ايتكي فالكفيهات لييييييييييييه؟؟ [الأرشيف] - منتديات شبكة الأسهم القطرية

جاكوار

14-07-2010, 07:36 PM

السلام عليكم ورحمه الله وبركاته

اخواااااااااااااااااااني الشباب الموضوع لكم انتم كل ما رحت مجمع يدور في بالي هالسؤال

طبعا البنات قولوا رايكم وحطوا حرتكم فالشباب فهالموضوع :victory:

ليه الشباب يتكووون عالكافيهات فالمجمعات وكبتشينو وموكا وجيز كيك ومدري وش

اللي اعرفه ان الرسول صلى الله عليه وسلم نهى عن ترصف الطرقات لما له ضرر على الناس
:omen2:
بعض الحريم يستحووووون يمرون قدام الكافيهات فالمجمعات لغرض التسوق
والله في بعضهم تكبر اللفه وتروح من ورررررررررى عشان بس ما تمر على الكفي شوب

طيب وين مجالسكم

وين قهوتكم

ترى قسم بالله قدر الرجال بمجلسه ويكبر بعينا الرجال لا قده بصدر المجلس

طيب ودك تروح كافيه وتقعد مع الشباب ومدري ايش

في كافيهات برى المجمعات فالسد والنصر وطريق سلوى واشارات رمادا وغيرها

ليه ما تروح فيها

ليه ودك اتكي في طريق المسلمين

طيب خل اللي يقعد ويسولف يا حيه في ذمتي

لاكن اللي يقز الحريم من تجي لييييييييييييييييييين تصير نقطه هههههههههههه وهو يطالعها

اتمنى تعطوني اسباب مقنعه عشان التمس لكم العذر لا شفتكم

وريث الطيب

14-07-2010, 08:02 PM

الصريحه

14-07-2010, 08:13 PM

معاك حق فعلا نتضايق لما نمر من عندهم
الله يهديهم ويصلح بالهم انشاءالله وجزين خير

Doha Sun

14-07-2010, 08:15 PM

يمكن تمللو من حكرة البيوت والمجالس راحو للكوفيهات برى

وريث الطيب

14-07-2010, 08:52 PM

[

quote=doha sun;6113657]يمكن تمللو من حكرة البيوت والمجالس راحو للكوفيهات برى[/quote]

صح حلو تغير الروتين بس ما يكون بشكل يومي

قدام

14-07-2010, 09:35 PM

شارديين من ؟؟؟؟؟؟؟؟؟؟؟؟؟ و رااحين الكوفياات

The Master

14-07-2010, 09:36 PM

الله ينور...
بصراحه موضوع ونقطه جدا مهمه...بيض الله وجهك...وجزاك الله خير...

اعجبتني النقطه اللي اثرتها وقويتها ب حديث عن الرسول عليه الصلاة والسلام...

وكذلك فتح المجالس ابرك من هالادواره...والقز اللي يفصل تفصيل...
اهم شي اللي يقز لحد ماتصير نقطه...احم...

بارك الله فيك اخوي...واحسنت...
وطريقه السرد جميله...
الله ينور خيو...

بلوتنيوم

14-07-2010, 09:38 PM

رايحين نشرب قهوة
واي شيء يمر قدامنا بنقزه
ليش ماياخذون الطريق الطويل بدل الشورت كت:anger1:

فلتة زمانها

14-07-2010, 09:40 PM

هذا قدرهم
عشان يقزون خلق الله عقب ينزلون مواضيع في المنتدى
ليش البنات يلبسون برمودا وصروال بوزري تحت العباه وليش وليش

ولد الخال

14-07-2010, 09:46 PM

كلهم شباب مراهق لا يستطيعون فتح مجالس وديوانيات خاصة بهم

وهم يتواجدون في كافيهات المولات وغيرها من كافيهات في السد والنصر

روضه الجنة

14-07-2010, 10:02 PM

بعض الحريم يستحووووون يمرون قدام الكافيهات فالمجمعات لغرض التسوق
والله في بعضهم تكبر اللفه وتروح من ورررررررررى عشان بس ما تمر على الكفي شوب

لاكن اللي يقز الحريم من تجي لييييييييييييييييييين تصير نقطه هههههههههههه وهو يطالعها

