ليش هم اي .. واحنا لا

[أم جود]

السلام عليكم

لفت انتباهي فالآونة الاخيرة تحيز غريب من نوعه
::
::
خذوا هالمثال البسيط
دخلت مع عائلتي الى احدى المطاعم
نبي نتعشا
شفت منظر مخزي من بنات بلادي ((كان جدا قوي وانحرج اذكره))
ومشيت الموضوع
يوم جمعة الاهل وانا اتكلم عن اللي شفته
وحدة من الاهل قالت لي مب مجبورة تروحين هالمطعم
واخرى قالت لي عندهم اهل يربونهم مالج خص
::
::
بس سؤالي يعني انا احبس نفسي فالبيت علشان هالاشكال تستانس في كل مكان؟؟
يعني انا اشوف المنظر وحتى ما استنكره ؟؟

::
::
ليش مب هم اللي يستحوون؟
ليش مب هم اللي ينقذفون بكلمات جاااارحة علشان يحرمون يدخلون هالمكان؟؟
ليش مب هم اللي ما نضيق عليهم علشان يتأدبون؟؟
::
::

ليش احنا اللي لازم نغير نفسنا ونأقلم نفسنا مع اجواءهم ؟؟؟؟
::
::
على فكرة هالشي ايضاااا موجود هنا فالمنتدى
في ناس لما تقولهم عن موقف معين
يقولون لك ابعد عن الشر
او تحاشاهم
او لاتروح هالمكان
::
::
ليش هم صح .. واحنا غلط؟؟

[أبورودي]

لو نطبق هذا المقال لانصلح حالنا جميعا

عن أبي سعيد الخدري رضي الله عنه قال : سمعت رسول الله صلى الله عليه وسلم يقول : ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم .

الشرح

ترتبط خيرية هذه الأمة ارتباطا وثيقا بدعوتها للحق ، وحمايتها للدين ، ومحاربتها للباطل ؛ ذلك أن قيامها بهذا الواجب يحقق لها التمكين في الأرض ، ورفع راية التوحيد ، وتحكيم شرع الله ودينه ، وهذا هو ما يميزها عن غيرها من الأمم ، ويجعل لها من المكانة ما ليس لغيرها ، ولذلك امتدحها الله تعالى في كتابه العزيز حين قال : { كنتم خير أمة أخرجت للناس تأمرون بالمعروف وتنهون عن المنكر وتؤمنون بالله } ( آل عمران : 110 ) .



وعلاوة على ذلك فإن في أداء هذا الواجب الرباني حماية لسفينة المجتمع من الغرق ، وحماية لصرحه من التصدع ، وحماية لهويته من الانحلال ، وإبقاء لسموه ورفعته ، وسببا للنصر على الأعداء والتمكين في الأرض ، والنجاة من عذاب الله وعقابه .



ولخطورة هذه القضية وأهميتها ؛ ينبغي علينا أن نعرف طبيعة الأمر بالمعروف والنهي عن المنكر ، ونعرف شروطه ومسائله المتعلقة به ؛ ومن هنا جاء هذا الحديث ليسهم في تكوين التصور الواضح تجاه هذه القضية ، ويبين لنا كيفية التعامل مع المنكر حين رؤيته .



لقد بين الحديث أن إنكار المنكر على مراتب ثلاث : التغيير باليد ، والتغيير باللسان ، والتغيير بالقلب ، وهذه المراتب متعلقة بطبيعة هذا المنكر ونوعه ، وطبيعة القائم بالإنكار وشخصه ، فمن المنكرات ما يمكن تغييره مباشرة باليد ، ومن المنكرات ما يعجز المرء عن تغييره بيده دون لسانه ، وثالثة لا يُمكن تغييرها إلا بالقلب فحسب .



فيجب إنكار المنكر باليد على كل من تمكّن من ذلك ، ولم يُؤدّ إنكاره إلى مفسدةٍ أكبر، وعليه : يجب على الوالي أن يغير المنكر إذا صدر من الرعيّة ، ويجب مثل ذلك على الأب في أهل بيته ، والمعلم في مدرسته ، والموظف في عمله ، وإذا قصّر أحدٌ في واجبه هذا فإنه مضيّع للأمانة ، ومن ضيّع الأمانة فقد أثم ، ولذلك جاءت نصوص كثيرة تنبّه المؤمنين على وجوب قيامهم بمسؤوليتهم الكاملة تجاه رعيتهم – والتي يدخل فيها إنكار المنكر - ، فقد روى الإمام البخاري و مسلم عن عبد الله بن عمر رضي الله عنهما ، أنه سمع رسول الله صلى الله عليه وسلم يقول : ( كلكم راع ومسؤول عن رعيته ، فالإمام راع وهو مسؤول عن رعيته ، والرجل في أهله راع وهو مسؤول عن رعيته ، والمرأة في بيت زوجها راعية وهي مسؤولة عن رعيتها ، والخادم في مال سيده راع وهو مسؤول عن رعيته ، فكلكم راع وكلكم مسؤول عن رعيّته ) ، بل إن النبي صلى الله عليه وسلم قد بيّن عاقبة الذين يفرطون في هذه الأمانة فقال : ( ما من عبد يسترعيه الله رعية فلم يحطها بنصحه إلا لم يجد رائحة الجنة ) .



