صراااع العمااالقة .......وقت الشايx النعيمي ..دروس في المنافسة

[kooool]

بسم الله الرحمن الرحيم وبه استعين ..طبعا انا من الناس اللي قريت وااايد في كتب الادارة والاعمال وتكوين الثروات وقصص الناجحين وصراع التجااار وطرق تطوير الاداء والمنافسة بين الشركاات ..وهنا بجيب لكم مثل حي في قطر وقعدت افكر فيه ووجدت انهم طبقوا مبادئ من الكتب اللي قريتها وهم ماااادروا عنها خير شر هههههه..

التميز
مثلا كرك النعيمي يضرب به المثل في المزاااج وطوااابير من الراغبين في احتساااء كوب منه تقول وااقفين عند هاارودز ..ولكن ماكان عنده حليب مراعي ..النقطة اللي انتبهوا لها وقت الشاي واعملوه وضبطوه عدل وحطوا كرك مرااعي ..اختراع جديد .

اذهب للزبون
الناظر لتوزيع النعيمي ووقت الشاي يلاقيهم في نفس المناطق تقريبا ولكن متباعدين مع تفوق نوعي في العدد للوقت الشاي مثلا ..
النعيمي : اللاند مارك + السد +
ووقت الشاي : النصر + اللاندمارك + ابن عمران + محطة الوجبة الريان

اخلق لنفسك ماركة
ووقت الشاي تفوق على النعيمي في توحيد الزي الملكي للعمال والديزاين اللي صار معروف انه ديزاين وقت الشاي بعكس النعيمي اللي ماينعرف له ديزاين ..يعني ووقت الشاي سوى له ماركة مسجلة .

البقاء للمنيو الاقوى
منيو وقت الشاي افضل بكثير من حيث التنوع والخلطات بعكس النعيمي اللي ماشفت له منيو للحين كله شغالين على الذاكرة والحفظ ..

الزيون لايتنظر
الخدمة في وقت الشاي سريعة بعكس النعيمي اللي تقعد وترقد وتسولف لين مايجيك .

اترك الباقي لملاحظات الاخواااان

[العضو الماسي]

والي يقولك ... مايدري عنهم . بس أوقات فليل وأنا رايح الشمال ... أمر أخذ لي سندويتشات من معصره النعيمي الي في محطه الخيسه . ولا غيره أشوف ماعندهم سالفه مسوين زحمه على كوب شاي . ؟؟؟

[عـ العبيدلي]

والله بصراحه النعيمي انا اشوف لا يعلى عليه ..

المكس والكرك والحمر .. وله احلى بصراحه .. ما قدر جربت مكان احلى
جربت وقت الشاي
سااااعه لين يجيب لك الطلب ..
والشاي مب لين هناك .. ودوم يخربط لك فالطلب ..

[سداوي&مدريدي]

كرك النعيمي وبس وسألو بوحارب :nice:

[Qtr.Girl]

من ناحية الكرك الصراحه النعيمي ماله مثيل وسريع

لكن وقت الشااي خدمته بطيئه نوعا ما

جربنا عندهم السافليه اظن جي اسمه والله !!! عباره عن كيك جوكلت < مادري هاي اسمه ولا اخوي مألف علينااا :secret:


المهم انه لذيذ:victory:

[عـ العبيدلي]

^^
سوفلييه هع احلى شي عنده

[بـــــــنت النوخـّــــذه]

انا وايد استعجب من الشباب الي يشربون كرك من هالاماكن !!!!!!!

والله لو ينطق الكرك ماشربته منهم 00لا تعرفون من اي ماي مسوينه ولا اي حليب مستخدمين ولا اشلون النظافه 00ولا هالكوب البلاستك الي كله جراثيم ولا الكوب الزجاج الي من حلج لي حلج ومايندرى اشلون غاسلينه هل حد منكم قبل لايشرب يسئل هالاسئله : سألت اشلون يسوونه وشنهو الحليب الي يستخدمه والماي من وين الي يغليه هل مفلتر ولا على البركه 000:omen2:0عموما صحتين وعافيه والناس اذواق 00 0

[الـقـاسـي]

والله ياخوي اذا تبي الصدق لا النعيمي ولا وقت الشاي الكرك مالهم مضبوط اول يمكن كان اوكي بس الحين معاد فيه طعم وصرت اتجنب اطلبه اصلا من هالمحلات ..
في مطاعم صغار ويسوون كرك يقعد الراس من قلب ..