اي والله هالشي واايد منتشر في كل المجمعات !! :(
المفرووض الريال يغض البصر :secret:

™كاسـبر™

14-07-2010, 10:54 PM

انا نااااادر ما اروح للكوفي بس في حالات ناااااادرة

لما اكون انتظر وقت عرض الفلم بالسينما

واحب اروح كوفي شوب مندعس بزاوية او مخشوش (= ههه

تسلم يالشيخ على الموضوع ونشوف مشاركات باقي الأعضاء

بوعبدالله779

14-07-2010, 11:13 PM

الشباب ما عندهم سالفة في الجالسة اللي ما وراها الا اثم وتتبع عورات الناس بس بعد البنت المحترمه اللي محتشمه تخلي اللي يشوفه يغض بصره طيب غصب يعني الطرفين عليهم لوم بس الغريب اللي تشوفه تلقى في كثير من الاحيان شله بنات قاعدين في كوفي شوب الحين عرفنا الشباب ليش جالسين بس البنات اشى عندهم قاعدين ويشوفون اللي جاي والرايح

بنت ابوها 19

14-07-2010, 11:18 PM

لا بس فالحين يتحجون عن الحريم الي يكشفون بالمحل وهم الي وجودهم بلا شغله بهل المجمع بكبره غلط
يدخلون محلات حريم ويقعدون بالكوفيات ويضايقون العالم بعد هاي كله احنا غلط *

غاليهم

14-07-2010, 11:36 PM

حبة على خشمك

مثل ماقلت حق القز ومايروح الا لازم يمر على الحلاق يضبط ويهه

التيما

14-07-2010, 11:39 PM

والله انك صاج .. قهوة الرياييل فمجلسهم .. واللي في الكافيهات ومتصدرين للحريم معروف من ..

ام السعف

14-07-2010, 11:45 PM

هذا قدرهم
عشان يقزون خلق الله عقب ينزلون مواضيع في المنتدى
ليش البنات يلبسون برمودا وصروال بوزري تحت العباه وليش وليش

سروال بو تلي :(

راعـي سـمحـه

15-07-2010, 08:58 AM

والبنات الي يقعدون في الكوفي عادي ؟؟!!

بنت ابوها 19

15-07-2010, 09:00 AM

والبنات الي يقعدون في الكوفي عادي ؟؟!!

هاي موراهم اهل
ولا رجاجيل يسون لهم حساب

اشلون ترضا البنت تخلي نفسها فرجه انا مادري
اخ عليهم والله

:(

راعـي سـمحـه

15-07-2010, 09:04 AM

يعني نفهم من كلامكم مانروح كافيهات المجمعات صح !

بنت ابوها 19

15-07-2010, 09:07 AM

يعني نفهم من كلامكم مانروح كافيهات المجمعات صح !

اي لاترحون

بس ترستو المنتدى

مواضيع

بنت لابسه تنوره بنت لابسه كعب بنت لابسه صروال مشقوق

بس خلو الخلق للخالق

qatar-2022

15-07-2010, 09:09 AM

والبنات الي يقعدون في الكوفي عادي ؟؟!!

عاد هالبنات ماوراهم ريايل يخافون منهم ويحسبون لهم الف حساب قبل لا تفكر تطلع من البيت وتروح تقعد في كوفي..

عزووز قطر

15-07-2010, 09:09 AM

بس في كافيهات غير موجودة الا في المجمعات
ومو كل الكافيهات كراسيها في الممرات .. احنا لما نروح كافيهات نقعد في الكراسي الداخلية .. وكثير من الشباب يقعدون داخل..

بس البنات اللي يقعدون في الكافيهات وبين الشباب ايش تسمونه !!؟؟
وخصوصا كافيه مايا في اللاند مارك البنات مكتسحين هالكافيه .. لدرجة ان البنات مخلصين اماكن العايلات ويقعدون على الطاولات المخصصة للشباب !!!

£عبدالعزيز£

15-07-2010, 09:24 AM

قبل ما اتكلم في الموضوع

ياريت الاعضاء لما يذكرون شي من القرآن او السنة

يذكرون لنا الاية .. او يذكرون لنا قول الرسول صلى الله عليه وسلم

مب بس اللي اعرفه انه كذا كذا !!

