ماذا افعل في اوقات فراغي الكثيره والطويله ؟؟؟ عطوني افكار لو سمحتوا ...

[هبوب الشمال]

بسم الله والصلاة والسلام على رسول الله ...

عندي اوقات فراغ كثيره فرحت اشغلها بالامور التاليه :

1- افتح قنوات المجد والفجر وأحاول اقرأ واصحح تلاوتي مع المقرئ .

2- افتح كتاب طبخ او ادخل على موقع فتافيت واجرب اي طبخه حتى لو ما آكلها ههههه .

3- أروح للسوبرماركت اللي جنب بيتنا واشتري بعض الأغراض واوزعها ( خبز - روب - ماي بارد - عصاير - الخ ...)

4- اطلع في الحوش واروح لأحواض الزراعه اقصص الحشيش وارتب الشجيرات الصغيره .

5- أفتح الأنترنت وأدخل على بعض المواقع المفيده بالنسبه لي .

6- أفتح القرآن واحاول حفظ وتثبيت حفظي للسور .

7- أزور الناس الكبار في السن من جيراني أو هلي .

8- أتصل بأحد اقاربي اللي من زمان ما كلمتهم اسأل عنهم وعن صحتهم .

9- أطلع في الحوش وأتفكر في السماء والدنيا واسبح واستغفر الله .

10 - أروح عند باب المركز الصحي واقعد في السياره لين اشوف أحد العمال يدخل المستشفى واناديه واعطيه المقسوم للعلاج .

11- أشوف برامج قناة إقرا او الرساله .

12- أتصل في إخواني وخواتي وهلي واعزمهم لو على شاي وقهوه .

13- أزور اي مريض اعرفه في المستشفى .

14- أروح وقت الظهر بين الساعه 11و 12 في الشارع العام واشوف العمال وهم يشتغلون واحمد ربي على كل نعمه عطاني اياها واشتري لهم بطاقات هلا اللي ب 10 ريال واوزعها عليهم .

15- أدخل غرفتي وغرف هلي اللي في البيت واطلع اللي من زمان مالبسناه وحالته ممتازه واوزعهم او اوديهم لعيد الخيريه او قطر الخيريه .

16- الحين قبل رمضان ممكن اشتري هدايا بسيطه للاهل والجيران واوزعها عليهم .

17- باحاول اروح السوق هالايام اشتري للعيد واشتري لرمضان واخلص شغلي قبل الزحمه .

18- دخل علينا شعبان وان شاء الله نصوم بعض ايامه .

19- أنادي عيال العيله واسوي لهم بعض المسابقات والهدايا البسيطه .

هذي بعض الامور اللي اشغل نفسي فيها هالايام

من منكم عنده افكار حلوه وبسيطه يقدر يفيدني فيها ..

ولا اقول شرايكم تشاركوني في هالامور ؟؟؟؟؟؟؟؟؟؟؟

[غابت الشمس~]

ماشاء الله عليج
تقريباً مستغله اوقات فراغج بكل المجالات
والله انا عندي مشكله بأوقات فراغي
احس كلها تروح هدر مااستفيد منها

بس الافكار اللي كتبتيها اكييييييد بستفيد منها ان شاء الله
العطله قربت والفراغ بيبدأ
الله لايشغلنا إلا بطااااااااعته يارب

جزاكِ الله خيراً

[وضحى قطر]

حبيبتي لو تكتفين بالأسياء إلي داخل المنزل أفضلج ولج فيها أجر أن شاء الله

[كاروهات]

اسمحيلي
بس انا استغرب من وحده اتروح بسيارتها وتوقف عند باب المركز الصحي وتنطر اي عامل عشان تعطيه مبلغ

(( وقرن في بيوتكن )) هذي لج فيها اجر اكثر من طلعتج من بيتج

[الأصيلة]

أفضل عمل هو قراءة وحفظ كتاب الله
و طلب العلم
من القرآن والسنة...
انضمي إلى حلقة حفظ في أي من المراكز القريبة من بيتك ...
واحرص على حضور دورات العقيدة والتجويد..
ودورات التنمية البشرية..

وفقك الله ورعاك..

[سكون]

بارك الله فيج وفي أعمالج الخيرة وإن شاءالله، الله سبحانه يكتب فيه الأجر الحسن

[jo0ory.56]

جزاج الله خير على التذكير بهذه الاعمال

الجليلة التي يمكن للانسان ان يستغل اوقات فراغه للقيام بما يستطيعه منها ... وأعتقد أنك

ذكرت هذه الأعمال عمدا للفت الانتباه لها ... بدلا من أن يهدر الإنسان أوقاته الطويلة بما

لاينفع من أعمال ... وقد تكون حسرة عليه يوم لاينفع مال ولا بنون ... خصوصا الشباب من

الجنسين وقد انتهوا من الدراسة وبدأت الاجازةالصيفية ..