جرب المطعم اللي في محطه الفروسيه وعندك تذكار في العزيزيه .. بتعاف الكرك مال النعيمي ووقت الشاي ..

هالمحلات الناس يطلبون منها لانهم تعودوا عليها لا أكثر ..

واللي احسن منها كلها مال البيت ..

[Ussop]

النعيمي : اللاند مارك + السد + الريان + الخيسة

[خليدان]

في فرع لوقت الشاي في الوكرهـ بس اسمه فرش واي

وألحين مواجهة بيفتحون كرك النعيمي

[سـ ع ـود]

وقت الشاي السوفليه*مالهم يمحص**الكبد محاص :nop:

ويسد حتى مجرى التنفس من ثقله

*السوفليه:نوع من انواع الحلو فوقة توفي وكافي ثقيل

**يمحص:يحرق الكبد حراق :secret:

[Gh2o]

انا وايد استعجب من الشباب الي يشربون كرك من هالاماكن !!!!!!!

والله لو ينطق الكرك ماشربته منهم 00لا تعرفون من اي ماي مسوينه ولا اي حليب مستخدمين ولا اشلون النظافه 00ولا هالكوب البلاستك الي كله جراثيم ولا الكوب الزجاج الي من حلج لي حلج ومايندرى اشلون غاسلينه هل حد منكم قبل لايشرب يسئل هالاسئله : سألت اشلون يسوونه وشنهو الحليب الي يستخدمه والماي من وين الي يغليه هل مفلتر ولا على البركه 000:omen2:0عموما صحتين وعافيه والناس اذواق 00 0

الماي ماي حنفيه مغلي مافيه جراثيم يعني والحليب مركز والكبايات ورق تنرمي بعد الاستخدام وهي جديده يعني مافي مشاكل صحيه المشكله الوحيده السكر الي يدحبونه واثاراه على الصحه اكثر من الي ذكرتيه اختي

[وجه الخير]

وانا مجرب وقت الشاي بطيييييييييييييييييييء لدرجه ان اليهال عصبو ورقدو وقامو وهم لين الحين يمكن خذو لهم ساعه حشى مادري شطالبين
بس النعيمي والله زين في وقته و في اكله الا هذاك الخايس خسناا في السياره وهو لين الحين مايا:@

[همر]

النعيمي : اللاند مارك + السد + الريان + الخيسة + شارع بوكواره في البحرين :nice:




وقريبا في هارودز :nice:

[بوخالد911]

هلا

بحكم اني من مدمني الكرك
أفضل النعيمي على وقت الشاي

وألذ فروع النعيمي : السد + اللاند مارك

وقت الشاي : فرع بن عمران



وهناك كرك تذكار بالعزيزية

واللي سحب البساط من كرك النعيمي بالعزيزية
:victory::victory::victory:


متفق مع راعي الموضوع بنقطتي : تفوق وقت الشاي بالمنيو الشامل + ملابس العاملين


تحياتي قبل أن أشرب قلاصاااتي
:nice::):nice:
؛؛؛

مسيو / بوخالد911

[latty]

مع احترامي لكاتب الموضوع بس اشوف انه مايجوز تكسر في تجارة اخوك المسلم على حساب رفع دعايه لمحل اخر

مجرد راي والله يرضى عليك

[سـ ع ـود]

وقريبا في هارودز :nice:


النعيمي اللي في شارع البكواره تقليد مش تابع للي عندنا :shy:

[عاشق الشهادة]

شاي على المزاج رقم واحد :victory:بالنسبه لي وكرك النعيمي رقم 2 وعلى فكره كرك النعيمي الي بالعزيزيه له اسبوع مغلق والسبب ان احدى الزبائن كسر واجهه :eek5:المحل بسيارته .

[مطيع الله]

يا ترى وين جيل كباب شجاع؟:eek5:

اندثروا:secret:

أما النعيمي ووقت الشاي، فسامحونا:shy:

[غاليهم]

أول شي تسلم على الموضوع

اشوف انهم مب نفس قبل

تذكار اوكي الكرك عنده حتى يسوي كبتشينو مع كريمه 7 ريال بس

انا صرت اشرب من كاقتريا ملك المذاق في محطة عزيز يضبطه

وشاي اللي صوب البندر اخترب كلش طعمه

[rashid-1]

صراع العمالقة!!!!

