم بيغير شي فالعلبه وبرفع السعر 7 او 10 ريال

يعني كم سنه وخلاص الادويه بسعر الذهب

[مودى2006]

صح كلامك اخوي سمعنا وايد عن اختلاف الاسعار

بس بالنسبة للدواء اللي انت حاطه اعتقد انهم محقين

لانه لو تلاحظ في فرق بين العلبتين مب بس في لزقة السعر

حتى العلبة نفسها فيها اختلاف

http://img105.herosh.com/2010/07/11/156715051.jpg

لاحظ طريقة كتابة ال(10 mg)

هذا معناته انه الشركة قامت تصدر الدواء بعلبة جديدة

ومب مستبعد انه يكون بسعر جديد

والصيدليات اللي تبيه بالسعر الاصلي للحين ما خلصت الكمية اللي عندها

والصيدلية اللي شريت منها بالسعر الجديد تكون توها جايبة الدفعة الجديدة

..

مجرد توقعات .. والله اعلم

..

وتسلم اخوي على الموضوع

اخى الفاضل .. الصيدليات مثل المجمعات التجارية تماما اذا حدث اى زياده فى السعر .. على طول يزيدون السعر عندهم حتى البضاعة القديمة..مافى حد ينتظر يخلص القديم وبعدين يرفع السعر

[£عبدالعزيز£]

اخى الفاضل .. الصيدليات مثل المجمعات التجارية تماما اذا حدث اى زياده فى السعر .. على طول يزيدون السعر عندهم حتى البضاعة القديمة..مافى حد ينتظر يخلص القديم وبعدين يرفع السعر

اختي انا اللي اقصده ان الزيادة تكون من الشركة المنتجة

وكلامي نفس ما ذكرت في اخر سطر منه .. مجرد توقع مني

بس على اللي اعرفه انه ما يصير الصيدليات يرفعون السعر

يعني ما يصير كل صيدلية تالف لها اسعار من عندها

والمريض يروح يدور الصيدلية اللي عندها تنزيلات

في قوانين تمشي عليها كل الصيدليات .. والمخالفين بيتحاسبون ان شاء الله

والسعر محدد من الشركة المنتجة للدواء

والله اعلم

..

وتسلمين اختي على الرد

[كازانوفا]

للاسف هذه الشكوى قديمه بس لا حياة لمن تنادي

[ضوى]

سعر هذا الدواء خضع للزيادة القانونية بسبب اليورو ، مافي اي غش في السعر

ولو اي احد حس بانه في غش في اسعار الادوية يقدر يجيب اثباتاته لإدارة الصيدلة والرقابة الدوائية بالقصر

الابيض وراح يصير تحقيق في مثل هالمواضيع

[الجـــــــرح]

بعض الادوية السعر يحدده الوكيل و يمكن الارخص انت شاريه من الدفعة القديمة و الدفعة الجديدة الوكيل رافع السعر

كلام سليم :nice:

[الصريحه]

اخوي سعره في السعودية ب48 ريال

لاتحرق اعصابه وش نسوي تجارنا الجشع زايد عندهم

[الرويـس]

ضوى

وشو القصر الابيض ؟
:(

[ضوى]

ضوى

وشو القصر الابيض ؟
:(

مجلس الشورى وكل ماجاوره من مباني بيضاء

[ليــث قطر]

لاحظ ان السعرين من شركة ابن سينا الطبية


يعني الصيدلية مالها ذنب !!!



واللي اعرفه ان شركة ابن سينا رفعت سعر الدوا ..


يعني اللي شريته من قبل هذي الدفعة القديمة من الدوا .. اما الدفعات الجديدة فارتفع سعرها

[ليــث قطر]

صح كلامك اخوي سمعنا وايد عن اختلاف الاسعار

بس بالنسبة للدواء اللي انت حاطه اعتقد انهم محقين

لانه لو تلاحظ في فرق بين العلبتين مب بس في لزقة السعر

حتى العلبة نفسها فيها اختلاف

http://img105.herosh.com/2010/07/11/156715051.jpg

لاحظ طريقة كتابة ال(10 mg)

هذا معناته انه الشركة قامت تصدر الدواء بعلبة جديدة

ومب مستبعد انه يكون بسعر جديد

والصيدليات اللي تبيه بالسعر الاصلي للحين ما خلصت الكمية اللي عندها

والصيدلية اللي شريت منها بالسعر الجديد تكون توها جايبة الدفعة الجديدة

..

مجرد توقعات .. والله اعلم

..

وتسلم اخوي على الموضوع




هذا الكلام المضبوط ... يعني الغلط على الشركة اللي رفعت السعر

[أم سلووومي]

كلامج صحصح نفس اللي صاير معاي بالنسبه لحليب الاطفال سملاك اخده من الصيدليه وكل صيدليه سعر اللي 30,75 اللي 31 واللي 34 الين الحين ماحصلت سعر ثابت غير اللي في جمعيه الميره 29,75وبسسسسسسسسسسسسس والله يعينا

[الألماسي]

مدير اداره حمايه المستهلك بيقول لكم اذا رحتو له

ما لنا شغل و هذا اختصاص " وزاره الصحه "

:)

[..الاميرة..]

الظاهر سعر الاول قبل التنزيلات والثاني بعد التخفيضات ..

