حمالية سوق واقف

[muraikhi77]

كلنا ذهبنا الى سوق واقف وشاهدنا الحمالية ، السؤال الحين أكثر هؤلاء شياب فوق سن العمل وبصراحة منظرهم يكسر الخاطر وهم يشتغلون مثل ها الشغلة الشاقة على الصغير فكيف برجل كبير في السن ؟ شيل كراتين وخياش .

والمنظر الذي شاهدته هو أن سيدة استأجرت الحمالي لكي تركب بنتها في العربة ويدور بها . وهي تتسوق , وهل السوق ملاهي او متنزه ؟

السؤال ، هل وجود كبار السن وفوق سن العمل تعلم عنه حقوق الإنسان أو إدارة العمل ؟ أليس لهم ترخيص من البلدية أو من إدارة السوق ؟ كيف ذلك ؟


أتمنى آرائكم فيه .

صور مختارة من الانترنت
http://farm1.static.flickr.com/216/488716240_02917d07b0.jpg

http://i156.photobucket.com/albums/t19/bint_al3daid/41.jpg

[aljaber1]

هولاء يترزقون وماعندهم مصدر اخر
وجزاء الله المسؤلين خير الي غاضين النظر عنهم
وهم برغم فقرهم اياديهم عفيفه وانفسهم متعففه
لايقبل الا مقابل جهده

[latty]

برايي الشخصي هؤلاء ناس سكنوا قطر وهم ليسوا قطريين وهذه شغلتهم ومعيشتهم بها وخلفهم جهه هي ادارة سوق واقف تنظم عملهم هذا اللي هم يتقنونه من سنوات عده ومب غريب علينا مشاهدتهم لكن معك حق صاروا الناس يستغلون الحمالي اما بحمل اكثر من طاقته بدل ما ياخذون حماليين او ثلاثه او مثل ماشفت يركبون عيالهم كانهم بملاهي المفروض يوجه كلام للام وللحمالي نفسه ان هنا مب مكان لعب او ملاهي


لكن هذه مهنه لها اهلها واحترامهم واجب

شكرا لك على المضوع

[رجل الجزيرة]

جزاهم الله خير.

[STAR]

مع احتراماتي لصاحب الموضوع اولا مادري شنو تبي توصله بالضبط؟؟!! خلهم يترزقوون

اما بخصوص الام اللي خلت البنت في عربة الحمالي .. انا ماشووف فيها شي .. جذي والا جذي هو بيشيل اثقال الاغراض..والبنت الصغيرة ماعتقد ثقيلة واايد ويمكن البنت تعبت من المشي..!!؟

والحمالي له مطلق الحرية بالقبوول والرفض

[بـــــــنت النوخـّــــذه]

كلنا ذهبنا الى سوق واقف وشاهدنا الحمالية ، السؤال الحين أكثر هؤلاء شياب فوق سن العمل وبصراحة منظرهم يكسر الخاطر وهم يشتغلون مثل ها الشغلة الشاقة على الصغير فكيف برجل كبير في السن ؟ شيل كراتين وخياش .

والمنظر الذي شاهدته هو أن سيدة استأجرت الحمالي لكي تركب بنتها في العربة ويدور بها . وهي تتسوق , وهل السوق ملاهي او متنزه ؟

السؤال ، هل وجود كبار السن وفوق سن العمل تعلم عنه حقوق الإنسان أو إدارة العمل ؟ أليس لهم ترخيص من البلدية أو من إدارة السوق ؟ كيف ذلك ؟


أتمنى آرائكم فيه .

صور مختارة من الانترنت
http://farm1.static.flickr.com/216/488716240_02917d07b0.jpg

http://i156.photobucket.com/albums/t19/bint_al3daid/41.jpg


لهم ترخيص وممنوع اي حمالي يمارس مهنته بدون رخصه 0000000 والرخصه معلقه في صدرهم كبطاقه او اتحصله حاطها في مخباه انا سائله واحد منهم 000

وعموما" يمكن الام حطت ولدها مع الاقراض وحجمه صغير مهب ثقيل ولكن انا اشوف من (الذوق ياهل الذوق) اللباقه والاحترام اثناء طلب خدمة من الحمالي 000لحمل الضروريات فقط 0000

وبعدين على طاري كبار السن بالعكس انا اشوف احسن لهم يشتغلون لان اغلبهم فقاره وهذا مصدر الرزق الوحيد لهم وبعدين لاتغرك بنيتهم تراهم ماشاء الله تبارك الرحمن اقوى ومتعلمين على الشغل والشيل والحط وغير جذيه محدن جبرهم اهم بارادتهم اشتغلو هذي الشغله والله يعطيهم الصحه والعافيه

[المها قطر]

حتى حمالية سوق واقف نزلتوا لهم موضوع
يا اخي خلهم يترزقون الله
انا اشوف وغيري من اهل قطر ان هذا عملهم اللي عاشوا علية من سنين يوم اول مافي حد يروح سوق واقف
وعلى الاقل احسن من الهنود اللي عينهم زايغة هذولا محترمين ويستاهلون كل خير وخلهم يعيشون
غير انهم يعتبرون جزء من تراث سوق واقف

