اليكم يا إدارة المرور

[جوال 11]

أصبحت أقود سيارتي وكأنني في بريطانيا أو أحدى مستعمراتها السابقة والسبب سير بعض قائدي السيارات في وسط الطريق وبسرعات بطئة وأصبحنا نتجاوز السيارات من اليمين ويكون الشارع فاضي تماماً.
وقد تم طرح هذا الموضوع من قبل ولا حياة لمن تنادي ، لابد من إيجاد حل لهذه المشكلة والتي تعيق حركة المرور وأن يتم التاكيد على مدارس تعليم السياقة بالتزام اليمين عند تعليم المبتدئين حتى يتعودوا وأن يكون خط السير سهل وميسر وأفساح الطريق لباقي السيارات .

[GULFSUN]

أصبحت أقود سيارتي وكأنني في بريطانيا أو أحدى مستعمراتها السابقة والسبب سير بعض قائدي السيارات في وسط الطريق وبسرعات بطئة وأصبحنا نتجاوز السيارات من اليمين ويكون الشارع فاضي تماماً.
وقد تم طرح هذا الموضوع من قبل ولا حياة لمن تنادي ، لابد من إيجاد حل لهذه المشكلة والتي تعيق حركة المرور وأن يتم التاكيد على مدارس تعليم السياقة بالتزام اليمين عند تعليم المبتدئين حتى يتعودوا وأن يكون خط السير سهل وميسر وأفساح الطريق لباقي السيارات .

انا معك وبشده
وفي شي ثاني يرفع الضغط لين وصلت الدوار تلاقي المسار اليمين مليان سيارات صغار (صوالين) والوسط واليسار فاضي كلهم يبغون يروحون سيده وانت تبغي تروح يمين . ياتصف وراهم والشارع فاضي ويعطلونك . يا تجاوزهم من يسار وتلف في وجهم يمين عاد انت وحظك ان دعموك انت الغلطان . والسبب المرور ومدرسين السواقة ( من نفس الجنسية ) يحتاجون من يعلمهم فن السواقة :anger1:

المفروض المرور يحطون واحد بعد الدوار يراقب اللي يصف يمين ويروح سيده وبشكل عشوائي . مخالفه او ثنتين تفي بالغرض للبقيه .....مثل ما سووا في اشارات المناصير :) :nice:

[طويل النفس]

اذاً نحن في ذمة ادارة المرو

*ان صرف الرخص لمن نتعامل معهم في الشارع يدعو الى الحيرة !!! كف اجتازوا بعض من يقودون سياراتهم اوسيارات كفلائهم او سيارات .... الخ الخ ... فالشوارع كل يوم ويختلطون بالناس كيف اجتازوا اختبار القيادة
؟؟؟؟
بعدين شرطي المرور .... ما عاده شرطي المرور الاولي اللي نعرفه اختلف !!!!

اللحين اذا تروح اي دوله وتسوق فيها بتحصل ان تعامل اهل البلد مع شرطي المرور يختلف عن تعاملك انت الزائر (فيه تواصل - فيه تفاهم - احساس متبادل بينهم ) فيه رابط خفي يربط بين شرطي المرور والناس فالشارع كل واحد فاهم حدود الممكن وحدود الغير ممكن <<< احس مافهمتوني ... المهم

هذا الشي الاحساس انعدم ما عاده بموووجود اللحين اذا تشوف الشرطي تخاف منه ووجوده يسبب لك ارباك بدال ما يكون وجوده تيسير .. ماتدري انت تنتبه للطريق او تمارس غريزتك في النظر الى ما يخيفك << ترى الانسان اذا خاف من شي تحصله يطالع الشي اللي مخوفه (العيون مبققه في الشرطي)

كنت احب شرطي المرور .... صارت منزلته ومنزله الديان واحد

[ابو محمد7]

انا معك وبشده
وفي شي ثاني يرفع الضغط لين وصلت الدوار تلاقي المسار اليمين مليان سيارات صغار (صوالين) والوسط واليسار فاضي كلهم يبغون يروحون سيده وانت تبغي تروح يمين . ياتصف وراهم والشارع فاضي ويعطلونك . يا تجاوزهم من يسار وتلف في وجهم يمين عاد انت وحظك ان دعموك انت الغلطان . والسبب المرور ومدرسين السواقة ( من نفس الجنسية ) يحتاجون من يعلمهم فن السواقة :anger1:

المفروض المرور يحطون واحد بعد الدوار يراقب اللي يصف يمين ويروح سيده وبشكل عشوائي . مخالفه او ثنتين تفي بالغرض للبقيه .....مثل ما سووا في اشارات المناصير :) :nice:


في حل ثالث احسن وهو انك تدخل الدوار تاخذ لك لفة احسن من انك تنتظر وقت طويل او انك تعرض نفسك لحادث مروري ولاحول ولا قوة الا بالله وايد اشياء تقهر في الشارع وسواقة بعض الناس يا يجيك واحد ماشي 160 ولا 180 ولا يجيك واحد ماشي 40 ولا 60 والمشكلة ان الكثير من الشوارع اذا ماكان معظمها عبارة عن خطين مب ثلاثة خطوط

[واحد ثقة]

لاحياة لمن تنادي ،،

المرور لاهين مع تحصيل مخالفات حزام الأمان والتصيد للناس على الزوايا والمنعطفات ،،

[bu 3li]

لو فيه شخص مسؤول ولا لو كان الكلام مقري من صوب حد فـ المرور جان فضفضت
بس باحرق دمي وباقول وباقول ومحد معبرنا .. الله كريم هاي اللي اقدر اقوله

[" Snake "]

ااخ ياحرقة الدم على هالمواقف الي انشوفها بشكل يومي
والله احس ان مرات اتمنى قطر ترجع نفس قبل الاجانب فيها بحدود المعقول والشوارع تمشي فيها براحتك ونفسيتك مرتاحه
الحين تدخل الشارع اتحس الضغط عندك يرتفع بسبب هالاجانب الي ماعطينهم لياسن
وهو في بلاده سيكل مايعرف يسوق

[qatari 111]

ولا اذا جاك من هاذولا الاجانب طلع من الشارع الفرعي على الخط السريع خط اليسار ومشغل الاشاره يسار والدوار على بعد كيلو ويش تقول عنه
والله اللي معلمهم هالحركات الجانب اللي يدربونهم السواقه اذا هم سواقتم تعبانه تخلونهم يدربون ناس بعد
يبيلهم واحد يعلمهم بالعين الحمرى لا سوى شي غلط يعطيعه على رقبته علشان يتعلم صح
البحرين ما ياخذ الليسن الا بعد طلعت روووح
شوفو سواقتهم والله من احسن السواقه كلن يمشي في طريقه

ما اقول غير الله المستعان

[جوال 11]

أقترح تركيب رادار للمسارين الأوسط واليسار وتكون السرعة أكثر من 75% من سرعة الشارع ومن يسير بسرعة أقل يصيده الرادار أما المسار الأيمن يكون للسرعات البطيئة مهما كانت .

[خليفة77]

بصراحه اللي قاهرني الواحد منهم يطلع من الدوار لغاية الدوار الثاني وهو داق اشاره يسار ولايفتح لك واذا تجاوزته من يمين عليك مخالفه واذا كنت مسرع مايفتح لك الا اذا شاف رادار فتح عشان تتجاوز ويصيدك وصارة معي كم مره بس الحمدلله ماصادني .

[عزووز قطر]

للأسف ان الليسن صار يطلع بكل سهوووووولة ..

والمرور مب فاضيين حق هالنوع .. قول لهم واحد مركب مخفي بدون تصريح ولا مب رابط الحزام ولا صوت بتحصل التجاوب السريع..

[OutLaw]

المرور صار هدفهم زيادة الايرادات اكثر من حفظ السلامه المروريه للسائقين

[الفولاذ]

لن يتم في الموضوع شي
لان الي يستخدمون المسار الايسر , ويطوفون من اليمين هم الهنوووود فقط , وهذولا مايخالفونهم
انت تطوف يمين يسجلون لك مخالفة , تتكلم بالتلفون مخالفة ,
زين راقبوا الهنود وشوفوا ,معقولة انهم يخالفونهم ولازالوا مستمرين بنفس السواقة ؟
معناها دخل الهنود يصرفونه على المخالفات وهذا مستحيل

[رنج سبورت]

في معظم دول اوروبا يستخدمون السياكل والقطارات في التنقل واكثرهم ماعنده سياره

المطلوب منكم تستحملون شوي هههههههههههههههه

[al-vtc]

المرور مشغول يالغالي

مخالفات مخالفات مخالفات مخالفات مخالفات مخالفات

[بوحارب]

والله الفول تعب من كثر ماكبس حق العالم اللي يمشون بشويش في الخط السريع لدرجة ان صرت استعمل الهرن وبكثره !!!

شوف هالدعاء المروري الحلو ههههههه



دعاء رجال المرور في كل صباح جديد

(( اللهم إجعل شباب قطر ينسون ربط الحزام ونخالفهم كل يوم .. ويا عساه تلفونه يرن ويكون بمخباه ويفك الحزام فالوقت اللي انا موجود فيه عشان أخالفه .. اللهم الهيه فـ البي بي يوم أنا منخش بين السيارات وهو مو رابط الحزام اللهم آمين ))