اللي اعرفه ان الرسول صلى الله عليه وسلم نهى عن ترصف الطرقات لما له ضرر على الناس

اول شي خلنا نشوف الحديث (كامل) ونشوف تفسير العلماء له

..

‏عن النبي ‏ ‏صلى الله عليه وسلم ‏ ‏قال ‏ ‏إياكم والجلوس في الطرقات ‏ ‏قالوا ‏ ‏يا رسول الله ما لنا بد من مجالسنا نتحدث فيها قال رسول الله ‏ ‏صلى الله عليه وسلم ‏ ‏فإذا أبيتم إلا المجلس فأعطوا الطريق حقه قالوا وما حقه قال غض البصر وكف الأذى ورد السلام والأمر بالمعروف والنهي عن المنكر

اول شي اقرا اللي مكتوب بالاحمر !!

..

والحين خلنا نشوف شرح النووي (لصحيح مسلم)

..

‏هذا الحديث كثير الفوائد , وهو من الأحاديث الجامعة , وأحكامه ظاهرة , وينبغي أن يجتنب الجلوس في الطرقات لهذا الحديث , ويدخل في كف الأذى اجتناب الغيبة , وظن السوء , وإحقار بعض المارين , وتضييق الطريق , وكذا إذا كان القاعدون ممن يهابهم المارون , أو يخافون منهم , ويمتنعون من المرور في أشغالهم بسبب ذلك لكونهم لا يجدون طريقا إلا ذلك الموضع . ‏

..

يعني التفسير يوضح (واصلا هو واضح من الحديث) انه لو جلسنا في الطرقات

لازم نعطي الطريق حقه .. وانت الله يهداك جمعت بكلامك كل اللي يقعدون في القهاوي

وبعدين هل الجلوس في مقهى في احد المجمعات يعتبر جلوس في الطرقات ؟

خصوصا انه نفس ما قلت عندهم طرق ثانية يقدرون يوصلون فيها للمكان المطلوب

طبعا هالسؤال ما يجاوب عليه اي حد .. لازم يكون عالم دين

..

وانا عن نفسي اقعد في الكافيهات ما عندي اي مشاكل

ومب مفتكر اذا في حريم يبون يمرون ومستحيين !!

لاني اصلا مب رايح هناك عشان اشوف شلة بنات حاطين مزهرية على راسهم

ولا حتى عجايز مسوين روحهم ملكات جمال يمرون من قدامي !!

وترى مب اي واحد يقعد في الكوفي يعني يبي يقز بنات

نعم في كافيهات معينة يقعدون فيها (شياب) يحاولون يقزون

بس اعتقد ان هالكافيهات معروفة ويقدرون ما يمرون من قدامها !!

..

باختصار .. المحترم محترم لو وين يروح

والـ(طرطنقي) طرطنقي وين ما يروح !!

..

وتسلم او تسلمين على الموضوع << مادري راعي الموضوع واحد او وحدة

بوخالد85

15-07-2010, 09:27 AM

اذا حرمتوا قعدة الكوفيهات وقلتوا عيب ولازم الواحد يقعد في مجلسة

عيل خل يسكرون كل الكوفيهات والمطاعم احسن والناس اتخسر ..

ياجماعه هذا مب كلام يعني الي يبي يقز مب في الكوفي بس حتى في الشارع يقدر
ياما شفنا ناس محترمه ولهم مناصب معروفه قاعدين مب شي عيب ولاحرام ..

La Bella

15-07-2010, 09:49 AM

متابعه عن بعد

خوي الشوق

15-07-2010, 10:04 AM

والله والله والله انه احنا كاشباب مانحب نمر جدام هالكوفيات بسبب الطيور المركزة اقصد الي يوميا وقاعد بس يبصبص ونفس الناس ونفس الطاوله ويوميا يعني مانقول الواحد مايروح ولا يجلس في هالاماكن بس يوميا لو في الشانز بنقول معليه اما في المجمعات

عين قطر

15-07-2010, 10:28 AM

أعلم أخى الفاضل أن نعمة البصر من النعم التى يمتن الله بها على عباده ليؤدوا شكرها وهى كثيرة لا تحصى ، وشكر النعمة لا يكون باللسان فقط بل بإستخدام هذه النعمة فى ما أحلَّ الله ، وحفظها عما حرم الله ، وإطلاق البصر إلى المحرمات له أضرار عديدة يكفى أنها تجعل صاحبها من المقصرين ، ويكفى فى زجر النفس عنها أن يُعلم أن الله سبحانه مطلع على هذه الخيانة من العين يقول تعالى : { يعلم خائنة الأعين وما تخفى الصدور }.

