طفح الكيل يا ادارة المرور [الأرشيف] - منتديات شبكة الأسهم القطرية

مشاهدة النسخة كاملة : طفح الكيل يا ادارة المرور

همر

13-07-2010, 01:47 PM

مبنى جديد لإدارة المرور والدوريات —
جاسم سلمان

علمت الشرق أنه قد تقرر وضع
خطة تقضي بنقل مبنى إدارة
المرور والدوريات الحالي، حيث
سيتم بناء مبنى خاص للإدارة
بمكان معهد التدريب المهني
في مدينة خليفة الجنوبية، وأشار
مصدر مطلع إلى أن الخطط الأولية
تم إنهاؤها والمتعلقة بتصميم
المبنى، كما وضع المخطط
الخاص للأقسام، والذي سيكون
مجهزا بأفضل الوسائل، ووفق
أعلى المواصفات، ووفق الخطوة
التطويرية لمختلف الإدارات
والجهات الرسمية.
وأوضح المصدر أن الجهات
المعنية قد ارتأت إنشاء مبنى
جديد، يكون مواكباً للزيادة
السكانية، ووفق الطراز الحديث،
ونوه بأن المبنى الحالي لم يعد
كافياً لأعداد المراجعين المتزايدة،
فضلًا عن الجهود الرامية إلى
تطوير الإجراءات في إدارة المرور،
والتي تحتاج إلى مبنى حديث،
حيث إن المبنى الحالي، لا يتناسب،
أو بالأحرى، لا يعطي مجالا كافياً
لعمل تطوير، وتحسين في
الخدمات.
يذكر أن مكتب إدارة المرور
قد أنشئ منذ عدة سنوات، وتم
تجديده قبل فترة قصيرة، كما
تم تطوير خدمات المرور، وتوسعة
الأقسام وتجديد المبنى.

زين يوم ان المبنى الحالي لايتناسب ليش مجددينه ؟!!

ولا بعد ما جددتوه وصرفتوا الملايين اكتشفتوا فجأه انه لا يتناسب ؟!!

هل اكتشفت ادارة المرور فجأه انه عندها فايض في الميزانيه من ورى الضرايب.. قصدي المخالفات.. وقالوا يالله وش ورانا خل نغير المبنى ؟!!

من المسؤول عن هذا التخبط وهدر المال العام ؟!! ولا عادي الجيب عامر ؟!!

ما كان افضل انشاء مباني جديده في مناطق الدوله او تطوير المباني الموجوده (مسيمير, الريان, الخ) وتوزيع الخدمات عليها لتخفيف الضغط عن المبنى الحالي بدال صرف الملايين من اول وجديد على مبنى ثاني وفي نفس المنطقه ؟!!

اسئله بريئه تحتاج الى اجابات بريئه ... ولا تدرون ... سيروا عين الله ترعاكم ...

الحـ(درب)ـب

13-07-2010, 01:51 PM

وحيد-الشوق

13-07-2010, 01:51 PM

فلوس زايدة ياخوك

اشفطوا العالم بالمخالفات ويقولون لمصلحة الشعب بالنسبة لي ما اشوف شيء تغير المخالفات والسرعة والحوادث كلها نفس قبل

نمر بن عدوان

13-07-2010, 01:51 PM

من قالك اخوي ان المبنى الحاليه بينهدم او بيتكنسل ؟ الامر ومافيه انتقال المبنى الرئيسي م بقاء المبنى الحالي يقدم خدماته .

وبعدين الاموال الي تؤخذ من المخالفين لم تأخذ غصب عنهم بل بكامل رضاهم ولو ماتبي حد يخالفك لاتخالف والتزم واكبرها راس مايقدر يكلمك .

عزووز قطر

13-07-2010, 01:57 PM

فلوس زايدة ياخوك

اشفطوا العالم بالمخالفات ويقولون لمصلحة الشعب بالنسبة لي ما اشوف شيء تغير المخالفات والسرعة والحوادث كلها نفس قبل

وين الخطر والمصلحة اذا تبي تدخل اللفة عند اللاند مارك وواحد واقف ويسجل عليك مخالفة حزام :rolleyes2:

مااظن بتدخل اللفة وسرعتك 120 علشان الحزام بينقذني :rolleyes2:

الله كريم

الحـ(درب)ـب

13-07-2010, 01:58 PM

همر

13-07-2010, 02:23 PM

مادري ليش التفكير السلبي

اعتقد بعد التجديد من الممكن استخدام المبنى لشيء اخر

انا عن نفسي مقتنع بكل القرارات ومادري ليش كبرت الموضوع بسبب نقل مبنى لمبنى اخر

:)

خلك متفائل ياعزيزي

ومن حظي اني اول رد ويمكن يطيحون فيني الربع من بعدي
بس سامحني اذا ماعجبك ردي

تراني شخص راضي بما هو لي ومقتنع بما هو لي ولا افكر كثيرا بما هو ليس لي

لا عادي ردك على العين والراس واحنا ما نقدر اصلا نكون ضد اي قرار.. انا راضي مثلك تماماً..

