من فيكم جرب جوال samsung Galaxy S

[محمد]

السلام عليكم ..

http://www.reevoo.com/decidewhattobuy/wp-content/uploads/2010/05/samsung-galaxy-s.jpg

الجهاز باختصار دمر سوق الايفون و منافسيه في اوروبا و امريكا .. نزل قبل شهر و المطورين و المبرمجين انظارهم تتجه اليه .. طبعا هو يعمل تحت نظام اندرويد 2 الجبار .. مثل اجهزة HTC و بعض اجهزة سوني ايركسون ..

صفحة الجوال
http://www.gsmarena.com/samsung_m110s_galaxy_s-3418.php


مادري لو حد فيكم جربه ؟ دورته في الوكاله في النصر (قطر انترتك) قالوا جابوا 250 حبه من اسبوعين و طارت كلها و قريب بيجيبون شحنه جديده .. طبعا سعره 3000 ريال تقريبا .. لكن مميزاته تستاهل هالسعر ..

بس ابي اعرف لو حد جربه على الطبيعه شنو انطباعه عنه ؟؟ لان استغربت يوم قالتلي الموظفه ان جابوا 250 حبه و طاروا ماتوقعت هالنوع من الاجهزة له سوق عندنا .. اغلب العالم ركضه ورا الايفون للاسف و يحسبون ان هالمجال مافيه الا ايفون ..

في انتظار ردودكم

[FCB 82]

هلا الشيخ

انا شريت الجوال اول ما وصل محل سامسونغ إلي في النصر

من اسبوعين بــ 3000

بس الحين يقولون سعره اقل

و بصراحه يستاهل سعره

انا عندي آيفون 3Gs
وقارنته معاه ،، يفرق عنه وايد
اول شي سرعة التصفح ( 1ghz )
وتشغيل افلام اليوتيوب اسرع بوايد
الكيمره الاماميه
و التصوير الــ HD
الراديو ( حق الدوام :thumbup1:)
و البلوتوث مفتوح لكل الاجهزه ،، مش نفس الآيفون بلوتوثه مقفول
عمر البطاريه اطول
شريحة الميموري المستقله اعتبرها ميزه قويه
توصله مع التلفزيون بكل سهوله (بوصله خاصه)

بشكل عام اسهل من الآيفون في اشياء كثيره

اما العيوب

الماركت الخاص بالبرامج ،، مب نفس ضخامة الـــ App Store للآيفون

بالنسبة للكتابه فيه و بالتحديد في النسخ واللصق بتحس بصعوبه في البدايه بس عقب
بتعود عليه

بعض الآراء عن الجلسكي


الابل اعطيه كم سنه وبيكون وري .. وفعلا التاريخ يعيد نفسه

في ال80 كانت اجهزة حاسب ابل ومع نظام تشغيل الماكنتوش الاكثر انتشاراً وفي هالفتره كانو يصنعون القطع !
وكانت شركه مايكروسوفت تطور نفسها مع البرمجيات فقط بدون ماتتدخل في القطع وتصنيع الجهاز والخ ..
وقدرت تبني نظام تشغيل اثبت جدارته علي كل اجهزة الحاسب وهذا كان في مطلع ال90 .. وانتهي اسم ابل وماكنتوش


وهذا التاريخ يعد نفسه بس في التلفونات ونفس الحكايه تكرر.. هم الي يصنعون القطع ويسون نظام التشغيل!!
وقوقل قاعدين يطورون نظام تشغيل (andriod ) .. وفي تطووور داايم لان التركيز كامل علي نظام التشغيل .. فقط ..
واعتقد في السنين القادمه بيتطور نظام andriod وبيصير الايفون في المؤخره ..
انا استخدم حاليا جهاز بنظام andriod وحسيت بستقرار النظام علي عكس الايفون وكثرت ال crashes الي فيه ..
قبل لا استخدم الاندرويد كنت احس احسن تلفون هو الايفون .. بس يوم جربت .. بديت احس بالفرق .. ونظام اندرويد فيه مساحه للابداع ..
تقدر تشل وتحط برمجيات واكواد وعندهم market .. نفس الايفون واحسن في بعض النقاط ..
وبخصوص تلفون سامسونج جالاكسي .. منافس ونص .. مواصفته ماتقل عن الايفون من سرعه المعالج والخ ..
وبسعر حلو .. يعتبر صفقه رابحه .. والسبب راجع ان نظام andriod غير محتكر .. وشركات الهواتف الذكيه مثل HTC و سامسونج وموتورولا و LG وتلفونات قوقل .. يعني في منافسه مابينهم .. ف السعر بيكون اقل علي عكس ابل المحتكر !




اتمنى لك الاستفاده
والسموحه على القصور

[blueZircon]

انا قبل شهر شريت Samsung Wave
الصراحه الجهاز جبار بمعنى الكلمه , من ناحية الصوره والصوت والوضوح والمميزات اللي ماتلقاها بأي جهاز ثاني , الجهاز بوجهة نظري جمع كل المميزات اللي يحتاجها المستخدم على كفائه وجوده وسرعه وكواليتي .

الجهاز مصنف رقم واحد من خلال الموقع www.gsmarena.com

وتم بيع منه مليون حبه خلال شهر واحد !

وسعره جداً مناسب , 1999 ريال قطري

[Navigator 85]

انا عندي السامسونج سبيكا

العام شريتة والحين افكر اشتري الـS

الصراحة التليفون من المواصفات حلووو

انا متردد لان بعد فترة HTC راح تنزل معالج ضعف السامسونج

2ghz

انا ما استخدم الماركين اللي في النظام

في مواقع تحميل ببلاش

[محمد]

مشكورين على المرور جميعاً ..

اخوي البرشلوني .. :p يعطيك العافيه على ردك .. وانا اكثر شي يهمني بالجوال تصفح النت .. و حول مدريدي احسن ;)

اخوي blueZircon .. هالجهاز فعلا جبار لكن نظامه غريب .. و مانزل الا عليه بالتالي المطورين ما راح يطورون له برامج كثيره لان مافيه اجهزة كثيرة تعمل بنظامه .. اضافة الى انه فيه مشكل في تصفح المواقع العربية احيانا الموقع يطلع مقطوع من الاطراف ..

Navigator 85 .. الاتش تي سي من الخيارات الي طارحها .. و قاعد ادور Htc desire بس يكون يكتب و يقرا عربي .. ماتعرف وين ممكن احصله .. لان مب موجود في جرير