اللي راح تايلند ...ممكن مساعدة

[saranay1]

ممكن افضل شقة فندقية في بانكوك
تكون نظيفة وقريبه من المستشفى

وين افضل جزيرة كجو وطبيعة وحياه
هل هي بوكيت ام في احلى منها
ووين السكن بيها ...فله على البحر

جزاكم الله خير

[MzYoN-QaTaR]

اول شيء في بانكوك اي مستشفى ودك اتروح

اذا الملكي في شقق بالمستشفى راقية وعندك فندق زايد بعد جيد

واما اذا بالمستشفى الامريكي عندك فندق زينات و رويال بنجا و ماريوت و وشرتن هاي الاشياء الراقيه

واما في بوكيت عندك فندق عجيب ماريوت و بلالمبوري هذا رهيب و عندك وليدي ان هذا جدام البحر على طول

اما الماريوت على شارع كله مطاعم العرب

وبخصوص الجزر اذا قلبك قوي روح جزيرة بي بي حلوه وايد بس ما تنفع مب عائليه لأنه بطراد سريع

واذا عائليه عندك جزيرة جميس بود هاذي عائليه

بتوفيق اخوي بالرحله

[مدير]

بخصوص بانكوك انا سكنت في زينيث من قبل لكن مادري اذا كان قريب من المستشفى او لا .. و ان شاء الله الاخوان يفيدونك بهالخصوص


لكن بالنسبة لبوكيت .. رحت لها مرتين و في المرتين سكنت في club andaman beach resort .. الفندق زين .. اربع نجوم على ما اعتقد .. بس نصيحة لا تاخذ غرفة في مبنى الفندق .. خذ الغرف الي في الحديقة ( نظام اكواخ خشب) ... على ما اذكر سعر الغرفة 3600 بات في الليلة

و من بوكت تقدر تروح للجزر الي حواليها .. بي بي و جميس بوند و جزيرة القرود ... و هذي الرحلات ممكن تحجزها عن طريق مكاتب او اكشاك سياحيه (بتحصلها في كل مكان تقريبا) .. و اذا معاكم يهال روح phuket phantasea مدينة ملاهي كبيرة و حلوة تنفع ليوم كامل .. و بالليل عندهم عرض حلو (مثل المسرحية باستخدام الحيوانات)

و عندك بعد .. رحلات السفاري و الغوص و الدراجات و البانجي جمب (اذا قلبك قوي)

باختصار بوكيت جو حلو و الفعاليات فيها وايد

بالتوفيق

[Gh2o]

انا ببانكوك حاليا ومأجر في شقق الماريوت بمنطقه الماي فير وايد حلوه الشقق حجمها مناسب وسعرها مناسب جدا المنطقه هاديه ومول سنترل قريب جدا من الفندق
بخصوص المستشفى مب بعيد وايد عنه
اما بوكت انا رايح لها مرتين ووايد حلوه وان شاء الله تعجبكم وانا قعدت في فلل اسمها ذا ريسدينت وايد حلوه طابقين مع مطبخ وكل فيلا فيها مسبح خاص منفصل وتاخذ راحتك فيه

[saranay1]

شكرا لكم
بغيت فله مع مسبح خاص في بوكيت
ويفضل مطله على البحر
بحثت في بوكنك ولم اجد

[الاستاندر]

اخوي انا امس راجع من تايلند
كان جدولي اول يوم بانكوك 5 ايام بوكيت يومين بتايا 3 ايام بانكوك
ورحت اول يوم بانكوك لاني ماوديت معاي ملابس وخذت من هناك والله يهدي اللي نصحني هالنصيحه
الفنادق مادري عنها انا سكنت فندق نسيت شسمه بس قريب من حي العرب ورى فندق قريس
بوكيت اروع مكان والله استانست ومكان حلو ومنقطه نظيفه ومافي عرب وايد
سكنت في فندق اسمه بامبوا على ماعتقد عائلي بحت ويصير يسكنون فيه شباب بس ممنوع دخول النساء وارتحت فيه وايد وعلى البحر بينك وبين البحر دقيقه مشي بس عيبه بعيد عن الاسواق والعالم
بس الصراف والسوبرماركت والتكاتك عند الباب ونصيحه روح الرافتنق والله استانست فيها وناسه بس عيبه مشوار في الروحه والرده
ونصيحه من اخو لاتروح بتايا قعدت فيها يوم ونص لو زادوا شوي كان صحت هههههه
سكنت في فندق روعه وعجيب في بتايا بس بتايا مخربينها جهال الخليج
والله شفت مناظر من شباب اعمارهم 18 و 19 سنه وربي ماوصف لك للحين مب قادر استوعبها

