**| اقتـــــراح بخصوص دوار مدينة العاب الدوحة |**

[بوالفاروق]

بسم الله الرحمن الرحيم

السلام عليكم ورحمة الله وبركاته

شخباركم ان شاء الله طيبين :thumbup1:

حبيت اقترح على الجهات المعنية بهذا الخصوص ..

وهو تصغير دوار الموجود عند مدينة العاب الدوحة - اخبر هذا اسمه :p

اللي هو عند مركز سنـــاء ووكالة مرسيدس فهد للتجارة

طبعاً الكل يشوف الزحمة وهي تجي في اغلب الاوقات .. يعني اللي بجي
من صوب الجبري بحس بزحمة واللي جاي من صوب نفق راس بوعبود ..

الدوار ضيق جداً واغلب الجهات ثلاث مسارات يعني تخيلوا ثلاث سيارات
ع الدوار وضييييييق ... حتى مرة من ضيق الدوار لف علي واحد وحسيت انه
خايف وماعرف يتصرف فخليته واشرت له وانا معصب انه حرك قدامي
عشان بس ما يدعمني :no:

تصغير الدوار تم تطبيقه على دوار السنتر اللي بعد اشارات رمادا
وحسيت بفرق كبير على هالدوار من بعد ما صغروا الدوار وزادوا مسار :thumbup1:

اتمنى يكون حل مؤقت او دائم للمكان

وتحيياتي

:yes:

[ثرية]

اي والله معاك حق

[كلاسيك قطر]

اي والله زحمه زحمه بس ليش يصغرون الدوار

انت قصدك يكبرون الدوار وييحطون اشارات

[بوالفاروق]

اي والله زحمه زحمه بس ليش يصغرون الدوار

انت قصدك يكبرون الدوار وييحطون اشارات

لا اخوي كلاسيك المكان ماله اي مجال لاي توسيع او حتى مشروع اشارات
من وجهة نظري لانه المباني قريبة من الشارع ..

دوار السنتر كان نفس الشي قبل

شكراً لكم

:)

[باسكن روبنز]

فكره طيبه ،
والمفروض يتم تطبيقها في اغلب دواوير البلاد لتخفيف الزحمه ، حلول مؤقته على مايتم عمل جسور وانفاق ،

[كازانوفا]

يا ريت لان بالفعل ضيق من القلب واعوذ بالله على الزحمه في الصبح والا الظهر وقت انتهاء الدوام
ان شالله يوصل كلامك للمسؤولين عاجل غير آجل يارب

[حياتي]

لايكبرون الدوار ولا يصغرونه المفروض يزيلونه ويخلون مكانه اشارات ضوئيه

[بوخالد911]

صح

يبيييله تصغيير

[الغالي!]

هو بس هذا الدوار!!!!!!!!!!!!!!!!!!!!!!!!!!!!!!!!!!!!!!!!

[GULFSUN]

ينشال بكبرة ويكون نفق مكمل لجسر راس ابو عبود وياخذ معه دوار الكتب واشارات التيوتا القديمة واشارات بترول الدوحة واشارات كيوتل واشارات سفريات كيليوبترا واشارات الديوان الصغير ويدخل من تحت دوار الديوان البوابة الغربية ويتفرع سيدة للكرنيش ويسار جنوب الداخلية الى دوار الاعلام الغربي ودوار المهاء كل ماذكر من اشارات او دوارات تتحول الى انفاق


كان اسمه دوار الفلكس ويغن

[بوالفاروق]

يعطيكم العافية على المشاركة والاقتراحات
والهدف او ايصال هذا الامر للجهات المعنية ..

المشكلة لو قالوا بيهدمونا وانفاق واشارات بس هالشي بيخلينا ننطر سنين
لانه المنطقة حيوية اشوي

تحياتي للجميع

:)