استفسار مهمممم الحساب الجاري والتوفير

[قطرية وشيخي حمد]

السلام عليكم ورحمه الله وبركاااته





اخوووواني وحبايبي انا عندي كم استفسار ياريت اللى يعرف لايبخل علي بالرد

اول شي


ماهو الفرق بين مميزات الحساب الجاري وحساب التوفير؟؟

وماهي الوديعه ؟؟

اذا كان هناك نسبه العميل ونسبه البنك والعائد (( العائد لمن هل للبنك و للعميل ))


ياررررريت اللى يعرف يرد علي بالتفصيل

وشكررا لكم:shy:

[al-sadd]

والله انا مالي بالبنوك أبداً
ان شاء الله الشباب مب مقصرين =)

[gt_511]

اول شي لازم نفرق الحساب الجاري رصيد متوفر بين ايديك في اي وقت تسحبه ومالك ارباح عليه اما التوفير حساب البنك يتاجر لك في فوايده بشكل يومي من خلال القروض للناس ولك نسبه كل ثلاثة شهور من القروض الروبويه تاخذها اما الوديعه فهي استثمار في الربا ولاقراض الناس من اموالك وعسى الله يتوبك عليك اذا كنت منهم وتدري اكل الربا يعلن الحرب على الله عز وجل وعلى رسوله محمد صلى الله عليه وسلم ولعن الله اكل الربا وموكله وكاتبه وشاهديه

اما الاسلامي فان حسابك الجاري تحت تصرفك تقدر تسحب وارباح حساب الجاري للبنك اما التوفير هو "وديعه تحت الطلب يستثمرها البنك الاسلامي وتقدر نفس الوقت تسحب افي اي وقت ويستثمرها البنك بشكل يومي اما الوديعه فهو اتفاق بين البنك والعميل لاستثما محدد يتحمل الطرفان الربح والخسارة

[الكــاســــر]

اول شي لازم نفرق الحساب الجاري رصيد متوفر بين ايديك في اي وقت تسحبه ومالك ارباح عليه اما التوفير حساب البنك يتاجر لك في فوايده بشكل يومي من خلال القروض للناس ولك نسبه كل ثلاثة شهور من القروض الروبويه تاخذها اما الوديعه فهي استثمار في الربا ولاقراض الناس من اموالك وعسى الله يتوبك عليك اذا كنت منهم وتدري اكل الربا يعلن الحرب على الله عز وجل وعلى رسوله محمد صلى الله عليه وسلم ولعن الله اكل الربا وموكله وكاتبه وشاهديه

اما الاسلامي فان حسابك الجاري تحت تصرفك تقدر تسحب وارباح حساب الجاري للبنك اما التوفير هو "وديعه تحت الطلب يستثمرها البنك الاسلامي وتقدر نفس الوقت تسحب افي اي وقت ويستثمرها البنك بشكل يومي اما الوديعه فهو اتفاق بين البنك والعميل لاستثما محدد يتحمل الطرفان الربح والخسارة

شكراً للتوضيح
وأفهم من كلامك:
أن الحساب الجاري في البنك الإسلامي تقدر تسحب في أي وقت ولكن بدون أرباح
وأن حساب التوفير في البنك الإسلامي تقدر تسحب في أي وقت ومع أرباح
طيب يعني التوفير أفضل في كل الحالات؟

[VIVA]

ببساطه الجاري حساب ممكن كشفه والتوفير لا، والجاري تقدرين تاخذي عليه دفتر شيكات التوفير لا

والاثنين ممكن تسحبين منهم في اوقت تبين

وفي بعض البنوك ممكن يدفعون لك ارباح على المبالغ المتوفره حتى في الحساب الجاري، طبعا تختلف من بنك الى بنك ممكن تكون كل ثلاث شهور او ستة شهور او سنه

الوديعه هي حساب توفير لكن مايحق لك التصرف فيه الا كل 3 شهور او ستة شهور او سنه طبعا على حسب اتفاقك مع البنك وتختلف نسبة الارباح المدفوعه على حسب المبلغ والمده

والفرق بين الودائع في البنوك الاسلاميه والبنوك الربويه هو ضمان راس المال في البنوك الربويه وعدم ضمانه في البنوك الاسلاميه، وايضا استثمار هذي الاموال يعني البنوك الاسلاميه فقط يستثمرون فلوسك في الاسهم والمعاملات الاسلاميه فقط/ ولكن البنوك الربويه الاستثمار مفتوح عندهم ويقدرون يستثمرون في اي شي وطبعا مالج حق الاعتراض


تحياتي

[miss-qatr]

اختي إضافه بسيطه

التوفير ممكن ينزل مبلغ شهرياً من حسابك ويكون مثل التوفير لك وإذا كنتي داخل الدوحة ممكن تسحبين من التوفير أو الجاري براحتك

بس في حاله سفرك للخارج حطي في بالي إن الرصيد المكشوف لك فقط الجاري يعني ماراح تقدرين تسحبين من التوفير ( حطي بالك :) )


ونصيحه خلك على الإسلامي أحسن

ربي يبعد الحرام عنا وعنكم

[STAR]

الحساب الجاري لازم الي بيفتحه يكون موظف..ليش؟!‏
يعني اذا واحد مايشتغل مايقدر يفتح حساب جاري؟!‏

[bo_besht]

الحساب الجاري له دفتر شيكات بطاقة صراف الي وممكن تعطين اي واحد شيك ممكن يسحب منه وفي اغلب البنومك لا يعطي عليه اي ارباح وممكن البنك يكشف الحساب لاسباب
حساب التوفير فقط انتي ممكن تسحبين منه عن طريق البنك او بطاقة الصراف الالي وعليه ارباح كل 6 شهور.

اما الوديعه فهو حساب مختلف تماما عن الجاري والتوفير
يشترط مبلغ معين لايقل عنه .اغلب البنوك فوق العشرون الف
ويشترط الاتفاق على مدة معينة للحساب اما شهر او 3 شهور او6 شهور او سنة او سنتين او 3 سنوات
اما ادا سحب المبلغ قبل المدة فسوف يخسر جزء من الارباح وليس من المبلغ الاساسي
وليس للوديعة بطاقة صراف الي

[monatee]

بتكلم عن الوديعه بس

في فرق بين وديعه بنك عادي وبنك اسلامي

البنك العادي ( الربوي ) يحددلج فايده برقم معين و ملزووم يعطيج الفوايد مع فلوسج حتى لو البنك خسران

اما الاسلامي لما يخسر البنك تخسرين معاه لو كل فلوسج .. ولما يربح تربحين معاه لو اضعاف اضعاف فلوسج

[sendarala]

الله يجزيكم كل خير وفي ميزان حسناتكم

[MaRuKoO]

حبيبتي
الجاري
تقدرين تاخذين عليه سلفيه
يكون راتبج ينزل عليه
تقدرين تاخذين عليه دفتر شيكات


التوفير
تسحبين من فاي وقت
ماتقدرين تاخذين عليه سلفه
ما ينزل راتبج له
وفي بعض البنوك عليه ارباح

الوديعه مبلغ ماتقدريت تتصرفين فيه على حسب المده الي اختريتيها

واي استفسار انا حاظره ^^

[أبو شجاع]

ما قصروا الاخواااااااااااااااان

كفوووووووو ووفوووووووووووو


بالتوووووووفيق

[قطرية وشيخي حمد]

ماقصرتوا حبايبي كفيتو ووفيتيووووووووووووو

جزاكم الله خير

[قطرية وشيخي حمد]

الحساب الجاري لازم الي بيفتحه يكون موظف..ليش؟!‏
يعني اذا واحد مايشتغل مايقدر يفتح حساب جاري؟!‏

لان الجاري اتوقع ان كل شهر لازم ينزل عليه مبلغ ولان مميزاته للموظفين مثل السلفيات والخ

اما التوفير مميزاته للناس اللى بس تبي تجمع وباي وقت تبي تحط فلوس مافي وقت معين