خبرك موسم الصيف موسم الخصومات .. :rolleyes2:

[اخر العنقود]

اسعار الادويه اللي فالدوحه ضعف سعرالادويه اللي فالخليج

ليييييييييييييييييييش >؟ مادري

[HendGedawy]

الأخ اللي نشر الموضوع
من الأمانة والعدل انك تتحرى صحة معلوماتك قبل ما تنشرها. ربنا بيقول(..... فتبينوا أن تصيبوا قوما بجهالة فتصبحوا على ما فعلتم نادمين)... صدق الله العظيم

الأولى انك تسأل أصحاب الشأن يعني أصحاب الصيدلية أو حتى الشركة اللي حاطة السعر عالدوا (ابن سينا) أو تسأل أي صيدلاني بيفهم في تسعير الأدوية.
أنا اخواتي صيدلانيين واتدربوا في أكتر من صيدلية وفاهمين أصلول تسعير الأدوية و أحب أوضح للاخوة اللي عالمنتدى الصورة الصحيحة للكلام الغلط المكتوب.

أولا: الوكيل اللي بيبيع الأدوية للصيدليات (زي ابن سينا) هوه اللي بيحدد الأسعار وشكرا عالصورة لانها بتوضح ان التعسير من اب سينا مش من صيدلية برزان. و بعض الأدوية اللي بيكون عليها ستيكر السعر من الصيدلية نفسها كمان بيكون الوكيل باعت ورقة فيها سعر البيع للمنتج والصيدليات بتحط السعر تحت اسمها هي مع ان الوكيل هو اللي محدد السعر.

ثانيا: بما ان صيدلية برزان مش هما اللي مسعرين و ابن سينا هيا اللي حاطة سعرين لنفس الدوا, الأولى يا أستاذ انك تتحرى صح وتتصل بابن سينا زي ما انا عملت وتسألهم ايه الموضوع. ابن سينا قالو انهم منزلين دفعة جديدة من الدوا ومغيرين تركيبتها . الكلام ده من قريب. الصيدليات اللي كانت مشترية منهم كميات من الأول, من الدفعة القديمة, هما اللي بيبيعوا بالسعر القديم يعني السعر الأرخص.انما الصيدليات, زي صيدلية برزان, اللي اشتروا الدوا من قريب , ابن سينا ادوهم الدفعة الجديدة اللي سعرها أغلى عالصيدلية وعلى المستهلك. يعني كل الصيدليات اللي هيخلص من عندها الدوا وهتشتري من ابن سينا هتبيعوا بالسعر الأغلى لأن ابن سينا مش هتديها غير الدوا بالتركيبة الجديدة.

يعني الأخ اللي نشر الموضوع: انت شلت ذنب انك أسأت لسمعة الصيدلية ظلم واتهمت أصحابها بالسرقة من غير ما تدي نفسك فرصة تفكر وتسأل حد بيفهم في الصيدلة أو حتى أصحاب الشأن, زي ابن سينا.

[qatari 111]

اخوي يمكن علشان الفرق في حرف الدي بالانجليزي الغالي حرفه كبير والثاني حرفه صغير فاكيد له وزن الحرف الكبير


الله المستعان

[بوخالد911]

بل

فرررق والله

:(

[CH Engineer]

مدير اداره حمايه المستهلك بيقول لكم اذا رحتو له

ما لنا شغل و هذا اختصاص " وزاره الصحه "

:)

ووزراة الصحه بيردون عليك بنفس الوقت لحرصهم على سلامة المستهلك وبيقولون لك دور ربعك..
وبالنهاية بتكتشف انه الموزع يبي يرفع ارباحه ومن حقه دام كل المسوؤلين ساكتين عليه
والموزع هامور كبير لدرجة انه محد غيره يقدر يدخل هالنوع من السلع لقطر..

[خيال شمر]

هي جات على الادويه بس ولا على 5 ريال ولا 10 ريال بعدين العلاجات خلهم يلعبون في اسعارها اذا على عالفرق البسيط ... لكن خل حماية المستهلك تتحرك بالاول على المواد الغذائية .. ويعطيك العافيه على المجهود

[ضوى]

ووزراة الصحه بيردون عليك بنفس الوقت لحرصهم على سلامة المستهلك وبيقولون لك دور ربعك..
وبالنهاية بتكتشف انه الموزع يبي يرفع ارباحه ومن حقه دام كل المسوؤلين ساكتين عليه
والموزع هامور كبير لدرجة انه محد غيره يقدر يدخل هالنوع من السلع لقطر..

من الظلم التجني على وزارة الصحة بهذا الشكل ، ليس من حق اي موزع هامور كان او شعري انه يرفع سعر الدواء دون وجه حق ، فيه معطيات كثيرة تحكم سعر الدواء ، وهالكلام انا مسؤولة عنه شخصيا ، قانون تسعير الدواء فيه قرار من جهات عليا ولا يمكن باي حال من الاحوال التلاعب في القرارات العليا ولو كان فيه تلاعب تعالوا اشتكوا وجيبوا الدليل معاكم وشوفوا تطلعون من الصحة راضين والا لا ، واللي يبي يتاكد من سعر اي دواء يطلع على الجريدة الرسمية لدولة قطر وبيشوف الاسعار وساعتها بس يقدر يتكلم ويشتكي ويجادل

[سحابة]

نفس الموقف صار معي جاتني امي زياره وماعندها علاج الضغط مخلص ورحت اشتري لها نفس العلاج من صيدليه تايلوس لما جاب العلبه مكتوب عليها 85 ريال .. قارنت بينها وبين العلبه اللي من السعوديه بــ 65 ريال
ليش مافي حد يراقب الاسعار .