لو تكرمتو حد راح اليابان عندي كم استفسار

[383 STROKER]

السلام عليكم
اخواني انا ان شاءالله ناوي اروح اليابان شهر عسل ادري في ناس بتقول ليش بس الصراحه البلد حلو ونظيف وابي شي جديد عالعموم اللي عنده خلفيه عن البلد ووين اقدر ارتب رحلة سياحيه عن طريق مكاتب سفريات في الدوحه لا يبخل علي الله يجزاكم خير.
وشكرا

[احساس غريب]

اخوي كل اللي اعرفه عن هالبلاد انها غاااااااليه وماتصلح لشهر عسل واذا تبي نصيحتي روح ماليزيا او المالديف او تركيا الصراحه مافي احلى من هالدول حق شهر عسل..

[ابن الوكره]

ماتصلح لشهر عسل .... غاليه ... زحمة ... مافيه اهتمام في السياحة .... تبقي تتفرج على تطور و عمران و تكنولوجيا بس ؟ اوكي روح اليابان تبقي تقضي شهر عسل ممتاز تنبسط فيه مثل ما انصحك اخوي احساس ماليزيا البلد الاول للعرسان مش في قطر بس في الخليج كله لانها بلد توفر خدمات سياحية بالدرجة الاولى للعرسان.

[بويوسف-قطر]

السلام عليكم ورحمة الله وبركاته

اول شي الف مبروك على الزواج والله يرزقك الذرية الصالحة

وانا رحت اليابان كذا مرة وزرت كذا مدينة

الصراحة اختيارك روعة والبلاد صحيح مميزة ، وما اعتقد في سفريات يعرفون يحجزون الافضل انك تحجز عن طريق النت بنفسك او تروح السفارة اليابانية يعطونك عنوانين.

بس في مشكلة .. لازم تكون راعي مواعيد انجليز ولا راح تتعب تراهم يهتمون بالوقت بشكل عجيب ما ابالغ اذا قلت لك بالدقيقة

خذلك يومين في طوكيو ويومين في اوساكا ويومين في هيروشيما ومو غلط اذا قدرت عن طريق الفندق تزور جبل فوجي.

وبالتوفيق

[383 STROKER]

الله يجزاكم خير عالنصايح.
اخوي بويوسف مشكور وما قصرت انا الحمدلله دقيق بالمواعيد :) بس بغيت اعرف هل اخذ معاي ين ياباني ولا اصرف دولارات لانهم يتعاملون بالكاش والفيزا. وثاني شغله بخصوص الفيزا كم تحتاج لين ما تطلع ويين سفارتهم في الدوحه. ولك جزيل الشكر

[البدع]

بلااااااااااااااد حلوة

نظامية

فيها امن

ومناظر حلوة جدا

وعيبها:

شعبها مايتكلم انجليزي خير شر

غالية

اكلهم يطبخ دائما بدهن الخنزير

بس ابدعت في اختيار الدولة لشهر العسل

لاني كنت افكر مثلك

[وحيد-الشوق]

اليابان حلوة صحيح وبلاد نظام والخ

لكن السياحة عندهم مب ذاك الزود عندك دول اخرى احلى بكثير

واخيرا البلد ما تصلح لشهر عسل روح المالديف حلوة وتناسبكم

[Bu Rashid]

السلام عليكم ورحمة الله وبركاته

اول شي الف مبروك على الزواج والله يرزقك الذرية الصالحة

وانا رحت اليابان كذا مرة وزرت كذا مدينة

الصراحة اختيارك روعة والبلاد صحيح مميزة ، وما اعتقد في سفريات يعرفون يحجزون الافضل انك تحجز عن طريق النت بنفسك او تروح السفارة اليابانية يعطونك عنوانين.

بس في مشكلة .. لازم تكون راعي مواعيد انجليز ولا راح تتعب تراهم يهتمون بالوقت بشكل عجيب ما ابالغ اذا قلت لك بالدقيقة

خذلك يومين في طوكيو ويومين في اوساكا ويومين في هيروشيما ومو غلط اذا قدرت عن طريق الفندق تزور جبل فوجي.

وبالتوفيق



بارك الله اخوي بويوسف اعطانا الزبده
وممكن ازيد اخي الكريم .. ممكن زيارة نقويا ايضاٌ

ايضا اللغه ستكون نوعاٌ ما عائقا في المناطق العامه او الغير سياحيه
حاول دائما ان تسأل الفندق عن المناطق السياحيه ومناطق الالعاب لانها دائما بعيده عن المدن

والف الف مبرووووك مقدما

[RAbbaSH]

اليابان حلوه...بس عيبها اللغه >>> وهذا اللي خلاها موب قويه في السياحه... الشعب قمة في الاحترام والانضباط... بالرغم من ان الشعب الياباني من اكثر شعوب العالم شربا للخمر >> بس ماعمري صادفت اي مشاكل بعكس الاوروبيين.... القطريه توهم مسيرين رحلات لمطار ناريتا طوكيو >> يعني دايركت هناك... بالنسبه للديره غاليه نسبيا كسكن ومعيشه... المناطق السياحيه عندهم كثير مثل كويوتو (العاصمه القديمه لليابان).. هيروشيما.. ..يوكوهاما.. اوساكا...نغويا
بالنسبه للاكل.... مالك الا ماكدوندز لان اكلهم كلش ما يصلح
وبالتوفيق