ســـــؤال للموظفين في شركات الغاز

[أم جود]

السلام عليكم

وحدة من هلي تبي تشتغل في شركة من شركات الغاز
بس ماتبي تقدم لأنها تبي تعرف الراتب والبرنامج التدريبي

وطبعا لو اتصلت فيهم محد بيقولها شي
بيقولون قدمي وبنرد عليج

هي خريجة 2009
معدلها 3.3 من 4
متخرجة من جامعة قطر
تخصصها محاسبة ومالية

تبي تسأل عن 5 شركات
قطر شل
دولفين
اكسون موبل
كيو بي
ميرسك

ياليت نسمع اراءكم ونصايحكم

[ولد النواخذه]

ما اقدر أأكد لج بالارقام بس كيوبي والشركات الي ذكرتيهم الي يندرجون تحت كيوبي يقدمون من أفضل الرواتب والمزايا في الدولة وبما انها جامعيه ومعدلها ممتاز فرصتها طيبة والله يوفقها..

[Petroleum]

هل تخصصها محاسبة او مالية ؟


عموما لو هي محاسبة خل تروح احد هذه الشركات و هي مغمضه

قطر شل-جيدة جداً
دولفين - هنود
اكسون موبل-يبغون قطريين
كيو بي-يبغون قطريين و بيئة العمل للقطريين ممتازة
ميرسك-هنود لكن يوجد دعم للقطريين

طبعا هذا بناء على تخصصها لو كانت محاسبة لكن لو مالية خل تروح كيوبي ادارة التمويل احسن لها

[البارح]

يا بنت الحلال خلي يوافقون عليها وبعديين تسال عن الراتب

[Bu Rashid]

أختي الكريمه ... تبدء كمتدربه براتب اساسي لا يقل عن 15 الف ريال
فترة التدريب لا تقل عن سنتيين وطبعا على حسب البرفومانس
كل الشركات التي ذكرتيها ممتازه
بالتووووفيق

[Bu Rashid]

هناك شركات اخرى افضل مثل قطر غاز وراس غاز
واذا ما كان لج نصيب من هؤلاء الشركات
عندج كهرررماء ... صحيح انهم مظلموميين ولكن افضل من غيرهم من الوزارات
والسيد خميس المهندي يدعم القطريين كثيراٌ

[الألماسي]

اختي انا انصحهـا بشـركتين :

الإختيار الأول قطر للبترول
الاختيار الثاني دولفين

اما البقيّه ما انصحهـا ابـد . .




أختي الكريمه ... تبدء كمتدربه براتب اساسي لا يقل عن 15 الف ريال
فترة التدريب لا تقل عن سنتيين وطبعا على حسب البرفومانس
كل الشركات التي ذكرتيها ممتازه
بالتووووفيق



بوراشد الـ Fresh Graduate يبدأ تقريباً اساسي بـ 8000 ريال تقـريباً

[مضارب دوسري]

حلها تبتعد عن شركات زحمة القطريين
وخليها تختار اما شل ولا اكسون موبيل

شركات قطر غاز وراس غاز زحمة قطريين
خصوصا ان تخصصها اداري


إذن الافضل ان تختار شركة جديده ونسبة القطريين فيها قليله

خليها تروح برج المرقاب برج شركة شل
وتقابل فالدور التاسع وحده اسمها رانيا الخلف

وان شا الله بتطلع مستانسه

بس اهم شي لازم تعرف ان شركات الغاز القسم يكون خلط


والله يوفقها واذا تبي رقم الاخت المذكوره ممكن ارسله لج رساله خاصه

[عزووز قطر]

دولفين ولا كيو بي
الكل يمدح فيهم من ناحية رواتب وامتيازات ودورات تدريبية

[طارق]

السلام عليكم

وحدة من هلي تبي تشتغل في شركة من شركات الغاز
بس ماتبي تقدم لأنها تبي تعرف الراتب والبرنامج التدريبي

وطبعا لو اتصلت فيهم محد بيقولها شي
بيقولون قدمي وبنرد عليج

هي خريجة 2009
معدلها 3.3 من 4
متخرجة من جامعة قطر
تخصصها محاسبة ومالية

تبي تسأل عن 5 شركات
قطر شل
دولفين
اكسون موبل
كيو بي
ميرسك

ياليت نسمع اراءكم ونصايحكم





قطر شل
مافيها مميزات للوظيفه نفس كل شركات البترول - كأنها وزاره حكوميه بس كلها شقر
دولفين

انت من وولد من هي الي اتحدد مستقبلك
اكسون موبل

لأ أعرف - بس اذا ماتشتغل نفس المحراث مالك أمل - يعني مافي شغل دلع
كيو بي

ماعليها كلام - انصحك وبقوه
ميرسك

شركه ديناماركيه الأصل و جلفين في التعامل والعقود مؤقته للقطري وليست طويله الأمد
راس غاز و قطر غاز

احسن من كل ماسبق ماعاد قطرر للبترول - بس لو تداوم في الدوحه انت محظوظ اما في لفان فأنت في مدينه الأحزان كنيه عن بعد المسافه 180 كيلو يوميا

[عنيــــد]

من وجهة نظري انصحها تروح لكيو بي ، بيئة العمل جيدة و تدريب مكثف و ممتاز ..

من ناحية الراتب الاساسي للمتدرب اول ما يدش كيو بي ، حوالي 10 الاف ريال

مع البدلات الاخرى اعتقد يوصل 22 الف

[أم جود]

هي قدمت عليهم لخمس ...

في الانتظار...

[أم علي 2010]

هلا اختي

انا ما عندي فكرة عن الشركات الباقية ..

اقدر افيدج عن كيوبي ..

طبعا بما هي جديدة وجامعية بدرجة بكالوريوس راح تنحط على درجة 11 وهي اول درجة حق السينير

براتب اساسي طبعا وقدره .. المهندسين يبلشون من 10000 ويزيد 250 ريال على حسب المعدل .. بس الاداريين ماعندي فكرة والله .. بس اكيد ماتفرق الا 1000 او 500

البرنامج التدريبي على حسب التارغت بوزشين .. يعني الدرجة اللي المفروض تتثبت عليها البرامج تتراوح من 3 سنوات الى 5 سنوات ..

يعني خل نقول كل سنة ترقية .. وطبعا على البرفورمنس .. طبعا الراتب يزيد سنويا على حسب التقييم السنوي

وفي بونس سنوي .. و 2.4 ضرب الراتب الاساسي لما تاخذ اجازة لا تقل عن 25 يوم

وعندج ضمان صحي اكسا .. حقها وحق 4 من عيالها ..

طبعا لها الحق تاخذ الكورسات اللي تبغيها في الدوحة او برع طبعا تكون ضمن نطاق الخطة التدريبية بس ما يعطونها حق مرافق ..

في بعد شي يعطونها 33 الف يسمونها بدل اثاث .. بس بشرط ما تطلع من كيوبي الا بعد 4 سنوات والا راح تدفع لهم المبلغ ..

وطبعا سنويا ينزل مبلغ حول ال4000 ريال بدل صيانة اثاث ..

هذي المعلومات المادية .. اما المكان حلو والجو مناسب بس بعد اشوف ان حظوظ ممكن تنحط مع ناس فيهم انانية ويحبون يساعدون ..

ونصيحة كيوبي لازم انتي تراكضين ورا الكورسات و الشغل .. لان القطري ينحط مكان الاجنبي يعني بيطيره عشان جي محد بيجي لين عندج يعلمج لازم انتي ادورين على الشغل


ان شالله اكون افدتج

[ريم المدينة]

اشرايكم في توتال؟