سؤال محيرني ولم اجد له جواب.....فهل اجد عندك الجواب

[مشاكل]

السلام عليكم ورحمة الله وبركاته

نشهد في السنوات الاخيره ازدياد مضطرد لعدد النساء اللواتي يقدن السيارات
وقد يصل الامر في الوقت الحالي او على المدى القريب والقريب جدا الى تساوي اعداد النساء السائقات للسيارات بأعداد الرجال
وفي بعض الاحيان تجد نفسك تمشي في سيارتك في احد الشوارع محاطاً بالنساء السائقات وخصوصا عند الذهاب الى العمل
ليس هذا موضوعنا
الموضوع او بالأحرى السؤال اللي مسبب لي حيره ولم اجد له جواب حتى هذه اللحظه

على كثر هالحريم اللي يسوقون ليش مانشوف حوادث للنساء مقارنة بالشباب
او مثلا يعني بعيد الشر تسمع عن حادث صار لبنت تسوق وماتت او حالتها خطره مثل مايصير مع الشباب....نسأل الله السلامه للجميع
لحد يجيني ويقول ان البنات اكثر التزام بقواعد المرور .... كثير من البنات في هالوقت وخصوصا لصغار يسرعون ويسابقون ويخالفون الا من رحم ربي
ولحد يقول انهم مايقبضون خطوط....البنات الحين شغالين في سلوى ولفان ومسيعيد وحياتهم كلها خطوط....هذا غير سواقتهم في الطرق السريعه اثناء الاجازات والرحلات والزيارات وغيرها
يعني بختصار مثلها مثل الشاب الا شي بسيط

اتمنى منكم المشاركه الهادفه والتي ربما قد اجد من خلالها جوابا لسؤالي

[al-vtc]

انا اقول عليهم حظ مب صاحي:eek5::tease:

[hamoor4ever]

نسبه السائقات اقل بشكل كبير
ثاني شي نسبه السواقه عند المراه اقل يعني الشاب يسافر يروح رحلات سيلين وغيره يودي عياله المدرسه وغيره وغيره مقارنه بالمرأه غالبا من الدوام والى البيت فقط

اعتقد لو كان عددهم مثل الرجال كان شفت الحوادث بشكل كبير جدا

[نمـر]

ما اعتقد الحريم يكون تفكيرهم في السباقات والسرعه في السيارات نفس الشباب

[بوجبر]

متقيدين بقواعد وانظمة المرور

ومطبقين مبدء توقع اخطاء الآخرين

[ولد العديد]

ياخوي مافي مقارنه سواقة الشباب تهور وسرعه جنونيه البنت وين تقدر تسوق سرعات جنونيه والله يطيح قلبها لو تسرع عادي 140 او 160 بدون تهور ماسكه خطهاالشباب لا مسابق ويزرق بين السيارات بسرعات خياليه لو غلطه رحت عليه وسيارت مزوده مافي شي مب مركبه على الموتر وين البنت بتزود وبعد شي ثاني البوالين تساعد على الحوادث
اليهال الي 16 و 17 و 18 توهم يتعلمون بسم الله الرحمن الرحيم في السواقه يطير ويستعرض ويتسابق مع اي واحد بالطريق

[بويوسف]

مازالت سواقة الحريم الاقل .. بالإضافة الى ان النساء تتقيد بالقوانين المرورية وعدم السرعة بشكل افضل من الشباب ..

احنا الله يفكنا من المتهورين والطايشين ويعقلون في سواقتهم بنكون بخير .. ولاتنسى التكاسي وباقي الجنسيات العزابية ..

[عربسات]

اول شي قولوا كلكم ماشاءالله ....والدتي صار لها تسوق حروة ال20 سنه من اول القطريات الي ساقوا في البلاد ذاك الوقت وكان ممنوع

ماشاءالله ماشاءالله ما سوت حادث مروري غير مره وحده من سنتين والغلط ما كان منها ماشاءالله الله اكبر هههههههههههه

وانا صار لي 10 سنيين اسوق مسوي 50 حادث ومكنسل موتر وقالب بس الحمدلله ما في وفيات هههههههههه الله يبعدك عن الحوادث كلكم قولوا امييييييييييييييين

[al-vtc]

اول شي قولوا كلكم ماشاءالله ....والدتي صار لها تسوق حروة ال20 سنه من اول القطريات الي ساقوا في البلاد ذاك الوقت وكان ممنوع

ماشاءالله ماشاءالله ما سوت حادث مروري غير مره وحده من سنتين والغلط ما كان منها ماشاءالله الله اكبر هههههههههههه

وانا صار لي 10 سنيين اسوق مسوي 50 حادث ومكنسل موتر وقالب بس الحمدلله ما في وفيات هههههههههه الله يبعدك عن الحوادث كلكم قولوا امييييييييييييييين

ما شاء الله لا اله الا الله
الله يطول بعمرها ياخوي
ويخليها لكم

[المغروره]

انا اشوف بنظري ان المراه اصبحت كا الرجل بجميع الجهات تعتمد ع نفسهااا
بدل السائق
وبدل الزوج الذي بالدواام او بنشغالات الوقت
لكن ارى ان المراه حريصه مو بالسواقه وبس حريصه حتا بعيالهاا
شكراا اخوي لطرحك هذا الموضوع الطيب

[الراقيه سبشل]

ههههههه شاللي قاهرك انزين

لو رحت على ادارة المرور وشفت السجلات بتلاحظ انه نسبة حوادث الذكور اكبر من الاناث

وناهيك تقيدنا بالقوانين والتزامنا بالسرعه المحدده

وخروجنا بالسيارة بيكون للاسباب مهمه واساسية .. مهب مثل الشباب 24 ساعة وبدون هدف معين بالشارع

تعلمو منا ؛p

[الصريحه]

عددهم اقل واكثر التزام

[K.A]

الحريم يسوقون وهم خايفين

[Arab!an]

بخصوص الحوادث القوية والمميته .. دايما تكون في الشوارع السريعه او الخارجية

والمرة نادرا ماتطلع خارج المدينه

الحوادث البسيطة .. (يعني اذا خذنا النسبة والتناسب) اتوقع بيكون في تساوي بين الرجل والمرأة هذا اذا ماكانت المرأة اكثر

[العقل المدمر]

اتوقع ان مازالت نسبه الرجاجيل اكبر بوااااايد من الحريم اللي يسوقون
وغير هاي الشباب عندهم هوايات وطلعاتهم اكثر بعد :yes:

[باسكن روبنز]

اغلبية الحريم مالهم حايه يسوقون ،
بس تكشخ وفشخره ودواره بالمجمعات مع رفيجاتها ،

وللاسف حتي لو بنقول نبي شروط من ادارة المرور على هالفئه الكبيره لمنعهم من السواقه ،
بس بنشوف اهاليهم يدبرون لهم طرق وتحايل على القانون ليعطون بناتهم اللياسن ،


والدوحه صغيره والكل ملاحظ هالشي ،

[مشاكل]

انا اقول عليهم حظ مب صاحي:eek5::tease:

اكثر الأجوبه واقعية:thumbup:

[بلوتنيوم]

هذا نفس موضوع ثاني مطروح
يبيلهم دمج
الظاهر شاغلينكم البنات الى يسوقون:looking:

[missperfect]

السلام عليكم ورحمة الله وبركاته

نشهد في السنوات الاخيره ازدياد مضطرد لعدد النساء اللواتي يقدن السيارات
وقد يصل الامر في الوقت الحالي او على المدى القريب والقريب جدا الى تساوي اعداد النساء السائقات للسيارات بأعداد الرجال
وفي بعض الاحيان تجد نفسك تمشي في سيارتك في احد الشوارع محاطاً بالنساء السائقات وخصوصا عند الذهاب الى العمل
ليس هذا موضوعنا
الموضوع او بالأحرى السؤال اللي مسبب لي حيره ولم اجد له جواب حتى هذه اللحظه

على كثر هالحريم اللي يسوقون ليش مانشوف حوادث للنساء مقارنة بالشباب
او مثلا يعني بعيد الشر تسمع عن حادث صار لبنت تسوق وماتت او حالتها خطره مثل مايصير مع الشباب....نسأل الله السلامه للجميع
لحد يجيني ويقول ان البنات اكثر التزام بقواعد المرور .... كثير من البنات في هالوقت وخصوصا لصغار يسرعون ويسابقون ويخالفون الا من رحم ربي
ولحد يقول انهم مايقبضون خطوط....البنات الحين شغالين في سلوى ولفان ومسيعيد وحياتهم كلها خطوط....هذا غير سواقتهم في الطرق السريعه اثناء الاجازات والرحلات والزيارات وغيرها
يعني بختصار مثلها مثل الشاب الا شي بسيط

اتمنى منكم المشاركه الهادفه والتي ربما قد اجد من خلالها جوابا لسؤالي




انا اقول عليهم حظ مب صاحي:eek5::tease:











روحوا مستشفى رميله وبتشوفون الحالات بعيونكم ، واسألوا عن الحلات الي جاتهم وراحوا الخارج للعلاج وماردوا ، واسألوا عن الي طلعوا من المستشفى لأن مافي أمل من علاجهم


أسأل الله العظيم رب العرش العظيم أن يشفيهم بأقرب وقت يااااارب

[missperfect]

اسمحوا لي عالمداخله لأنكم قهرتوني بالردود الي ماادري شااقول عنها

اذا أنتوا ماتعرفون شي لاتكلمون

المرة الي تسوق هي مجبورة عشان تقضي مشاويرها بنفسها ،، إذا هي مب متزوجه وفي بيت اهلها وماعندها سايق من بيقضي مشاويرها اذا ماعندها حد فاضي لها كلن لاهي في بيته ،، وإذا متزوجه وريلها مب فاضي كله بشغله والا لاهي بأمورة الخاصه وماموفر لها سايق وشلون بتقضي مشاويرها ومشاوير عيالها ..... ترى صج شي يقهر ولا وتقولون عندها حظ يكسر الصخر أنا اقول الي يتسابق ويلعب بالشارع ومايصير له شي هذا صج عنده حظ يكسر الصخر أما الي يمشون بحالهم هم المساكين ربي يعنهم (( تراني ما اسوق وماعندي ليسن )) بس أدافع لأن هاي واقعنا ومحد ينكر

[نور اعيوني]

المره حتى لو تسرع بس مب نفس سرعة الشباب الله يحفظ الجميع..
انا الحين بتكلم عن نفسي عشان محد يقول لا تعمين انا اسوق وحتى اذا اسرعت ما اتجاوز 100 لان بصراحه اخاف واصلا بشكل عام المره لما تسوق يكون فيها خوف من ان حد يمكن يلف عليها او تطلع في ويه حد عشان جئ تلاقون الحريم يحاسبون شوي في سواقتهم..

[خوي الشوق]

انا اقرا الموضوع اتخيل لو الشارع يخلى من الاجانب صدقوني بيتساوى عدد الرجال القطريين بالنساء القطريات ودام بعض الرجال يعتمدون على حريمهم في كل الامور من اعيال واغراض البيت والرجال همه مجلسه وسفراته اتمنى هالنوعيه ماتجيهم زوجه تسوق ياريت يعتمدون على انفوسهم ادري اني خرجت عن الموضوع شوي

[ام علاوي]

اول شي قولوا كلكم ماشاءالله ....والدتي صار لها تسوق حروة ال20 سنه من اول القطريات الي ساقوا في البلاد ذاك الوقت وكان ممنوع

ماشاءالله ماشاءالله ما سوت حادث مروري غير مره وحده من سنتين والغلط ما كان منها ماشاءالله الله اكبر هههههههههههه

وانا صار لي 10 سنيين اسوق مسوي 50 حادث ومكنسل موتر وقالب بس الحمدلله ما في وفيات هههههههههه الله يبعدك عن الحوادث كلكم قولوا امييييييييييييييين


مشااااااااااااء الله عليها الله يخليها ويحفظها..

[باسكن روبنز]

بعض العضوات خذو الموضوع بحساسيه على ردود بعض الاعضاء ألي مالها داعي ،

الله يحفظ الجميع من مكروه الحوادث ، كفايه ماصادنا وكل واحد فينا اكيد راح عزيز على قلبه عن الدنيا والسبه هالحوادث ،
الله يكافيكم الشر جميعاً ،