سؤال الوالده؟؟

[saryalia4u]

السلام عليكم..

سؤالها يقول...
انها بنت خيمه الي دارجه من فتره في بيوتنا ..
ومغلفه بسفنج وقماش السدو... وحط السبلت 2 وفرشتها بالسجاد الاحمر والكنب والطاولات السدو
والخيمه اششششحلوها ((طبعا ذوق الوالده لايعلى عليه))

السؤال المهم:
الحين كل مادشينا الخيمه او مجلس السدو عيونا تحرقنا..اتم فتره..!!!!
وانا خايفه يأثر على صحتنا او يكون شي خطر واحنا ماندري...

امي الله يحفظها تقول احتمال من المكيف...
واخوي يقول من قماش السدو الشد
واخوي الثاني يقول من السجاد


وانا اقول عين ماصلت على النبي ><

لان جد المكان روووعه .

اللي عنده تجربه وباني هالمجلس وصار معاه هالشي ياااليت يبلغنا..
وايش ممكن يكون الحل؟

تسلموون

[بوخالد911]

الله يحفظكم من العين

لا اله الا الله

[rayyane9]

الله يحميكم من العين

[ام السعف]

ابحثوا عن السبب ، حاولوا اتغيرون المكيف ولو مؤقت اتشلون مكيف غرفتج مثلا واتحطونه مكان مكيف الخيمة ،، وجربوا كم يوم ان ما نفع الحل ،، طلعوا مساند السدو برع الخيمة كم يوم وشوفوا النتيجة
وان ما نفع شوفوا الزل ،، وانا ما نفع شلوا الخيمة بكبرها ،،

[almaf1a]

انتي تعوذي من ابليس واذكري الله
ولا تقولين للناس ان فيها 2 سبليت وسجاد احمر وكنب وانها مغلفه بسفنج
وان شاء الله الامور تصير طيبه

[رذاذ]

السبب الغراء المستخدم فتره ويرووح

[وطن]

يمكن من الاسفنج اللي مبطنينها فيه

اقترح عليكم تطفون المكيفات وتهوونها كم يوم

[saryalia4u]

ول نشيل الخيمه وهي مكلفتها قريب ال 40 الف صعبه
ابي حد حط الخيمه وتجربته معاها؟؟

والمكيف جديد هل ممكن اذا تركب في مكان فيه سدو السدو يطلع هالغاز او مادري شنسميه؟؟

وغير ذي راعوا الجو الحار.. صعب انسكره ونخلي المكان بلا مكيف.

[saryalia4u]

انتي تعوذي من ابليس واذكري الله
ولا تقولين للناس ان فيها 2 سبليت وسجاد احمر وكنب وانها مغلفه بسفنج
وان شاء الله الامور تصير طيبه


هههه عشان اوصل لكم المعلومه

اشدوه كل البيوت فيها اسبلت جات علينا ><

[saryalia4u]

السبب الغراء المستخدم فتره ويرووح


اي والله مافكرنا ... يمكن يكون سبب

شفتوا اشلون استفدنا من ردودكم><

[saryalia4u]

يمكن من الاسفنج اللي مبطنينها فيه

اقترح عليكم تطفون المكيفات وتهوونها كم يوم


كل شي جايز..


تسلموون جميع ع المرور

[Qatari In Us]

اختي احنا عندنا سدو بالشقة هنيه بامريكا نفس الحاله بالضبط ساعات عيونا تحرقنا مادري ليش

[saryalia4u]

يعني ممكن يكون من السدو؟؟؟؟؟؟؟

والله احترنا

[Prestige]

اهم شي تعملون تهويه للمكان

وتنظفون فلتر المكيف بانتظام

لان غالبية المواد اللي مستخدمه فيها مواد متطايرة كيماوية

وهي اللي تسبب لك المشاكل من ريحه وحرقان الحين

التهويه احسن حل

الله يوفقكم

[saryalia4u]

وهذا هم رايي

يعطيك الف عافيه

[Gh2o]

عندي نفس المشكله بس بالبورت كابن فتره وختفت

[بوحارب]

عندي سدو في خيمتي والحمدلله ما عانيت من اللي تقولين عنه !

[اشدعوه]

افتحوا البيبان والدرايش ساعتين ولا 3 ساعات

ولا فيكم الا العافية ،،،،،،،

ومنزل مبارك

[الأصيلة]

السبب الغراء المستخدم فتره ويرووح

نعم الغراء الذي تم به فرش السجاد
دخنوها بلبان وسويدا يوميا
ومستكة وخلو الشبابيك مفتوحه بس مب وقت العواصف حتى ماتمتلي غبار..
وفترة وتعدي..
وعليكم بالعافية...

[saryalia4u]

يعطيكم الف عافيه على الردود


بنسوي اللي تقولون عنه

ويا رب يضبط

[latty]

فيه عازل؟

للاسف فيه نوع من العازل كنه شعر ذهبي هذا مصيبه للعيون

او الصبغ

او الغراء

الله يهنيكم

[saryalia4u]

والله مش عارفه

راااح اسال اذا في او لا...

تسلموون ع المرور