عندي كم سؤاااال في القانون ومب عارفة من اسئل ؟؟؟ استشارة قانونية ؟

[**هـتــــــان**]

السلام عليكم ورحمة الله وبـــــــــــــــــــــركاتة


اخواني واخواتي ...مثلما قريتوا العنواااان ....عندي كذا استفسااار حول بعض القوانين ..


وصراحتا مب عارفة من اسئل ...؟؟؟؟


والموووضوع حول سالفة الاستقالة :( تقدرون تقولون يئست ..وغير ظروف خاصة فيني )

ابي استقيل من هيئة التعليم الموقرة ...:weeping: وبما ان النقل يحتاج واسطة وهم رافضين النقل والاستقالة ماتقبل الا بشهر 7 فقط فقط .... وماعندي الا هالدرب درب الاستقالة يعني ماعندي الا هالشهر بس :anger1:


فاحتاج استفسر حول هالموووضوع من الناحية القانونية ..والالتزامات المادية ؟؟؟


ياريت اي حد يفهم في هالمواااضيع يفهمني :weeping: وربي احس اني ضايعة ...وتعبت ومليت من التفكير ومن هالوظيفة :(


السالفة ومافيها ...ابي استقيل ( طبعا كان ودي انتقل بس اهم مب مخلينا ننتقل )...وعلي التزامات مادية علي.. قسط للبنك ( بنك اسلامي )

وعلي قسط للدولة ..ارض وقرض ..

وودي استقيل علشان اقدر انقل وظيفة غير هالوظيفة :weeping:


ومب عارفة اذا البنك يصبر علي ...في حالة لو قدمت كم شهر قدام بحدود 3 شهور مثلا ...وشنهي الاجرااات في حالة تاخرت عن سداد الاقساط لين احصل وظيفة .. ( قسط الدولة وقسط البنك )

وبعدين في حالة الاستقالة ...بيعطوني المستحقات المالية ولا لا؟؟

وفي حالة استقلت ورحت وظيفة ثانية ...هل بتم بنفس درجتي ولا بتسقط عني :(

والرقم الوظيفي بيكون اهو نفسة ولا بيتغير ؟؟؟




ياااااااااااااااااااااااااااااليت اللي مر بنفس تجربتي ...واستقال وعلية التزامات واقساط للبنوك
يخبرونا شالاجرااات اللي سووها ...وكم اقصى فترة ممكن البنك يسمح لك ماتسدد ؟؟؟:weeping: علبال ماتعدل وظع وترجع تقسطهم :(


انتظررررر ردودكم :(

[M7ammad]

والله ما ادري عن شي
للرفع !

[الجوكر90]

السلام عليكم
الشيخه قبل لا تستقيلين لازم ادورين لج شغل
اذا حصلتي عرض وظيفي تروحين تقدمين استقالتج واتودين العرض حق البنك وبعدها عادي راح تدفعنين نفس الشي وماراح يتغير ولا شي


بس

في حاله انج استقلتي وماعندج وظيفه راح يطالبونج بالفلوس كاش او انج ادورين لج وظيفه خلال فتره معينه وبعدها لازم تدفعين او راح يلجاوون للمحاكم


وبالتوفيق ان شاء الله

[مالي ومال الناس]

كذلك لا اعلم

للرفع

[جوال 11]

ومب عارفة اذا البنك يصبر علي ...في حالة لو قدمت كم شهر قدام بحدود 3 شهور مثلا ...وشنهي الاجرااات في حالة تاخرت عن سداد الاقساط لين احصل وظيفة .. ( قسط الدولة وقسط البنك )

وبعدين في حالة الاستقالة ...بيعطوني المستحقات المالية ولا لا؟؟

وفي حالة استقلت ورحت وظيفة ثانية ...هل بتم بنفس درجتي ولا بتسقط عني :(

والرقم الوظيفي بيكون اهو نفسة ولا بيتغير ؟؟؟



قبل الأستقالة تقدمي بطلب وظيفة وإذا تمت الموافقة تقدمي بالأستقالة حتى تضمنين أستمرار الراتب .
وطبعا البنك ما راح يصبر على الأقساط إلا إذا تقدمتي بطلب لتأجيل الأقساط من البنك مثلاً 3 شهوروحسب موافقة البنك .
أما المستحقات المالية فتأخذينها كامله .
ودرجة الوظيفة حسب العمل الجديد والمتوفرعند الجهة الآخرى التي تريدين العمل فيها قد تكون أفضل أو غير ذلك .
والرقم الوظيفي سيكون مختلف كل جهة لها رقم وظيفي خاصة .
وبالتوفيق

[moonبنتnight]

