ممكن استشارة من ذوي الخبرة ...

[دهــن العود]

السلام عليكم ورحمة الله وبركاتة


اخواني بغيت استشيركم احنا ناويين نشتري سيارة من الأمارات

بنشتريها باسم مواطن اماراتي .. فـــ أيش الأفضل : ان نقلب ملكيتها في الأمارات

أو

نقلب ملكيتها في الدوحة ؟؟

[$$ السنير $$]

السلام عليكم ورحمة الله

أخوي إذا السيارة تتصدر للدوحة يعني موديلها من 2005 إلى 2010 صدرها من الإمارات باسمك وعقب جيبها للدوحة قطرية

[دهــن العود]

جزاك الرحمن خير اخوي


السيارة موديل 2010

يعني تنصح ننقل الملكية في الامارات احسن ؟

[باسكن روبنز]

تروح مرور الاماره ألي شاري السياره فيها وتطلب تخليص اجراءات نقل السياره ويركبون عليها لوحه تصدير واقبض الخط للدوحه بنفسك وفي كم اجراء في حدود السلع والبطحاء وحط في بالك تنقيعة ساعتين ماكسمم ،

واضرب لك على مندي في محطة بترول سحاب عند المطعم اليمني شي مضبوط ، والله يرجعك بالسلامه ،

[دهــن العود]

وفي كم اجراء في حدود السلع والبطحاء وحط في بالك تنقيعة ساعتين ماكسمم ،
،

جزاك الرحمن خير اخوي باسكن


بس ممكن اعرف الاجراء الي تقصدة ويحتاج التنقع ساعتين ؟؟:eek5:


انا كنت افكر يوصلونها لنا بالشحن


اختك دهن العود :)

[باسكن روبنز]

جزاك الرحمن خير اخوي باسكن


بس ممكن اعرف الاجراء الي تقصدة ويحتاج التنقع ساعتين ؟؟:eek5:


انا كنت افكر يوصلونها لنا بالشحن


اختك دهن العود :)

اجراءات تصدير سياره من الامارات للسعوديه ومن السعوديه لقطر ، بتحصلين مخلصين في الحدود وهم راح يخلصون لج كل شي والساعتين بتكون مدة التخليص على حسب الزحمه مابين المركزين ، اذا مب اكثر ،

من 4 سنين جبنا شفروليه من السعوديه وتنقعنا ساعتين وشوي مابين مركز سلوى وبوسمره ، هذي اجراءات روتينيه ، وخلي كل شي على المندوب وانتي بسطي في الاستراحه بالمركز ،

[علي عليوه]

أخوي فيه معرض بالامارات ربعنا يشترون منه بكثرة وهو مشهور جدا وسعره تمام بالنسبة لغير

وعلى ما أعتقد ما يبيع إلا تويوتا بس ماني متأكد ,, واسمه حسام ,, يشحن لك السيارة ويخلصها لك من عنده

وأنت عليك تخلصها من عندك

رقمه تحصله على الخاص ,, وبالتوفيق إن شاء الله

[سلطان911]

افضل شي تصدير السياره عن طريق المعرض
والشحن يكلف حوالي 2000
احسن واسهل من الطريق
ولا تنسى شي اسمه مقاصه علشان ما تدفعين جمارك
وبالتوفيق انشألله

[دهــن العود]

اجراءات تصدير سياره من الامارات للسعوديه ومن السعوديه لقطر ، بتحصلين مخلصين في الحدود وهم راح يخلصون لج كل شي والساعتين بتكون مدة التخليص على حسب الزحمه مابين المركزين ، اذا مب اكثر ،

من 4 سنين جبنا شفروليه من السعوديه وتنقعنا ساعتين وشوي مابين مركز سلوى وبوسمره ، هذي اجراءات روتينيه ، وخلي كل شي على المندوب وانتي بسطي في الاستراحه بالمركز ،

ماقصرت اخوي وبيض الله وجهك

بس اذا السالفة جذي

شرايك لو خلينا الاماراتي يدخلها الدوحة وبعدين نغير ملكيتها ؟؟

احسن من بهدلة المراكز


؟؟

[دهــن العود]

