الادوات الــــــــــصحيـــــــة

[Dana’1]

مرينا تقريبا اغلب محلات المواد الصحية للحمام الله يعزكم

وكثير اشياء حلو بس ثلاثة اعجبوني 1 توتو
2 اميركان استاندرد
3 Twyford

الاول حلووو بس شلتة من بالي لانة مكلف مرة

الاثنين الباقين مقدور عليهم فايش الاحسن من بينهم


**********************************

المطابخ فتحت سيرتها قبل بس ما توصلت لشي
هذا الي تلعوزت وانا ادور المشكلة بين المنيوم وخشب انا عجبني الخشب كشكل
بس يخوفوني منة بسبب الحشرات وصراصير الخشب واصحاب المطابخ يقولون فية مواد تعزلة وطبقات

فما ادري ايش احسن نوع خشب يصلح للمطابخ
لان الي شفتة الماني نوع شيب مغطى بالملامين حلوة اشكالها بس خفت من جودتها
والسولد وفية اظن السولدتك هل هي نوعين يختلفون او نفس الشي بس الاسم يختلف من مكان لماكان
ياليت فعلا تنصحوني خصوصا الي جرب هالمطابخ سنين

مع العلم هو المطبخ الرئيسي

وابغى اعرف اسماء محلات تسوي ديكور بالستانلس ستيل

واخيرا شرايكم بمحل حسين فكري للبورسلين من تعامل معة؟ يقول راية
وجزاكم الله خير

[شموخ دائم]

,

,


مرحبا

بالنسبه للـ

2 اميركان استاندرد
3 Twyford

الاثنين ممتازين جدا جدا ذولا انا اشبهم بالمرسيدس والبي ام دبليو

:)

انا مع توايفورد لاني مجربهم في بيتي وبيوت كثيره من سنوات طويله حتى حق ملاحق الخدم عندهم نوع ايضا عملي وسعره ممتاز وحنا نفضل اللون الابيض للاطقم
حتى بعد سنوات طويله لو انكسر شي نجيب لون ابيض ويمشي مع باقي القطع

في المطابخ المشكله الكبيره ان الناس تبي شكل حلو للمطبخ
والمهم ناخذ نوع يعيش وعملي مو شكل فقط خاصه ان استخدامنا استخدام ثقيل وخدم
وطبخات ثقيله وطول اليوم الفرن شغال

اذا رئيسي بالملحق الافضل يكون المنيوم وجرانيت

اذا داخل البيت وشغل كشخه وديكور واستخدام خفيف مافي مشكله اي نوع الماني بيكون مناسب يعتمد على الاستخدام خدم او لا !!
بس الي لاحظته كل الانواع الخشب الموجوده ما احسها خشب اصلي الله اعلم يمكن داخله فيها مواد مصنعه
ما اقتنعت بخشبهم الموجود في المحلات مع ان اشكالهم حلوه

بالنسبه لحسين فكري
هو من الشركات القديمه والمعروفه وصار له فوق ال 20 سنه عند السينمات مكانه
والحين انتقل الى شارع سلووى عندهم سيراميك وشورات ومغاسل ... الخ

عنده خيارات في السيراميك والبورسلان من الصيني الى الاسباني الى الايطالي وكل نوع وله سعره
اما التعامل كـ شركه فهم ممتازين جدا وانا انصحك بالانواع الاسبانيه او الايطاليه كـ جوده


بالتوفيق لك والله يعطيك العافيه

,


,



اخوك



شموخ دائم

[Dana’1]

جزاك الله خير اخوي شموخ دائم اجاباتك حلوة وواضحة ..

ووصفك حلو بالنسبة للحمامات فعلا الثنين الي عجبوني بالسوق تحس فعلا جودة وسعر لاباس بة

وبالنسبة للمطابخ شكلي بعود على استيدو كتشن هو الي عندة المنيوم باشكال حلوة

مع العلم ان فبيت اهلي كان مطبخنا خشب تصميم امريكي تخيل حتى الطاولة الوورك توب ومشاءلله جلس حول 25 سنة مافيية مشاكل بس غيروة للالمنيوم صحيح اللالمنيوم حلو بس تحسة يتخلخل بسرعة عكس الخشب بس فعلا احس الانواع القديمة من الخشب زي الي كان موجود ماعاد لة اثر وبيوت الهئية الملكية واغلب شركات سابك الين اليوم وهي تستخدم الخشب في بيوتها بس اي نوع ما ادري

وبالنسبة للديكورات الاستان لس استيل مااحد عندة فكرة