الدكتور يوسف بوالفين

[.. ام عبودي ..]

السلام عليكم ورحمة الله وبركاته

اعضاء المنتدى حبيت استشيركم

رحت حق بوالفين وسويت فحوصات عمل الليزك وطلعت الفحوصات سليمه ونصحني اسويها عنده فالعياده

يقول اللي يسويها زائر من مصر البروفيسور اسامه ابراهيم

عاد انا اول مره اسمع فيه وموعدي للعمليه اخر الشهر ان شاء الله

طمنوني حد سمع عن هالدكتور وحد جرب الليزك عنده

على قولته هو استاذ الليزك

انتظر ردكم اخواني وخواتي

[الصاعق الحارق]

سواها لي الدكتور اسامه في عياده يوسف من 4 سنوات
والحمد لله لا حسيت بيده كانت خفيفه وشغله الحمد لله عال العال
انصحك به

[القانوني]

توكل على الله

ان سويت عنده من 5 سنوات ونسيبي من سنتين وصديق ثالث بعد


الله يوفقك


القانوني ،،،

[شموع قطريه]

في وين عيادته

[شبح الصمت]

وين عيادته اختي عطيني رقمها

ابي اسوي فحص لعيني

ارحم الله والديج

وما تشوفين شر

[بوخالد911]

موفقيييين

[.. ام عبودي ..]

مشكورين اخواني

ريحتوني الله يريحكم

واللي طلب عيادته هي صوب السنتر

[bu 3li]

الدكتور زين وانا مسوي ليزك عنده ولله الحمد كل شي تمام

[روح الاطلس]

لما احد يسوي ليزك كم المدة اللي يقعدها بدون كمبيوتر؟

ودي اسوي بس اخاف انحرم من النت وانا ادمان على النت اكثر من 10 ساعات في اليوم (6 منها في الدوام):(

[قطرية مثقفة]

لما احد يسوي ليزك كم المدة اللي يقعدها بدون كمبيوتر؟

ودي اسوي بس اخاف انحرم من النت وانا ادمان على النت اكثر من 10 ساعات في اليوم (6 منها في الدوام):(

عادي جابل النت بالنظارة الشمسية ،،،،،، تراني اتغشمر اسأل الدكتور أحسن ،،،،،،، بس نصيحة سو العملية الصراحة الواحد يفتك من العدسات والنظارة ،،،،،،،:)

[ashhal_q]

كم تكلف عند الدكتور يوسف..

[bu 3li]

انا اخبر سويت العمليه بـ 5000 لانه كانت عندي عين وحده بس وهالكلام من سنتين اظن

ياخذ 500 حق الفحص و 4500 الباقيه حق العمليه .. وبخصوص التلفزيون والنت

عقب العمليه حط لي غطا على عيني وراجعته ثاني يوم ( الغطا بس عشان ماحك عيني لا اكثر )
طبعاً التلفزيون عادي والنت لكن الواحد يتجنب للوقايه لا اكثر .. وثاني يوم فحص عيني وشاف كل شي تمام وقال لي توكل وامورك طيبه .. عطاني اجازه عشان اريح ولا كان عادي ارجع الدوام واجابل الكمبيوتر

لا كان فيه سوالف نظارات شمسيه ولا اني انخش عن الشمس مادري اشكثر

ومكانه سهل .. وانتوا جايين من اشارات رمادا رايحين صوب السنتر القديم
تاخذون الدوار الصغير اللي عند السنتر يمين وتكملون سيده لين توصلون عمارات القطريه اللي تكون عاليسار وعيادة يوسف بو الفين على اليمين في عماره بيضه .. وللي مايعرف عمارات القطريه يمشي بس وبيشوف لوحات مكتوب عليها عيادة يوسف بو الفين

اسالوا اي حد من السكيورتيه اللي تحت بيدلكم على العماره لو ماعرفتوا اي وحده هي

[latty]

صلي الاستخاره

لدي سؤال الوالد سواها قبل قبل اربع سنين مع خالد الشريف بس بعد هالمده ضعف بصره ورد على النظاره يجوز يسويها علما بان عمره خمسين عام

ياليت حد يفيدني

[qrt_trading]

لما احد يسوي ليزك كم المدة اللي يقعدها بدون كمبيوتر؟

ودي اسوي بس اخاف انحرم من النت وانا ادمان على النت اكثر من 10 ساعات في اليوم (6 منها في الدوام):(



أنا لما سويت العملية قالي الدكتور إني أقدر أقعد على الكمبيوتر من ثاني يوم على طول يعني بعد الفحص إللي راح إتسويه في ثاني يوم أهم شي إنك إداوم على إستعمال القطرة إللي راح يكتبها لك وبالمدة المحددة وبس

وما يحتاج إنك تقعد في البيت لابس النظارة الشمسية بس لما تطلع بة تحت الشمس فقط لا غير

[ولد شرق]

اخوي سويتها قبل سنه عنده

الدكتور ممتاز وويده خفيفه و أمين
انصحك به بدون تردد...