و أحب أن أضيف عملا آخر نحن جميعا مدعوون للقيام به وهورسالتنا في هذه الحياة .. ألا

وهومحاولة الدعوة الى الاسلام وتوزيع كتب التعريف بالاسلام والدعوة إليه في الأماكن التي

نذهب إليها ويوجد بها الأجانب .. ولايخفى علينا الاجر العظيم لو كان أحدنا سببا لدخول شخص

واحد في الاسلام ... ويمكن الحصول على هذه الكتب وبالمجان من مكتب التعريف بالاسلام

التابع لفنار أوضيوف الرحمن التابع لعيد الخيرية ...

[clouds]

اشتركي في نادي الدانه سباحه ورياضه
او كيرفز رياضه
او برامج موزه بنت محمد في عندهم دورات طبخ ومكياج وحلقات تحفيظ قران
دشي دورات كمبيوتر وغرافكس
روحي جامعه فريجينيا عندهم دورات وايد حلوه مثل التصميم والكروشيه وغيره دشي موقعهم وبتشوفين الدورات

[هبوب الشمال]

جزاكم الله خير وافكاركم اللي اضفتوها جداً رائعه وان شاء الله استفيد منها

[هبوب الشمال]

اسمحيلي
بس انا استغرب من وحده اتروح بسيارتها وتوقف عند باب المركز الصحي وتنطر اي عامل عشان تعطيه مبلغ

(( وقرن في بيوتكن )) هذي لج فيها اجر اكثر من طلعتج من بيتج



جزاج الله خير ... جربي تعطين اي عامل في الشارع المقسوم ويدل على شكله انه فقير مسكين

وبتحسين بالفرحه اللي حسيت فيها

بارك الله فيج

[طارق]

بسم الله والصلاة والسلام على رسول الله ...

عندي اوقات فراغ كثيره فرحت اشغلها بالامور التاليه :

1- افتح قنوات المجد والفجر وأحاول اقرأ واصحح تلاوتي مع المقرئ .

2- افتح كتاب طبخ او ادخل على موقع فتافيت واجرب اي طبخه حتى لو ما آكلها ههههه .

3- أروح للسوبرماركت اللي جنب بيتنا واشتري بعض الأغراض واوزعها ( خبز - روب - ماي بارد - عصاير - الخ ...)

4- اطلع في الحوش واروح لأحواض الزراعه اقصص الحشيش وارتب الشجيرات الصغيره .

5- أفتح الأنترنت وأدخل على بعض المواقع المفيده بالنسبه لي .

6- أفتح القرآن واحاول حفظ وتثبيت حفظي للسور .

7- أزور الناس الكبار في السن من جيراني أو هلي .

8- أتصل بأحد اقاربي اللي من زمان ما كلمتهم اسأل عنهم وعن صحتهم .

9- أطلع في الحوش وأتفكر في السماء والدنيا واسبح واستغفر الله .

10 - أروح عند باب المركز الصحي واقعد في السياره لين اشوف أحد العمال يدخل المستشفى واناديه واعطيه المقسوم للعلاج .

11- أشوف برامج قناة إقرا او الرساله .

12- أتصل في إخواني وخواتي وهلي واعزمهم لو على شاي وقهوه .

13- أزور اي مريض اعرفه في المستشفى .

14- أروح وقت الظهر بين الساعه 11و 12 في الشارع العام واشوف العمال وهم يشتغلون واحمد ربي على كل نعمه عطاني اياها واشتري لهم بطاقات هلا اللي ب 10 ريال واوزعها عليهم .

15- أدخل غرفتي وغرف هلي اللي في البيت واطلع اللي من زمان مالبسناه وحالته ممتازه واوزعهم او اوديهم لعيد الخيريه او قطر الخيريه .

16- الحين قبل رمضان ممكن اشتري هدايا بسيطه للاهل والجيران واوزعها عليهم .

17- باحاول اروح السوق هالايام اشتري للعيد واشتري لرمضان واخلص شغلي قبل الزحمه .

18- دخل علينا شعبان وان شاء الله نصوم بعض ايامه .

19- أنادي عيال العيله واسوي لهم بعض المسابقات والهدايا البسيطه .

هذي بعض الامور اللي اشغل نفسي فيها هالايام

من منكم عنده افكار حلوه وبسيطه يقدر يفيدني فيها ..

