استفسار..واتمنى الكل يدخل ويفيدني

[مختصة]

السلام عليكم ورحمة الله وبركاته
اخوي عنده ارض..ويبي يبنيها هو مع صاحبه
الارض مساحتها 1200
هبه من الدوله
وباسم اخوي
هل يقدر يبنيها فلتين له ولصاحبه؟؟
ولازم يكونون مشبوكين في بعض
او عادي يكونون مستقلين عن بعض
وصاحبه طلع له القرض تبع البناء
هل يقدر يبني في ارض اخوي بالقرض..
او لازم يبني بحسابه الخاص..

وشنهي الاجراءات الواجب عملها..
اتمنى تفيدوني..
واكون شاكره لكم..

[a7med0_0]

اخوج يقدر يبني فلتين ويسكن وحده واتاجرالثانيه او يبيعها بطريقه دبلومسيه
بس اشلون رفيجه بيبني على ارض هبه من الدوله لاخوج ماظنتي يصير
ماراح يرضون بنك التنمية على ان يعطوه قرضهم دام الارض موب حره وموب باسمه
والله أعلم وممكن الشباب يفيدونا

[مختصة]

شكرا
اتمنى مزيد من الافاده

[سلطان911]

بالتوفيق ان شاء الله
اذا الارض مرهونه للدوله ما يسير
يقدر يبنيها فلتين وياجرهم بس مايقدر يبيعهم او يفصلهم
حتى نهاية الرهن
15 سنه

[مختصة]

شكرا
وبخصوص القرض؟؟
يقدر رفيجه يبيني بارضه؟؟
وممكن يفصل الفلتين عن بعض ول لازم يكونون متلاصقين في بعض؟؟
ولازم ياخذ موافقه من جهه معينه او شسالفه
يعني شالاجراءات بالظبط؟؟
مشكورين فيدوني..

[شموخ دائم]

,

,


السلام عليكم وحمه الله

مثل ما تفضلوا الاخوان بس بشرحها لك بالتفصيل


بالنسبه لاسئلتك

اكبر مشكله في الموضوع ان الارض هبه

الهبه لا تباع الا بعد مرور 15 سنه على بنائها ومحد يشتري ارض هبه الا القرايب الاخوان او الاخوات او الزوج او الزوجه

والبنك لايشتري الارض او البيت الهبه لانه بيع لايسجل رسمي

وبنك التنميه ما يقدر يشتري ارض هبه


وبخصوص القرض؟؟
يقدر رفيجه يبيني بارضه؟؟

لا ما يقدر لان القرض يصرف له اذا عنده ارض باسمه

وممكن يفصل الفلتين عن بعض ول لازم يكونون متلاصقين في بعض؟؟
الارض هبه ما يجوز فصلها او التصرف فيها

يستطيع فقط ان يبنيها لنفسه ويسكن فيها او يأجرها

انا اسف ولكن القانون واضح والفكره الي عندكم غير قابله للتطبيق بطريقه قانونيه خاصه على بنك التنميه

فهذا الموضوع غير مجدي نهائيا


الحل للارض الهبه

اذا المالك غير قادر على بنائها الاحسن ان يتشارك مع زوجته \ اخته \اخوه \احد الاقرباء

المالك يدخل بالارض والطرف الثاني يبني الارض ( فيلتين صغار ) كل فيلا 600 متر لان الارض مساحتها 1200

والايجار كل واحد ياخذ فلا

ويكتبون ورقه بيع بينهم ان فلان الفلاني اشترى الفيلا رقم كذا .... الخ واصبح هو المالك للعقار هو او ورثته في المستقبل
وقبضت الثمن ويسجل رسمي بعد 15 سنه وقت انتهاء مده الهبه وهذه ورقه تثبت المبايعه ويحطون شهود اثنين من الاهل
ويصبح البيع صحيح وباقي تسجيله رسمي في الوقت المناسب

وتسمى هذه ورقه بيع ابتدائي

هذه الطريقه المتبعه الان بين الاهل

وكل شخص عنده بيته بدون مشاكل

بالتوفيق لكم

,

,


اخوك


شموخ دائم

[مختصة]

مشكور اخوي...
اشكرك كل الشكر على التوظيح
بعثت لك رساله يليت تجاوبني عليها...