استقيلي 00 اذا لقيتي وظيفة ثانية 00
مشكلة في قرض الاسكان اقساط ما تأجل ما قرض بنك ممكن تتفاهمين مع بنكج 00
حقوق المالية 00 ما في شي لان مكافاة نهاية الخدمة ما تقدرين تأخذينها بسبب قانون تقاعد الظلم 00
بس يطالبونج بفلوس سلفيات لي عليج 00
درجة مالية 00 ما تتغير بس اذا كانت شركة او مؤسسة فرق بدرجة بشرط ما يتبعون قانون موارد بشرية 00
رقم الوظيفي 00 شي طبيعي يتغيير انتي حتى في نقل بادارة أخري تتغير لان الوظيفة محجوزه لادارتج وكل وزارة لها وظائفها ما تنقل لي وزارة ثانية 00 لا في حالة نقل بمخصصات المالية 00 وهم يتغيير رقم الوظيفي حسب شواغرهم منع زدواجيه رقم الوظيفي في الادارة اذا موظف ثاني له نفس الرقم 00
والله وفقج أن شاء الله 00

[المقهوره]

السلام عليكم
الشيخه قبل لا تستقيلين لازم ادورين لج شغل
اذا حصلتي عرض وظيفي تروحين تقدمين استقالتج واتودين العرض حق البنك وبعدها عادي راح تدفعنين نفس الشي وماراح يتغير ولا شي


بس

في حاله انج استقلتي وماعندج وظيفه راح يطالبونج بالفلوس كاش او انج ادورين لج وظيفه خلال فتره معينه وبعدها لازم تدفعين او راح يلجاوون للمحاكم


وبالتوفيق ان شاء الله


صح كلامك

[بوحارب]

الله يكون بعونكم

[لاجئ عاطفي]

الاستشارة القانونية الحين بفلوس مافي شي ببلاش :nice:

[**هـتــــــان**]

جميع اللي مروا وشاركوني بالموضوع ألاخ محمد,, الجوكر 90 ,رمز الوفا ,جوال 11,مون بنت نايت ,المقهورة , بو حارب يعطيكم الف عافية ..لاخلا ولاعدم وانتظر باقي الردود ..

تحياتي للجميع ..

[**هـتــــــان**]

الاستشارة القانونية الحين بفلوس مافي شي ببلاش :nice:

لاجئ عاطفي يالمادددي :anger1:

:rolleyes2:


تسلم ع المرور ..والمشاركة .. ( ادفع ضريبة مرور) ممكن :tease:

[ضوى]

اصلا لقبول الاستقالة يشترطون اخلاء طرف من البنك وهذا الشئ مب في صالحج لانه بيكون عليج دين ومابيقبلون الاستقالة

[بو خليفه 123]

أنا ممكن افيدك من وجهة نظر بنكيه

لكن قبل الافاده .. هل اذا استقلتي من الوزاره بيعطونك مكافئة نهاية الخدمه ؟


و لي عوده

[لاجئ عاطفي]

لاجئ عاطفي يالمادددي :anger1:

:rolleyes2:


تسلم ع المرور ..والمشاركة .. ( ادفع ضريبة مرور) ممكن :tease:


لو علي صدقيني اتمونون كلكم بس هذا الواقع ورفيجي قانوني وعنده ماجستير كل مانبي منه استشاره يقول لنا الدفع قبل الرد :(

[**هـتــــــان**]

حابة اعلق على بعض الردود ...اللي يقولون اضمني الوظيفة بالاول :weeping:

المشكلة اذا محصلين وظيفة تكون بشهر 4 ومرات شهر 5 ...ولين يكتبون كتاب حق جهت العمل الموقرة بالموافقة يتم الرفض والسبب لالتزام المدرسة بالعمل لدى المجلس الاعلى ولايسمح لها بالنقل الابشهر 7:eek5: :anger1: طيب الجهة الاخرى مارح تتم ناطرة لين تتكرم جهت عملنا الموقرة شهر 7 بالسماح بالنقل لهم وهني تكون طارت الطيور بارزاقها :weeping: ولو قلنا الاستقالة نفس الشي صعبوها علينا وصاروا يقبلونها في شهر 7 بس ...ياناس مب حرااام اللي يسونة فينا ...اي عدل هذا ... وباي حق يحتكرونا عندهم اجباري صار معسكر مب تدريس طيب واللي تعقد وكرة شي اسمة تدريس شلون يعطي ويبدع بمجاااال وظيفتة شلون ؟؟؟؟؟؟ :(

شكلي بسوي حفلة اذا طلعت من عندهم سالمة غانمة صار لي اكثر من سنتين واكثر وانا احاول ائة ائة :weeping:

ادعوا لي :(

[VIVA]

السلام عليكم

اقدر افيدك بإذن الله في موضوع اجرائات البنك

اول شي نصيحه: اذا ماحصلتي شغل ثاني لا تستقيلين

ثاني شي مااعتقد ان في اي بنك في الدوحه ممكن يأجل الاقساط لأي عميل اذا هو مقدم استقالته من مكان عمله، لأن واحد من اهم شروط الموافقه على القرض او تأجيل الاقساط ان العميل يكون على رأس عمله، وفي حال ان العميل اخل بأي من هذي الشروط يصبح القرض واجب السداد حالا