بوعبدالله779

15-07-2010, 11:11 AM

خلاص يا شباب ويا بنات كل واحد يمسك نفسه ولا يطلع من البيت الا وهو متوكل على الله حق التوكل ويعطي لكي شي حقه يعني يعطي للطريق حقه وللبصر حقه ولليد حقه وللرجل حقه ونشوف عقب اشلون يصير الغلط

ROSE

15-07-2010, 11:13 AM

هههههههههههههههههه متابعه

الغالي!

15-07-2010, 11:29 AM

والله والله انك صادق والله يكثر من امثالك والله لوكل واحد تفكييره مثلك كان الواحد ينزل اهله اي مجمع وهو مرتاح جزاك الله الف خير

بـــــــنت النوخـّــــذه

15-07-2010, 11:37 AM

يقعدون الي يقعدونه بس اهم شي يقضون النظر مهب يشرب النسكافيه وعينه مبققه على الناس 0000000

انا اشوف الشخص وين مايقعد (دام اهو محترم وملتزم وجاي لغرض وماشي ) مافيها خلاف 000

العثماني

15-07-2010, 12:51 PM

يقعدون الي يقعدونه بس اهم شي يقضون النظر مهب يشرب النسكافيه وعينه مبققه على الناس 0000000

انا اشوف الشخص وين مايقعد (دام اهو محترم وملتزم وجاي لغرض وماشي ) مافيها خلاف 000

كلامك صحيح 100٪ مافية خلاف هذا واجب ديني وأخلاقي

لكن
ودنا البنات يلبسون عدل مب مكياج وعباية ضيقة كأنها تقول ياشباب شوفوني وشو لابسة وغيرها وتبون الشباب يغضون وأكثرهم عزابية والله لو البنت لابسة لباس محتشم محد كفو يرفع عينة عليها :omen2::omen2:

الأصيلة

15-07-2010, 12:55 PM

وقت فراغ ومتملل ويبي يضيع وقته
بس انا افكر في الي يدور حول المجمعات طول يومه ومطول على المسجل مب محصلين منه لا زيادة زحمه وزعاج من مسجله حتىما يحترم الاذان اذا اذن مادري ليش هل مسجل مطول عليه للاخر يعني هو اصمخ مثلااا

ما أكثر ها النوعية من الشباب ...
خاطري أعرف الهدف من هالحركة...
كل واحد يتمخطر بالسيارة وتنافس في الموديلات ونوعية الأغاني... ويقطعون طريق الناس يوقفون يسولفون من السيارات..
منظر يقهرني ويحز في نفسي هالتفاهه الغير طبيعية...

عزووز قطر

15-07-2010, 12:56 PM

كلام
ودنا البنات يلبسون عدل مب مكياج وعباية ضيقة كأنها تقول ياشباب شوفوني وشو لابسة وغيرها وتبون الشباب يغضون وأكثرهم عزابية والله لو البنت لابسة لباس محتشم محد كفو يرفع عينة عليها :omen2::omen2:

:nice: :nice: :nice:

بوعبدالله779

15-07-2010, 01:30 PM

ما أكثر ها النوعية من الشباب ...
خاطري أعرف الهدف من هالحركة...
كل واحد يتمخطر بالسيارة وتنافس في الموديلات ونوعية الأغاني... ويقطعون طريق الناس يوقفون يسولفون من السيارات..
منظر يقهرني ويحز في نفسي هالتفاهه الغير طبيعية...

صحيح اختي الاصليه بس في نفس الوقت السؤال يطرح نفسه ليش البنت تكشخ وتعدل نفس كانها رايحه لزوجها وتروح السوق والمجمعات وتنافس البنات في الكشخه وتتمخطر وتتمشى مشيه الغزال جدام الشباب ما ادري ليش ؟؟؟؟

عين قطر

15-07-2010, 01:44 PM

صحيح اختي الاصليه بس في نفس الوقت السؤال يطرح نفسه ليش البنت تكشخ وتعدل نفس كانها رايحه لزوجها وتروح السوق والمجمعات وتنافس البنات في الكشخه وتتمخطر وتتمشى مشيه الغزال جدام الشباب ما ادري ليش ؟؟؟؟

لان اختفى الرجال .. وحط تحت الرجال الف خط .. اختفى في بيت هالبنات من هالنوعيه
وقبل كل هذا اختفى الخوف من الله .. الله المستعان

الأصيلة

15-07-2010, 01:48 PM

مادام الرجال أعطى لنفسه تصريح بمزاولة التبصبص والخز في بنات خلق الله وأباح لنفسه هالشي..
فلا تستبعد الله يبيح لغيره من الرجال الخز والتبصبص على نساءه وإن لم تكن زوجته بتكون اخته أوبنت اخته أو بنت اخوه..
بالنهاية بياخذ نفس العقوبة...
سنة إلهية ليس لها تبديل أو تحويل..
دقة بدقة ولو زدت كان زاد السقه...

عزووز قطر

15-07-2010, 01:48 PM

صحيح اختي الاصليه بس في نفس الوقت السؤال يطرح نفسه ليش البنت تكشخ وتعدل نفس كانها رايحه لزوجها وتروح السوق والمجمعات وتنافس البنات في الكشخه وتتمخطر وتتمشى مشيه الغزال جدام الشباب ما ادري ليش ؟؟؟؟

والله يابوعبدالله كل مااشوف هالنوع من البنات اسأل نفسي واقول: هالبنت ليش كاشخة ومتعطرة وهي رايحة للسوق او المجمع ؟؟ يعني كاشخة حق من ؟؟
وهل هي مقتنعة ان كل من هب ودب يشوفها بهذا المنظر ؟؟

وهم قطر

15-07-2010, 01:49 PM

تسلم على الموضوع الي ماراح يوصل لنتيجه ولا راح يغير شي لين يوم القيامه

فقط موضوع فظ فظ

اشوف الخطا من الكوفيات نفسهم هم الي مخلين الطاولات في وسط الممرات

ومثل ما الشباب يجلسون فيها هم البنات الحين يزاحمون الشباب على الطاولات

وانا شخصيا ماحب امر قدام الكوفيات والسبب السلام على من جالس فيها هم نفسهم مايتغيرون

بوعبدالله779

15-07-2010, 02:01 PM

يعني في النهاية الغلط على الاثنين مب المذنب الشاب فقط الغلط على طرفين واذا كل انسان يحاسب نفسه ويغض بصره راح يحمي نفسه واسرته ونفس الشي للبنت اذا طلعت وهي خايفة من ربها راح تتسهل امورها ولا تلقى اي ازعاج لانها طالعه وهي في كامل حشمتها

الأصيلة

15-07-2010, 02:03 PM

والله يابوعبدالله كل مااشوف هالنوع من البنات اسأل نفسي واقول: هالبنت ليش كاشخة ومتعطرة وهي رايحة للسوق او المجمع ؟؟ يعني كاشخة حق من ؟؟
وهل هي مقتنعة ان كل من هب ودب يشوفها بهذا المنظر ؟؟

البنت ماتكشخ بها الطريقة الا من اجل نظرات الرجال
هذا هو هدفها..
وفعلا الرجال مايعيلون على المتستره ..
وهذا اختبار للرجال حتى يغضوا البصر والا الأمر مش غض البصر عن المرأة المتسترة...بل عن المتكشفة...

بوعبدالله779

15-07-2010, 02:08 PM

البنت ماتكشخ بها الطريقة الا من اجل نظرات الرجال
هذا هو هدفها..
وفعلا الرجال مايعيلون على المتستره ..
وهذا اختبار للرجال حتى يغضوا البصر والا الأمر مش غض البصر عن المرأة المتسترة...بل عن المتكشفة...

