شكرا للمخترع القطري...ولكن

[احلام الدوحة]

مساء الخير اخواني الاعزاء مثل ماتعرفون مخترع قطري عمل برنامج لزيادة الرقم في الاسماء وعدم استخدام البرنامج قبل 28/7 سؤال يطرح نفسة الاخ عنده موقع وفيه قاعدة بيانات هل نضمن ان الاخ صاحب الاختراع لايحتفظ بنسخة الاسماء الخاصة بنا بعد استخدام البرنامج،،ان بعض الظن اثم بس الحيطة مطلوبة وشكرا

[عزتي سمو ذاتي]

اووووو بيحفظ رقم من وإلا من وحتى لوحفظ الرقم خير ياطير مافيها شي إلا مجرد رقم

لوكنتي تقصدين عشان ارقام البنات كل بنت تقدر تتعامل مع اي رقم غريب جايها ولايقدر يسوي شي بهم

الشخص يخاف من الصور من الفيديو من هالسوالف بس أرقام اشوف الموضوع عادي إي ازعاج عطي احد من شباب البيت وانتهى الموضوع
أو ماله داعي الوحدة ترد على رقم ماتعرفه خله يرن لين مايتعب مرده بيمل ومااحد بيتصل .. والله يحفظ جميع بنات إن شاء الله

[al-vtc]

اووووو بيحفظ رقم من وإلا من وحتى لوحفظ الرقم خير ياطير مافيها شي إلا مجرد رقم

لوكنتي تقصدين عشان ارقام البنات كل بنت تقدر تتعامل مع اي رقم غريب جايها ولايقدر يسوي شي بهم

انا اشهد :victory:

واللي يبي الدح ما يقول اح

[عزووز قطر]

والله الرجال مسوي خدمة لوجه الله ..

اللي له خاطر ينزل البرنامج واللي خايف مب مجبور

[al-sadd]

يعني جزاه الله الف خير
ماقصر الرجال وحاب يساعد الناس
وانتي بموضعج هذا بتشككين العالم
بعض الضن اثم
ع العموم نفس ماقال اخوي عزوز قطر
الي يبي ينزله هذا هو موجود
والي مايبي بكيفه يقعد يرتب الارقام من اول

[إينشتاين]

شلون اقدر انزل البرنامج ؟؟

والله بيفكنا من العباله

[GULFSUN]

السلام عليكم

البرنامج تنزلينة في جوالك
بعدين تسوين تثبيت للبرنامج على الجوال بدون اتصال يعني من جوالك الى جوالك

بدون اتصال بالموقع

امان والله كفيلك

توكلو على الله :) :nice:

انا نزلته على جوال احتياط نسخه من جوالي وغير جميع الارقام جزاه الله خير
بستخدمة في الموعد المحدد

[الصريحه]

افضل لللي يخاف يخليه للشباب احسن

[الراقيه سبشل]

شنوو يعني حتى لو احتفظ بنسخه؟

يعني شيبي بأكثر من مليون رقم؟ وحتى شكله المسكين ما اهتم للاسامي كثر ما اهميتي بموضوعج هاي

وماااا اسهل التطنيش!

[بيانو]

من أين نقدر نستفيد بهذه الخدمه

وبالتوفيق للأخ الذى اخترع وابتكر هذه الفكره

والمفروض ندعمه مش نظن فيه

[FULL]

الاولى ان شركات الاتصال كيوتل وفودافون توفر البرنامج ... او المجلس الاعلى للاتصالات
علشان يكون رسمي ومضمون

وما اعتقد برمجته صعبه ... ماتاخذ يوم بالكثير

[قطر دزاين]

اللي على راسه بطحه يحس فيها

الرجال اخترع وقدم الخدمه لكم وتشككون فيه يا سبحان الله لو هندي المخترع او جنسيه ثانيه ما سألتو ها السؤال

[fhd4]

البرنامج يغير الارقام اللي في الجوال بدون ما يرسلها لأي مكان ...

[Grnas]

أعرض الكود اللي برمجه حق مبرمج وهو يقول لك ايه ولا لا

http://github.com/alotaiba/Qontacts--iOS

[الداعي]

اخواني ادخلو على هالموقع بمتصفح الإنترنت اللي في جوالكم

http://www.qontactsapp.com/download

وهو بنفسه بيتعرف على الجوال ويطرشلك البرنامج اللي يغير البرنامج

انا جربت اكثرمن برنامج لكن هاي اقوى واحد فيهم وجربتهم على اكثر من جوال عندي منهم نوكيا وآي فون وبلاك بيري وكلهم اشتغل فيهم تمام وصار فيهم التغيير.. وبصراحه الرجال مسوي خدمة لوجه الله ولو يبي يبوق والا شي كان ماعرض الكود مال البرنامج!

ربي يوفقكم

[FAUCHON]

اسمحولي ما اظن مخترع بيكون تفكيره سطحي لهدرجه

ومثل ما قالو الاخوان والاخوات

بيحفظ رقم من ولا من !!!!

واللي شاك لا ينزل البرنامج كل ابوه رقم غيره كل ما بغيت تتصل في حد وانتهي الموضوع

احترامي

[almaf1a]

على حد علمي كيوتل راح ترسل برنامج لعملائها يضيف رقم

[هند88]

مسكين زين سوا فينا خير
الحين الي يبي يطلع رقم حد مو صعبه المسأله :secret:

[The Blade]

مرحبا,
ياحبذا لو بدل مخترع تكون مبرمج افضل :)

بالنسبة لحفظ الارقام ماله دخل المبرمج نزل التطبيق على جوالك والتطبيق راح يعمل على جوالك حتى لو الانترنت غير متصل , فكيف راح ياخذ نسخة من الإرقام؟

وان شاء الله الشباب الي برمجوا هذه التطبيقات فيهم الخير ومحد منهم يفكر ان شاء الله يعمل هذه الطريقة.

[Salman911]

اذكر انه في الجريده كان مكتوب انه حاط
كود البرنامج في الموقع للي يبغي يعدل او يطور في البرنامج
يعني لو في شي ماكان حط الكود للناس

[بوخالد911]

لا


ما في داعي للخوف أبدا

[Grnas]

فكرة ثانية. لمنع اللي يحصل.

شيل السيم كارد وافصل الوايرليس وروح شغل البرنامج واعمل التحديثات وبعد ما يتعدل دليل الأسماء امسح البرنامج وركب السيم كارد من جديد (طبعاً أنت بكذا بتطفي الجوال ويروح أي ذاكرة في الجوال تتخزن مؤقتاُُ)
ما أظن فيه طريقة ثانية انه تثبت أنه ما بيسوي لك البرنامج شي.


اذكر انه في الجريده كان مكتوب انه حاط
كود البرنامج في الموقع للي يبغي يعدل او يطور في البرنامج
يعني لو في شي ماكان حط الكود للناس

شوف ردي السابق .. حطيت فيه اللنك

[الحجاجي]

والله حالة

ومشكلة اللي ما يعرف في البرمجة
ولا في التطبيقات والبرمجيات

ويقعد يألف ويحلل على كيفه

ويشكك الناس على حسب فهمه ..

/

كل مافي الموضوع
ان الشخص يدخل من جوالـه على الموقع المذكور
عشان يتعرف الموقع على نوع الجوال فقط
ويقوم بتحميل البرنامج المتوافق مع نوع الجوال .. ( عشان يشتغل )

يعني بالعقل بينزل برنامج واحـد يشغل كل انوا ع التلفونات مستحيل
كل تلفون برمجته مختلفه ..

بعدها الشخص ينزل البرنامج في جواله

وينقطع اتصاله بالانترنت نهائياً ..

وخلاص التغيير يصير في الجوال
من البرنامج اللي في الجوال

ماله أي ارتباط بالموقع ..

/


شيء ثاني
الناس اللي خايفه

هذي كيوتل نزلت برنامج تروح تاخذه

وأعتقد انه نفسه


كل الود

[محمد2]

اللي على راسه بطحه يحس فيها

الرجال اخترع وقدم الخدمه لكم وتشككون فيه يا سبحان الله لو هندي المخترع او جنسيه ثانيه ما سألتو ها السؤال


:nice::nice::nice:

[almaf1a]

على حد علمي كيوتل راح ترسل برنامج لعملائها يضيف رقم

تم ارسال الروابط للعملاء
وان شاء الله التفعيل في 27 -7
شكرا كيوتل

[Fm80]

مسكين هذا جزااه..هاي وسواس ولا ايش..قلة المواضيع الله يهديج

[باسكن روبنز]

مب مجبوره تستخدمين البرنامج اختي ،

قعدي سوي تعديل في الاسماء وزيدي الارقام بنفسج ،

لكن ماله داعي تحسسين الناس والاعضاء الخليجيين انه شباب قطر ماوراهم الا المصايب بهالشكوك ،

ولو فيه خلل بالموضوع كيوتل ماطرشت لكم البرنامج من الاساس ،

شدي حيلج في التعديل ،




:)