ولكن كون العميل (قطري او قطريه) فالبنوك يتساهلون نوعا ما مع العميل، يعني يصبرون لمدة 3 شهور (اغلب بنوك قطر)، لكن بعد الثلاث شهور اذا اول قسط طاف عليه 90 يوم ولم يسدد يصير البنوك مطر ان يتخذ اجراء جنائي ضد العميل، لأن بعد 90 يوم البنك لازم ياخذ مخصص على الحساب المتأخر (بحسب قانون مصرف قطر المركزي) واذا اخذ مخصص لازم ياخذ اجراء جنائي ( يقدم شيكات العميل للعاصمه) وإلا البنك راح يتعرض للمسائله من قبل مصرف قطر المركزي

وبعدها اذا استمر العميل بعدم السداد لأكثر من 120 البنك راح ياخذ مخصص آخر على حساب العميل ويكون واجب عليه ان يتخذ اجراء مدني، اي ان البنك يرفع قضيه مدنيه ويطالب العميل بقيمة القرض بالكامل مضاف عليها قيمة الفوائد والغرامات واتعاب المحكمه والمحاماة

اختي طرشي لي على الخاص انتي قرضك مع اي بنك وتفاصيله وان شاء الله اقدر اساعدك في هالموضوع اذا قررتي ان تقدمين استقالتك وقبل لا يتأخر عليك اي قسط


تحياتي

[**هـتــــــان**]

اصلا لقبول الاستقالة يشترطون اخلاء طرف من البنك وهذا الشئ مب في صالحج لانه بيكون عليج دين ومابيقبلون الاستقالة

مارااح استقيل الا اذا جمعت كل خيوط الموووضوع ...وان شفتة صعب فليتها :( ..تسلمين ع المرور

[**هـتــــــان**]

لو علي صدقيني اتمونون كلكم بس هذا الواقع ورفيجي قانوني وعنده ماجستير كل مانبي منه استشاره يقول لنا الدفع قبل الرد :(

لاهنت ...اتغشمرررر ....عيل رفيجك اهو المااادي ههههه

[**هـتــــــان**]

السلام عليكم

اقدر افيدك بإذن الله في موضوع اجرائات البنك

اول شي نصيحه: اذا ماحصلتي شغل ثاني لا تستقيلين

ثاني شي مااعتقد ان في اي بنك في الدوحه ممكن يأجل الاقساط لأي عميل اذا هو مقدم استقالته من مكان عمله، لأن واحد من اهم شروط الموافقه على القرض او تأجيل الاقساط ان العميل يكون على رأس عمله، وفي حال ان العميل اخل بأي من هذي الشروط يصبح القرض واجب السداد حالا

ولكن كون العميل (قطري او قطريه) فالبنوك يتساهلون نوعا ما مع العميل، يعني يصبرون لمدة 3 شهور (اغلب بنوك قطر)، لكن بعد الثلاث شهور اذا اول قسط طاف عليه 90 يوم ولم يسدد يصير البنوك مطر ان يتخذ اجراء جنائي ضد العميل، لأن بعد 90 يوم البنك لازم ياخذ مخصص على الحساب المتأخر (بحسب قانون مصرف قطر المركزي) واذا اخذ مخصص لازم ياخذ اجراء جنائي ( يقدم شيكات العميل للعاصمه) وإلا البنك راح يتعرض للمسائله من قبل مصرف قطر المركزي

وبعدها اذا استمر العميل بعدم السداد لأكثر من 120 البنك راح ياخذ مخصص آخر على حساب العميل ويكون واجب عليه ان يتخذ اجراء مدني، اي ان البنك يرفع قضيه مدنيه ويطالب العميل بقيمة القرض بالكامل مضاف عليها قيمة الفوائد والغرامات واتعاب المحكمه والمحاماة

اختي طرشي لي على الخاص انتي قرضك مع اي بنك وتفاصيله وان شاء الله اقدر اساعدك في هالموضوع اذا قررتي ان تقدمين استقالتك وقبل لا يتأخر عليك اي قسط


تحياتي


نفس هالكلام اللي قلتة قالة اخوي بس حبيت اتاكد منة خصوصا ان اخوي اصغر مني يقول انه سوى هالشكل وقدم كم شهر وبعد 3 شهور البنك رفع شيك علية ...وبعدها يقول على بال ماتتخذ المحكمة اجراتها يكون عدت سنة وشي... كنت انا لقيت وضيفة منذوا مبطي بس طول وهو مجز قرابة السنة ... الله يوفقة ...

بس بعد يختلف من ريال لمرة :shy: وخصوصا وظايفنا محدودة ومب كل شي يجي عالمزاااج ..

اذا بتاخذ اجراء الاستقالة بفكر بكلامك :( وبشوف ..تسلم ع المرور والمشاركة.

[**هـتــــــان**]

أنا ممكن افيدك من وجهة نظر بنكيه

لكن قبل الافاده .. هل اذا استقلتي من الوزاره بيعطونك مكافئة نهاية الخدمه ؟


و لي عوده

والله مدري يخوي بروح واشوف شسالفتهم ...بس يوم كنت اتابع مشكلة الاخ بو ناصر كنة مافية ..:( بروح واتاكد منهم ...وارد لكم خبر ... تسلم عالمرور والمشاركة ..