ولا اقول شرايكم تشاركوني في هالامور ؟؟؟؟؟؟؟؟؟؟؟

انتي موظقه طالبه في أجازه. وبعدين يقولج وش الانسب لج؟؟

[ابو فهيد]

مركز روضة بنت محمد الي في المعيذر في كل اثنين واربعاء بعد المغرب محاظرة

[فلتة زمانها]

تمشي في سباير فالليل
ورحي السبا دلعي نفسج بتستانسين واااايد
ولا تنسين صلة ارحامج وصديقاتج

[هبوب الشمال]

انتي موظقه طالبه في أجازه. وبعدين يقولج وش الانسب لج؟؟

موظفه

[هبوب الشمال]

تمشي في سباير فالليل
ورحي السبا دلعي نفسج بتستانسين واااايد
ولا تنسين صلة ارحامج وصديقاتج

في هالجو ما تنطاق سباير ولا غيرها لين تحسن الجو يصير خير ان شاء الله

والسبا مسويته في بيتي وادلع نفسي فيه بين فتره والثانيه

جزاج الله خير على الافكار واكيد انا وغيري وبنستفيد منها

[هبوب الشمال]

مركز روضة بنت محمد الي في المعيذر في كل اثنين واربعاء بعد المغرب محاظرة

احضر بين فتره والثانيه بعض المحاضرات في المراكز وبعض الدروس القرآنيه

جزاك الله خير على الافكار الرائعه

[وريث الطيب]

ما خليتي شي جهود جباره
بس الاحظ فيها مبالغه اشوي
بي اشياء زينه اتسوينها وفي اشياء سلبيه يمكن الا خوان عقبو عليها
بس الي عجبني في الي اتسوينه
1_صلت الرحم
2_محاوله في حفظ كتاب الله وجتهادج في الدين مثل( الصيام في شعبان)
3_زيارة من تعرفين من المرضى (المواجيب بصوره عامه للاقارب والصدقاء)
بس لو بعد اتزيدين اهتماماتج في بيتج وعيالج يكون افضل من بعظ الاشياء الي اتقومين فيها
وتمارسين الرياضه لانها مفيده للصحه

[بـــــــنت النوخـّــــذه]

انا صراحه على البركه يعني مستحيل اجلس قبلها بيوم واحط الدفتر والقلم واكتب 000 شبسوي :omen2:اخلي اموري على البركه مع الاهل اههههههههه والتخطيط اخليه للامور المهمه الي تستدعي تحديد وقت 00 يمكن لاني بيتوتيه على قولتهم ويكفي جلسه الاهل داخل البيت الوقت يمر بسرعه 000

بس بالنسبه لنقطه 19 لو اتم متملله العمر كله ويطلعلي الملل ويقول بذبحج عمري ماسويها هذا الي ناقص سنداره ويهال ومسابقات اهههه


ترى للعلم كثره الطلعات وجداول وتنظيم رحلات ومادري شنهو هذي الامور بحد ذاتها ملل 000بتجلسين تنتظرين كل ساعه شبتسوين ولا هذا اليوم شنهو جدوله احس كنه جدول حصص مقيد <<<<<اتحطمكم
عموما" موفقين في خططكم 00000000

[صفقه]

خلي أعمال الخير بينج وبين رب العالمين .. ولا تضيعين الأجر ..

الله العالم باللي في نفسج يا أختي .. بس أتمنى ان مايشوبه الرياء .

وفقج الله لمرضاته .

[الأصيلة]

خلي أعمال الخير بينج وبين رب العالمين .. ولا تضيعين الأجر ..

الله العالم باللي في نفسج يا أختي .. بس أتمنى ان مايشوبه الرياء .

وفقج الله لمرضاته .


:nice::nice::nice:

[القلب المؤمن]

والله عزيزتي ممكن تشتركين في مكتبة بمبلغ رمزي وتستعيرين كتب تقرينها ..انا لما كنت صغيرة اشتركت في مكتبة قريبة من بيتنا وبيني وبينج كانت اجازتي بعد المدرسة توها بدت ومالي خلق اقرا كتب ..بس بعدين لما بديت استعير كتب والله حسيت نفسي بديت أدخل عالم ثاني بكل مرة أختار كتاب موضوعه ماقريت فيه من قبل !!

