الــ vxr والصوت العالي للمروحة ..

[الســـهم]

السلام عليكم جميعا ..

بغيت افادتكم يا أهل الخبره في الـ vxr الجديد ..

ملاحظ على الموتر من بدا الصيف يصير ثقيل ويحن من قلب وخصوصا الظهر ..

هل هالشي طبيعي وموجود بمواتركم ؟؟ ولا يحتاج اوديه الوكالة واشوف مشكلته ؟؟

[My Trip2]

هذي من كلج المروحه

ماينلام الموتر على ذي الحر امس درجة الحراره 50 الظهر

[الســـهم]

هذي من كلج المروحه

ماينلام الموتر على ذي الحر امس درجة الحراره 50 الظهر

الله يعطيك العافية اخوي ..

انا عارف انه صوت كلتش المروحة , بس هل هو طبيعي حتى لو في درجة حرارة أقل من 40 ؟؟

[قطراوي للأبد]

والله من يومه الكروزر يحن هالحزه !!! واظن كل المواتر بعد

انا اشووف انه طبيعي جددددددا

[بويعقوب]

طبيعي جداً ,,

لان الجو حار وكلج المروحة يتم شابك ,,

والله يستر من الايام الجاية ,, مادري الحرارة كم بتوصل ؟؟!!

[عين سنان]

انااا نفس الحاله وايد ايحن عندي

[ملازم1]

عاددددي اليوم وصلت درجة الحراره 60

الله يستر

[الرفاع الشرقي]

عادي ذي الشي صوت المروحه تسمعه بس الظهر فليل مافيه شي

[bu 3li]

الحال من بعضه طول الوقت يحن

والصراحه من سنتين اول مره اشوف المكيف يشكل بين حار وبارد
وغازه نقص وحتى يوم زدته .. شكله الصيف بيغير على الموتر وايد اشياء

[oqbah]

طبيعي
كل المواتر تحن
وزين يومها تمشي بهلوقت
ارفع راسك دور طير يطير ولا عصفور
محد
كلن زابن عشه يبي البراد

الله يلطف بنا
ولا تتعبث بحلال كل موترنا تسذا

[العضو الماسي]

على ماعتقد هالمسأله في 2007 وتحت . لن 2008 وفوق ماخبر فيه حنه مثل قبل ؟؟

[al7amadi]

الحال من بعضه

انا بصراحه الظهر امر اقرب مغسله ارش الموتر ماي واحرك :nice:

جرب بتشوف الموتر مريح حتى في الممشى

بصراحه من الحراره ماتقدر تمسك شي في الموتر حتى الاغراض الي داخل الدرج حاره

[اكاديمي]

طبيعي جدا

[الســـهم]

جزاكم الله خير جميعا ..

امس واليوم المروحة شابكة نهار وليل , والموتر يحن من قلب ووايد ثقيل بالقومة ..

ان شاء الله متغاضي عن هالحنه من بعد آرائكم ..

[وسام الخليج]

هلا اخوي بالعادة تفصل المروحه اذا الموتر يتعدى سرعة 80 وأذا مافصل فيه مشكله بكلتش المروحه
او البيرنق مال المروحه وتحياتي لك

[حليتان*]

على ماعتقد هالمسأله في 2007 وتحت . لن 2008 وفوق ماخبر فيه حنه مثل قبل ؟؟

ههههه من كم يوم طالع رايح الغارية

كل ما حطيت سيدي في المسجل يا خذ فترة ويطلع ...ايود السيدي حااار ظوو


في الليل وانا راجع شغلت السيدي اشتغل عادي :secret:

[الــهــاجـري]

شباب سؤال كذا بالغلط الفكسار 2010 فيه هيدروليك ولا لا؟

[العضو الماسي]

شباب سؤال كذا بالغلط الفكسار 2010 فيه هيدروليك ولا لا؟

على ماعتقد الجانبينات الاماميه هدروليكيه . ولكن هدروليك ترتفع وتزل السياره لا مافي لا فالمخمل ولا فالجلد .

[علي السليطي]

حاسبو يالربع من البالون والتواير الكجره الكوريه اشترو شي زين ميشلن ولا كنتونيتل الانه الباقي ينصلخ
وعن السرعه في الظهر تره الارض تزلق
الله يستر على الجميع
وتحمدو الله حر الاخره اعظم من هاي

[ابوصالح1]

طبيعي يحن اذا وصلت درجة الحراره 43 عندي نفس الشي

[عزووز قطر]

انا بعد الموتر يحن عندي بس جي اكس 2006

واشوفه طبيعي .. والحمدالله ان الموتر يمشي في هالجوو

[ابوصالح1]

شباب سؤال كذا بالغلط الفكسار 2010 فيه هيدروليك ولا لا؟
ابدا لايوجد هيدروليك فقط نظام منفصل لحاله اسمه kdcc يساعد على المطبات وغير عملى ذاك الزود وهو موجود في الطرف اللى من عند السايق له طرمبات منفصله لحالها اذا تبي تشوفه انظر امام الاطار الامامي الايسر من بين الصدام والاطار يعني في راس الشاص وايضا شغال من جنب واحد واحذروا ترفع السياره من صوبه اذا رفعته يعلق ويسير الموتر مايل على جنب حتي توديه الشركه يعدلونه ب 240 ريال

[بعيد النظر]

ياخوي موترك طبيعي ..
اي موتر حزة الظهر يحن خنة مب طبيعية ..
اخبر يوم كنت اصف موتري فـ الشمس واسوقه عقب الدوام ..

يمكن لو اركض احذاه اطوفه .. خخخخ

[mohad00974]

الله يسر علينا ويحمينا من يوم لاظل إلا ظله سبحانه وتعالى

[QatarProv]

لاتلومة يالذيب من اللهوب الي يحس به ..
عادي ياريال انا موتري اغلب الاوقات صوت ازعاج ^^. .

من الحر ولا قبل في الاشتا ماشاءالله تسمع صوت الـ 8 ^^ ..

ولاتشيل هم

[halcrow]

اخوي السهم سبقتني في كتابة الموضوع لأن أشتكي نفس حالت موترك
ووقت الظهر يحن حنه مب طبيعيه ادري انه كلج المروحه يتم شابك من هالجو الحار
وحزات في الليل بعد يشبك .
مافضيت اوديه الوكاله يشيكون ع كلج المروحه .
فعتقد انه من الجو الحار لواهييييييييب

[الحـ(درب)ـب]

شوف يالغالي

انت تقول ان الصوت مال المروحة على طوول شابك
يعني المفروض بأغلب السيارات
ويشتغل في حال ارتفاع الحرار وبالذات والسيارة واقفه
واول ماتطوف 80 يفصل النظام لان طبيعي الهواء يدش للمكينه بدون الحاجة للمرواح
فقط تشتغل فترات قليله ثم تطفأ

اذا مابندت حتى بالليل
روح للوكالة وقول لهم مشكلتك

اكيد الخلل من كلج المروحة

وطبيعي اذا تم شابك السيارة تصير ثقيله بالعزم

وتقبل مروري

[Qa6ar]

من الحر وانا اخوك

كل السيارات اتحن من الحراره

[الســـهم]

جزاكم الله خير جميعا ..

[جاسم القطري]

لا تحاتي كلنا سيم سيم

لو له لسان ما كان بيحن بس كان بيصارخ على هالجو