يعني وصلنا لشي انه اللي مخلي الشباب يجلسون في هل الاماكن الحريم الغير محتشمات وفي النهاية اللي مخليهم جالسين هني هم الحريم

بوحارب

15-07-2010, 02:21 PM

اسخف قعده هي قعدة الكفييات:omen2:

احسها حق ناس فاضية وماعندها شغل وهذا الشخص اللي كل يوم مطيح في كوفي لا شغل ولا مشغله

ياخي الله مكثر مطاعم الكرك في كل مكان اقعد في موترك واطلب لك واحد كرك وواحد ماي بارد كله بريالين

اما الكوفي يعطونك كبتشينو مااااااااصخ وبااااااااارد وفي ألأخير ب 18 ريال :omg: عاد ياريت لو طعمه حلو ويستاهل السعر :omen2:

وبعدين اخوي انت ليش حاط على الشباب حتى السحالي هالأيام محذفين في القهاوي اكثر من الشباب :) وشكلهم الصراحة مقرف وهم قاعدين بدون محرم وبين الرجال :)

خالـــــد

15-07-2010, 03:30 PM

متابع عن قرب :nice:

بس الزبده ان في جزء من المجتمع حريم ورجال اخلاق معدومه وتربيه معدومه والله المستعان

لاجل QT

15-07-2010, 03:36 PM

صح كلامك .

انا من النوع اللى يحب المسافات الطويلة ..ولا اقعد امشي والكل يخز
والله يخلون لحم الوية يطيح..عسى ماشر

صج اغلبهم مراهقين ..بس في النهاية يعتبررجل ...بس يبيلة عقال يلشطة على شان يحترم اداب الطريق

الأصيلة

15-07-2010, 07:54 PM

يعني وصلنا لشي انه اللي مخلي الشباب يجلسون في هل الاماكن الحريم الغير محتشمات وفي النهاية اللي مخليهم جالسين هني هم الحريم

وليش ماعندهم حريم ؟؟
إلا عينهم على بنات خلق الله سواء كانوا محتشمات أو غير محتشمات..
اللي يخاف من الله يتذكر عقابه العاجل لهذا الذنب العظيم..
ومازلت أذكركم معشر الرجال..
دقة بدقه ولو زدت لزاد السقه...

freespirit

15-07-2010, 09:07 PM

اول شي.. انا ماحب قعده الكوفي.. اقعد لين اخلص قهوتي وامشي .. لانه مايجوز تشرب وانت تمشي صح؟ :p

اعطيكم كم من سبب قعده في الكوفي ..

واحد رايق الصبح والمجمع فاضي ويشرب قهوته ويقرا جريده .. هذي اسويها انا دايما.. صار لي 24 سنه اكل خبز طابي واشرب كرك كل صبح .. وشفيها لو شربت مكياتو وكليت كرواسون جبن؟

المجمع اقرب من الكوفيات اللي في سلوى والنصر والسد .. والزحمه اقل لكل اللي موجودين بالمناطق من الريان وشمال.. وقعده المجمع اشرح.. والخدمه ازين .. والاجانب اقل .. روح شوف ستاربكس اللي في فيلاجيو وستاربكس اللي في الرمادا ... وشوف شكثر الاجنبيات اللي لابسين مفصخ هناك ويتقهوون؟

واحد ينتظر فلم في السينما بيبدى بعد ساعه... تبونه يتفرفر ورى خلق الله, ؟

نقطه بسيطه .. ترى اللي مايسوي شي ما يخاف من شي .. لو الاخت اللي بتمر من قدام الكوفي مهيب ضاربه ربع كيلو ميك اب .. لو تنفض وجهها على طابي قدرت تسوي من البودره خبز ... وعطر يشمه اللي في اخر السوق .. لا مرت ماحد بقازها ...

وين تبون الشباب يروحون في الصيف؟ .. انا عن نفسي مع الشباب في الدوحه للساعه ثمان .. وعقبها في المجلس لاخر الليل .. اجازات وخير .. يعني نجتمع في المجلس من العصر للفجر؟ بدون تغيير؟ شالمزاج اللي عليكم؟

قعدنا في كوفي تشكيتو .. تسوقنا في مجمع تشكيتو.. رحنا سيلين تشكيتو .. رحنا نتسابق ونذبح عمارنا من كثر شكاويكم... تشكيتو !

اسأل نفسك يلي تسأل هنا .. الاخت اللي تروح مجمع ماتقدر تلقى اغراضها برى؟
ماتقدر تروح مع ابوها ولا اخوها؟ في ذمتك والموجودين كلهم قد سمعت في وحده اخوها وياي ولا ابوها والناس يقزونها ويغازلونها؟

الذيب يدور الفارطه من الغنم لوول .. اللي بتمشى لحالها وتتمخطر لي من قدام كوفي شوب يعل يقزقزونها لين يغمى عليها

سلام

بوعبدالله779

15-07-2010, 09:36 PM

وليش ماعندهم حريم ؟؟
إلا عينهم على بنات خلق الله سواء كانوا محتشمات أو غير محتشمات..
اللي يخاف من الله يتذكر عقابه العاجل لهذا الذنب العظيم..
ومازلت أذكركم معشر الرجال..
دقة بدقه ولو زدت لزاد السقه...

صحيح يا اختي بس اللي مب متزوج ؟؟؟يعني الحين البنت ماعليها غلط كلش ؟؟؟؟ بعدين انتي ما تقدرين تجزمين كل الجالس في المقاهي قاعدين يشوفون الحريم الجايات والرايحات الا اذا انتي عندج امكانيات خاصة وتعرفين اللي في النفوس وتسلمين على الرد ونسال الله العفو والعافيه

GOOKLUCK

15-07-2010, 09:54 PM

وليش يالبنات تروحون المجمعات ؟؟؟

ليش ماتروحون الاسواق الثانيه والحين مافيه فريج الا فيه محل عبي ولا محل عطور ... الخ

بـــــــنت النوخـّــــذه

15-07-2010, 11:21 PM

كلامك صحيح 100٪ مافية خلاف هذا واجب ديني وأخلاقي

لكن
ودنا البنات يلبسون عدل مب مكياج وعباية ضيقة كأنها تقول ياشباب شوفوني وشو لابسة وغيرها وتبون الشباب يغضون وأكثرهم عزابية والله لو البنت لابسة لباس محتشم محد كفو يرفع عينة عليها :omen2::omen2:

ادعي لهم بالهدايه 000000000000000

وبعدين على طاري الي باللون الاحمر 00هل لما الله سبحانه يوم القيامه يقول له يافلان ليش ماقضيت النظر ورد فلان وقال والله البنت متمكيجه ولفتت نظري هل هذا عذر مقبول عند رب العالمين ؟؟؟؟؟؟؟

خلاص يكفينا اعذار لان كثر هذي الاعذار سهلت المنكر !!!!!!!!!!!!!!!!!!!!!!!!!!!!!!!!
والله تبون الصج كل الي في المجمعات بالغين ويعرفون الصح من الغلط والعوي عوي طول عمره 0000000سواء بنت ولا ولد الا اذا الله هداهم هذا شي ثاني 000 والرجل او المرأه في المجمعات يقدرون يفرضون احتراهم وين ماكانو في المجتمع واي شخص يخطئ اهو يتحمل نتيجه خطأه امام رب العالمين ومافي له اي عذر0000 احتمال جلسه هذا الشاب (باحترام في الكوفي شوب ) ابرك من جلسه واحد بالمجلس ولاعب لعبته بالمعاصي 0 فالاهم ياجماعه ان الشخص لايجعل الله اهون الناظرين له ويـــــــــــــــــــــــن ماكان

sara jsm

16-07-2010, 03:02 AM

الغلط على هالمقاهي اللي حاطين اشكثر طاولات برع المكان ,,
لو حاطينهم مع قسم المطاعم الواحد يقول اشوه ,,
بس دامهم منثرين جذي مانقدر نقول شي ,, والشاب بكيفه وين يقعد ,,
وحتى لو طالع او ماطالع ,, الواحد مايدري في نيته ,,
وانا افضل اني اخذ لفه طوووووويله ولا امر من مكان فيه شباب حتى لو اكون مع اخواني ,,

العثماني

16-07-2010, 03:15 AM

ادعي لهم بالهدايه 000000000000000

وبعدين على طاري الي باللون الاحمر 00هل لما الله سبحانه يوم القيامه يقول له يافلان ليش ماقضيت النظر ورد فلان وقال والله البنت متمكيجه ولفتت نظري هل هذا عذر مقبول عند رب العالمين ؟؟؟؟؟؟؟
أكيد العذر غير مقبول لكن الغريزة موجودة والعازب مايقدر يشبعة وبنت مفروض ماتلبس مايثيرها

ورد عن النبي صلى الله عليه وسلم أنه قال: "أيما امرأة استعطرت فمرت على قوم ليجدوا ريحها فهي زانية، وكل عين زانية" رواه النسائي وابن خزيمة وابن حبان في صحيحيهما، ورواه الحاكم أيضا وقال: صحيح. كما رواه أبو داود والترمذي بلفظ "كل عين زانية والمرأة إذا استعطرت فمرت بالمجلس كذا وكذا" يعني زانية، وقال الترمذي: حديث حسن صحيح.

خلاص يكفينا اعذار لان كثر هذي الاعذار سهلت المنكر !!!!!!!!!!!!!!!!!!!!!!!!!!!!!!!!

أنا مادور لشباب أعذار إلا بسبب الهجوم الغير مبرر من طرف واحد
والله تبون الصج كل الي في المجمعات بالغين ويعرفون الصح من الغلط والعوي عوي طول عمره 0000000سواء بنت ولا ولد الا اذا الله هداهم هذا شي ثاني 000 والرجل او المرأه في المجمعات يقدرون يفرضون احتراهم وين ماكانو في المجتمع واي شخص يخطئ اهو يتحمل نتيجه خطأه امام رب العالمين ومافي له اي عذر0000
كلام صحيح:victory::victory:

احتمال جلسه هذا الشاب (باحترام في الكوفي شوب ) ابرك من جلسه واحد بالمجلس ولاعب لعبته بالمعاصي 0 فالاهم ياجماعه ان الشخص لايجعل الله اهون الناظرين له ويـــــــــــــــــــــــن ماكان

فالاهم ياجماعه ان الشخص لايجعل الله اهون الناظرين له ويـــــــــــــــــــــــن ماكان

أعيد نفس كلامج

qatar1111

16-07-2010, 03:51 AM

تناقض كل هالدنيا تناقض

معادله بسيطه جدا

ابعد الكبريت عن البترول والامور طيبه

يعني بنت لابسه عباه كنها ستاره مشكله بكل الالوان من فوق لين تحت

والعباه مخصره ومطلعه مفاتن الجسم والقمبوعه مادري البفه شكبر اتقول طول شعرها 20 متر

والقذله مغطيه نص وجها والميك اب فووول وخاطه الكحل من خشمها لين اذنها وريحه العطورات اتفوح

كنه محل وجوه او سيفورا مار عليك ولا اتكاسرك ابعينها بعد اتشكك في نفسك

ولا وصلت قلة الحيا انها تجلس بين الشباب وضحكها واصله الباركنات

س سؤال انت او انتي لما تمشين في الشارع وشو الي يلفت نظرج ؟

الي يلفت النظر الشي الغريب او الحلوو صح ؟ اما الشي العادي او المغطى ماراح تهتم له

يعني المتبرجه والكاشفه كلن بيشوفها والمحتشمه والمغطيه محد راح يتجرء ويناظرها

ومابي ادقق في الكلام اكثر هذا بالنسبه للبنات

اما الشباب قمنا انشوف اشياء اتخلي الواحد يطبخ من داخله ويتمنا انه يمسك السلطه لو 5 دقايق

ويجلدهم في نص المجمع

يعني بنت محتشمه في حالها اتلاقيه نفس السبال ينط من مكان لين مكان وراها

والحلوو ان هي مب داريه عنه وهو الا يعطيها الرقم بالغصب

انا ما ادافع لا عن الرجال ولا عن البنت

بس الي اقوله كل الطرفين مكملين لبعض يعني في شباب جايين للمطالع والمناظر وغيره

وفي بنات جايين للمناظر وتمشي وعرض الازياء مالتهم

وفي نفس الوقت في شباب جايين يتقهون ويسولفون ويتشرون ولا هم دارين عن فلانه ولا فلتانه

وفي نفس الوقت في بنات محتشمات متغطيات جايين لغرض معين وطالعين لا دروا عن فلان ولا فلتان

بصريح العباره من سوا نفسه سبوس لعبت به الدجاج

دش محترم واطلع محترم