اللي يسمعك يقول ستار بكس وكوستا كوفي

[Khaled Qatar]

جربو الزرقا اللي في المحطه ورا جامعه قطر

وبتنسون النعيمي وربعه

[kooool]

اشكر الاخوان على المرور والتجاوب ولكن ليس الموضوع المفاضلة بين الاثنين من حيث الكرك ..
اتمنى مناقشة النقاط المذكووووورة وعدم الخروج من صلب الموضوع

[عاشق الشهادة]

يا ترى وين جيل كباب شجاع؟:eek5:

اندثروا:secret:

أما النعيمي ووقت الشاي، فسامحونا:shy:



الله يرحم شجاع وابنه الحين من شغال هناك ابن شجاع الي الصغير ونسيبه وصار طعم اللحم لك عليه , وشجاع الله يرحمه على ايامه ماكان فيه كرك :nice: لان الكباب يبيله شي اقوى من الكرك علشان ينهضم ؟
وعلى قوله صديق لي من الدول العربيه انتم القطريين تشربون الشاي مع الحليب بكثره وفي جميع الاوقات ايش السبب قلت له عاده قال لا الظاهر عندكم نقص بالكالسيوم يوم كنتم اطفال :secret:

[FAUCHON]

مافي عقب النعيمي ..~

[بوخالد911]

شاي على المزاج رقم واحد :victory:بالنسبه لي وكرك النعيمي رقم 2 وعلى فكره كرك النعيمي الي بالعزيزيه له اسبوع مغلق والسبب ان احدى الزبائن كسر واجهه :eek5:المحل بسيارته .

هلا

الأخبار اللي عندي تقوول : سيارة العاملين هي اللي دشت عليهم بالكااامل :omg:
وحدوث اصابات بسيطة بمن كان بالداخل

[&بوشهد&]

كرك النعيمي هو الافضل في نظري

[ANONYMOUS]

صراع العمالقة!!!!

اللي يسمعك يقول ستار بكس وكوستا كوفي


هههههههههههههههههههههههههههههههههه

بس للامانه

انا افضل الكرك .. على الخلطات لخرطيه اللي يبيعونها في ستاروكوستا

مكس له صنفين او 3 من الخرابيط ودحبه شكر وسما لقلاص خربطشينو

وباعه ب 18 ,,

وياجوج ماجوج يشربون اي شي في شينو اخر شي

[بوحارب]

مرحبا اخوي كووول

والله ياخوك الكرك يبيله واحد مزاجة يكون اوكي عشان يضبطه لك

اروح عند النعيمي واروح عند وقت الشاي ومب كل مرة اشرب كرك حلو

بعض الأحيان يكون بارد وحزات كله سكر واحيانا ماااااصخ :anger1:
ونادر ما يكون كرك يجيب الراس وتحس بطعم الشاي الأصللي :(


على العموم اذا تبي كرك مضبوط عندك الديبل في السد جربه مرة بتروح له كل مرة هع ع ع ع ع :victory:



كرك النعيمي وبس وسألو بوحارب :nice:

اكيد وهو غني عن التعريف :) توني جاي من هناك مع ان الجو حاااار :(

[ابو مشعل]

النعيمي اعتقد انه الان في الوكره ايضا ..
بالخط الاصفر

قريبا الافتتاح :)

[بوخالد911]

النعيمي اعتقد انه الان في الوكره ايضا ..
بالخط الاصفر

قريبا الافتتاح :)

بليييز

عطني الموقع بالضبط

لا هنت:nice:

[al-vtc]

انا اقووووووووول

تذكار اللي في العزيزية:victory: ماله منافس بصراحه

كرك ولا اروع :omen2:

لا تقول وقت الشاي ولا النعيمي ولا حتى الديبل

حسستكم انه المطعم لي هع هع هع

لا بس انا يوميا عنده عليه كرك لا يعلى عليه بصراحه:omen2:

[La Bella]

الكرك الصج عند الكفتريا الي عند سوق العسيري مقابل شركة حماية
روح العصر الساعة 4 شوف الهنوود شلوون مضارب علية

[ابو مشعل]

بليييز

عطني الموقع بالضبط

لا هنت:nice:

مممم
صراحة يالغالي نسيت اسم الشارع الرسمي ههه
لكن هو الخط الاصفر
اللي فيه محلات العازل الحراري
جونسون ولومار
والشارع اللي فيه ماكدونالد ..