لكن اللي يحرق القلب وين تقييمكم للمبنى قبل ماتجددونه ؟!! ياخي شوف مبنى امن العاصمه القديم ... من يومه ما تجدد لين ما بنوا مبنى جديد بصراحه مفخره ... هذي خطوه سليمه

انت شوف مبنى الجوازات الحين ... خوفك يسوون نفس الحركه.. عقب التجديدات والصرف ... يقولون لك المبنى مايصلح ... واتمنى من كل صمامات مكينة قلبي ان هالشي مايصير...

نتمنى من الادارات الحكوميه يكون عندها بعد نظر وخطط مستقبليه لخمسين سنه قدام مش سنه ولا سنتين...

الألماسي

13-07-2010, 02:30 PM

ما ينلامون . .

بـ معدل 111 مخالفه كل ساعه . .

و 478الف مخالفه تقريباً في 7 شهور . .

خلنا نقول مثلاً 500 ريال تقريباً لكل مخالفه . .

إذن

478000* 500 ريال = 239000000 ريال :nice:

:)

كاشف الغطاء

13-07-2010, 02:52 PM

احسن مما تروح في جيب حد :)

بس شوفو من صاحب الشركة اللي بتنفذ المشروع

Gh2o

13-07-2010, 03:24 PM

قسم بالله عبالي عندك موضوع مهم

VIVA

13-07-2010, 03:28 PM

بالنسبه لقيمة المخالفات

ترى ماتروح للمرور ولكن تدفع في حساب وزارة العدل

bu 3li

13-07-2010, 03:38 PM

مستعدين يبنون مليون مبنى مب بـ فلوس المخالفات والحزام
بس اخذوا المخالفات البايخه اللي محد يستاهل فيها

الشارع 80 والرادار يصيدك تمشي 90 ولا 91
الشارع 100 والرادار صايدك تمشي 111

وفالاخير تطلع من عندهم دافع 500

صج هاي اللي يقهر

الحـ(درب)ـب

14-07-2010, 08:09 AM

الفلوس التي تم تحصيلها

تروح لرواتب الشعب

ومحد يعطيك مخالفة على كيفة

بس يتم اعطاء المخالفات لكل مخطأ

حزام الأمان يعتبر خطأ في حال عدم التقيد به

المخفي كامل يعتبر خطأ في حال عدم استخراج الترخيص

السير من غير رخصة قياده يعتبر خطا ,,,,,

صوت الهدرز والدبات يعتبر خطأ قاتل.....

التجاوزات والسباقات تعتبر خطأ قاتل

قطع الإشارة خطأ قاتل

كل هذه مخالفات وفي غيرها كثير

وكلن ياخذ نصيبه

على هالحر والدرجات لعالية من الحرارة

نقول شكرا لكل شرطي مرور يقف بالشارع بعز الظهر

بس ارضاء الناس غاية لاتدرك

Sharshooooor

14-07-2010, 08:12 AM

يمكن بعد ايراداتهم الاخيرة الفاحشة قالوا بنغير المبنى وبنسوي له صيانه بعد قبل لا ناخذه :nice:

الـقـاسـي

14-07-2010, 08:13 AM

المفروض من زماااااان هالشي قبل لايجددون المبنى .. تاخروا واجد واتمنى يراعون المواقف ويكون المكان يكفي للمراجعين والزوار مش يوقف على بعد كيلو ويمشي

N.B.A

14-07-2010, 08:13 AM

بالنسبه لقيمة المخالفات

ترى ماتروح للمرور ولكن تدفع في حساب وزارة العدل

اخالفك الرأي اخوي viva حيث أن ايرادات وزارة الداخلية تذهب لحساب الدولة الموحد

ولــ(الزعيم)ــد

14-07-2010, 08:24 AM

احسن مما تروح في جيب حد :)

بس شوفو من صاحب الشركة اللي بتنفذ المشروع

:nice:

ســـهم

14-07-2010, 08:25 AM

انتظروا

رد سعادة

عنزي قطر ..

رجل الجزيرة

14-07-2010, 08:54 AM

فلوس زايدة ياخوك

اشفطوا العالم بالمخالفات ويقولون لمصلحة الشعب بالنسبة لي ما اشوف شيء تغير المخالفات والسرعة والحوادث كلها نفس قبل

ما أعتقد إن الدولة تأخذ فلوس المخالفين وإنما تذهب للجمعيات الخيرية.

راعـي سـمحـه

14-07-2010, 09:35 AM

المبالغ كلها تدخل في حساب الدوله .. شدخل الجمعيات الخيريه او حساب الوزاره نفسها ..

بعدين خل يطورون وياخذون المباني الي تعجبهم .. تبون يأجرون فيلا ويشتغلون ؟

بوخالد911

14-07-2010, 09:40 AM

هلا

انا مع افتتاح أفررع جديدة
وبكل المناطق
مثلا

الوكرة

بالهلال

الريان

الشحانية

الخور

الرويس

تخفيفا ع المبنى الرئيسي

عنزي قطر

14-07-2010, 09:44 AM

مبنى جديد لإدارة المرور والدوريات —
جاسم سلمان

علمت الشرق أنه قد تقرر وضع
هل اكتشفت ادارة المرور فجأه انه عندها فايض في الميزانيه من ورى الضرايب.. قصدي المخالفات.. وقالوا يالله وش ورانا خل نغير المبنى ؟!!

اسئله بريئه تحتاج الى اجابات بريئه ... ولا تدرون ... سيروا عين الله ترعاكم ...

حياك الله أخوي التطوير شي جميل ومطلوب
ثانيا انت شبهت المخالفات بالضرايب

أخوي الحمدالله لايوجد في دولتنا قطر ضرايب وهذا من فضل الله علينا

تعريف الضرايب بالوطن العربي :تعريف الضريبة
هي فريضة مالية تحددها الدولة ويلتزم بأدائها الممول بلا مقابل لتتمكن الدولة من القيام بتحقيق أهداف المجتمع .

تعريف المخالفة : لكل شخص مخالف لايلتزم بالقانون

توضيح اكثر الربط حزام الامان + استخدم الهدفون + لاتسرع + لاتتجاوز = لاتوجد مخالفة عليك وأذا وجد عليك مخالفة وانت لم تخالف تستطيع مراجعة قسم الشكاوي والتظلمات بأدارة المرور

وتفضل شف الضرايب بدول الاخرى ولازم نحمدالله انه لايوجد ضرايب بقطر

اليك الرابط
http://www.incometax.gov.eg/gratitude-29.asp

اخوكم ومحبك عنزي قطر

همر

14-07-2010, 12:45 PM

فلوس زايدة ياخوك

اشفطوا العالم بالمخالفات ويقولون لمصلحة الشعب بالنسبة لي ما اشوف شيء تغير المخالفات والسرعة والحوادث كلها نفس قبل

حرام عليك في انخفاض 5% في نسبة الحوادث !!!عاد شوف انت 5% لما تزينها لك الجرايد تحسسك انها 50% !!!

لا وازيدك من الشعر بيت... يقولك الله يسلمك نسبة الوفيات قلت بـ9.6% عن 2009 بتقسيم 101 وفاه هالسنه على 104 وفاه في 2009... قمة الاستغفال...

شوف شلون يزينون لك الخبر... مع ان الحسبه المفروض تكون عدد الوفيات على عدد الحوادث ضرب 100...

بحسبه بسيطه:

نسبة الوفيات في 2009: 104/2564= 4.05%
نسبة الوفيات في 2010: 101/2319= 4.35%

يعني قلت الحوادث بشكل لا يذكر وقلت الوفيات بشكل لايذكر.. شي منطقي لان الحوادث اقل... لكن بالنسبه المئويه ترى نسبة الوفيات زادت ياجرايدنا الموقره !!!!

من قالك اخوي ان المبنى الحاليه بينهدم او بيتكنسل ؟ الامر ومافيه انتقال المبنى الرئيسي م بقاء المبنى الحالي يقدم خدماته .

وبعدين الاموال الي تؤخذ من المخالفين لم تأخذ غصب عنهم بل بكامل رضاهم ولو ماتبي حد يخالفك لاتخالف والتزم واكبرها راس مايقدر يكلمك .

المكتوب في الخبر "نقل" يعني افهم ان كامل ادارات المرور راح تنتقل من المبنى الحالي... واذا انتقلت كل الادارات ليش اخلي مبنى ثاني في نفس المنطقه؟!! المفروض اني بابني مبنى جديد يستوعب الموظفين والمراجعين حق 50 سنه قدام ... المفروض !

وبعدين ياخوي في بعض الاخوان "البعض" من رجال المرور يتصيدون المخالفات... انا مخالف واستاهل ماقلنا شي.. لكن الاسلوب بعد يلعب دور ... يعني لما الشرطي عند الاشاره يوقف ورى اللوحه لين ماتحمر الاشاره ينقز قدام السيارات ورضخ مخالفات حزام !!! ياخي خلني اشوفك من بعيد اذا ناسي اربط الحزام باربطه ! يمكن توني طالع من محل او باركنج او او او ... انا مش معذور ... لكن "ذكّر" فان الذكرى تنفع المؤمنين...

وبصراحه يا اخوان احنا ما عندنا ثقافة الالتزام بالقانون... لا درسناها ولا تعودنا عليها.. الموضوع يبيله وقت... 15 سنه اسوق بدون حزام تبيني التزم في شهر ولا سنه !!! عطني وقت وذكرني بس لا تقعد تتصيد لي وكأني متعمد المخالفه...

وين الخطر والمصلحة اذا تبي تدخل اللفة عند اللاند مارك وواحد واقف ويسجل عليك مخالفة حزام :rolleyes2:

مااظن بتدخل اللفة وسرعتك 120 علشان الحزام بينقذني :rolleyes2:

الله كريم

هذا غير المخالفات في المواقف نفسها !!! من صجكم لازم اربط الحزام وانا قاعد ادور باركنج حق السياره ؟!!!!

ما ينلامون . .

بـ معدل 111 مخالفه كل ساعه . .

و 478الف مخالفه تقريباً في 7 شهور . .

خلنا نقول مثلاً 500 ريال تقريباً لكل مخالفه . .

إذن

478000* 500 ريال = 239000000 ريال :nice:

:)

انا مشارك بـ1200 ريال هالسنه :shy:

احسن مما تروح في جيب حد :)

بس شوفو من صاحب الشركة اللي بتنفذ المشروع

كاشف الغطاء.. لاتكشف على مغطى ولا تغطي على مكشوف !! :whistling:

قسم بالله عبالي عندك موضوع مهم

اسفين الشيخ ضيعنا من وقتك دقيقتين قراءه ونص دقيقه كتابه في كم مليون ضاعت على مبنى قديم بيتكنسل...

المفروض من زماااااان هالشي قبل لايجددون المبنى .. تاخروا واجد واتمنى يراعون المواقف ويكون المكان يكفي للمراجعين والزوار مش يوقف على بعد كيلو ويمشي

الشق الثاني من موضوعي... دراسات جدوى ودراسات قيميه ودراسات تقييميه... هل هي موجوده ولا الموضوع كن فيكون ؟!!

ما أعتقد إن الدولة تأخذ فلوس المخالفين وإنما تذهب للجمعيات الخيرية.

ماعندي اعتراض على من ياخذ الفلوس او وين تروح :)

المبالغ كلها تدخل في حساب الدوله .. شدخل الجمعيات الخيريه او حساب الوزاره نفسها ..

بعدين خل يطورون وياخذون المباني الي تعجبهم .. تبون يأجرون فيلا ويشتغلون ؟

وش فيها الفلل ياخوك.. هذا هو مرور الريان في فيلا محد فكر يسوي لهم مبنى جديد !!! لكن المبنى اللي تونا مجددينه نقدر نبني غيره :sneaky:

حياك الله أخوي التطوير شي جميل ومطلوب
ثانيا انت شبهت المخالفات بالضرايب

أخوي الحمدالله لايوجد في دولتنا قطر ضرايب وهذا من فضل الله علينا

تعريف الضرايب بالوطن العربي :تعريف الضريبة
هي فريضة مالية تحددها الدولة ويلتزم بأدائها الممول بلا مقابل لتتمكن الدولة من القيام بتحقيق أهداف المجتمع .

تعريف المخالفة : لكل شخص مخالف لايلتزم بالقانون

توضيح اكثر الربط حزام الامان + استخدم الهدفون + لاتسرع + لاتتجاوز = لاتوجد مخالفة عليك وأذا وجد عليك مخالفة وانت لم تخالف تستطيع مراجعة قسم الشكاوي والتظلمات بأدارة المرور

وتفضل شف الضرايب بدول الاخرى ولازم نحمدالله انه لايوجد ضرايب بقطر

اليك الرابط
http://www.incometax.gov.eg/gratitude-29.asp

اخوكم ومحبك عنزي قطر

ياخوي موضوع الضرايب هذا من باب الدعابه يعني مافيها شي لما نتغشمر مع الحكومه :shy:
المسأله ومافيها ان المخالفات المروريه قمنا احنا نشبها بالضرايب من كثر مانتخالف وتكرر المخالفات وخلاص صارت جزء اساسي من ميزانياتنا السنويه :weeping:

وصدقني ادفعها وانا اضحك لاني اخالف "مجبر اخاك لابطل" في كثير من الاحيان بكامل وعيي وارادتي...

وشاكر لكم ردودكم :victory: