دللي نفسج .. وحافظي على كشختج .. (( حياج ))

[MiSsY]

السلام عليكم ورحمة الله وبركاته

شحالكن ليديييز :shy:

طرى ف بالي موضوع حلو يفيد الكل

وهو ...

ان كل وحده تكتب لنا تجربه جربتها شخصيا واستانست عليها

من حيث ..

مكياج , تسريحة شعر , قص شعر , صبغ شعر , مساج , فيشل ( تنظيف بشره) , حنا , حف حواجب مع اني افضل لو تشقير , منكير وبدي كير , دورات مكياج , دورات طبخ , أو أي منتج للجسم او للشعر ... وغيرها

المهم شي يخص المرأة

بشرط انج تكونين مجربه شخصيا
مب سامعه من حد ولا تمدحين على حساب منفعه
ومثل مايقولون التجربه خير برهان
فيدي غيرج :shy:

كتبي اسم المكان الي رحتيله وابهرج
شنهي الشغله الي تميزه سواء جو المحل ولا معاملتهم لج او ادائهم للشغله الي انتي رايحه عشانها
سعر الشغله الي سووها لج
ولو ترشحين وحده معينه ف المحل


*تنبيه : اتمنى كل المشاركات تكون بتجارب وابتعدوا عن ( مشكوره - بالتوفيق - وغيره من كلمات الشكر ) انا حبيت اطرح الموضوع للاستفاده ف ياريت نلتزوم بالشروط عشان الكل يستفيد


في انتظار تجاربكم

[MiSsY]

وانا راح ابتدي :shy:

حبيت اقولكم عن تجرتبي في

سبا منتجع شرق

شاوصف لكم وشاخلي

طبعا هو في قسمين نسائي ورجالي

النسائي وايد آمن ومافيه رجال كلش ولا كاميرات
ومسكر

انا رحت اسوي مساج

اول شي لازم تسجلين اسمج وتملين الفورمه
فيها عن الامراض لو فيج شي كتبيه

بعدين نبتدي ف انواع المساج
عندهم انواع عديده
للشعر للجسم للوجه
الي تبينه

الاسعار تتراوح من 300 ريال لين 500 و 700 حق المساج

واسعار علاج الشعر اتوقع ب600 مب متاكده والله

وفي طبعا الباكج حق العرايس على 2000 وشي

انا جربت المساج حق كل الجسم ساعه كامله يكون على 500 ريال
وفي نفس الي انا جربته على 300 ريال يكون نص ساعه وانتي تحددين المنطقه الي تبينها

والله جوهم يساعد ع الاسترخاء
يودونج غرفه لو تبين مع وحده من ربعج او لو جايه بروحج تروحين لغرفه لحالج

يحطون لج ميوزك هادي ويبتدون بالمساج

الحلو ف الموضوع مو بس المساج

الي بعد المساج وهو ...

انج تقدرين تستخدمين الفسليتيز الي عندهم
بس جيبي معاج ثياب سباحه

عندهم : حمام سونا , حمام بخار , بركة سباحه , 3 احواض ماي الاول حار الثاني مايل للبرودة الثالث بارد وهاي طبعا يعتبر نوع من العلاج

والحلو ف الموضوع كل الي ذكرتهم بلااش
بس تدفعين للمساج

وتقدرين تطلبين لج اكل او عصير

اخر دلع :shy:

امتنى انكم تزورونه لان صج مكان يستاهل :victory:

[FHN]

.. مشكوره الشيخه على هالموضوع الحلو
للرفع وزيادة الاستفدة من خبرات البنات..

[MiSsY]

.. مشكوره الشيخه على هالموضوع الحلو
للرفع وزيادة الاستفدة من خبرات البنات..

العفو فديتج بس ليش ماكتبتي تجربه لنا

باكتب وحده عنج :shy:


انا من النوع الي اخاف اقص شعري
لان مرات يوم تقصين شعرج كلش مايطول بعدها

ع قولتهم يدها مب خضره :omen2:

من فتره جربت اقص قذلتي
لان مثل ماقلت لكم اخاف اغامر
وترى حتى ع القذله جربت وايد اماكن ولا مكان قص لي عدل
لازم ارد البيت اعدلها واقصها بنفسي

ف رحت صالون العليا للتجميل في المطار
عند وحده لبنانيه هناك
قصت لي قذلتي صج صج روعه
القصه كانت وايد تناسب ويهي
وووايد عجبتني

وحتى ردت قذلتي طولت بسرعه
مع اني كنت مسوسه انها ماتطول هههههه :shy:

[qatareya]

انا راح تكلم عن صالون الماجد

يمكن المكان قديم شوي بس اللي فية وايد اوكي

وانا دايم اقص واسوي شعري عن رانيا وما امن حد يصبغ شعري او يقصة الا هي
وماشالله يدها تخلي الشعر يطول بعد

والحلو فيها انها تسمي قبل القص بعد

والصبغات انتى تقولين اللى تبينه وهي تقول لج اذا بناسبج او لا ..... وتسوي اللون اللى انتى تبينه بالضبط الصراحة عجييييييييييييييييييييييييييبة

[تلتوله]

انا سويت مكياج في صالون سما عند وحده اسمها هدى وايد حلو مكياجها
بنات الاتعرف شي عن الكراتين والتمليس حق الشعر تفيدنا

[MiSsY]

بالنسبه للمكياج

انا من النوع الدقيق وايييييد
ومايعجبني اي شي

لازم يكون الدمج عدل
والاهم من ذي كله ان رسمة العين تكون مناسبه لعيني
وطريقه الظل تكون مناسبه ماتكبرعيني بشكر اوفر ولا تخليها حاده
لان الظل اهمم شي لو حطت لج شي مايليق عليج بتبينين اكبر من عمرج

خبركم نموووت ولا يقولون لنا انكم عيايز هههههه

جربت وايد في بعضهم كانوا حلوين ماعليهم كلام

لكن انا ادور المميز الراقي مابي شي عادي

ف لقيت وحده اسمها حنان الباكر
ماشاء الله عليها فنااانه

هي ماتجي البيت انا رحت لها بيتها ف المطار

وكنت رايحه مع مجموعه والله سوت لكل وحده فينا شكل
الي يشوف مستحيل يقول عند نفس الممكيجه متمكيجين
وكل وحده فينا بعمر
وسوت لكل وحده مكياج يليق على عمرها وحجم عيونها

وغيرها
رحت حق سعاد فكري
شاقولكم عنها هالانسانه ملاك ف اخلاقها ف تعاملها ف كل شي
الله يحفظها
ومكياجها اكثر من راااااااائع
وكفايه ان دمجها روووعه والله اتحط لج مكياج يليق عليج
على سنج ورسمة عينج
تطلعين منها وانتي واثقه ان شكلج سوووووووبر وااوو
وكفايه ان كريم اساسها مايقلب لونه مثل باقي الماكيرات
وحبوبه حدها يوم قلت لها ابي كريم للجسم بعد حطت لي وماخذت ريال زياده


انا كنت اعاني مع الماكيرات ان يحطون لي مكياج يكبرني
وغيرهم ان احد كريم اساس اطلع بيضه وايد او يقرب على رمادي ولا احمر


لكن الشاهد الله يوم رحت لسعاد و حنان حطوا لي مكياج وايد يليق عليي

[MiSsY]

بخصوص التسريحات والتفنن فيها

بشكل راقي مب دفش

ووايد يليق عليج وعلى لبستج

مافي الا أم راتب :victory:

ماشاء الله عليها فنانه

سوت لي شعري ف عرس اختي وطلعت التسريحه اتيين

والله قبل كنت اسوي ومااقتنع او يطلع شكل التسريحه اوفر و يكبرني وايد
او موديل قديم

لكن ام راتب صج اتعرف الي يناسبج واتعرف احدث التسرحات
وماشاء الله عليها تشتغل بكل خفه

مب مثل غيرها الي مايشلون يدهم من راسج الا وانتي مصدعه من الدبابيس

لا ام راتب غييييير
والله حبوبه تسئلج في شي شاد على راسج واذا في مشبك معورج ترد تغير مكانه
وبالها طويل عليج وكفايه ابتسامتها وخفة دمها
تحسين انج تعرفينها من زمان

وهي تجي وتجيب معاها اكسسوارات لو ماعندج

تقدرين تشترين من عندها

وبسعر رمزي

وحتى اسعار التسريحه مب غاليه
وصج قيمتها فيها

كفايه اطلعج ستايل وراقيه حدج

[روضه الجنة]

انوا تمدحون وانا بقولكم ازمتى مع المكياج والشعر ..
بدون ذكر اسماء كانت في مناسبة عندنا واتصلنا حق ماكيرات وجونا البيت هم يجون مع بعض شعر ومكياج لانهم خوات من كثر المدح اللي سمعناة عنهم قلت بجربهم ..
وطبعا الوية ابيييض !! تقولين لهم حطولي نفس لون بشرتي تحط ابيض من بشرتج ولين اعترضتي تقولي ماخصلت لين الحين .. غير الميكب كلنا نفس الوية صرنا نشبة بعض .. وفي نفس العمر ! ولا تركز على المناطق اللي تخفيهم والملامح اللي تبرزهم !! لااء كل شي سوا عندها
والشعر عشريين طبقة حشووة احس الراس يصيير ثقييل وانا قايلة لها مابي بف وايد تقولي لا حلو اصلا هاي المطلووب !!!!!! .. ورويتها تسريحة تقول اصلاا اعرف اسويها وسويت لها حق فلانة وطلع يجنن عليها انا استانست قلت على الاقل تطلع التتسريحة حلوة !! انصددمت لما خلصت التسريحة غيير 180 درجة .. ولما خصلت ماكان في وقت اغسل واسوي شعري والميكب .. احس انا اعرف اسوي احسن منها !!
واول ما وصلت القاعة المشابييص تطييح !! غير البودرة مب حلوة مأسااااة
الصراحة اخر مرة اطلبها

وبالنسبة للبدكيير والمنكيير والمكياج والشعر .. في صالون " ذي لـــونج " الشعر حلو وستايلة انجليزي وبسييط اما الميكب رووووعة وناعم

[MiSsY]

حبيت ادلكم على دكتورة جلد

ماشاء الله عليها

ماااااااهره و حبوبه

اسمها د. بدرية المحمود
عيادتها في منطقة العزيزيه

مجابل فيلاجيو
تخلون فيلاجيو على يمناكم وتروحون سيييده لين الاشارات وتاخدونها يسار
بتلاقون العياده على اخر الشارع الي ع يساركم
الافته باللون الازرق

ماشاء الله شغلها وايد حلوو

واعرف حالاات كانت صج اوفر
حبوب والويه منقلب احمر

وغيرها كان عندها حبوب تحت الجلد

وعلاج هالدكتوره وايد فادهم وصج الحين كل وحده فيهم بشرتها من احلى مايكون ماشاء الله

والله الدكتوره حبوبه وشرررحه
من تدخلين عليها تبتسم لج
وبالها طوويل
تسئلي كثر ماتبين ماتقولج لا

وفي عيادتها كل شي
الي تبي ليزر
او علاج للويه
علاج للشعر

لكن الشهاده لله ماجربنا الا علاجها للويه
وكان صج فعال :victory:

وترى هي تداوم الصبح في مستشفى الجلد في رميله
بس اتوقع ان الاجهزه الي عندها ف العياده مطوره اكثر
دوام العياده من الاحد لين الاربعاء 4 العصر لين 9 بالليل

[MiSsY]

بالنسبه للمناكير

انا استخدمت اكثر من ماركه

وماعجبتني يا يكون اللون مب حلو

ولا مايصبغ عدل

او يتقشر بسرعه

بس لقيت ماركه وااااااااااااايد عجيبه

وموجوده في فيلاجيو

ماركة INGLOT

والحلو فيها ان للون الواحد بس تلاقين وايد درجات
والوانها اتهبببل

وترى في منها مكياج مب بس نيل بولش :victory:

بس انا ماجربت الا المناكير من عندهم وصج رهيييييييب

[saeed-qtr]

بالتوووفيق

[MiSsY]

بالتوووفيق

اجمعين ان شاء الله


بنات وينكم :no2:

محد يكتب تجاربه غيري :cry2:

[Fm80]

حلووو موضوعج عجبني

بالنسبه للمكيااج عجبني شغل وحده اسمها حنان لبنانية ناعم واكثر شي عجبني اساسها ماقطع من الساعه 3 لين 2 ماقطع كلللش ما شاءالله

الشعر...زينه اللي كانت ف جاك سوت لي تسريحه وايد حلوه اللي حبيته فيها تروينها الفستان وتسوي لج شي
ماشي معاه

المانيكير والباديكير شووول اكثر مكان ارتحت عليه واللي يريح اكثر اغراضهم صج نظيفه

العبايات ومشكلتي الكبيرة العبايات انا دايم افصل عند خوله الخاطر سعوديه عباياتها واااااو بس شوي غاليه

الحين ادور وللأسف مالقيت ياليت اللي تعرف تفيدناا..

وبعد وشو

المكيااج حبيت انغلوت رووووعه خصوصا الارواج حتى البودره والبيس شي

انا استخدم البيس بروحه من غير اساس ولا بودره يخلي الويه حلووو

الماسكرا حبيت كلينك وماسكرة سيفوورا

العطرات احب عطورات الجزيرة بالنسبة للعطورات العربية والفرنسية احب شانيل شانس
http://parfumuri4u.com/parfumuri/chanel/chance-eau-fraiche-100ml-dama/chanel-chance-eau-fraiche-100ml-dama.jpg

عجبني الموووضوع وايد يعطيج العااافيه اختي MiSsY