وش رايكم يالرياضيين أي من هالثلاث تمارين تساعد على إنقاص الوزن ورفع اللياقه أسرع ؟

[فــلان]

طبعا ً أرجوا من أصحاب الخبرات التفاعل عشان نقدر نستفيد من خبراتهم وعلى الغير رياضيين التكرم بالإطلاع أو طلب الإستشاره و بصفة الرياضيين إحنا هنيه بخدمتكم عن أي إستفسار لأني فتـنـساوي من زمان ولازلت :)

من وجهة نظركم يا شباب/ بنات ,, أي من هالأجهزه الثلاثة أكثر فاعليه في إنقاص الوزن وبناء اللياقه بفتره قياسيه ؟ وهل كانت لكم تجارب سابقه ؟ شنهي ؟

الكروس إكستنشن ؟

http://www.comparestoreprices.co.uk/images/li/life-fitness-new-model-x5-total-body-cross-trainer-with-advanced-console-.jpg


التريدميل

http://1.bp.blogspot.com/_BxqinT4pISY/R5PyaTkym4I/AAAAAAAAAKE/mOoabfr-Pxc/s320/Sole+F80+Treadmill.jpg


السيكل

http://shop.healthclubsathome.com/ekmps/shops/healthclubs/images/precor_teamspinbike.jpg


في إنتظار تفاعلكم :)

[كازانوفا]

الاول اخي الكريم عليه اقبال شديد بصالات الرياضه
موفق ان شالله

[فــلان]

الاول اخي الكريم عليه اقبال شديد بصالات الرياضه
موفق ان شالله


أصبت:victory:

بالنسبه لي الأكثر فاعليه السيكل والفاعليه تختلف على حسب توزيعة و قوام الجسم

[مستوى الدعم]

التريد ميل أفضل لحرق الدهون..

السيكل احسه يشتغل أكثر على النصف الأسفل من الجسم...

أما الكروس اكستنشن..اذا كان الي نفس فكرة التزلج.. فهو مش مناسب للي عندهم مشاكل في المفاصل وخاصة الركبة..

[حنان الدنيا]

ماحب الاجهزة ولا اايدها كلش

مافي احسن من المشي اخوي نص ساعه باليوم :)

[كايد الوكره]

استغل فتره الصيف اذا تبي تنزل من وزنك
حاليا في نص 7 إلى شهر 9

حاول تمشي ساعه , في الصيف يتنزل وزنك اكثر من الشهر الثانيه

[أسير الأحلام]

طبعا ً أرجوا من أصحاب الخبرات التفاعل عشان نقدر نستفيد من خبراتهم وعلى الغير رياضيين التكرم بالإطلاع أو طلب الإستشاره و بصفة الرياضيين إحنا هنيه بخدمتكم عن أي إستفسار لأني فتـنـساوي من زمان ولازلت :)

من وجهة نظركم يا شباب/ بنات ,, أي من هالأجهزه الثلاثة أكثر فاعليه في إنقاص الوزن وبناء اللياقه بفتره قياسيه ؟ وهل كانت لكم تجارب سابقه ؟ شنهي ؟

الكروس إكستنشن ؟

http://www.comparestoreprices.co.uk/images/li/life-fitness-new-model-x5-total-body-cross-trainer-with-advanced-console-.jpg


التريدميل

http://1.bp.blogspot.com/_bxqint4pisy/r5pyatkym4i/aaaaaaaaake/mooabfr-pxc/s320/sole+f80+treadmill.jpg


السيكل

http://shop.healthclubsathome.com/ekmps/shops/healthclubs/images/precor_teamspinbike.jpg


في إنتظار تفاعلكم :)


من واقع الخبرة الجهاز الأول الأفضل على الإطلاق
ولكن لو قدرت تعمل على أستخدام الجهاز الأول 20 دقيقة وبعده الجهاز الثاني لمدة 10 دقائق وبعده السيكل لمدة 20 دقيقة

راح تحس بالوزن يكسر

[Sharshooooor]

من واقع خبرة 13 سنه

اقولك

مافي شي اسمة جهاز واحد باخفف وزني

الثلاث اجهزة كويسين لممارسة الرياضية وتخفيف الوزن

لكن اكيد راح تنقصك اجهزة خصوصا اللي تركز على العضلات العلوية للبايسيبس والترايسيبس والصدر

اتمنى اكون افدتك بالموضوع

[فــلان]

التريد ميل أفضل لحرق الدهون..