[hamoor4ever]

خلوهم يترزقون ومانبي ناس شباب من لبنان وغيره يجون يشتغلون هالشغله لان هالشياب شغالين برضاهم ومحد غاصبهم علشان ينكسر خاطركم عليهم بعدين هم شايلين الخياش على ظهورهم عندهم جاري ويشلون عليه الاغراض وكل شغله فيها نوع من التعب

[شبح الصمت]

صدقت اختي بنت النوخذه في كلامها

هذولي مصرحين ويترزقون الله

ربي يحفظهم ويطول بعمرهم

هذولي يبون الرزق ويكدون على اهاليهم

الله يجزاهم الله الف خير المسؤولين الي وافقوا على توظيفهم

وصراحة للأمانة منظرهم حلو تدري ليش لانهم ماشاء الله عليهم يميزون السوق بقدمهم

لهم طولت العمر وحسن العمل وحسن الخاتمه

ويعطيك العافيه يا راعي الموضوع

اتمنى كل من يدخل عقبي يدعي لهم

[FHN]

بالنسبه لي انا لما اودي اليهال دايما الحمالي هو اللي يقول لليهال اركبوا بلعبكم سبحان الله هم مرتاحين جذيه .. خلهم يشيون اغراضكم وعطوهم مبلغ حلو بهالطريقه نساعدهم بدون مانضايقهم.. وطبعا الاغراض ماتكون مرهقه وايد حق انسان كبير في العمر

[muraikhi77]

انا اعتقد ان هناك سن للعمل ومن يشغل شخص فوق سن العمل عليه مسؤولية قانونية .

واللي يقول خلهم يترزقون . انا معاكم والرزق على الله بس عيب والله في ها السن وأطلب منه يشيل خياش ويدز يهال .

أن كانوا من سكان قطر فهذا موضوع مختلف ، لكن إن كانوا على كفالة شخصية فهنا يجب اعادة النظر في وضعهم وفي مكانتهم وكرامتهم وسنهم .

[الوعد2016]

قطع الاعناق ولا قطع الارزاق
والمصيب الكثير يبي يقطع ارزاق الاخري
للعلم الكلام عام مش لصاحب الموضوع

[الخير كله]

مواضيع المنتدى هليومين مالها حل:omen2:

في موضوع مهم (ليش راعي المعصره ضروسه صفر:anger1:)

[diver]

سلام عليكم ورحمه الله وبركاته0
خلهم يترزقون أحسن من أنهم يمدون يدهم للي يسوى وللي ما يسوى ويسمعونهم كلام يجرحهم0
المشكله مو فى هذى المشكله لين يشلون أغراض حرمه أدش سوق وتتمشي ساعتين أو أكثر ولين يوصل أغراضها فى سيارة كم راح تعطيه 0تتوقعون كم؟؟؟؟
ريالين أو خمسه إيش رايكم يكفيه هذى المبلغ0
على الاقل أذا ساعه عشرة ريالات هذى أقل شي وأذا الواحد مقتدر يزيده0

[hamoor4ever]

انا اعتقد ان هناك سن للعمل ومن يشغل شخص فوق سن العمل عليه مسؤولية قانونية .

واللي يقول خلهم يترزقون . انا معاكم والرزق على الله بس عيب والله في ها السن وأطلب منه يشيل خياش ويدز يهال .

أن كانوا من سكان قطر فهذا موضوع مختلف ، لكن إن كانوا على كفالة شخصية فهنا يجب اعادة النظر في وضعهم وفي مكانتهم وكرامتهم وسنهم .

الشغل هاذه مافيه انتقاص حق كرامتهم يالغالي واي شغل حلال مهب عيب الانبياء اشتغلوا رعاه للغنهم بعدين انت شرايك يعني تبي الدوله مثلا تمشي لهم رواتب ويقعدون بالبيت وهم مش مواطننين او تبي ترجعهم بلادهم ويمكن مايلاقون ياكلون يعني انت تبي تقطع ارزاقهم وتكون قلبك رحيم عليهم بنفس الوقت مع ان هم بنفسهم قابلين بالوظيفه هاذي وراضيين فيها وعاجبتهم وشايفين ان دخلها حلو عليهم
بعدين انت برايك شنو ممكن يشتغلون على شهاداتهم وخبرتهم مثلا مدراء بشركه بروه ولا خبراء واستشاريين بشركه البترول ، اذكر الله والشغله مافيها اي شي عيب ولا فيها اي نوع من التعب وسالفه الياهل لاتكبرها هم عاده اذا شافو ياهل يقولون له تعال اندزك يعني هم راضيين وانت المعترض الوحيد

[البدع]

الحمالي يحصل مبالغ طيبة من سوق واقف

انا قدامي حصل 20 ريال في 5 دقائق من شخصين

في ناس كثير يعطفون عليهم ويعطونهم بلا شغل

[سهم سهم]

احترامي للحمالي ^^