Metrash: تم اصدار تصريح سفر

[HADi]

السلام عليكم ..

حاب اطرح عليكم موقفي مع خدمة مطراش


تلقيت بتاريخ 12 -07-2010

مسج من مطراش مفاده

تم استخراج تصريح سفر لــ " اسم الخادمه "

ينتهي بتاريخ 18-07-2010


المسج كان مفاجىء بالنسبه لي ..لاني ماقدمت على تصريح سفر للخادمه

والي اعرفه ان هذا التصريح يحتاج البطاقة الاصليه والتوقيع على الاوراق

فهل حد استخدم بطاقتي وزور توقيعي دون علمي .. ؟؟

حاولت استفسر لمدة يومين وانا اتصل في جميع ارقام وزارة الداخلية الموجوده على موقعهم

http://www.moi.gov.qa/site/arabic/contactDept/index.html

وللاسف كانت المحاولات مابين عدم الرد او التحويل الى ارقام محد يرد عليها

وبعد ما فقدت الامل حاولت عن طريق موقعهم ولكن بعد للاسف مافي خدمه الكترونيه تساعدني في هذا الموضوع وخاصه ان المسج بدون رقــم الطـلـب


من خلال هذا الموقف .. اطالب وزارة الداخلية بوضع ارقام خاصة للاستفسار عن الرسال التي نستملها من قبل خدمة مطراش .. حتى نتمكن من معرفة صحة المعلومات

واعتقد خدمة مطراش تم تطبيقها حتى تخدم المواطنين والمقيمين وليس مصدر قلق !

[شويهينــه]

ليكون خدامتكم مبيته النيه :telephone:

[N.B.A]

العزيز HADi أرى أن تذهب لمكتب جوازات المطار الموجود خارج مبنى المطار للتأكد شخصيا" من صحة هذه الرسالة وهذا أحسن من الانتظار على الهواتف او تحويلك من شخص لآخر

[الصريحه]

الله يعينك

[كرستال]

العزيز hadi أرى أن تذهب لمكتب جوازات المطار الموجود خارج مبنى المطار للتأكد شخصيا" من صحة هذه الرسالة وهذا أحسن من الانتظار على الهواتف او تحويلك من شخص لآخر


والله احسن واسرع واسلم اقتراح يحل لك الموضوع

[jajassim]

جرب هذا الرقم ، 4849806 طال عمرك ـ اثناء الدوام الرسمي

[HADi]

يعطيكم العافيه على ردودكم ..

اخواني يعني لازم ادق طريق 81 كيلو على شان استفسر عن مسج هل هو صحيح او بالخطء

احنا في عصر التكنلوجيا ..وزارة الداخلية من الوزارات الي تميزت في هذا ..

وموضوعي لتحسين الخدمه اكثر وتسهيل الامور علينا

ولا سالفة اني ادق خط على شان استفسر هذي تكنولوجيا معروفه من سنة السبعينيات واكثر :)

[N.B.A]

يعطيكم العافيه على ردودكم ..

اخواني يعني لازم ادق طريق 81 كيلو على شان استفسر عن مسج هل هو صحيح او بالخطء

احنا في عصر التكنلوجيا ..وزارة الداخلية من الوزارات الي تميزت في هذا ..

وموضوعي لتحسين الخدمه اكثر وتسهيل الامور علينا

ولا سالفة اني ادق خط على شان استفسر هذي تكنولوجيا معروفه من سنة السبعينيات واكثر :)

أولا" ماكنت آدري بمكان سكنك والفرق بينك وبين جوازات المطار ولو كنت عارف بهذي المسافة كنت موب مشارك :)

انا من طرفي من سكان منطقة الغرافة وأكره شيء عندي اني آروح شارع المطار او ذيك المنطقة للغربال اللي يعانيه البني آدم من ذاك المشوار ولكن علشان توضح لي أمور يجي من وراها عوار راس وعوار راس أمني ذيك الساعة لو يقولون لي في الشمال باروح ولا أبالي

أرجوا أن يكون الرقم اللي حطه الأخ jajassim يفيدك ويحل لك المشكله

[HADi]

جرب هذا الرقم ، 4849806 طال عمرك ـ اثناء الدوام الرسمي

تسلم اخوي jajassim

وان شاء الله بجرب الرقم بكره

الله لا يهينك :)

[HADi]

أولا" ماكنت آدري بمكان سكنك والفرق بينك وبين جوازات المطار ولو كنت عارف بهذي المسافة كنت موب مشارك :)

انا من طرفي من سكان منطقة الغرافة وأكره شيء عندي اني آروح شارع المطار او ذيك المنطقة للغربال اللي يعانيه البني آدم من ذاك المشوار ولكن علشان توضح لي أمور يجي من وراها عوار راس وعوار راس أمني ذيك الساعة لو يقولون لي في الشمال باروح ولا أبالي

أرجوا أن يكون الرقم اللي حطه الأخ jajassim يفيدك ويحل لك المشكله

يا هلا ومرحبا والله فيك اخوي ..

بالعكس ليش تقول لو تدري ماكنت شاركت

انا ماطرحت الموضوع الا لنقاش ..وانا اشكرك لانك شاركت برايك وجهة نظرك

والهدف والله هو الطمع في تحسين الخدمه افضل وافضل من قبل وزارة الداخلية

وانا للحين ما تاكدت هل المسج اصلا خطء او فعلا حد استخرج تصريح دون علمي

وكل احمال الصراحه يحتاج لحل

يعني لو بالخطء بتكون خدمة مطراش مصدر قلقل وخاصه ان مافي رقم مباشر للاستفسار


واطمع من الردود اهي طرح افكارهم في حل وتحسين الخدمه

يعني مثلاً مع كل مسج يوصل من مطراش يكون فيه رقم استفسار للقسم المسؤل..الخ

اشكرك مره ثانيه ..:)

[وطن]

هادي الاسم اسم خدامتكم؟؟!!

تحمل يمكن مبيته النيه مثل ما قالوا لك

[KING OF FISH]

أخوي أتصير وايد ترى ممكن اللي سوى الخروجية بالخطأ وهو يكتب الرقم الشخصي لأي شخص ثاني كتب الرقم الشخصي لخدامتك أو موظف الجوازات ((بالخطأ)) كتب الرقم الشخصي لخدامتك صارت وايد وثاني شي طالما خدامتك موجودة بالبيت لاتستفسر ولاتتصل وريح بالك .

[سلامي للكل]

الســـلام عليك ورحمــة الله وبركاته اخوي هادي

جيك اخوي باســرع وقت ممكــن معاهم علشــان ماتتفاجاء باللي ممكـــن يصيــر من وراء الخدم

صارت فينا وانا اخوك, ولو كنا مشتركيــن بخدمــة مطراش كان صدنا الخــدامة :anger1:

جيك وانا اخوك, وان شاء الله الامــور طيبة :nice:

وفاااااااالك التوفيــق

[كرستال]

بشر وش صا معاك


عنا خبر .. خلنا بالصورة >> شدعوه لقفه هي :eek5:

[رجل الجزيرة]

ليكون خدامتكم مبيته النيه :telephone:

حلوة:)

[HADi]

السلام عليكم

الله يعطيكم العافيه جميعاً على ردودكم ومشاركتكم

تم الاتصال برقم الي من اخوي jajassim

وتم التواصل والاستفسار عن الموضوع وتبين ان المسج وصل بالخطء . بعد ادخال الموظف رقم خطء وتم تصحيحة في نفس الحظة ولكن المسج الظاهر وصلني بسبب هالعملية

اشكر اخوي jajassim

واشكر النقيب وليد على تعاونه وتفاعله في الرد على استفساري في اسرع وقت واهتمامه بالموضوع


كل الشكر لكم جميعاً ..:)

[HADi]

هادي الاسم اسم خدامتكم؟؟!!

تحمل يمكن مبيته النيه مثل ما قالوا لك



والله هذا الي خفت منه .. اهي مالها هالحركات

بس المسج زرع الشك فيني ..

ونعم نفس اسم الخادمة كان بالمسج

[HADi]

أخوي أتصير وايد ترى ممكن اللي سوى الخروجية بالخطأ وهو يكتب الرقم الشخصي لأي شخص ثاني كتب الرقم الشخصي لخدامتك أو موظف الجوازات ((بالخطأ)) كتب الرقم الشخصي لخدامتك صارت وايد وثاني شي طالما خدامتك موجودة بالبيت لاتستفسر ولاتتصل وريح بالك .


فعلا الظاهر هذا الي صار بعد التحقق من الموضوع

مشكور اخوي

[jajassim]

السلام عليكم

الله يعطيكم العافيه جميعاً على ردودكم ومشاركتكم

تم الاتصال برقم الي من اخوي jajassim

وتم التواصل والاستفسار عن الموضوع وتبين ان المسج وصل بالخطء . بعد ادخال الموظف رقم خطء وتم تصحيحة في نفس الحظة ولكن المسج الظاهر وصلني بسبب هالعملية

اشكر اخوي jajassim

واشكر النقيب وليد على تعاونه وتفاعله في الرد على استفساري في اسرع وقت واهتمامه بالموضوع


كل الشكر لكم جميعاً ..:)

الحمد لله ،، وتسلم يالغالي ،، :nice:

[KING OF FISH]

فعلا الظاهر هذا الي صار بعد التحقق من الموضوع

مشكور اخوي

لاشكر على واجب ((( خبررررررررررررررررة)))