وعقب رجعت بانكوك مشتريات وهدايه حق الاهل


واستنتجت شي في البلاك بشكل عام اذا السفره كان فيها عايله حدها الساعه 7 وعقب ارجع ارقد لانك بتشوف مناظر ماتسرك
وثاني شي استنتجته اي منقطه عربيه هناك عطها اكس
يعني عندك بوكيت كلها اجانب وتعاملهم راقي والمنطقه انظيفه ومالهم خص في حد
عكس بتايا شفنا شاب خليجي طالع من مرقص عزكم الله وضاربينه ضرب سابح بدمه والله الضرف فيه في كل مكان اذنه كلها دم والوجه وضروسه متكسره لو مب الناس فرقوه عنهم كان اذبحوه

ادري اني ملغت بس اعطيك نصايح ههههههههههه
تعال اخر نصيحه لاطلع فلوسك قدامهم ولا تصرف في مكان معزول لان لحقنا واحد مسافه عشرين كيلو وكلها دواعيس ورحنا مجمع وهو ورانا وعيش الشباب في رعب اخر شي كلمنا السوكرتي مال المجمع وتفاهم معاه واحنا طلعنا ومادري شصار معاه عقب
واخر نصيحه لاتكاسرهم على شي واخر شي ماتشتريه بيسوي لك عرس قدام الله وخلقه وعادي يمد يده عليك ههههههههههه

واخر شي ترى البلاد حلوه يومين وبتتعود عليها وبتعرف جوها ورحله سعديه وموفقه وادري اني سولفت وايد هههههههههه بس لاني توي راجع وخاطري اروح بوكيت مره ثانيه والحمد لله الحين القطريه بتسوي رحله مباره من الدوحه لين بوكيت

الله يستر عليك ويحفظك وداعت الله

[هذلان]

شكرا لكم
بغيت فله مع مسبح خاص في بوكيت
ويفضل مطله على البحر
بحثت في بوكنك ولم اجد

السلام عليكم

في بوكيت انصح بالسكن في malisavillas villa suites
منطقه هاديه بعيده عن الزحمه و قله الحيا
و البحر قريب جدا من الفندق شارع بين الفندق و السيف

تم الحجز عن طريق موقع hotels من هنا (http://www.hotels.com/hotel/details.html?destination=Malisa+Villa+Suites%2C+Ph uket%2C+Thailand&searchParams.arrivalDate=19%2F07%2F2010&searchParams.departureDate=21%2F07%2F2010&rooms_=1&searchParams.rooms[0].numberOfAdults=2&children[0]=0&asaReport=HomePage%3A%3AHotel&searchParams.landmark=&hotelId=265155&roomno=1&arrivalDate=19%2F07%2F2010&departureDate=21%2F07%2F2010&landmark=&rooms[0].numberOfAdults=2)

انصح بـ Grand Pool Villa-ABF - Deal

فيلا بمسبح خاص .. مع افطار يتم اختيار نوع الافطار المطلوب من قائمه واسعه (يوجد اكل حلال للمسلمين) و تحديد وقت الافطار المناسب و الحلو ان الشيف يحضر جميع الطلبات و يجهز و يطبخرالفطور في الفيلا عندك
يوجد خارج الفندق شارع فيه جميع انواع المحلات و المطاعم بعضها عربي
موقع اخر للحجز مع صور هنا (http://www.booking.com/hotel/th/malisa-villa-suites.html?aid=320754&label=tripadimg-th-27301&utm_source=tripad&utm_medium=SPPC&utm_content=images&utm_term=hotel-27301&tab=2&lang=en)
اي استفسار انا حاظر و انا حاليا ساكن في الفندق نفسه اذا تحب احجز لك