[قطر دزاين]

قبل تسوين شي روحي للعياده اللي في مجمع الجبر بيسوي لك فحص كامل بكل دقه
واعرف واحد سوى عنده ونجحت العمليه

وهو بينصحك مو من العيادات اللي تهمه الماده في المقام الاول

[kitmat]

الحمدلله انا مسوية عنده وصديقتي بعد توكلى على الله بس بعد صلاة الاستخارة

[kitmat]

بس اختي نسيت اقولج شي العمليه يفضل تكون في فصل الشتاء علشان حرارة الشمس

[بحـر]

ما انصح بمثل هذه العمليات لانها وقتيه مصير اللي سواها بيرجع على النظارة وفوقها القطرات والمراهم والالام لو عود بي الزمن للوراء لما اقدمت حتى على التفكير فيها وقد اعذر من انذر

[رهج السنابك]

؛

بحر ياليت تفيدنا عن تجربتك بالتفصيل انتابني الفضول لاني اول مرة اسمع شخص نادم على فعلها

؛

وعندي تساؤل وهو ملاحظ لماذا اغلب اطباء العيون نراهم بالنظارات الطبية ولم يقوموا بعملية ليزك؟!!
احيانا طبيب الليزك نفسه يكون مرتدي لنظارة طبية !

سمعت قديماً ان الليزك له ضرر على المدى البعيد على العين ولا اعلم ماهو

؛

[Northman]

بكم بيسويها لج اختي


انا ودي اسويها ,, بس دايما اتردد في اخر لحظه

و سمعت عن دكاتره وايد ,, بس هذا اول مره اسمع عنه

[Mr.Mohammad]

الدكتور ممتاز و الجهاز اللي عنده حديث بخصوص الاخ اللي يسال عن النت تقدر اتجابل النت من اول يوم و تمارس حياتك عادي جدا و حتى الليتات و التلفزيون تقدر اتشوفه بعد العملية على طول ..


بصراحة الدكتور ممتاز عن تجربه شخصية =)

[محمد_ قطر]

انا سويتها في مركز التخصصي للعيون ( الجبر ) الصراحه الدكاتره الي فيه جدا ممتازين .. وهاي الدكاتره حرصين كل الحرص على العين يعني مايغامرون بالشخص ولا همهم الماده ..

واجهزتهم حديثه

[.. ام عبودي ..]

بكم بيسويها لج اختي


انا ودي اسويها ,, بس دايما اتردد في اخر لحظه

و سمعت عن دكاتره وايد ,, بس هذا اول مره اسمع عنه

اخوي العمليه للعينين تكلف 10

انشالله بسويها وبطمنكم بالنتايج

[برشلوني قطر]

ماتشوفين شر..واجر وعافيه

[ابو محمد7]

؛

بحر ياليت تفيدنا عن تجربتك بالتفصيل انتابني الفضول لاني اول مرة اسمع شخص نادم على فعلها

؛

وعندي تساؤل وهو ملاحظ لماذا اغلب اطباء العيون نراهم بالنظارات الطبية ولم يقوموا بعملية ليزك؟!!
احيانا طبيب الليزك نفسه يكون مرتدي لنظارة طبية !

سمعت قديماً ان الليزك له ضرر على المدى البعيد على العين ولا اعلم ماهو

؛



تساؤل مشروع ! ودايما افكر فيه وصراحة فيه شيء من الحكمة !

انا من فترة طويلة يمكن من 10 سنوات في المانيا سألت دكتور كبير جدا في العمر وفي الخبرة يمكن بروفيسور ما اذكر وقال لي النظارة احسن من العدسات والليزر وهي اسلم شي

في النهاية هي قرار شخصي وحرية شخصية وخاصة اللي ناقص وايد يمكن فعلا يكون محتاج والله اعلم

[فويرط]

هذا البروفيسور دايمن يجي زيارة لعيادة الدكتور/ يوسف ابوالفين

والشباب طبعاً ردو على الموضوع برايهم في العيادة والدكتور الزائر

واللي يبي وصف العيادة ، موجود تحت في الصورة ، يروح لين الوصف ، ولين وصل بيحصل لافته مكتب عليها عيادة الدكتور/ يوسف ابوالفين


طبعا وانت جاي من اشارات رامادا لين دوار السنتر لف يمين ، وبعدين امش مع وصف الصورة

وان شاء الله اكون وصفت لكم وصف زين الكل يدله



http://www14.0zz0.com/2010/07/25/07/388720584.jpg (http://www.0zz0.com)

[مساهم بسيط]

توكلي على الله وانا اخوج انا مسويها من سنتين عند البروفيسور نفسة والحمدلله كل الامور طيبة وللعلم .... الدكتور يوسف بوالفيين ( قام باجرى عملية ليزك لعينه ايضاً لدى البروفيسور الزائر )

[عضو مشاكس]

هذا البروفيسور دايمن يجي زيارة لعيادة الدكتور/ يوسف ابوالفين

والشباب طبعاً ردو على الموضوع برايهم في العيادة والدكتور الزائر

واللي يبي وصف العيادة ، موجود تحت في الصورة ، يروح لين الوصف ، ولين وصل بيحصل لافته مكتب عليها عيادة الدكتور/ يوسف ابوالفين


طبعا وانت جاي من اشارات رامادا لين دوار السنتر لف يمين ، وبعدين امش مع وصف الصورة

وان شاء الله اكون وصفت لكم وصف زين الكل يدله



http://www14.0zz0.com/2010/07/25/07/388720584.jpg (http://www.0zz0.com)

الدكتور اسامة بروفيسور؟