ماتصدقين المتعة والاستفادة اللي بتحصلينها بتحسين كأنج بدنيا ثانية وبتصير عندج حتى مرونة مع الناس وخلفية ثقافية عن كل شي :nice:

شي ثاني كنت اسويه بالاجازة أجيب دفتر وأي شي اقراه في كتاب ويعجبني حتى لو حكمة اكتبها بهالدفتر ولما أتملل أقرا هالدفتر !! والله متعة حقيقية :)

هممم بعد , كنت احب اشتري الخيوط الملونة يسمونها التريكو يبيعونها بمكتبة جرير جاهزة بس تغزلينها مع بعض ولما تكتمل على قطعه بلاستيك مخرمه تطلع بصورة شخصيات كرتونية حلوة ممكن تخيطينها على مخده :nice: يحبونها وايد الاطفال

بس أحلى أحلى شي , كتب البرمجة اللغوية العصبية وعلم النفس في مكتبة مركز الراشد أنصحج فيها وايد مفيدة تستفيدين منها وتفيدين غيرج !

ممكن تاخذين دورة عند كوافيرة تتقنين المكياج وموضات الشعر ؟

دورة أعمال يدوية ممكن تسوين شغلات حلوة وتبيعينها ؟

ممكن تدرسين بالانتساب لاي جامعة خصوصا جامعات لبنان القبول فيها سهل بأي تخصص وانتي في بيتج وبس وقت الامتحان تروحين تقدمين وترجعين ؟

ممكن تسوين رسالة الماجستير عن طريق جامعات اونلاين حتى مافي داعي تسافريت تمتحنين على النت !!

دورات في تطوير المهارات ممكن تسالين عنها في مركز الراشد ؟

والله يوفقج عزيزتي :nice: أتمنى اني فدتج في شي

[هبوب الشمال]

بارك الله فيكم وفي افكاركم

القلب المؤمن افكارج تجنن اتمنى ان الله يقدرني واطبق جزء منها

واتمنى انكم تفهمون المغزى من هذا الموضوع جيدا وهو اني ابيكم تستفيدون معاي في امور ممكن تكون بسيطه بس ممكن ما تخطر بعضها على البعض منكم

ومنكم نستفيد

بارك الله فيكم

[بوحارب]

ما شاء الله عليج اختي ترتيب حلو ومفيد

الله يوفقج

انه في وقت الفراغ ادق النت او اروح اكرك واخذ لي لفه صوب السيف

[هبوب الشمال]

ما شاء الله عليج اختي ترتيب حلو ومفيد

الله يوفقج

انه في وقت الفراغ ادق النت او اروح اكرك واخذ لي لفه صوب السيف

في هالجو ؟؟؟؟؟؟؟؟؟؟؟؟؟؟

كرك ولفه عالسيف ودرجه الحراره تفوق الاربعين في المساء

يا سااااااااااااااااااااااااااااااااااااتر

لا ما اعتقد فكره جيده

السموحه:secret:

[بنت ابوها 19]

والله مافي شي احلى من النوده

حطي راسج وارقدي ورتاحي ..

:( امنيتي انام عدل

[wadha-qa]

جزاج الله خير على هالنشاطات المفيده بس حاولي تطورين من نفسج اقري كتب سجلي بدورات انتي وعيالج طورى لغتج لا تنحصر نشاطاتج في اعمال الخير بس ترى ما تكفي و تنسين نفسج وعيالج استثمري الطاقات اللي داخل كل فرد حولج و لج الاجر باذن الله

بالتوفيق

[FAUCHON]

مرحبا اختي

موضوع جميل بالنسبة لي ..~

- كل اسبوع اشتري كتاب من مكتبه جرير واقراه طول الاسبوع

- اروح النادي العب رياضه , سباحه

- ادخل المنتديات المفيده

- طبعا في الويك اند اروح السينما ولا اتغدى برى

ويمر الاسبوع


واكيد (( الاسبا )) يوم في الشهر

[شذى الروح» ~]

أفكارج مشاء الله حلوووه وتخلي الواحد يتحمس يسوي مثل هذي الاعمال وأكثر..

شاركي في العمل التطوعي..

مراكز ثقافية - علمية - اجتماعية .. طوري من ذاتج ترى التعليم طريقه ماله نهاية

خصصي وقت للرياضة..


أخذي لج موضوع مفيد واذا اجتمعتي مع اهلج ولا صديقاتج ناقشي الموضوع معاهم بحيث كل واحد يستفيد من خبرات الثاني..:)

بعدين الواحد لازم يخطط عشان يمشي في هذي الحياة صح:nice:

[بودندن]

اشتري لومي اخضر وسويه اجار وبيعيه على الناس

[اسعاف]

اجري محفظة على حسابك ونادي كل ربعك يومين في السبوع (لتعلم التلاوة +والتسميع )

ستجدين اجر عظيم وايد وايد

والمحفظات موجودات ويستاهلو كل خير

[Paydayyy]

قرات بكتاب قول يقول:
شباب بلا هدف = حياه بلا داعى
لابد من هدف حتى لو كان صغير
يعطيكم العافيه انشاء الله