مقاااابل ( فرش واي ) تحصله :)

اتمنى اني افدتك .. مع اني ما عتقد :tease:

ههههه ان شا الله الافتتاح يكون قريب ^_^

[عزووز قطر]

الشي المميز في كرك النعيمي (( اللاند مارك )) انك تشوف ناس من زماااان ماشفتهم ..

وصار ملتقى الشباب ..

وشغلهم مزاجي مرات يكون مضبوط ومرات بااااارد

[الموضوعي]

بناء على نصيحة الأطباء لا اشرب الكرك لأن حليب ابو قوس مضر بالصحة

[الأصيلة]

يعني صعب لهذه الدرجة الكرك
مافيه أسهل منه ..
اشربوه في البيت على الأقل نظيف ومضمون...

[JN000N]

قريت الردود كلها

اما المكان اللي طحنا عليه انا واخوي محد وصل له لحين كااااك

حلاته عشان اروح براحتي ولا انحكر بالزحمه

وخلكم على وقت الشاي والنعيمي وككك

[الهملة111]

احسن من شاى البيت ماتحصل شاى لنعيمي يحط به بزار الاكل

[abu abdulla]

نصيحه لوجه الله انتبهوا من الكرك والحليب الرنبو ترى يرفع الكليسترول وله تاثير على الكلى الله يعافينا وياكم من كل شر

[حبر سري]

والله ياخوي اذا تبي الصدق لا النعيمي ولا وقت الشاي الكرك مالهم مضبوط اول يمكن كان اوكي بس الحين معاد فيه طعم وصرت اتجنب اطلبه اصلا من هالمحلات ..
في مطاعم صغار ويسوون كرك يقعد الراس من قلب ..

جرب المطعم اللي في محطه الفروسيه وعندك تذكار في العزيزيه .. بتعاف الكرك مال النعيمي ووقت الشاي ..

هالمحلات الناس يطلبون منها لانهم تعودوا عليها لا أكثر ..

واللي احسن منها كلها مال البيت ..

:thumbup:

[غزلان]

احسن من شاى البيت ماتحصل شاى لنعيمي يحط به بزار الاكل



:eek2:


:eek2:

[شنب]

متى نقدر نشوف اليوم اللي يسون فيه ربعنا مطاعم قطريه مشهوره و تنحط في مكان كنتاكي و ماكدونالد(في المجمعات)
اللي وين ما نروح نلقاهم .. كـأنه مافي مطاعم غير هالمطاعم

تخيلوا لو يفتحون لنا مطعم و يسوي كرك بالفنيليا مثلاً:eek5: او شي يديد و حلو:nice:

[أم جود]

النعيمي : اللاند مارك + السد + الريان + الخيسة+ ورا جمعية الميرة الهلال

[بوحارب]

يعني صعب لهذه الدرجة الكرك
مافيه أسهل منه ..
اشربوه في البيت على الأقل نظيف ومضمون...

كلامج صحيح

وهذا الكرك انه مسويه لربعي على ايام العنه والدلة ما تقعد نص ساعة


http://www.7mmlbs.com/img/HO890301.jpg (http://www.7mmlbs.com/)


:thumbup:

[ريــــــــان]

ااتوقع سبب نجاحهم هو ادمان اهل قطر على الشاي

لو يفتحون معصره جديده وبدون اسم بس تبيع كرك بنشتري :p

[الأصيلة]

كلامج صحيح

وهذا الكرك انه مسويه لربعي على ايام العنه والدلة ما تقعد نص ساعة


http://www.7mmlbs.com/img/ho890301.jpg (http://www.7mmlbs.com/)


:thumbup:

تسلم يدك يابوحارب وبالعافية...
بس لونه فاتح حلاته غامق وريحة الهيل تفوح منه...

