أرجوكم ياشباب قولولي شسوي ؟؟؟

[بنت ابوها 19]

السلام عليكم ورحمة الله وبركاته

مرحبا اخواني


عندي استفسار بخصوص شركة تويوتا

انا سيارتي من فتره صارلها حادث وسيارتي تأمين شامل وموديل 2010

السالفه انه عقب ماعينتها شركة التأمين سلمتها للشركة بالصناعيه
لما سلمتها للشركه قالولي 20 يوم

بالاصل سيارتي الحادث مجرد زلوخ وشوي الرفرفر الي على اليسار دش على داخل

يعني الحادث مايبيله هل المبالغه كلش

المهم السالفه انه لما اتصلت واستفسرت انه ليش 20 يوم الي قاله لي الموظف انه السياره لازم تعينها الشركة وعقبها يتحدد وقت التصليح

وانا سيارتي بلا مخفي وبلا عازل حراري
وللاسف انه سيارتي قالي مب محصلين لها مكان يحطونها
محطوطه بالشمس :weeping:

والمشكله الكبيره اني انا ماقدر اخليها اكثرر من اسبوع لانه محتاجتها وايييييييد لين تاريخ 30/7

الي ابي اعرفه الحين هل اانا اقدر اسحب السياره واسلمها على تاريخ التصليح بدال قطتها بالشمس ؟؟؟


ولا في شي اقدر اسويه ثاني
لانه قالولي لو سحبت السياره راح يكون التصليح مره 2 على مسؤليتي ؟؟؟



قولولي شسوي ابي السياره ظرووووري :weeping:

[بنت ابوها 19]

.............................................

[بوغزلان28]

الله المستعان اختي مع غربال شركة تويوتا

[العميد الركن]

طرشيلي رقم الموتر ونوعه والي اقدر اسويه ان اخليهم يخلصونها بسرعه ان شاء الله

[فارس الكلمة]

سؤالج كان ..:-


هل اانا اقدر اسحب السياره واسلمها على تاريخ التصليح بدال قطتها بالشمس ؟؟؟


كان جواب الشركة :-


قالولي .. لو سحبت السياره راح يكون التصليح مره 2 على مسؤليتي ؟؟؟

[السندان]

الله يعينج اختي
وخلي حد من الرياجل يراجعهم

[بنت ابوها 19]

سؤالج كان ..:-




كان جواب الشركة :-

اي بس صار تناقض بالاجابه واحد قالي لا عادي تقدرين تسلمينها واحد قالي وقت تسليم السياره ماتقدرين تسحبينها لانه ان رجعتي مره 2 راح يكون على مسؤليتج

شلون وانا سيارتي تأمين شامل توه ماكمل 3 شهور

[بنت ابوها 19]

طرشيلي رقم الموتر ونوعه والي اقدر اسويه ان اخليهم يخلصونها بسرعه ان شاء الله

جزاك الله خير ياخوي وماقصرت

[qatar1111]

ماله شغل على مسؤليتج

اسحبيها وراح ادليج على قراج شغل وكالات

ويخلص لج الموتر في اقل من سبوع او بالكثير سبوع

لان على كلامج شموخ وخفس خفيف

ردي على الوكاله وخذي الاستميت مال التصليح

وروحي البيمه وقوليلهم ابي اطلع الموتر واصلحه في القراج الثاني

بما ان موترج 2010 وفول بيمه

والقراج الي بادلج عليه غني عن التعريف وانا اصلح فيه ما اصلح في وكالات

واذا بغيتي رقم واسم القراج طرشيلي ع الخاص

[2010]

اختي روحي الصناعيه و اطلعي فوق الدور الثاني عند واحد اسمه

هاني .. هو مدير خدمه العملاء و قولي له انج تبين سياره بديله لين ما السياره تخلص

وانتي نازله و طالعه مري ع واحد اسمه احمد مختاري هو مدير قسم السمكره و الصبغ

و بيعجل لج فالموضوع..

و اي شي ثاني انا حاضر .. لاني اعرفهم هالشخصين

و مووفقه

[زمن الغدر]

تلفون بوليت هديه للمسؤال وموترج من بكره بيشتغلون فيه

وامورج تساهلات

[rayyani4ever]

اختي روحي الصناعيه و اطلعي فوق الدور الثاني عند واحد اسمه

هاني .. هو مدير خدمه العملاء و قولي له انج تبين سياره بديله لين ما السياره تخلص

وانتي نازله و طالعه مري ع واحد اسمه احمد مختاري هو مدير قسم السمكره و الصبغ

و بيعجل لج فالموضوع..

و اي شي ثاني انا حاضر .. لاني اعرفهم هالشخصين

و مووفقه



انا اشهد انه رجال والنعم فيه:nice:

[واحد في حاله]

تقدرين تاخذين السياره وتستعملينها اذا ماكان فيها اضرار كبيره وتمشي عادي

وتسلمينها لهم وقت التصليح انا دايمآ اسوي هالطريقه

وشو الي على مسؤوليتج ؟ فلوسهم وبياخذونها من التامين !!؟

نقطه اخرى

الله والمسؤليه اذا هم ماعندهم ادنى مسؤوليه وبعض موظفينهم حرااااميه

ويسرقون اي شي يلقونه في السياره وعذرهم قلنا لك شيل اغراضك كلها

لدرجة معطيهم سياره يغيرون صدام امامي وقفلت الدرج الي داخل لقيتهم فاتحينه
ومبعثرين الاوراق شدخل الدرج في الصدام انا مادري :omen2:

وبكل برود بلغ الشرطه ,,, انا معطيكم السياره تصلحونها ولا تفتشونها :anger1:

[hamad-007]

تلفون بوليت هديه للمسؤال وموترج من بكره بيشتغلون فيه

وامورج تساهلات


انا اشهد:nice:

[فيصل الشمري]

الله لا يهينك استاجري سيارة شهر واشتري تظليله وحطيها على السيارة

يعني لو ماحد قدر يساعدك او ما اعجبتك الحلول,,,,

[فيصل الشمري]

تلفون بوليت هديه للمسؤال وموترج من بكره بيشتغلون فيه

وامورج تساهلات

يمكن يمزح ويمكن من جده يتكلم الله اعلم

على مافيه من غيبة للمسؤول وإتهامه بأخذ الرشوة
لكن لو وصل الموضوع الى هالدرجة’’ خليها تخيس بالشمس ولا تدخلين تحت لعنة رسول الله صلى الله عليه وسلم

(لعن الله الراشي والمرتشي)

الله يكفيك بحلاله عن حرامه ويغنيك بفضله عمن سواه,,,

[بوطلال71]

الله لا يهينج روحي شركة التامين وغيري ورقة التصليح من الوكاله الا حدى هالكراجين اما كراج الكريستال او كراج ميتاليك لان هذي الكراجات مستوى العمل فيهم نفس مستوى الوكاله وافضل وبيشتغلون في السياره بنفس اليوم ولا يحتاج الامر اكثر من جذي كل الدعوه تغير ورقة مكان التصليح فقط

[بنت ابوها 19]

تسلمون جميعا ع الردود والله ماقصرتو وجزاكم ربي الف خير

المشكله اني ماقدر اروح للصناعيه حالين لانه ماعندي سياره الوالد مسافر
وبخصوص موعد التصليح انا ابي اسحب السياره واسلمها لوقت التصليح لكن شلون اعرف وقت التصليح
هم قالولي اليوم بيكون تعين شركة التأمين هل شركة التأمين طول ولا في يوم واحد تخلص امورها ... ؟؟