السيكل احسه يشتغل أكثر على النصف الأسفل من الجسم...

أما الكروس اكستنشن..اذا كان الي نفس فكرة التزلج.. فهو مش مناسب للي عندهم مشاكل في المفاصل وخاصة الركبة..


عين الصواب , أتفق معاج في الراي

[فــلان]

ماحب الاجهزة ولا اايدها كلش

مافي احسن من المشي اخوي نص ساعه باليوم :)


نص ساعه إذا حق عمر فوق الـ50 ممكن :) :) بس في سن الشباب الجهد من ساعه وطالع لأن رياضة الشاب شابه مثله

[CH Engineer]

من وجهة نظري كلهم مهمين
واذا نوعت بالرياضه افضل لحرق الدهون من الاعتماد على جهاز واحد

تقدر تمشي نص ساعه على الكروس
ونص ساعه على جهاز المشي

والسيكل اذا تعبان تمشي عليه لانه يعتبر اقل جهد

طبعا الكروس مفيد لتقوية اللياقه وعضلة القلب
والمشي مفيد لحرق الدهون اكثر من غيره بس تمشي ساعه يوميا على الاقل
والسيكل مفيد لحرق الدهون في النصف الاسفل

بالتوفيق

[Doha Sun]

التريدميل
ذي افضل لان مشى بس عيبه لبعض الناس يعور الركب ..

[فــلان]

استغل فتره الصيف اذا تبي تنزل من وزنك
حاليا في نص 7 إلى شهر 9

حاول تمشي ساعه , في الصيف يتنزل وزنك اكثر من الشهر الثانيه


إحنا نركض طال عمرك :)

أمس زين ما وقف قلبي يوم وقفت جسمي شب ضو إحترقت من الجو ,, أمس المغرب درجة الحراره فالأربعين و مافي هوى والله جاني ألم في صدري حددي 4 كيلو ركض و كملت الرجعه مشي :(

[هام السحاب]

مافي احسن من الجري في سباير
لازم اتمرن يومياً 6 كيلو
عاد حر ولا برد مايهم

[فــلان]

من واقع خبرة 13 سنه

اقولك

مافي شي اسمة جهاز واحد باخفف وزني

الثلاث اجهزة كويسين لممارسة الرياضية وتخفيف الوزن

لكن اكيد راح تنقصك اجهزة خصوصا اللي تركز على العضلات العلوية للبايسيبس والترايسيبس والصدر

اتمنى اكون افدتك بالموضوع


لا فيه أبشرك :) يوم تركض قريب الـ10 كيلو ( كل يوم ) وتزيد نسبة شرب الماي وعصير التفاح الخالي من السكر لمدة شهر واحد بس ( طبعا ً جدولي فاق هالمده بكثير لإعدادي لإحدى بطولات العالم ),شوف شلون بتصير.هذا إذا قدرت طبعا ً على هالتحدي مع النفس.

هاذي أحد تجاربي ونزل وزني نزول مخيف و إرتفعت اللياقه لأبعد حد ممكن تتخيله :)

شاكر لك إضافتك ونورت المشاركه عزيزي :)

[الوحداني]

الجهاز الاول بدون منافس( الكروس إكستنشن ) ياقه وتخسيس
بس اذا كنت قادر عليه لانه صعب
بحدود 15 دقيقه مع تمارين ثانيه
او 30 دقيقه بروحه بس 30 صعبة تقسمهم 10 دقايق خلال اليوم

[فــلان]

من وجهة نظري كلهم مهمين
واذا نوعت بالرياضه افضل لحرق الدهون من الاعتماد على جهاز واحد