[وهم قطر]

الحمدلله عمري مامريت اي من هالاماكن الي انذكرت ولا عمري شربت الكرك

حياتي مع كرك من حليب الابل أو الغنم أو بقر

المقادير : 3 اكواب من الحليب المذكوره يضاف له 2 ملعقه كبيره من السكر 2 ملعقه صغيره من شاهي ورق بودره يترك لحد قبل التفويحه وينشال حتى لايتقطع وبالهناء والشفاء

[الأصيلة]

اخذوا هالخلطة اللي تعدل المزاج وتحس وانت قاعد تشرب الحليب
انك قاعد بروضه خضراء والجو مغيم وجنبك الغدير يشرح الخاطر...
حليب مراعي ( كامل الدسم أو قليل الدسم ) حسب الرغبة..
ملعقة شاي ايرل جراي، وملعقة شاي الفطور الإنجليزي من نفس الماركة
( ويمكن استبداله بشاي ليبتون أو ريدليبل )
وقليل من السكر
ويترك يغلي مدة ليست بالقصيرة..
ثم يصفى ويشرب كأن توه محلوب من الغنم ...

( ناخذ علبة حديد صفراء من شاي ايرل جراي،
ونفس الحجم شاي الفطور علبه حديد أحمر
ونخلطهم في علبة وحده ونستعملها عند عمل الحليب...)

[CH Engineer]

النعيمي : اللاند مارك + السد + الريان + الخيسة+ الغرافه

+ كرك النعيمي اسرع ويشوفك ويعرف طلبك
وقت الشاي بطيئ ويطووووووووووول وعادي ينسى الطلب...

واخيرا الكرك مب مفيد :(

[The Master]

هالموضوع في الحوار العام ولا في الاستراحه ولا قسم مطبخ النسوان؟؟؟ :con2:

اخلصت المواضيع وقعدتوا اتكلمون عن الكرك؟؟... :secret:

لا وزحمة بعد...والكل متفاعل...ويشارك...ويعبر...ويقول الصدق...احم

الله ينور... :playball:

[The Blade]

غلطان ياخوي قصدك ماركه مسجلة لتجمع الشباب لا اكثر ولا اقل وخلنا نقول مكان استراتيجي . لا اكثر ولا اقل , ومثل ماذكر اخوي ( الـقـاسـي )

وكرك النعيمي ووقت الشاي = معلم وطني في دولة قطر :) << كثر منها , صار الي يجي الدوحه من الدول المجاوره يقصد هذا المكان علشان يشوفه مب علشان الكرك!

[شنب]

هالموضوع في الحوار العام ولا في الاستراحه ولا قسم مطبخ النسوان؟؟؟ :con2:

اخلصت المواضيع وقعدتوا اتكلمون عن الكرك؟؟... :secret:

لا وزحمة بعد...والكل متفاعل...ويشارك...ويعبر...ويقول الصدق...احم

الله ينور... :playball:

انزين الله يهديك انت ليش زعلان؟
يعني لازم نكتب موضوع يتكلم عن شي سلبي عشان الكل يشارك؟

لازم تكون المواضيع متنوعه و تتكلم عن اكثر من شي عشان الواحد ما يزهق من المنتدى

و لا تزعل من كلامي :)
محبك شنب

[ابو محمد7]

بصراحة الشباب مكبرين موضوع الكرك ولا هو شي عادي جدا

الهندي يحط خيشة سكر في كل كوب والكل مستانس

انا اشربه يمكن بالشهر مره

نصيحة الكل يحاسب من السكر ويتأكد من نظافة الاماكن اللي تسوي الكرك وحتى حليب ابو قوس كان في تحذير منه وسمعت مره ان حتى طريقة التحضير وحرق الشاي ممكن يكون لها اضرار

الواحد اهم شي عنده صحته , صدقوني مافي شي احسن من العصير الطبيعي (بدون اضافة سكر) والواحد يروح يمشي له نص ساعه بدل الدوارة بالسيارة 10 ساعات وشرب الكرك

كثير من الاشياء مثل الوجبات السريعه ولا المشروبات الغازية اذا الواحد يخفف منها وياكلها مرتين ولا ثلاث في الشهر اضرارها تكون اقل طبعا ولكن المصيبة في الناس اللي كل يوم يشرب كرك ويمكن مرتين وثلاث وغير بيبسي ولا اثنين في اليوم وغير الوجبات السريعه ايضا يوميا

هذي نصيحة وكل واحد حر باللي يسويه

[اخر العنقود]

جربوا كيك السوفله من وقت الشاي

دلييشز

بشرط!! تذكرووني

[قطري هامور]

وقريبا في هارودز :nice:

ههههههههههههه تخيل عاد يفتح محل كرك بهارودز بكم يصير سعر الكوب ؟ اعتقد بالصيف يوصل 7 باوند يعني 26 ريال

