استفسار بخصوص تصاريح المخفي والعازل ..

[bu 3li]

السلام عليكم ورحمة الله وبركاته ..

لاحظت فـ الفتره الاخيره ( فـ الصيف ) انه اغلب السيارات اللي امر عليها سواء وانا رايح الدوام او حتى من الدواره في وسط الدوحه .. انهم يكونون مركبين عازل او مخفي ويكون ثقيل حتى احاول اني اشوف الشخص اللي فـ السياره ما اقدر

من 3 او 4 ايام سياره عليها لوحة " لخويا " عليها عازل نسبته مب اقل من 40 % او 30 % .. واليوم الصبح عراوي مضروب مخفي 100 % وجدامه رادار متحرك واكثر من مره اصادف سزوكي كحليه عليها مخفي 100 % بعد وهي سيارة الرادار المتحرك

سؤالي هو .. ليش هـ السيايير عليها مخفي ( حتى لو كان جنبين بس مب شامل ) طبعاً جنب السايق والعبري مضروبين مخفي .. ليش هـ السيايير يصرح لها واحنا لأ ؟؟؟

لو بيقولون عشان محد يعرف الشخص اللي فـ السياره .. انزين فيه وايد سيايير ماعليها مخفي خير شر وقبل كان الوضع جذي اشمعنى الحين ؟؟ وشـ الحكمه من انه نخفي هـ الشخص ( لو كان هاي عذرهم ) ..

لما كنا نطالب ونقول حر وشمس ونبي مخفي حتى لو في فترة الصيف بس .. كانوا يقولون الافراد يوقفون فـ الدواوير والاشارات فـ الشمس ومواترنا احنا ماعليها شي وواقفه فـ الشمس لكن الله يهديه اللي يقول هـ الكلام ماراح وشاف المواتر عدل


اتمنى حد يرد علي ويكون ملم بـ الاسباب اللي تخليهم يصرحون حق سياييرهم ويمنعونا احنا كـ مواطنين عاديين :telephone:

[monatee]

وعليكم السلام

اللي مركبين ماعندهم تصريح ولا حد سامحلهم وانا منهم

سيارتي عليها عازل كامل 30 % والحين ركبت 30 زياده مخفي ع الجوانب فوق العازل من بره

فصار مخفي ثقيل مابين وانا داخل .. لين خلص الصيف بشيل المخفي وبخلي العازل

بدون تصريح وادري اذا وقفوني بتخالف

لكن ماقدر استحمل الشمس في الظهر وخاصه وانا راده من الدوام 2 ونص

[كلاسيك قطر]

ونفس الشي اخوي انا

ونفس طريقتك اخي

بس مب تصريح

[كبشينو]

انا بعد مركب عادي بس على ماعتقد ساعات يمشونك وساعات يوقفونك على حسب الدوريه عاد وانت وحضك
اتخالف مره طول الصيف ولا اذبح عمري في هالحر

[al-sadd]

الشيخ نادر ماتحصل الي عنده تصريح
انا واحد مركب 30% عازل ومخفي تيتانيم !
واحلى جو عندي في الموتر !
وصار لي حول الـ 3 شهور وداش الشهر الرابع !
ومريت على اكثر من ثبوت
ومحد كلمني !
اخوي توكل ع الله
ذي مب حاله ترى الجو مايساعد
وربك كريم



نصيحه اخوي : ركب 10% تيتانيم و 20% مخفي تجاري برى !
اذا جاك واحد نحييييييس وقالك شله
اطلع برى شل التجاري
وخل تيتانيم =)
التجاري تكلفتخ 100 ريال يمكن !!
وكان الله غفور رحيم =)

[لاجل QT]

انزين كم مخالفة المخفي ..اذا مو وايد بتشجع وباركبة

لانى انشويت من الشمس يدى احترقت من الشمس .. البس قفاز بعد مالحق...الشمس قوية....

يقولون اوصلت درجة الحرارة 55

[al-sadd]

1000
ريال

لاكن نفس ماقلت صعب ان الواحد يحصل هـ المخالفه وخاصه مثل هـ الوقت !

[bu 3li]

اشكر الكل على تفاعله واحنا نسوق ونخاف ونتلفت والسبه انه مافي قرار
لكن نشوف سيايير الداخليه نفسها عليها مخفي ونبي نعرف السبب ...

يعني الكل يقول ممنوع ويحجزون ويخالفون خلق الله
لكن سياييرهم امورها طيبه .. يعني شنسوي وليش مركبين هم !!!! واحنا لأ !!!!!!

[Night KNight]

1000
ريال

لاكن نفس ماقلت صعب ان الواحد يحصل هـ المخالفه وخاصه مثل هـ الوقت !

كان زمان 1000 ريال

رجال شغال فالفزعه قايلي 3000 ريال
ارتفع سعر المخالفه من اسبوع
والعهده على الراوي

[bu 3li]

كان زمان 1000 ريال

رجال شغال فالفزعه قايلي 3000 ريال
ارتفع سعر المخالفه من اسبوع
والعهده على الراوي


ماشاء الله الزيادات والغلا طال المخالفات بعد !!!!
انزين وبخصوص الحجز .. ينحجز الموتر ولا بس فلوس

[omega]

سووو تصريح واخلصو
ايش المشكله يعني

اتدورون على المخالفات وبس

[طارق]

وين المحلات الي اتركب مخفي عادي يا اخوان؟؟؟

[السامـي]

أنا عن جد في حاجة المخفي،الشمس خلتني كأني جاي من أدغال أفريقيا،بس...
ما يسوى على الواحد يوقفه واحد ما يسوى ويخالفه ويمكن ينحجز الموتر.:confused:

[بنت ابوها 19]

اخاف اركب وتنحجز سيارتي اخاف ماركب انشوي من الحرررر
والله الي مستغربه انه الزلموته لاعبين لعبتهم بالمخفي ظاربينه بالراحه فوق ال ٥٠ ٪
مستغربه ذوله مايخافون ولا بس احنا الي نخاف ونسوي الف حساب

بصراحه انا بركب ٢٠ جدام

[bu 3li]

لحد الحين كل الناس تتسائل وكلن يدور جواب ..

وينكم يا اهل المرور ولخويا .. عالاقل نبي نعرف هل فيه سماح وتساهل ..
هل يخلون العالم بدون لا يصدرون قرار بـ سماح العازل او المخفي ؟؟

[halcrow]

أنا عن جد في حاجة المخفي،الشمس خلتني كأني جاي من أدغال أفريقيا،بس...
ما يسوى على الواحد يوقفه واحد ما يسوى ويخالفه ويمكن ينحجز الموتر.:confused:

أنا لي تحفظ ع ردك وذكرك لشرطي المرور أنه مايسوى بتقليلك له وأهانه لرجال الشرطه بذكرك انهم مايسوون .

يالسامي راجع نفسك تراها مردوده عليك .

[السامـي]

أنا لي تحفظ ع ردك وذكرك لشرطي المرور أنه مايسوى بتقليلك له وأهانه لرجال الشرطه بذكرك انهم مايسوون .
يالسامي راجع نفسك تراها مردوده عليك .
أنت هالحين فهمتها كلمة ما يسوى من تنطبق عليه،ولا جاي طافح
ما تدري وش الطبخة،لكن،أنا بخليك تقلبها في رأسك لين تعرفها...
وما راح تعرفها.:cool:

[خليفـة]

وعليكم السلام

اللي مركبين ماعندهم تصريح ولا حد سامحلهم وانا منهم

سيارتي عليها عازل كامل 30 % والحين ركبت 30 زياده مخفي ع الجوانب فوق العازل من بره

فصار مخفي ثقيل مابين وانا داخل .. لين خلص الصيف بشيل المخفي وبخلي العازل

بدون تصريح وادري اذا وقفوني بتخالف

لكن ماقدر استحمل الشمس في الظهر وخاصه وانا راده من الدوام 2 ونص

monateeمسوية روحج قوية وبطله ؟؟
خليني اصيدج بس
اذا ما قطيت سيارتج في البحر عشان تحرمين
بتشوفين
:nice:

[رياني qtr]

مساء الخير الصراحة انا مركب مخفي كامل 100% وبدون تصريح والحمدالله صار لي شهرين محد وقفني ولا كلمني لكن اعتقد يعتمد على نوع السيارة لانه عندي سيارة ثانية وقفوها رابع يوم من ركبت المخفي عليها وهي بنوع كروزر طبعا هو الي في التوقيع يعني الي بيركب يحتمل قراره بنفسه لانه اكيد المخفي ممنوع وهالشي معروف

[ريان]

للاسف مافيه تصريح فيه مخالفه

[h9466]

في سيارتي مركب مخفي ثقيل خلفي وعاكس للزجاج الامامي ..في المرور الفنيين رفضوا رفض تام يمشوا السيارة وقلت لمندوب هناك بعطيك 500 ريال بس مشي المعاملة لي..حاول لمدة يومين بدون فايدة...دخلت على ملازم وقلت له انا انسان ما استحمل درجات الحرارة العاليةوالمخفي مهم جدا لي....جزاه الله خير تفهم الوضع ووقع بالموافقة...
بس السؤال هنا ليش العاكس عليه تشديد غير طبيعي؟والسؤال الثاني لوحد وقفني بيصدق انه الملازم سمح لي به؟

[Qa.e]

اخوي العاكس ممنوع في اكثر الدول في العالم


لأنه يعكس اشعة الشمس ويسبب حوادث

[bu 3li]

والله ياجماعة الخير المخفي يكفي ويوفي او العازل الحراري
كلن وحسب استطاعته الماديه .. اما العاكس ( وجهة نظر ) ماله داعي
الغرض من تظليل الدرايش هو الحمايه من الحراره مب التخفي عن الناس

صدقوني لو الكل يلتزم بـ نسبه معينه من العازل او المخفي بتشوفون التصريح ساري طول السنه مب بس فـ الصيف لكن الله يهداهم ( بعض ) ربعنا لين قالو لهم 10 حطو 100 وهالشي مجربينه في سنة 2002 اظن وشفتوا شصار من حوادث واستعمال خاطىء ..

لكن مازلنا ننتظر رد من جهه رسميه على التساؤلات اللي انطرحت

[بوهلال]

عن نفسي موتري كامل 40 في الميه و لله الحمد

اموري في السليم

وطلعاتي نادره في السياره

لكن تم توقيفي في اكثر من نقطه تفتيش والامور طيبه

و الله يعطيهم الصحه والعافيه رجال لخويا
يتفهمون الوضع

[السيف5]

أنتوا في صوب والداخلية في صوب ليش مافي قرار واضح ؟

[bu 3li]

أنتوا في صوب والداخلية في صوب ليش مافي قرار واضح ؟

اضم صوتي لـ صوتك واطالب بـ القرار الواضح
والتفسير لـ سبب تصريح المخفي والعازل لـ ناس وناس
وانا اقصد اهل الواسطات والواصلين وسيايير الداخليه ولخويا