أخوي فيه معرض بالامارات ربعنا يشترون منه بكثرة وهو مشهور جدا وسعره تمام بالنسبة لغير

وعلى ما أعتقد ما يبيع إلا تويوتا بس ماني متأكد ,, واسمه حسام ,, يشحن لك السيارة ويخلصها لك من عنده

وأنت عليك تخلصها من عندك

رقمه تحصله على الخاص ,, وبالتوفيق إن شاء الله


جزاك الله اخوي علي

انا اخذت السيارة خلاص من الوكالة


والرقم احتفظت فيه

:)

[دهــن العود]

افضل شي تصدير السياره عن طريق المعرض
والشحن يكلف حوالي 2000
احسن واسهل من الطريق
ولا تنسى شي اسمه مقاصه علشان ما تدفعين جمارك
وبالتوفيق انشألله

بيض الله وجهك اخوي سلطان

السالفة الظاهر طوويلة :(


شرايك لونجيب السيارة للدوحة وبعدين نقلب الملكية ؟؟

مو احسن واسهل ؟؟

[qatari 111]

اذا السياره مسجله بأسم اماراتي لازم تطلعون ورقة برائة ذمه على ما أظن من مرور الامارات وتجيبونها وعطوها لاي معرض من المعارض وهم بيخلصونها

الله يسهل اموركم

[باسكن روبنز]

ماقصرت اخوي وبيض الله وجهك

بس اذا السالفة جذي

شرايك لو خلينا الاماراتي يدخلها الدوحة وبعدين نغير ملكيتها ؟؟

احسن من بهدلة المراكز


؟؟


ووجهج ابيض ،
اتوقع المسأله معقده بهالطريقه ، ماعندي خلفيه بهالخصوص بس اعتقد لازم تنزيل اللوحات من أدارة المرور ألي مركبه فيها ، يعني لازم تروحون مرور الامارات ،


ممكن تسألين أي معرض في قطر بهالخصوص عشان أذا في طريقه أسهل هو يتكفل فيها وياخذ عمولته البسيطه ويخلص لج الموضوع ، ولو كان في طريقه اسهل جان تداولت عند الناس ،

طريقتنا المعروفه مب ذيكي الصعبه بس يبيلها بال طويل وتخلصين اجراء السياره في نفس اليوم ، او كلمي اي شركة شحن بالامارات يشحنون لج السياره لي الدوحه ويخلصون لج كل الاجراءات بمبلغ لايتجاوز 3 الاف واذا حابه عندي رقم معرض معروف في ابوظبي ويشحن للدوحه ، هذا ان كانت لوحة سيارتج من ابوظبي ،

[اكاديمي]

بالتوفيق

[سلطان911]

الموضوع مش معقد ولا شي
السالفه كلها بعد شراء السياره اي مخلص معاملات يخلصها
وبعدين تاخذين مقاصه من الوكاله
وبعدين تشحنينها الدوحه واذا جات المركز يسجلونها
لا ويعطونج رقم حلوو
وسلامتج

[دهــن العود]

جزاكم الله خير

بس يقولون لي ان سعر السيارة في الوكالة للقطري غير عن السعر للاماراتي ؟؟؟؟







صج هالكلام ؟؟؟؟؟:looking:

[السهم السريع]

السلام عليكم ورحمة الله وبركاته
أختي الفاضلة
إذا كان الشخص من الأقارب أو معرفة موثوقة يمكن تركها بإسمه اذا أنتو حابين تخلونها برقم الامارات
أو إذا عنده معرفه بالمرور ويقدر يسجلها باسمكم وتأمينها في حدود السعودية وقطر
انا عندي سيارة بأرقام الامارات ماغيرتها بس قدرت أسجلها باسمي في مرور الامارات
بمساعدة أحد الاخوان الله يجزيه خير .

او تصدير السيارة الى الدوحه ويمكن شحنها وتخليصها من أي مكتب شحن يسلمها لكم في الدوحه بأرقام التصدير

وتقبلي مروري

[باسكن روبنز]

السلام عليكم ،

راسليني بنوع السياره وموديلها وبتأكد لج من معارفي في الامارات والبحرين والسعوديه عن فرق الاسعار والاجراءات ،

الربع ماشاءالله واجد وفيهم الخير ،