تقدر تمشي نص ساعه على الكروس
ونص ساعه على جهاز المشي

والسيكل اذا تعبان تمشي عليه لانه يعتبر اقل جهد

طبعا الكروس مفيد لتقوية اللياقه وعضلة القلب
والمشي مفيد لحرق الدهون اكثر من غيره بس تمشي ساعه يوميا على الاقل
والسيكل مفيد لحرق الدهون في النصف الاسفل

بالتوفيق


كلام حلو لكن بالنسبه للسيكل يعتمد على الـLevel ويشتغل بشكل أساسي على النص السفلي من الجسم ويخدم الجزء العلوي بشكل بسيط لو قارنا.

فيه ناس وايد عندهم ضخامه من فوق ومن تحت ماعندهم فخوذ ولا سيقان توصل للمعدل المتوسط وفيه ناس العكس لو تشوفهم من فوق ماتعطيهم فالوزن 70 كيلو و من تحت ما شاء الله كتل عضليه تخوف وبالتالي هذا اللي السيكل يخدمه.

[فــلان]

التريدميل
ذي افضل لان مشى بس عيبه لبعض الناس يعور الركب ..


بالفعل وخصوصا ً في حالة الوزن الزائد وضعف عضلات و أربطة المفاصل

[فــلان]

مافي احسن من الجري في سباير
لازم اتمرن يومياً 6 كيلو
عاد حر ولا برد مايهم


مافيك حيله الله يحفظك :)
ماجربت ترفع المسافه كيلوين بعد إذا صار لك فتره على هالمسافه ؟

[فــلان]

الجهاز الاول بدون منافس( الكروس إكستنشن ) ياقه وتخسيس
بس اذا كنت قادر عليه لانه صعب
بحدود 15 دقيقه مع تمارين ثانيه
او 30 دقيقه بروحه بس 30 صعبة تقسمهم 10 دقايق خلال اليوم


شكله ماشي معاك تمام :nice:

[هام السحاب]

مافيك حيله الله يحفظك :)
ماجربت ترفع المسافه كيلوين بعد إذا صار لك فتره على هالمسافه ؟



والله يالغالي اخذ هالمسافه في 30 دقيقه
و عامل الوقت يهمني اكثر من المسافه
خبرك لياقه الكوره تختلف عن لياقه الجري :omen2:

[فــلان]

والله يالغالي اخذ هالمسافه في 30 دقيقه
و عامل الوقت يهمني اكثر من المسافه
خبرك لياقه الكوره تختلف عن لياقه الجري :omen2:

إذا لياقه للكوره أكيد ماتحتاج أكثر من هالشكل الله يوفقك إن شاء الله ويسدد خطاك :)

[simsim1963]

الجهاز الاول احسن شئ لمدة نص ساعه وبعدين حديد لليدين والكتف والصدر ومن ثم سباحه اذا ممكن . انا الحين بفضل هذي التركيبه من التمارين اقطع بركه الجامعه 20 مرة بدون تعب

[مستوى الدعم]

لا فيه أبشرك :) يوم تركض قريب الـ10 كيلو ( كل يوم ) وتزيد نسبة شرب الماي وعصير التفاح الخالي من السكر لمدة شهر واحد بس ( طبعا ً جدولي فاق هالمده بكثير لإعدادي لإحدى بطولات العالم ),شوف شلون بتصير.هذا إذا قدرت طبعا ً على هالتحدي مع النفس.

هاذي أحد تجاربي ونزل وزني نزول مخيف و إرتفعت اللياقه لأبعد حد ممكن تتخيله :)

شاكر لك إضافتك ونورت المشاركه عزيزي :)

شنهو كان نظامك الغذائي في ذيج الفترة؟

وانا اخبر النزول الكبير في الوزن يجي معاه ترهل (يعني يطيح الجلد)

[Northman]

يا أبا راشد :)

شنو رايك في استخدام تكنيك الانتيرفلز على التريدمل؟

و شنهو افضل انتيرفل للانسان الي بس يبي يخسس من وجهه نظرك

[فــلان]

الجهاز الاول احسن شئ لمدة نص ساعه وبعدين حديد لليدين والكتف والصدر ومن ثم سباحه اذا ممكن . انا الحين بفضل هذي التركيبه من التمارين اقطع بركه الجامعه 20 مرة بدون تعب


ممتاز !!

[فــلان]

شنهو كان نظامك الغذائي في ذيج الفترة؟

وانا اخبر النزول الكبير في الوزن يجي معاه ترهل (يعني يطيح الجلد)


1- شرب لترين ماي تقريبا ً فاليوم + عصير التفاح الخالي من السكر ( من لتر إلى لتر ونص ) وكنت أستخدم " أرين " وحاليا ً أدور عليه مب لاقيه لأنه كان خفيف مثل الماي
2- الإبتعاد عن الجبن بأنواعه و الخبز قدر الإمكان , الإبتعاد التام عن لعيوش و الباستا ,, ممكن باستا ريد سوس يوم الجمعه تعطيك كارب ودفعه حق التمرين بداية الأسبوع ,, الأكل قليل جدا ً والتعويض بالمالتي فيتامين و اللايت بارز من gnc.الأكل معظمه نواشف.


بالنسبه لي الحمدلله أنا شخصية رياضية تقدر تقول معروفه في مجال رياضة المحركات و مب من أصحاب الأوزان الزائده و بالنسبه لتخفيف الوزن كان بهدف تقليص الكتلات العضليه وتصغيرها بالإضافه إلى طرد السوائل الزائده المخزنه في الجسم و اللي هي سبب مباشر في إرتفاع وزنك على الميزان.

[فــلان]

يا أبا راشد :)

شنو رايك في استخدام تكنيك الانتيرفلز على التريدمل؟

و شنهو افضل انتيرفل للانسان الي بس يبي يخسس من وجهه نظرك


اخوي ياليت إتوضح لي أكثر لأنلي اول مره أسمع هالمصطلح .. هل قصدك ليفل الإرتفاعات ؟ أرجوا التوضيح لعموم الفائده

[مرتبش]

الجهاز الاول هو الاحسن او بالاصح الاسرع لحرق الطاقة الزائدة
وأخف على الركبة من التردميل
السيكل اخف الجميع

الانترفلز مقصود فيها التمرين على دفعات او فترات اسرع واقوى من فترات اخرى..جري خفيف وعقبه كم دقيقة من الجري السريع ومن ثم العودة الى الوضع الاخف..وتقدر تستخدمه في كل التمارين الهوائية

ملاحظة مهمة: التدريب للبطولات او المناسبات الرياضية يختلف عن تمارين نزول الوزن فيرجى الانتباه وخصوصا احنا في الصيف ..واحد غير رياضي مايقدر يركض في هالحر

[وطن]

ولا جهاز
المشي الطبيعي
وتمارين عضلات خفيفه

لان الكروس اكستنشين جهاز كارديو ينشط عضلة القلب يعني اول شي للي مب رياضي ومتعود راح يحرق له السكر اللي في الدم مب الدهون
بعد التمرين بتلاقيه يبي ياكل اي شي يعوض وهو مب حاس
بعد مده من التمرين المتواصل يبتدي يحرق الدهون

عاد اترك الجهاز شوي وشوف النتيجه :secret:

التريد ميل مفيد بس اللي عندهم مشاكل بالظهر ماينفع لهم
المشي الطبيعي احسن منه

السيكل أكثر للجزء السفلي


يعني احسن شي المشي + تمارين تقوية العضلات

[بدون]

اخوي ياليت إتوضح لي أكثر لأنلي اول مره أسمع هالمصطلح .. هل قصدك ليفل الإرتفاعات ؟ أرجوا التوضيح لعموم الفائده

الانترفالز أو الانترفيلز (intervals) هي الفترات ، و هذا تكنيك يعتمد على تبادل الفترات.
يعني يبدأ التمرين بفترة مشي لمدة ثم فترة هرولة ثم ركض ثم العودة إلى المشي و الهرولة و الركض و المقصود منها تنويع التمرين حتى لا تعتاد العضلات على نفس التمرين و تحقيق أقصى استفادة من التمرين خلال فترة قصيرة.

[فــلان]

الجهاز الاول هو الاحسن او بالاصح الاسرع لحرق الطاقة الزائدة
وأخف على الركبة من التردميل
السيكل اخف الجميع

الانترفلز مقصود فيها التمرين على دفعات او فترات اسرع واقوى من فترات اخرى..جري خفيف وعقبه كم دقيقة من الجري السريع ومن ثم العودة الى الوضع الاخف..وتقدر تستخدمه في كل التمارين الهوائية

ملاحظة مهمة: التدريب للبطولات او المناسبات الرياضية يختلف عن تمارين نزول الوزن فيرجى الانتباه وخصوصا احنا في الصيف ..واحد غير رياضي مايقدر يركض في هالحر

كلا سليم



من ناحية الجري بالنسبه لي أبتدي أول شي من 8.0 أول عشر دقايق و لين الدقيقه الـ55 أكون وصلت لين 11 و آخر 5 دقايق من 13 إلى 15 و عقب آخف الجهد لمدة دقيقه و بهالشكل ينتهي تمرين التريد ميل بالنسبه ليومي

بالنسبه تمرين نزول الوزن المتمثل في هالطريقه أكسبني قوة عضل كبيره وتحمل أكبر نفعني وايد في البطوله لأن البيس عندي فالتمرين كان ثابت في صعود , مب متذبذب.

وطبعا ً هالجري ماكان لي إلا Warm Up لباقي التمارين اللي أشتملت على تمارين الصدر و الأكتاف و الرجلين و تمارين التوازن و السباحه.نهاية اليوم طبعا ً البخار و الساونا ( كنت أشرب ماي وايد فما كانت عندي مشكله )

طبعا ً أسلوبي كان قوي و قسيت وايد على نفسي لأني كنت محكوم بفتره زمنيه محدده وما كان ساعفني الوقت

من ناحية الإستفاده إستفدت 500%
من ناحية نسبة الخطأ و الصواب فالأسلوب الله أعلم بس المهم إني فالأخير نجحت باني أوصل الهدف اللي كنت حاطه أمامي

[فــلان]

ولا جهاز
المشي الطبيعي
وتمارين عضلات خفيفه

لان الكروس اكستنشين جهاز كارديو ينشط عضلة القلب يعني اول شي للي مب رياضي ومتعود راح يحرق له السكر اللي في الدم مب الدهون
بعد التمرين بتلاقيه يبي ياكل اي شي يعوض وهو مب حاس
بعد مده من التمرين المتواصل يبتدي يحرق الدهون

عاد اترك الجهاز شوي وشوف النتيجه :secret:

التريد ميل مفيد بس اللي عندهم مشاكل بالظهر ماينفع لهم
المشي الطبيعي احسن منه

السيكل أكثر للجزء السفلي


يعني احسن شي المشي + تمارين تقوية العضلات


فكرة و وجهة نظر متزنه آحييج عليها ,, آلام أسفل الظهر وما أدراج آلام أسفل الظهر :) :)

[فــلان]

الانترفالز أو الانترفيلز (intervals) هي الفترات ، و هذا تكنيك يعتمد على تبادل الفترات.
يعني يبدأ التمرين بفترة مشي لمدة ثم فترة هرولة ثم ركض ثم العودة إلى المشي و الهرولة و الركض و المقصود منها تنويع التمرين حتى لا تعتاد العضلات على نفس التمرين و تحقيق أقصى استفادة من التمرين خلال فترة قصيرة.


تسلم أخوي على التوضيح ,, بالنسبه لهالتكنيك أنا توني ذاكر أسلوبي فيه في أحد أواخر الردود لأخوانا اللي سأل , عاد مادري شلون قابليته هو لأن كل إنسان معطياته تختلف عن الثاني :)

[وطن]

فكرة و وجهة نظر متزنه آحييج عليها ,, آلام أسفل الظهر وما أدراج آلام أسفل الظهر :) :)


لا ابشرك اعرفها :weeping:

بس الحمدلله مع التمارين وايد خفت ومرتاحه ما اشكي منها مثل قبل

:victory:

[فــلان]

لا ابشرك اعرفها :weeping:

بس الحمدلله مع التمارين وايد خفت ومرتاحه ما اشكي منها مثل قبل

:victory:


زين أشوى الحمدلله :) :)

[غزلان]

ماحب الاجهزة ولا اايدها كلش

مافي احسن من المشي اخوي نص ساعه باليوم :)


--

المشي احسن رياضه

[فزعـــــ قطر ـــــة]

http://www.w6w.net/album/35/w6w20050413135150664f9f403.gif
اخي الكريم اذا تقدر على كل جهاز ربع ساعه خير وبركه والمشي نص ساعه واكل خفيف انشهد انك بتنزل
http://www.w6w.net/album/35/w6w20050413135150664f9f403.gif

[فــلان]

--

المشي احسن رياضه

المشي فقط حق كبار السن فقط :)

[فــلان]

http://www.w6w.net/album/35/w6w20050413135150664f9f403.gif
اخي الكريم اذا تقدر على كل جهاز ربع ساعه خير وبركه والمشي نص ساعه واكل خفيف انشهد انك بتنزل
http://www.w6w.net/album/35/w6w20050413135150664f9f403.gif

إختي الكريمه تسلمين على النصيحه و بالنسبه لي أموري طيبه :)

بس ترى هالمدد اللي تتكلمين عنها قليله شوي .... مادري هي قليله ولا أنا تعودت على التمرين الإكستريم :) و الإكستريم يختلف عن الآيس كريم طبعاً.

[wadha-qa]

الجهاز الاول هو الافضل حتى اذا جربت الثلاث اجهزه تحس بان الاول هو اللي يجهد القلب اكثررر من الباقي و هذا المطلووب

و بخصوص المشي صح كلامك المشي بروحه ما ينفع كلش للي يبي ينزل وزنه لازم يسوي جدول متنوع يشمل عده انواع من الرياضات و اسئل مجرب و لا تسئل طبيب :)

[بوغانم8]

السلام عليكم

أنا من وجهة نظري المتواضعة مافي ولا جهاز من هولاء يستخدم للتخسيس
1- هذي الأجهزة اللي في الصورة تستخدم للأحماء ( أي حق التسخين ) للرياضيين يعني
ان هذي الأجهزة قبل دخول أي شخص صالة الحديد ويبي يتمرن تقوية عضلات يستخدم أي من هاذي الأجهزة علشان الأصابات لان الجسم يكون بارد ويسخن الجسم لان أكثر الأشخاص اليوم ما يقدر يروح يتمرن بهالجو الحار فيستخدم الأجهزة

2- اللي يبي يخسس لازم يمشي على نظام غذائي معين مثل

اللي يبي يخسس لازم يمارس الرياضة وبشكل يومي وخاصة المشي للمبتدئين غير الرياضيين للان غير الرياضي أذا ابتدى تمرين جامد كلها يومين ولا ثلاثة أيام وراح يوقف .

3- أنا كان وزني 87 ورحت وسويت نظام غذائي الين ما وصل وزني 66 ولله الحمد

وكان النظام يشمل كلها اكلات معينة
مثل الفطور بيضه وحليب وأذا الواحد حس بالجوع يأكل تفاحة

الغداء يكون حبتين خبز أسمر مع خضار مسلوق (كوسا - جزر - زهرة ) ولا نص دجاجة مشوووي . بس
والعصاري أكيد بيموت من الجوع يأكل فواكة مثل جح والتفاح البرتقال بس


العشاء نفس الغداء بس أهم شي الواحد يكثر من هالأكلات اللي هي " العدس والفول والفاصوليا بمعنى البقوليات والسلطات ولاتنسون مع هالوجبات الواحد يكثر ماي
أبي واحد منكم يجرب وأنا أراهن على كلامي هاذا


وشكـــــــــــــــــــــــراً