فإذا عجز عن التغيير باليد ، فإنه ينتقل إلى الإنكار باللسان ، كما قال النبي صلى الله عليه وسلم : ( فإن لم يستطع فبلسانه ) ، فيذكّر العاصي بالله ، ويخوّفه من عقابه ، على الوجه الذي يراه مناسبا لطبيعة هذه المعصية وطبيعة صاحبها .



فقد يكون التلميح كافيا – أحيانا - في هذا الباب ، كما كان النبي صلى الله عليه وسلم يقول: ( ما بال أقوام يفعلون كذا وكذا ؟ ) ، وقد يقتضي المقام التصريح والتعنيف ، ولهذا جاءت في السنة أحداث ومواقف كان الإنكار فيها علناً ، كإنكار النبي صلى الله عليه وسلم على أسامة بن زيد - رضي الله عنه - شفاعته في حد من حدود الله ، وإنكاره على من لبس خاتم الذهب من الرجال ، وغير ذلك مما تقتضي المصلحة إظهاره أمام الملأ.



وإن عجز القائم بالإنكار عن إبداء نكيره فعلا وقولا ، فلا أقل من إنكار المنكر بالقلب ، وهذه هي المرتبة الثالثة ، وهي واجبة على كل أحد ، ولا يُعذر شخص بتركها ؛ لأنها مسألة قلبيّة لا يُتصوّر الإكراه على تركها ، أو العجز عن فعلها ، يقول علي بن أبي طالب رضي الله عنه : " إن أول ما تغلبون عليه من الجهاد : جهادٌ بأيديكم ، ثم الجهاد بألسنتكم ، ثم الجهاد بقلوبكم ، فمتى لم يعرف قلبه المعروف وينكر قلبه المنكر انتكس " .



وإذا ضيعت الأمة هذا الواجب بالكلية ، وأهملت العمل به ، عمت المنكرات في المجتمعات ، وشاع الفساد فيها ، وعندها تكون الأمة مهددة بنزول العقوبة الإلهية عليها ، واستحقاق الغضب والمقت من الله تعالى .



والمتأمل في أحوال الأمم الغابرة ، يجد أن بقاءها كان مرهونا بأداء هذه الأمانة ، وقد جاء في القرآن الكريم ذكر شيء من أخبار تلك الأمم ، ومن أبرزها أمة بني إسرائيل التي قال الله فيها : { لعن الذين كفروا من بني إسرائيل على لسان داود وعيسى ابن مريم ذلك بما عصوا وكانوا يعتدون ، كانوا لا يتناهون عن منكر فعلوه لبئس ما كانوا يفعلون } ( المائدة : 78 – 79 ) .



وتكمن خطورة التفريط في هذا الواجب ، أن يألف الناس المنكر ، ويزول في قلوبهم بغضه ، ثم ينتشر ويسري فيهم ، وتغرق سفينة المجتمع ، وينهدم صرحها ، وفي ذلك يضرب لنا رسول الله صلى الله عليه وسلم مثلا رائعا يوضح هذه الحقيقة ، فعن النعمان بن بشير رضي الله عنهما أن النبي صلى الله عليه وسلم قال : ( مثل القائم على حدود الله والواقع فيها ، كمثل قوم استهموا على سفينة ، فأصاب بعضهم أعلاها وبعضهم أسفلها ، فكان الذين في أسفلها إذا استقوا من الماء مرّوا على من فوقهم ، فقالوا : لو أنا خرقنا في نصيبنا خرقا ولم نؤذ من فوقنا ، فإن يتركوهم وما أرادوا هلكوا جميعا ، وإن أخذوا على أيديهم نجوا ونجوا جميعا ) رواه البخاري .



إن هذا الواجب هو مسؤولية الجميع ، وكل فرد من هذه الأمة مطالب بأداء هذه المسؤولية على حسب طاقته ، والخير في هذه الأمة كثير ، بيد أننا بحاجة إلى المزيد من الجهود المباركة التي تحفظ للأمة بقاءها ، وتحول دون تصدع بنيانها ، وتزعزع أركانها.

[وطن]

اختي أنا استوقفتني جملة تحرمين على نفسج ما احله ربج

كلنا نعرف ان في الاسلام المرأة ما تطلع الا للضرورة

يعني اساسا طلعاتنا للمطاعم حتى لو مع الاهل مب حلال لانها مب ضرورة

[أم جود]

اخوي اتفق معاك في كل ماذكره المقال بالذات
هذا المقطع

فقد يكون التلميح كافيا – أحيانا - في هذا الباب ، كما كان النبي صلى الله عليه وسلم يقول: ( ما بال أقوام يفعلون كذا وكذا ؟ ) ، وقد يقتضي المقام التصريح والتعنيف ، ولهذا جاءت في السنة أحداث ومواقف كان الإنكار فيها علناً ، كإنكار النبي صلى الله عليه وسلم على أسامة بن زيد - رضي الله عنه - شفاعته في حد من حدود الله ، وإنكاره على من لبس خاتم الذهب من الرجال ، وغير ذلك مما تقتضي المصلحة إظهاره أمام الملأ.





وإذا ضيعت الأمة هذا الواجب بالكلية ، وأهملت العمل به ، عمت المنكرات في المجتمعات ، وشاع الفساد فيها ، وعندها تكون الأمة مهددة بنزول العقوبة الإلهية عليها ، واستحقاق الغضب والمقت من الله تعالى .



والمتأمل في أحوال الأمم الغابرة ، يجد أن بقاءها كان مرهونا بأداء هذه الأمانة ، وقد جاء في القرآن الكريم ذكر شيء من أخبار تلك الأمم ، ومن أبرزها أمة بني إسرائيل التي قال الله فيها : { لعن الذين كفروا من بني إسرائيل على لسان داود وعيسى ابن مريم ذلك بما عصوا وكانوا يعتدون ، كانوا لا يتناهون عن منكر فعلوه لبئس ما كانوا يفعلون } ( المائدة : 78 – 79 ) .

[بوخالد911]

هلا

شنوو هالمنظر المخززي؟!؟

[أم جود]

اختي أنا استوقفتني جملة تحرمين على نفسج ما احله ربج

كلنا نعرف ان في الاسلام المرأة ما تطلع الا للضرورة

يعني اساسا طلعاتنا للمطاعم حتى لو مع الاهل مب حلال لانها مب ضرورة

اي حبيبتي انا حطيت المثال جذي
بس في اشياء ثانية سواء البحر للترفيه بعيدا عن اعين الناس
بعد بتشوفين اشيا ماتحبينها
والمرأة تقدر تطلع مع زوجها وعيالها
وانتي صدقتي

[أم جود]

هلا

شنوو هالمنظر المخززي؟!؟

ما ابي اذكره
الموضوع هنا ما يتكلم عن المنظر او الموقف بالاصح

شاكرة لك مرورك اخوي

[أم جود]

تم التعديل اختي الغالية ضوى :)

[كفاكـ غرور]

اذا كان المنظر " يخدش الحياء العام "
اتصلي في الشرطة .. والمفروض انهم يحلون الموضوع ..

واذا كنتي تحبين الاصلاح ،، وموقفج قوي ،، روحي انصحيهم .. يمكن يهتدون على يدج

[بوخالد911]

بالعكس

بعضهم يبييله عيين حمرة
وتقعدين جمبهم

ولا تستحيين
وبحلقي عينج بعيينهم

ولا تنسحبين وتتركيين لهم المجال

لازم تضايقيينهم


مووفقة

[وطن]

اي حبيبتي انا حطيت المثال جذي
بس في اشياء ثانية سواء البحر للترفيه بعيدا عن اعين الناس
بعد بتشوفين اشيا ماتحبينها
والمرأة تقدر تطلع مع زوجها وعيالها
وانتي صدقتي

اتفق معاج اختي في ما ذكرتي

وتعبنا من كثر ما تكلمنا في هالموضوع

ووايد مواضيع نزلوها الاعضاء ينتقدون فيها وايد تصرفات سواء من بناتنا وشبابنا او المقيمين عموما


عن نفسي صرت ما اطلع من البيت واروح هالاماكن الا نادرا
عشان احشم نفسي عن الاشياء اللي تغثني

[المقهوره]

انا من كثر ما اسمع في الدوام انهم يطلعون يغيرون جو مع ازواجهم وعيالهم المطعم

جيت ومتحمسه لزوجي يوم الجمعه قلت شرايك نغير جو

قال تامرين انتي بس ا ختاري المكان

قلت خاطري اكل آكل مطعم @_@

قال اي مطعم في خاطرك

وياني تحمست للموضوع مستانسه بيوديني مطعم ياسلاممممممممممممممممممممم

المهم قلت يمدحون مطعم اسمه الساحه يقولون راقي

قال طيب واذا رحنا وش بتطلبين قلت ماادري بشوف المنيو


ماشفته الا في الليل جايب لي عشاء منه :(


على فكره كان اول شهر من ز واجي يعني عرووووس


وليومكم ماعاد طلبت منه واكتفيت بالطلب الدلفري

[وطن]

بالعكس

بعضهم يبييله عيين حمرة
وتقعدين جمبهم

ولا تستحيين
وبحلقي عينج بعيينهم

ولا تنسحبين وتتركيين لهم المجال

لازم تضايقيينهم


مووفقة



يا بوخالد
عبالك بيفتكرون
عيونهم قوية

:rolleyes2:

[أم جود]

اي حتى لو حاولت اوقفهم ماراح اقدر
انا اقولك شي
قصدي مو فهالبنات
انا قصدي ليش مثلا رفيجك او حد من هلك يقولك انت لا تروح
انت مالك خص
انت شاللي موديك
وانت وانت وانت
وليش ما يكون هم
ليش مثلا لما مدير المطعن شاف هالموقف ما طردهم
ليش.....؟؟؟؟
مليون سؤال فراسي
واخر شي يقولون انتي السبب ليش رايحة هالمكان
اذا جذي حتى الريال المفروض ما يروح ((ان العين لتزني وان لزناها النظر))
خلاص مافي حل الا ان كل واحد يصك عليه باب البيت ويقعد
وخل هالاشكال تسرح وتمرح

[أم جود]

بالعكس

بعضهم يبييله عيين حمرة
وتقعدين جمبهم

ولا تستحيين
وبحلقي عينج بعيينهم

ولا تنسحبين وتتركيين لهم المجال

لازم تضايقيينهم


مووفقة


اي ادري ان ما يجون الا بالعين الحمرة وبعضهم حتى الضرب شوي فيهم
انا اتكلم عن الناس اللي حولي
ليش يوقفون في صف هالاشكال بطريقة غير مباشرة !!
يعني يقولون لي لا تتدخلين
ولا تروحين
ولا تعطينهم ويه

[أم جود]

انا من كثر ما اسمع في الدوام انهم يطلعون يغيرون جو مع ازواجهم وعيالهم المطعم

جيت ومتحمسه لزوجي يوم الجمعه قلت شرايك نغير جو

قال تامرين انتي بس ا ختاري المكان

قلت خاطري اكل آكل مطعم @_@

قال اي مطعم في خاطرك

وياني تحمست للموضوع مستانسه بيوديني مطعم ياسلاممممممممممممممممممممم

المهم قلت يمدحون مطعم اسمه الساحه يقولون راقي

قال طيب واذا رحنا وش بتطلبين قلت ماادري بشوف المنيو


ماشفته الا في الليل جايب لي عشاء منه :(


على فكره كان اول شهر من ز واجي يعني عرووووس


وليومكم ماعاد طلبت منه واكتفيت بالطلب الدلفري

عاد الا هالمطعم ما ادانيييييييه
مرة وحدة رحت له وحرمت صج
ترى يمدحون الدلفري:nice:
بس اذا تبين تطلعين مطعم اشوف المطعم الايطالي اللي فاللؤلؤة زين هدوووووء مب طبيعي
بس الاكل لج عليه شوي
خخخخخ

يعني لما انا احتر وانقهر
تيي بنت خالتي ولا وحدة من هلي
تقولي لاتروحين
ياسلاااام عيل اخلي البلاد لهالاشكال؟؟

[الحالمه بالجنان]

وانتي شعليج منهم ؟؟؟

كيفهم

تنزلون مواضيع مالها داعي الصراحه

اي والله ليش هم اي وحنا لا ........ شنسوي فيهم يعني ؟؟؟ كل انسان مسئول عن تصرفاته

انتوا مابتصلحون الكون

[همي رضا الله]

جزاج الله خير

[أم جود]

وانتي شعليج منهم ؟؟؟

كيفهم

تنزلون مواضيع مالها داعي الصراحه

اي والله ليش هم اي وحنا لا ........ شنسوي فيهم يعني ؟؟؟ كل انسان مسئول عن تصرفاته

انتوا مابتصلحون الكون





شوفي ردج
نفس كلامهم
كل واحد مسؤول عن تصرفاااااته
بس لما الشي يتعدى حدودي ويوصل لحدود الاخرين ما اتوقع الواحد حر
واذا هو شخص مب مسؤول احنا نعلمه المسؤولية
هالناس تخطت حدودي وجرحت البصر
شنو يعني عااادي ومالنا خص فيهم
عيل لما اشوف سكران فالشارع اقول مالي خص فيه
شكرا عالمرور

[ودي أكون]

شوفي ردج
نفس كلامهم
كل واحد مسؤول عن تصرفاااااته
بس لما الشي يتعدى حدودي ويوصل لحدود الاخرين ما اتوقع الواحد حر
واذا هو شخص مب مسؤول احنا نعلمه المسؤولية
هالناس تخطت حدودي وجرحت البصر
شنو يعني عااادي ومالنا خص فيهم
عيل لما اشوف سكران فالشارع اقول مالي خص فيه
شكرا عالمرور

اي حيببتي مالج خص فيه ولا فيهم :secret:

مثل ماذكرت وحده من الاخوات ان الخروج يكون للضروره ..

وحتى لو طلعتي تغيريين جو .. ماله داعي تهتمين حق هالاشكال .. اذا هم يالسين جدامج غيري مكان يلستج وعطيهم ظهرج ..

وافهم من موضوعج ان ماكان معاكم محرم .. والا كان ما تجرأو في اي شي ..

وحتى لو كان في محرم .. كان عطيتهم ظهرج ..


وبالنسبه لعنوان موضوعج احسه غلط :secret:

ليش هم اي واحنا لا .. كأني افهم ان انتو محرمين من نفس فعايلهم (( محشومه حبيبتي )) بس العنوان غلط :rolleyes2:

لو حاطه العنوان الموضوع (( انا صح والا هلي صح )) (( بما ان وحده من هلج قالت لج مالج خص فيهم وانتي اتشوفين العكس ))

عموما خلهم عنج .. هاذول مو حاشمين عمرهم من الاصل فشلون يحشمون غيرهم !!!

[almaf1a]

هو منظر مخزي بالنسبة لك
ويمكن يكون منظر عادي بالنسبة لغيرك
فمن مبدأ المساواة بينك وبين الي يشوفنه منظر عادي يجب ان لا تفرضي على غيرج رأيج
انا اتكام على فرضيات ولا اعرف ماهو المنظر


أتمنى ان لا تكوني من الحريم الي يتلفتون ويشوفون غيرهم وش يسوي

[عزتي سمو ذاتي]

اعتقد مافيها شي إذا طلع الواحد وغير جو مع اهله بالعكس هالشي يجدد الحياة

استغرب من الناس اللي لاتقول لاتطلع إلا للضرورة دام اني طالع مع اهلي وباحترامنا مابها شي

وكل مكان فيه الزين والشين عادي إلا بطلع وبروح المطاعم والسينمات وكل مكان وماعلي من احد أهم شي اهلي وبس

[أم جود]

اي حيببتي مالج خص فيه ولا فيهم :secret:

مثل ماذكرت وحده من الاخوات ان الخروج يكون للضروره ..

وحتى لو طلعتي تغيريين جو .. ماله داعي تهتمين حق هالاشكال .. اذا هم يالسين جدامج غيري مكان يلستج وعطيهم ظهرج ..

وافهم من موضوعج ان ماكان معاكم محرم .. والا كان ما تجرأو في اي شي ..

وحتى لو كان في محرم .. كان عطيتهم ظهرج ..


وبالنسبه لعنوان موضوعج احسه غلط :secret:

ليش هم اي واحنا لا .. كأني افهم ان انتو محرمين من نفس فعايلهم (( محشومه حبيبتي )) بس العنوان غلط :rolleyes2:

لو حاطه العنوان الموضوع (( انا صح والا هلي صح )) (( بما ان وحده من هلج قالت لج مالج خص فيهم وانتي اتشوفين العكس ))

عموما خلهم عنج .. هاذول مو حاشمين عمرهم من الاصل فشلون يحشمون غيرهم !!!

هلاااا اختي

تعرفين انا قصدي عن اللي حولي
ليش مثلا مايقولن شي
ليش مافي سياسات تطبق بخصوص هالمواقف
انا لو عطيتهم ظهري اللي قدامي بيشوفهم
عالعموووم انا قصدي ليش ان اللي حولي سلبيين
؟؟

[أم جود]

هو منظر مخزي بالنسبة لك
ويمكن يكون منظر عادي بالنسبة لغيرك
فمن مبدأ المساواة بينك وبين الي يشوفنه منظر عادي يجب ان لا تفرضي على غيرج رأيج
انا اتكام على فرضيات ولا اعرف ماهو المنظر


أتمنى ان لا تكوني من الحريم الي يتلفتون ويشوفون غيرهم وش يسوي


انزين اكتفي بقول
منظر محرم شرررررعااااا
لاجدال فيه
مب منظر عادي
وانا ما فرضت رايي
هم شايفين بعد ان المنظر غلط
بس يقولون لي لاتروحين
ولاتسوين
ولا تقولين
وخلهم
يعني احسهم واقفين فصف هالناس ضد الحق
شي يعور القلب ويدميه

[أم جود]

اعتقد مافيها شي إذا طلع الواحد وغير جو مع اهله بالعكس هالشي يجدد الحياة

استغرب من الناس اللي لاتقول لاتطلع إلا للضرورة دام اني طالع مع اهلي وباحترامنا مابها شي

وكل مكان فيه الزين والشين عادي إلا بطلع وبروح المطاعم والسينمات وكل مكان وماعلي من احد أهم شي اهلي وبس

جزاك الله خير اخوي
انا ما قلت ان فيها شي
بالعكس انا احب الطلعات مع زوجي وبنتي وما اقول لا
بس تصرفات الناس تخرب علي طلعتي

[وطن]

انزين اكتفي بقول
منظر محرم شرررررعااااا
لاجدال فيه
مب منظر عادي
وانا ما فرضت رايي
هم شايفين بعد ان المنظر غلط
بس يقولون لي لاتروحين
ولاتسوين
ولا تقولين
وخلهم
يعني احسهم واقفين فصف هالناس ضد الحق
شي يعور القلب ويدميه

اذا منظر محرم شرعا
مافيها جدال اختي
اتصلي ع العضيد

:telephone:

[أم جود]

اذا منظر محرم شرعا
مافيها جدال اختي
اتصلي ع العضيد

:telephone:

:telephone:
:nice:

الموقف ما ساعدني اني اتصل
مشكورة حبيبتي عالمرور

[missperfect]

لا حول ولاقوة الا بالله

الله المستعان
اختي ام جود اطلعي وروحي ولا تديرين لهم اي بال اعتبريهم حشرات بالمجتمع ابعديهم عنج

[أم جود]

لا حول ولاقوة الا بالله

الله المستعان
اختي ام جود اطلعي وروحي ولا تديرين لهم اي بال اعتبريهم حشرات بالمجتمع ابعديهم عنج



مشكوووورة اختي على مرورج
ومثل ماقلتي حشرااااااات

[المقهوره]

عاد الا هالمطعم ما ادانيييييييه
مرة وحدة رحت له وحرمت صج
ترى يمدحون الدلفري:nice:
بس اذا تبين تطلعين مطعم اشوف المطعم الايطالي اللي فاللؤلؤة زين هدوووووء مب طبيعي
بس الاكل لج عليه شوي
خخخخخ

يعني لما انا احتر وانقهر
تيي بنت خالتي ولا وحدة من هلي
تقولي لاتروحين
ياسلاااام عيل اخلي البلاد لهالاشكال؟؟

اللؤلؤه اي هين بيوديني ؟

بيجيب الاكل دلفري ك العادة

المطاعم ما ادخلها الا بالسفر ههههههههههه

[رنج سبورت]

يمكن تشوفين هالرد

ليش تطلعووون من البيت وليش تطالعون الناس ههههههههههههههههههه

--------------------------------------------------------------------

عن أبي سعيد الخدري رضي الله عنه قال : سمعت رسول الله صلى الله عليه وسلم يقول : ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم .

[السامـي]

يعني أيش كانوا يسووون..؟! يشيشووون!.:)
إذا على هذي،ترى من زمااان.:)

[STAR]

اختي أنا استوقفتني جملة تحرمين على نفسج ما احله ربج

كلنا نعرف ان في الاسلام المرأة ما تطلع الا للضرورة

يعني اساسا طلعاتنا للمطاعم حتى لو مع الاهل مب حلال لانها مب ضرورة

استفسااااار..طلعتي مع اهلي او مع ريلي حراااام..‏!!!‏
:rolleyes2:

[وطن]

استفسااااار..طلعتي مع اهلي او مع ريلي حراااام..‏!!!‏
:rolleyes2:

اختي بحث بسيط ع القوقل عن خروج المرأة في الاسلام
أو اسألي مراكز الفتوى

أنا ما افتي لج

:discuss:


صاحبة الموضوع كانت حاطه جمله وانا علقت عليها قبل تعديل الموضوع

[STAR]

اختي بحث بسيط ع القوقل عن خروج المرأة في الاسلام
أو اسألي مراكز الفتوى

أنا ما افتي لج

:discuss:


صاحبة الموضوع كانت حاطه جمله وانا علقت عليها قبل تعديل الموضوع

اخت وطن أخاف أرد وماراح يعجبج ردي..

عالعموم الله يهدي البنات اللي شافتهم صاحبة الموضوع ويصلحهم..

[ذوق]

اختي أنا استوقفتني جملة تحرمين على نفسج ما احله ربج

كلنا نعرف ان في الاسلام المرأة ما تطلع الا للضرورة

يعني اساسا طلعاتنا للمطاعم حتى لو مع الاهل مب حلال لانها مب ضرورة


أسمحي لي على المداخله العرضيه ، ولكن استوقفني ردك

لأني أعتقد حبيبتي أنه لا يجوز التحريم والتحليل بدون استناد ..

ومن وجهة نظري المتواضعه لكل زمن زمـانه :shy:

أختكم في الله

ذوق

[بلوتنيوم]

:rolleyes:
اختلفوا الحريم


بس عموما الباب الى يجيك منه الريح سده واستريح
والوضع العام يقول هم الصح وانتي الغلط :rolleyes2:

[latty]

السلام عليكم

لفت انتباهي فالآونة الاخيرة تحيز غريب من نوعه
::
::
خذوا هالمثال البسيط
دخلت مع عائلتي الى احدى المطاعم
نبي نتعشا
شفت منظر مخزي من بنات بلادي ((كان جدا قوي وانحرج اذكره))
ومشيت الموضوع
يوم جمعة الاهل وانا اتكلم عن اللي شفته
وحدة من الاهل قالت لي مب مجبورة تروحين هالمطعم
واخرى قالت لي عندهم اهل يربونهم مالج خص
::
::
بس سؤالي يعني انا احبس نفسي فالبيت علشان هالاشكال تستانس في كل مكان؟؟
يعني انا اشوف المنظر وحتى ما استنكره ؟؟

::
::
ليش مب هم اللي يستحوون؟
ليش مب هم اللي ينقذفون بكلمات جاااارحة علشان يحرمون يدخلون هالمكان؟؟
ليش مب هم اللي ما نضيق عليهم علشان يتأدبون؟؟
::
::

ليش احنا اللي لازم نغير نفسنا ونأقلم نفسنا مع اجواءهم ؟؟؟؟
::
::
على فكرة هالشي ايضاااا موجود هنا فالمنتدى
في ناس لما تقولهم عن موقف معين
يقولون لك ابعد عن الشر
او تحاشاهم
او لاتروح هالمكان
::
::
ليش هم صح .. واحنا غلط؟؟

الله سبحانه اذى غضب على انسان زاده فيما هو فيه وزاده وزاده حتى يزيد له من الاثم والعقاب والحساب

فقولي الحمد لله رب العالمين وترى الدين نصيحه يااختي كان نصحتيهم يمكن تكون هدايتهم على يدك


:(

[ام السعف]

اختي أنا استوقفتني جملة تحرمين على نفسج ما احله ربج

كلنا نعرف ان في الاسلام المرأة ما تطلع الا للضرورة

يعني اساسا طلعاتنا للمطاعم حتى لو مع الاهل مب حلال لانها مب ضرورة

من افتى انه مب حلال ؟

[وطن]

أسمحي لي على المداخله العرضيه ، ولكن استوقفني ردك

لأني أعتقد حبيبتي أنه لا يجوز التحريم والتحليل بدون استناد ..

ومن وجهة نظري المتواضعه لكل زمن زمـانه :shy:

أختكم في الله

ذوق

حبيبتي هذا اللي تعلمناه من يوم احنا يهال في المدارس عن ديننا
خروج المرأه للضروره
وقبل لا ارد ترى بحثت في القوقل ع السريع عن خروج المرأة

ولكل زمن زمانه هذا اللي احنا نقوله
بس تتوقعين شيوخ الدين هذا رايهم ؟؟!!

قلت لكم ما افتي روحوا سألوا
عشان تاخذون الرد من ناس ثقه

انا ردي جاء على الاخت صاحبة الموضوع لما قالت احرم نفسي مما احله الله لي
وما اخبر ان في ديننا حلال الطلعات اللي مب ضروريه
مثل المطاعم والقهاوي وغيره

ع العموم الجملة صاحبة الموضوع عدلتها اتوقع قبل لا تقرأ ردي عليها
ليش ما نشوف وجهة نظرها في الموضوع


:victory:

[وطن]

من افتى انه مب حلال ؟

جيبي لي فتوى التحليل

[STAR]

جيبي لي فتوى التحليل

وجيبي لنا فتوى ان طلعة المرأة مع الاهل حراااام؟!!‏

‏(‏‏=‏

[وطن]

وجيبي لنا فتوى ان طلعة المرأة مع الاهل حراااام؟!!‏

‏(‏‏=‏

ستار حبيبتي لو بنتناقش الموضوع بيطول وبتغير مسار موضوع البنت

طلعتها مع اهلها مافيها شك انها حلال

بس مطاعمنا اللي القعدات فيها سمردحه والشباب مكس جنب العوايل والبنات جنب الشباب

هذي حلال بعد !!!

بتقولين لي مطاعم بكباين .. اوكى مستوره
لكن المطاعم اللي في المجمعات ع البحري

مانبي نغير الدين عشان يكون على هوانا ومزاجنا
ونحلل على كيفنا

احنا كبنات في الاسلام طلعاتنا من بيوتنا المفروض للضروره

[STAR]

وطن إحتراما لرغبتج ولصاحبه الموضوع
ماراح اعلق..عشان مثل ماقلتي مانطلع عن
مسار الموضوع ‏‏(‏‏=‏

[ام السعف]

جيبي لي فتوى التحليل

يعني المشايخ اللي يطلعون حريمهم للمطاعم هذول يرتكبون الحرام ؟

على العموم ما عندي فتاوى تحليل ،، لأن الحلال بين و الحرام:shy:

[ضوى]

بالضبط اختي الكريمة ، ليش احنا مب هم !!

توني اتناقش ويا واحد قريب واقوله اني حجزت لعيالي شاليه في جراند حياة ، وطبعا قال لي المكان كله خوانية ومحد يمدحه ، قلت له جيب لي مكان واحد في هالبلد الناس تمدحه ؟؟؟؟ كل مكان فيه بلاوي وفيه مسخرة ، طيب انا احرم عيالي من هالمتعة لمتى ؟؟ كفاية هالمجمعات اللي حرمتها منهم خير شر من وقت لوقت اطول يدشون سينما او بينتعشى في مطعم طيب حتى الهوى الرباني ماتبوني اخليهم يتنفسونه على اساس وجود هالاشكال ؟؟
ماقدر اقول اي شئ غير الله يحفظ عيالي ويستر عليهم ويبعد عنهم كل عيال الحرام اللهم اميييييييييين ، والله يهدي شباب هالامة ويصلحهم وينور طريقهم ياااااااااااااااارب

[أم شيوخ]

انا باقولكم موقف صارلي وانتوا احكموا يعني بصراحه مثل هالاشكال يبيلهم تربيه من يد ويديد...
وحده مع زوجها وولدها يتعشون بمطعم مثل ماقلتو كباين والكباين خشم مخرم....
المهم الولد او الياهل طبعا بيتحرك وجي عشان يلفت انتباه قومي انتوا يالبنات ياي قاعدين وتنقرشوا في الياهل وعوه بوسات جدام المره وريلها
وتسوي عمرها مغشيه وترفع نص غشوتها وذاك الروج والضحك الي ماله داعي...المره اول شي سكتت وتمت تستغفر ربها ولا تبي تنزل لمستواهم بس انه توصل انهم يسون حركات وضحك ماله داعي بدلع عشان ما يجذبون الياهل لا عشان يجذبون الريال...
اخر شي المره شالة ولدها وعطتهم ظهرها واهم اشكره مجابلين الريال ..ِوي وقالتله خلاص خل نطلع بسرعه
يوم فاتحت ريلها بالموضوع قالها احنا مالنا خص فيهم الي بيسوونه تتوقعون رده صحيح ام خاطئ...

قبل المره لو مرت بالفريج وريال مر من حياها ويها شوي ينصفق حتى لو متغشيه والا اهو يغير طريجه الحين تقولون الريال ثوبه سوه الحريم مغناطيس الي يدخل راسهم يجرونه لهم بدون مقدمات
صح والا انا غلطانه....

[تحداني]

.. لا نستطيع سيدتي الفاضله أن نعيش بمعزل عن الناس ..
ولا نتوقع ان الناس يتساون جميعا في السلوك والتصرفات
هكذا هي الدنيا هناك الصالح وهناك الطالح .. وهناك أماكن عامه من الصعب جدا منع من ترينهم غير اخلاقيين في تصرفاتهم بدافع أن
" تحداني الزمن" ترى في سلوكهم شئ من خدش حيائها ..



ليش هم أي وإحنا لا ؟؟


مافي حد قال إن هم أي وإحنه لا
بس في منطق يقول .. اني لا استطيع ان اجبر الناس على المشي بالطريقه التي تناسب أخلاقي
وبالطبع الإعتراض من ناحيتك سيكون أقوى لانك تحملين سبب يمنعهم من التواجد
في حين هم لا يحملون في تواجدك سبب يمنعك من التواجد بينهم





ما يكتب من مواضيع هنا يحسسني انني في بيئه إختلط بها الاخلاق والقيم
ونعيش في فوضى عارمه
.. مع العلم تلك الفوضى العارمه وضرب الاخلاق عرض الحائط تتواجد في أماكن معينه


مازلنا نعيش بخير
ومازالت تلك الأماكن المألوفه تليق بتواجدنا .. والحمد لله رب العالمين
لا أدعي اننا في منطقه جغرافيه الخطأ لا يفترب منه
ولكن حالنا كحال غيرنا


قولي دائما عندما ترينهم اللهم اصلح حالهم .. وأنر طريقهم
وحبب الايمان في قلوبهم .. وقربهم لحب ديننا الفضيل .. وازرع الغيره على اخلاقهم وسمعتهم في قلوبهم


انهم في غفله لا يعلمها سوى رب العالمين


جملك الله برضى الرحمن

[MaRuKoO]

بخصوص موضوعج الي يدخل مكان وما يرتاح فيه سواء من الحريم او الرجال (طبعا اكيد مافي حريم بمطعم بروحهم الا اذا فري :looking: ) عموما ..ويشوف من هالاشكال الوقحه يطلع على طول شيقعده !!

!!

[meme~qatar]

الله المستعان

[eXpert*]

لو كل بنت طبقت الآية القرآنية كان ما شفنا هذا الشئ .

{وقرن في بيوتكن ولا تبرجن تبرج الجاهلية الأولي }.

والمتعارف عليه ان بالجاهلية كانت النساء دائماً في الأسواق تجول وتذهب .

[alkoos]

بالعكس

بعضهم يبييله عيين حمرة
وتقعدين جمبهم

ولا تستحيين
وبحلقي عينج بعيينهم

ولا تنسحبين وتتركيين لهم المجال

لازم تضايقيينهم


مووفقة


لا وانت الصاج يبيلهم خيازرين تأدبهم لكن الشرهه مب عليهم على اهلهم الي مخلينهم ولا يدرون عن عيالهم وين يروحون وين يجون

[ذربة ألكلام]

قليلات الادب تلقينهم في كل مكان .........

[باسكن روبنز]

مع احترامي لبعض الجهات الامنيه لو هي قايمه بدورها في المواضيع المخله للاداب جان ماشفنا شي ،

وياريت نشوف منهم اعلانات رسميه بالجرايد كل فتره وفتره بطريقة التصرف عند مشاهدة اوضاع مخله والارقام الي نتصل فيها ،

وهي حجه وحاجه وبالمره بعض اصحاب النفوس الضعيفه راح يخافون يتمادون في تصرفاتهم ان شافو دور الجهات الامنيه صارم وواعي وياهم ،

ودليل على كلامي المغازل والترقم بالامارات والله ماله حس بالاماكن العامه لخوفهم من العواقب ،

للاسف الناس صارت تخاف من الناس ولا تخاف ربها ،

الله يهدي الجميع ،

[الحره]

السلام عليكم

اختي الكريمه كفايه انج استنكرتي الي شفتيه بقلبج وهو اضعف الايمان ، يعني لو رحتي كلمتيهم او قعدتي تطالعينهم مثل ماطلب البعض ايش بتكون ردة فعلهم عليج!! ماعتقد بيفيد شي واذا هم ماستحوا يسوون هالشي جدام العالم ماراح يستحون منج او مني لو حد راح وكلمهم
والمفروض الواحد لما يروح مطاعم او سوق يغض النظر ولا يراقب الناس احسن له ويستمتع بالطلعه الي طالعها ولا يفكر في غيره ، يعني اهلهم ماربوهم احنا بنجي نربيهم !

[غدير البورصه]

يا زين العشا في البيت من غير لبس عباه وشيله ونقاب.

اكل على راحتي واشرب على كيف كيفي واطالع التلفزيون والريموت في يدي اشوف الي ابيه والي ما ابيه ما اشوفه بحركه بسيطه .

شو يجبرني اروح المطعم وانزل من السياره جدام عشرين ريال القطري والغير قطري.وبعدين ادخل المطعم ويشوفني راعي المطعم والي يشتغلون في المطعم. الصراحه انا استحي وما تربيت على دخول المطاعم وعشرين ريال يشوفني وانا داخله وطالعه.

ربي لك الحمد اطلب الي ابيه ويجيني لين البيت واتعشى واتهنى واحمد ربي واشكره.



اكسكيوزمي ثس از ماي اوبنين

دونت بليم مي

[الحره]

يا زين العشا في البيت من غير لبس عباه وشيله ونقاب.

اكل على راحتي واشرب على كيف كيفي واطالع التلفزيون والريموت في يدي اشوف الي ابيه والي ما ابيه ما اشوفه بحركه بسيطه .

شو يجبرني اروح المطعم وانزل من السياره جدام عشرين ريال القطري والغير قطري.وبعدين ادخل المطعم ويشوفني راعي المطعم والي يشتغلون في المطعم. الصراحه انا استحي وما تربيت على دخول المطاعم وعشرين ريال يشوفني وانا داخله وطالعه.

ربي لك الحمد اطلب الي ابيه ويجيني لين البيت واتعشى واتهنى واحمد ربي واشكره.



اكسكيوزمي ثس از ماي اوبنين

دونت بليم مي

نو ون بليم يو هههه المثل يقول اكل على كيفك:thumbup: