بخصوص شركة مقاولات

[أم جود]

السلام عليكم

بغيت استفسر عن شركة الدهليز للمقاولات

اللي عنده اي خبرة عن تصنيف الشركة
وايضا عن طريقة بناءها البيوت

ياليت تقولون لي
للأهمي

وشكرا

[أم جود]

pleeaaaaaaaaase I need ur help

[ممنوع اللمس]

والله يا اختي ماعندي اي علم في هالشركه
راجعي الخـآ’صـ

[أم جود]

شكرا اخوي

[أم جود]

للرفع جزااااكم الله خير

[أم جود]

ابببببببببببببب

[كبتشينوو]

اى حد يروح الرخص التجاريه ويستفسر عن الشركه

[أم جود]

حاولت اتصل

محد يعطيني ويه

[هاوي نغم]

نصيحه روحي الشركة الخليجية للانشاء والتعمير وما راح تندمي يمكن سعرة غالي اشوي بس يشتغلوا بضمير

انا مجربهم يبنون فلتي

[شموخ دائم]

,

,



السلام عليكم ورحمه الله

بالنسبه للتصنيف المقاولين ياريت تدخلين هذا الموقع فيه كل شركات قطر المصنفه

http://www.ctc.gov.qa/contractors.aspx

انا فتشته كامل من المصنف اولى الى مصنف خامس مافي اسم الشركه ياريت تتاكدين يمكن ماشفته سهوا وما نظلمه

طبعا حطي كلمه

مباني
اولى

الاولى هي الشركات الكبيره جدا والتي تبني الابراج
الخامسه هي اقل تصنيف مستوى الفلل العاديه والمشاريع البسيطه من محلات وخلافه ... الخ

التصنيف يعني

ان هذه الشركات قدمت اوراقها ملفها للجهات المختصه وتم التاكد من حجم العماله والمهندسين والمحاسبين والسيارات والمعدات
من خلال اواق رسميه من الجوازات والمرور والبلديات
وتم تصنيفها انها قادره على تنفيذ العمل بحجم معين
والدوله تتعامل معهم في مشاريعها على حسب المشروع المشاريع الكبيره للمصنف اولى \ ثاني
المشاريع المتوسطه ثالث \رابع
المشاريع الصغيره خامس \


عشان نتاكد من المقاول ياريت نحط هذي الاعتبارات لكل مقاول

نشوف حجم الشركه وامكانياتها عدد مهندسين ومحاسبين وعمال وسيارات ومعدات

الطريقه سهله جدا زياره لمقر الشركه بتعرف حجم الشركه هل فيها حركه ومكاتب كثيره
واوراق رايحه جايه وعمال

المقاولات تحتاج الى ادراه قويه وليس مجرد عمال فقط

طريقه السؤال عن شركه

نطلب ( بروفايل ) الشركه المفروض يكون في كتيب عن الشركه وفيها صور المشاريع المنجزه

نطلب اخر 4 مشاريع نفذتها الشركه وخلصت وصدر لها اتمام بناء

نطلب ارقام اصحاب المشاريع الاربعه من الشركه

اذا الشركه جيده راح تعطيك الارقام بكل سهوله ويسر لانه واثقه من عملها

اذا الشركه ضعيفه ولها مشاكل راح تتهرب من ارقام العملاء وتقول انها امور خاصه .... الخ

عاده الشركه تفتخر بعملائها وتقول نفذنا مشاريع لفلان وفلان وفلان في المنطقه كذا وكذا

نطلع من الشركه ونتصل بالارقام في الوقت المناسب

دقايق نتصل في كل شخص وبكل لطف نطلب دقايق من وقته ونسئل عن الشركه الي بنت بيته

ايش رايك فيهم كـ تنفيذ وكـ تعامل

اعتقد 10 دقايق من وقتنا بهذا الاتصال راح نحمي نفسنا من الوقوع في مشاكل طويله قبل

توقيع العقد

وراح ناخذ المعلومه من شخص مجرب التعامل مع الشركه

المثل يقول ( اسئل مجرب ولا تسئل طبيب )

ان شاء الله مافي اي احراج والكل يتصل والموضوع جدا عادي

بالعكس راح تلاقون الي جرب البناء يسولف عن الشركه بكل رحابه صدر

لانه يعرف حاجه المتصل الى المعلومه وهو جرب صعوبه الاختيار قبل وراح ينصحكم

بالتعامل مع نفس الشركه او لا ينصح فيها

والله يوفق الجميع يارب

التأكد راح يجنبكم الكثير من المشاكل

ولازم نعرف ان المشاكل تجي من الاستعجال وعدم السؤال االصحيح

لماذا نسئل

لان قطاع المقاولات اصبح فيه الغث والسمين وهناك الجيد وهناك الغير جيد واصبح
من الضروري السؤال

اتمنى تكون شركه جيده والله يوفقك ويوفق الشركه المذكوره

بالتوفيق لك


,

,



اخوك



شموخ دائم

[أم جود]

مشكور اخوي شموووخ
اخوي انا دورت ماحصلت اسم الشركة
وكلمت اللجنة
قالولي يمكن الاستمارة منتهية
((التصنيف))
قال دقي عالشركة
اتصلهم ومايردون
هم يبيعون بيوت جاهزة
وانا ابي اشتري ما ابي ابني

[تـاجر الـذهب]

,


,


السلام عليكم ورحمه الله


اخوي الكريم

هذا موضوع مهم ومفيد ان شاء الله للاعضاء
المقاول الجيد ما يعطي سعر بالمتر ولكن يحسبها كميات وهذي حسبه تاخذ من المهندس جهد يومين بالخريطيه بكل تفاصيلها يحسب كم يحتاج المشروع من حديد الى طابوق الى كم متر خرسانه كونكريت الى اخشاب الى بلاط الى شبابيك الى ابواب الى عوازل

لان كل بيت تختلف كمياته وكل بيت له ديكور مختلف
مو معقوله بيت مليان ديكورات
وبيت عادي مافيه ديكورات
ويكون نفس سعر المتر للبيتين

عموما اخوي السعر يعتمد على الشركه الشركات الزينه والمصنفه سعرها اعلى من الشركات
الغير مصنفه لان نظافه الشغل والالتزام والامكانيات غير

السعر الان فيه العجايب بتلاقي سعر المتر تقريبا للتشطيب النظيف

2500 ريال وبتلاقي 2000 ريال وبتلاقي 1800 ريال وبتلاقي 1600 ريال ويمكن اقل

الشركه الي فيها مهندسين 4 او خمسه وعدد العمال فوق ال 200 وسيارات ومعدات لهم سعر وجوده

وبتلاقي الشركه الي فيها فورمن وبيك اب لهم سعر وطريقه شغل

والاختيار عليك وتتحمل نتيجه اختيارك

نصيحتي للجميع

لا تروح للغالي جدا ولا تروح للرخيص جدا خلك على الي سعره متوسط

منها توفر فلوسك ومنها توفر عوار راس مع الشركات الرخيصه

والله يبعد الجميع عن المشاكل

وبالتوفيق للجميع






,

,

اخوك

شموخ دائم


اللــــــــــــه يجزيك خير اخوي شموخ ,, دائما نفاع وموجز وكلام مفيد

رحم الله والديك يالغالي

وكلامك 100% صحيح ,, تصدقك تلتهت قبل ابني وبالفعل كنت احصل
هذا بكذا وهذا بكذا و وو ,,, احترت ,,, ورزقني الله بمقاول احمد الله عليه

ومساحة البناء الحالية 980 ,,, توني مخلص اعظم وبالاستر والسور الخارجي
مع بالستره كلفني للحين 550 !! والبين موجود للحي يبي يشوفه وماحد شافه الا ومدح
شغل هذة الشركة ,, والحمد لله رب العالمين,,

رفيقي بنى قبلي ومساحته تقريب 1120 توه مخلص البنت هاوس عظم ومكلفه الشغل
مع الحسبة للحين حول مليون ومية على كلامه ,,,

طبعا العقد عظم بلاستر مميزات جودة وقوة ,,, فقط مافيها اي تعقيدات ابدا
وهذا مايشمل طبعا الكهرب والسباكة

ففعلا الله يرزق الناس بالناس والله يوفقنا واياكم جميع