طيب اشرايكم في السيكويا

[bohilal191]

السلام عليكم المفروض اكتب مقارنة بين اليوكن والسيكويا بس سامحوني واستكمالا للموضوع طبعا جمعت معلومات جيدة عن اليوكن في هالرابط\\

http://www.qatarshares.com/vb/showthread.php?t=382295

والحين ابغي اعرف رأيكم في التويوتا السيكويا وشكرا

[ابن القدس]

موفق بإذن الله ... لك مني أجمل تحية

[السندان]

ياخوي السيكويا جديد علينا ولا تلقى من جربه فتره طويله ولاكنه يبقى تويوتا ولا عليه كلام من ناحية يعمر والصيانه متوفره ويمسك سعره وغيرها من الامور التي تنطبق عادة على التيوتا وانا افكر بواحد للبيت

اليوكن عندي من 2005 ولا اشتكيت منه طبع استخدام السائق واخذه للسفرات للخطوط يعجبك
لاكن الامريكي عادة حظوظ احيانا يجيك موتر مايشتكي واحيانا واحد كل يوم والثاني طالعه له عله غير

استخر بين الاثنين وتوكل

بالتوفيق

[TAMIMI]

والله بالسعودية يمدحونه

وهابين فيه هالايام

وانت مالك الاتستخير، اما اذا تبي آراء شخصية، فأنا أرشح لك اليوكن صراحة سيارة جبارة وأثبتت نجاحها الكبير ، طبعاً اتكلم عن الشكل الجديد. والا الشكل اللي قبل مثل ماقالوا الاخوان مادح روحة :)

السيكويا سيارة موجوده بأمريكا قبل تجي عندنا بالخليج وتقدر تبحث عن مشاكلها وتشوف ردود أفعال الملاك.

باختصار لاتشاور الا اللي جرب كلتا <<:nice: السيارتين.


وفالك التوفيق

[اكاديمي]

السكويا افضل

[bohilal191]

الله يجزيكم خير وماقصرتوا

[qatari-vip]

نشدني انا عنهاااا

خويي مااخذهااا موتر قووووووووووووووووووووووي وفيه عزم رهيييييييييييييييب

طلعت انا وياه خط راااح علي كنتي وااقف مع اني كنت امش قدامه وهو وااقف ولحقني دقني امشي 160
تخيلو وهو وااقف لحقني والمسافه اقل من كيلوين موتري ستاندر 2009

[aljaber1]

السيكويا ممتاز من ناحية الفخامة والسعه
مكينته 8 سلندر عزمه قوي وسعره مناسب جداً
عندي اخذته من حوالي 5 شهور
لم الاحظ فيه من العيوب سوى البريك
ماعرف هل هو عيب في سيارتي ولا كل السكويا
والله يوفقك ويسعدك

[almatri]

سيارة ماعليها كلام لاكن خزان البترول واحد مافي خزان ثاني
وفي مشكلة في الفرامل لك عليها

[الـقـاسـي]

اخوي ترى السيكويا نوعين احنا مانزلت عندنا الا العوده انا اشوفها دفشه وشفت في امريكا الصغيره حجمها شوي اصغر من الكبيره لكن شكلها روعه تجي نفس حجم اللكزس الفورويل تقريبا ..

[bohilal191]

تسلمون بس الوكالة قالولي موديل 2009 مامشه وايد بسبب انه دفع امامي و2010 عدلوا عليها وسووها دفع رباعي وممكن اعرف مشكلة الفرامل بالضبط

[المخفي]

تسلمون بس الوكالة قالولي موديل 2009 مامشه وايد بسبب انه دفع امامي و2010 عدلوا عليها وسووها دفع رباعي وممكن اعرف مشكلة الفرامل بالضبط

رجة عند مسك البريك فجأة

[bohilal191]

تسلم اخوي المخفي

وشكلي باشتري كروزر