[meme~qatar]

الزين يفرض نفسه

[قطري vip]

الــــــــــــــــــديبل وبس اللي بالسد لا النعيمي ولا وقت الشاي كلهم خرطي وسكرهم اتحسهم ابلاش ماخذينه

من كثر مايحطون سكر

[بوحارب]

جربوا كيك السوفله من وقت الشاي

دلييشز

بشرط!! تذكرووني
استغفرالله

الله يعز النعمه بس :no2:





تسلم يدك يابوحارب وبالعافية...
بس لونه فاتح حلاته غامق وريحة الهيل تفوح منه...

الله يسلمج

اللون الغامق يكون ثقيل على الجبد شوي وقلاص واحد يغثينا

لكن الفاتح يكون خفيف وولو تشربين نص دلة يكون خفيف على الشبد :eek2:

[sweet_lemon]

مساك الله بالخير اخوي كوووول

اولاً تسلم على موضوعك الشيق

نقاطك جداً مهمه اخوي ..

بس من وجهة نظري .. كرك النعيمي تفوق على وقت الشاي

صج النعيمي ماخلق له ماركه او زي موحد .. مع اني اشوف الموظفين اللي ياخذون ويقدمون الطلب لابسين نفس الزي .. اللي هو القميص الابيض والكبوس اللي على راسهم ..

بس النعميمي تفوق على غيره بكثرة الزباين والسمعه خااااااارج البلاد .. انا سمعت واستغربت ان ناس هني في البحرين يعرفون كرك النعيمي ولما يروحون قطر لااااااازم يمرون عليه ..

امممممممممم .. في نقطه مهمه بعد كنت ابي اتكلم عنها ..

اي كرك النعيمي في اي وقت ماشاءالله تحصل عنده ناس .. بس وقت الشاي مب وايد ..

انا جربت الاثنين خلال زيارتي الاخيره لقطر .. بصراحه النعيمي عجبني اكثر من الوقت .. اذا ماكانت المقارنه بين الاثنين .. لان بعد الزرقا شايهم حلو وله زباين .. الوثت ممكن يجيدون اشيا ثانيه انا ماجربتها .. لكن الكرك اللي يسوونه مب مثل النعيمي ..

النعيمي بعد اقدم من الوقت .. يعني له تاريخ وسمعه اكثر من الوقت ..

بسس .. في منافسين في السوق وايد بدوا يطلعون .. واذا النعيمي حب انه يحافظ على مكانته وسمعته بين الناس ومايخلي المنافسين ياخذون سوقه .. لازم يسوي له .. اممممممم .. شيقولون عنه؟ والله مب قادره تطلع الكلمه .. ممكن نقول theme خاص فيه يتميز فيه المحل .. لان كل محل او كل مشروع له طابع يميزه .. وهذا اللي لازم يسويه النعيمي عشان يتميز عن غيره من محلات الكرك ..

اتمنى اكون شملت كل النقاط اللي تكلمت عنها اخوي ..

سامحني على الاطاله

وسامحني على القصور

[المغروره]

كرك النعيمي شي لايوصف الدليل حتاا الدول المجاوره عاجبهم

[حليتان*]

ياااريال في الخور طوابير في الفرضه عشان الكرك ..ولكن ساعات يحرون لك الشرطه ....في ذمتكم شفتو ثبوت فـ فرضه؟:(

[fahad ..gh]

يا ترى وين جيل كباب شجاع؟:eek5:

اندثروا:secret:

أما النعيمي ووقت الشاي، فسامحونا:shy:

الله يرحمه هو و ولده اعتقد الكبير الى كمل مشوار ابوه..الله يرحمهم و يغفر لهم..

الله يذكر ذيج الايام بالخير..

[بوحارب]

توها خدامتنا مسوية لي كرك ماااااله حل ابدا :yes:


ياااريال في الخور طوابير في الفرضه عشان الكرك ..ولكن ساعات يحرون لك الشرطه ....في ذمتكم شفتو ثبوت فـ فرضه؟:(

عادي وهذي فرصتهم لصيد الشباب

امس دوريتين يحومون صوب كرك الاند

وواحد منهم قاعد يطالعني بنظرات شريرة:p بس زين طلعت بسرعة

مع ان مافي شي على موتري غير التنزيلة بس :eek2: