للأسف غلاء أسعارالألعاب في قاعة أرض المعارض وسوء تنظيم دخول الأطفال الى الألعاب ..

[سوق واقف]

السلام عليكم ورحمة الله وبركاته

أخواني أخواتي الاعزاء,,, أحببت أن أوجه رسالتي الى المسؤولين عن الألعاب الموجودة في أرض المعارض ...

للأسف أن هدفهم ليس فرحة الأطفال وأنما هدفهم الأول هو جمع أكبر مبلغ من المال وهذا حقهم ولكن ليست بهذه الطريقة ...

ذهبت بالأولاد أمس الى أرض المعارض في الساعه التاسعه والدخول الى القاعه مجانا ... ولكن ...

1- أسعار الألعاب مبالغ فيها جدااا ( 10 ريال _15- ريال _20 ريال) .ولكن ليس هذا هو موضوعي ..

وبعد ما دخلنا وجدت أمام كل لعبة مجموعات هائلة من الأطفال ولا يوجد طابور وتنظيم للدخول للأسف أول ما يخلصون مجموعه الكل يدخل سواء كان واقف من عشر دقايق أو توه جاي ..

وللأأسف أنا قطعت تذاكر ومن ثم ذهبت الى المسؤول وأسترجعت ما دفعته وخرجت لسبب وأرجوا من المسؤولين الأنتباه لها ...

الي ماسكين الألعاب هم من الجنسية الفلبينية وجنسية عربية ... وسوف أقول ما حصل لي أمس ...

بعد أنتظار عشر دقايق في الصف لكي يلعب أبني في لعبة السيارات ...دخل وركب أحد السيارات أتى الشخص من الجنسية العربية وبكل برود نزل ولدي من السيارة .. رحت له وقلت بأي حق تنزل الولد أستغرب قالي ها الدور الجاي وسامحني قلت له بأي حق ممكن أعرف ...راح أقولكم السبب ... السبب أنه جات وحده من نفس الجنسية وكلمته وركبت بنتها مكان ولدي ...وعقب ما كنت ابي أطولها معاه لأنه ما أبي عيالي يشوفوني متنرفز ...

ورحت حق المسؤولين وجى المسؤول عن اللعبه وهو من نفس الجنسية .. وقالي أحنا آسفين وراح نعطيك التذاكر مجانية بس لاتزعل وكانت غلطة ....

والله الهدف ليس المال أو العرق أو الجنس لا والله ولكن سوء التنظيم للأسف ...وغلاء أسعار الألعاب ... وعقب رجعت تذاكرهم وخذت الفلوس وطلعت من القاعه ...

للأسف سبب فشل علاء الدين أنه الأدارة كانت من هذي الجنسية وفشلت حتى آخر أيام كان كل واحد يجيب دوه من البيت ويبيع ذره الصفره بدون رقيب...

تعرفون ألعاب سناء يدخلون ربعهم مجانا وقدام عيني .... لماذا لا يكون هناك تنظيم وأنه يكون الهدف ليس المال وبشكل مباشر يبيعون عليك التذاكر ويضحكون في ويهك وكنه يقولون هؤلاء أغبياء ...

والله حزنت على ما رأيته أمس .... تذهب الى الدول المجاورة ترى التنظيم لأنه عيال البلد هم الي ماسكين الأعاب وتنظيم ...

أتمنى أن يصل صوتي الى المسؤولين ..وأن يكون هناك بوابه لدخول الأطفال الى اللعبة مش سايبه واقفين كلهم فوق اللعبه وما أول ما تخلص دفعه مراكض كل الأطفال في اللعبه هذا ظلم للأأطفال الذين يكونون واقفين لدقائق ينتظرون درهم ومن ثم يأتون أطفال آخرين ويدخلون اللعبه ....

وسامحوني على الأطالة .....

[شبح الصمت]

ارحم الله والديك يالغالي

وما قلت شيء غلـط

بيض الله وجهـك على كل كلمة قلتها

وبخصوص الاسعار هذه نقطة مهمة بس شتقول

نحب الي يقصون علينا شنسوي

تدخل تدفع 200 لكل طفل والله حرام

ربك كريم

انا اتكلم عن المره الي راحت هالمره ما دخلت بس اتوقع نفس الشيء

[كلاسيك قطر]

اي والله وانت صادق يالغالي

وصدقت في كلامك يالغالي

الاسعار والله قويه واحنى في الصيف لازم يقلون عليهم الاشياء

وبالنسبه للتنظيم الاطفال لدخولهم في الالعاب

مايقدرون ينظمون لانه الاطفال مستانسين افتكو من الدراسه وعوار راس

[عزووز قطر]

امس شفت اعلانهم في التلفزيون
كاتبين بالخط العريض (( الدخول مجانا ))
يرفعون اسعار الالعاب على حساب الدخول ..

ولاحظت ازدياد العايلات من السعودية والامارات والبحرين
ياليت ينزلون الاسعار وينعشون السياحة عندنا

[Sharshooooor]

انا مريت من برى بس

وزين اني مادخلت وضعيت وقتي

عمرهم مابيسوون شي لله همهم الربح وبس

المفروض في مثل هالامور يشجعون الناس خصوصا اللي ماقدر يسافر

ويعوضونه هو وعيلته لكن انا متأكد ان راحة الناس اخر همهم

[Doha Sun]

ذي اسعار الالعاب والاكل اشلون اسعارهم ..
وياعزتي للي عنده اكثر من 4 عيال ..

[La Bella]

اي والله وانت صادق يالغالي

وصدقت في كلامك يالغالي

الاسعار والله قويه واحنى في الصيف لازم يقلون عليهم الاشياء

وبالنسبه للتنظيم الاطفال لدخولهم في الالعاب

مايقدرون ينظمون لانه الاطفال مستانسين افتكو من الدراسه وعوار راس

للأسف الدخول والخروج من العبه
من نفس الباب
العادة يكون في بابين باب للدخول وباب للخروج

[سوق واقف]

للأسف الدخول والخروج من العبه
من نفس الباب
العادة يكون في بابين باب للدخول وباب للخروج

وهل يوجد باب أصلا الساحة مفتوحه وكأنه حلبة مصارعه

[كلاسيك قطر]

انا مريت من برى بس

وزين اني مادخلت وضعيت وقتي

عمرهم مابيسوون شي لله همهم الربح وبس

المفروض في مثل هالامور يشجعون الناس خصوصا اللي ماقدر يسافر

ويعوضونه هو وعيلته لكن انا متأكد ان راحة الناس اخر همهم

صح كلماك يالغالي

المفروض سون نفس الامارات

ايه ع الامارات والله

[سوق واقف]

على الأقل مثلا... يجيبون ألعاب هدايا للأطفال عند فوزه بلعبه دبدوب أو شيء آخر أو شعار المهرجان ...

[كلاسيك قطر]

على الأقل مثلا... يجيبون ألعاب هدايا للأطفال عند فوزه بلعبه دبدوب أو شيء آخر أو شعار المهرجان ...

وانت صادق يالغالي

انزين يوم الاطفال فازو شنو جابولهم

[كازانوفا]

يا ربي كل سنه نفس الشكاوي ولا حياة لمن تنادي ...

ما عاد في فايده اذا لا رقيب ولا حسيب على الشغالين هناك
سبحان الله ماتت ضمائر الخلق تقريبا ...
اخي سوق واقف انتظر لما تفتح مدينة الالعاب باخر رمضان وان شالله خير

[Sharshooooor]

صح كلماك يالغالي

المفروض سون نفس الامارات

ايه ع الامارات والله


ماشالله عليهم

omen

[الحجاجي]

جزاكم الله خير ..

زين قريت هالموضوع

وأنا كنت ناوي اودي اليهال يستانسون ويلعبون ..

فعلاً مشكلة اذا مافيه تنظيم ..

مب كل الأولاد فيهم شطانه وقوة شخصية وهمجيه في اللعب

الله يعين البنات على اللعب ضاع حقهم ؟

/

شيء ثاني

مافيه مواقف سيارات كفاية ..


شاكر لك اخـوي مشاركتك
وأتمنى يصل صوتك للمسئولين

[ابو محمد7]

سبحان الله النظام واحترام الدور ثقافة !

انا توني راجع من استراليا وزرت 3 مدن ترفيهية بالاضافة الى اماكن اخرى , الطابور احيانا كان ياخذ معانا ساعه كاملة حق لعبه وحده والكل واقف كبار صغار رجال ونساء ومحد معترض ولا عنده اي مانع !

حتى ان في احد الاماكن كان عندهم حل مبتكر جدا وجديد وللحين ما قيمته ولكنه كان كالتالي : لعدد محدود جدا ممكن تدفع سعر اضافي على تذكرة دخول المدينة الترفيهية (طبعا انت تدفع دخول والالعاب مجانية) وبعدها تدخل في خدمة اسمها Q4u تروح اي لعبه تبيها ويشوفون الطابور كم واحد جدامك ويقول لك مثلا لو انت وقفت الحين يبي لك نص ساعه علشان تلعب خلاص روح وتعال بعد نص ساعه وتدش تلعب على طول , وبعدها مثلا تروح لعبه ثانية يقول لك والله زحمة وجدامك ناس وايد اذا بتوقف يبي لك ساعه خلاص روح وتعال بعد ساعه وتدش تلعب على طول

باختصار يعني تنتظر مثل الناس وكثر وقتهم بس ماتوقف في الطابور

هذي مجرد مثال على حلول جديدة ومبتكرة

صراحة في شعوب تحترم النظام وهذا جزء من ثقافتها وتربيتها ولكن للاسف احنا عندنا اغلب الناس يتمنى لو يلقى اي طريقة علشان يتعدى على دور الغير وحتى بعض الجنسيات الاخرى من غير العرب كما ذكر كاتب الموضوع فوضويين

[قطريه ماتهاب]

انا اشوف الموضووع طبيعي

اللي مب طبيعي

تلقى الاسعار مناسبه وتنظيم جيد

[بوخالد911]

سبحان الله النظام واحترام الدور ثقافة !

انا توني راجع من استراليا وزرت 3 مدن ترفيهية بالاضافة الى اماكن اخرى , الطابور احيانا كان ياخذ معانا ساعه كاملة حق لعبه وحده والكل واقف كبار صغار رجال ونساء ومحد معترض ولا عنده اي مانع !

حتى ان في احد الاماكن كان عندهم حل مبتكر جدا وجديد وللحين ما قيمته ولكنه كان كالتالي : لعدد محدود جدا ممكن تدفع سعر اضافي على تذكرة دخول المدينة الترفيهية (طبعا انت تدفع دخول والالعاب مجانية) وبعدها تدخل في خدمة اسمها Q4u تروح اي لعبه تبيها ويشوفون الطابور كم واحد جدامك ويقول لك مثلا لو انت وقفت الحين يبي لك نص ساعه علشان تلعب خلاص روح وتعال بعد نص ساعه وتدش تلعب على طول , وبعدها مثلا تروح لعبه ثانية يقول لك والله زحمة وجدامك ناس وايد اذا بتوقف يبي لك ساعه خلاص روح وتعال بعد ساعه وتدش تلعب على طول

باختصار يعني تنتظر مثل الناس وكثر وقتهم بس ماتوقف في الطابور

هذي مجرد مثال على حلول جديدة ومبتكرة

صراحة في شعوب تحترم النظام وهذا جزء من ثقافتها وتربيتها ولكن للاسف احنا عندنا اغلب الناس يتمنى لو يلقى اي طريقة علشان يتعدى على دور الغير وحتى بعض الجنسيات الاخرى من غير العرب كما ذكر كاتب الموضوع فوضويين

هلا بك


هل رحت مووفي وورلد؟
سي وورلد؟

دريم وورلد ؟


ايييه ع استراليا

حياك شووف تقريري عنها بتوقيعي

:yes:
لا هنت

[سوق واقف]

ارحم الله والديك يالغالي

وما قلت شيء غلـط

بيض الله وجهـك على كل كلمة قلتها

وبخصوص الاسعار هذه نقطة مهمة بس شتقول

نحب الي يقصون علينا شنسوي

تدخل تدفع 200 لكل طفل والله حرام

ربك كريم

انا اتكلم عن المره الي راحت هالمره ما دخلت بس اتوقع نفس الشيء

ووجهك أبيض يالغالي صدقت والله أكثر من 200 حق كل طفل ..

[عين قطر]

اصلا اكيد ومليون في الميه بيكون ما في تنظيم و لا تخطيط ولا هم يحزنون
كاننا في عام 1980
والناس تطورت وتحسنت واحنا نفس ما حنا ( كانها ملاهي سنا)
ولا حول ولا قوة الا بالله

[قلم حائر]

يعني بالعقل بسوون شي للترفيه للاطفال دون مقابل طبعا لا ، لازم الشغلة اتكون تجارية بحته
المهم اجمعون فلوس وخلاص

ربي اعينا هذي الحال كل سنة عيل لو عندهم ملاهي نفس بعض الدول جان ايش سوا ؟:anger3:

زين اني ما وديت اعيالي :thumbup:

[ابو محمد7]

هلا بك


هل رحت مووفي وورلد؟
سي وورلد؟

دريم وورلد ؟


ايييه ع استراليا

حياك شووف تقريري عنها بتوقيعي

:yes:
لا هنت



اي نعم الحمدلله رحت وماخليت شي من الانشطة ماسويتها في جولد كوست خاصة , صج بلاد منظمة وخدماتها السياحية قوية

[Qt.1]

يعني احنا هل قطر والله طيبين , يعني اي شخص ايفكر يستفيد او يستغل ناس ماله الاا هل قطر , في كل شي رافعين علينا السعر والله خاطري اعرف ليش بس القطريين الي كل شي عليهم غالي ؟

[ابو محمد7]

يعني احنا هل قطر والله طيبين , يعني اي شخص ايفكر يستفيد او يستغل ناس ماله الاا هل قطر , في كل شي رافعين علينا السعر والله خاطري اعرف ليش بس القطريين الي كل شي عليهم غالي ؟

لان في فئة تحب تعيش على نظام شوفوني وتصرف بدون اي اهتمام

احنا مشكلة عندنا ثقافة او مرض شوفوني !

[كورديليا]

شي متوقع اصلا

[جرير]

الله يعين اهالي الاطفال والاطفال معاهم

نصب في الاسعار وتنظيم في الحضيض

ليش بعض المسؤلين قلوبهم قست على عيال بلادهم

ليش يعطون تصاريح حق ناس ماترحم ولا تخاف الله

همها شلون تنصب وتزيد في الاسعار لا حسيب ولا رقيب

الجشع ملى قلوبهم في كل شي . . . . الله يشفيهم

[كاتم الاسرار]

الله يعييييييييييينا وجزاك الله خير يا اخوي سوق واقف على المعلومه والنصيحه كنت ودي ولدي بس الحين مافي امل بعد في كل مكان لاعبين فينا الاجانب في كل مكان وزادو بعد الله يستر منهم والمشكله اتقول هم المواطينين واحنا الاجانب

الله لا يوفقهم ان شاءالله

[الصريحه]

اوووووووووووووووووووووووووف

[سوق واقف]

الى الآن الأسعار لم تتغير

[بوحارب]

كلامك سلييييييييييييييييييييم يالغالي

وانه رحت هناك وشفت الأسعار مبالغ فيها ومافيه تنظيم ابدا

وتعامل الموظفين والموظفين اللي عند الألعاب زفت زفت من قلب

على العموم هالشي مب غريب عليهم لأنه كل سنه نفس الحركات هذي

[بوخالد911]

كلامك سلييييييييييييييييييييم يالغالي

وانه رحت هناك وشفت الأسعار مبالغ فيها ومافيه تنظيم ابدا

وتعامل الموظفين والموظفين اللي عند الألعاب زفت زفت من قلب

على العموم هالشي مب غريب عليهم لأنه كل سنه نفس الحركات هذي

بو حرووبي


ود بنتك وضيييح
وخلها تستاانس
واشتر لها تيكت بقيمة 150 ريال

عااد خلها تستانس اشوووي

:thumbup::thumbup::thumbup:

[ابو فهيد]

لا حياة
لمن
تنادي
هم ايشوفون
بوك
مليان
لازم
الكل يقرف
قدمايقدر
اللة ايعوض علينا بحد عندة ذمة مظمير واول شي مسؤل فية خير

[كازانوفا]

والله حرام عليهم شكلهم ناويين يطلعو قيمه الالعاب من النااااس

[JN000N]

هو من ناحية غالي غالي


انا يوم اودي اليهال كانت في جيبي500

واضطريت عقب اسحب لان ماكفتهم ولا شبعو لعب

وغيرهذا كله

مثلماقلت تنظيم يلوع الجبد وزحمه ولووويه والواحد يروح ينفخ راسه ويرجع
هذا غير الي رايحين ومالهم داعي ومافي ايام مخصصه
ومافي رقابه
والجنسيات غير القطريه هم المستانسين



الصراحه لو مهما سوو ماراح يوصلون مواصيل عالاقل مدينة مدهش مادري شسمها فدبي

نظافه ورقابه وترتيب

[الحـ(درب)ـب]

والله شي واحد بديت اشوفه بمنتدى شبكة الأسهم القطرية


الجميع يحاول يشوه صورة اي شي بالبلاد وكاننا فرحانين بالتشويه فقط


عدد الألعاب هو 21 لعبه

عدد الألعاب اللي فيها 15 ريال هو 6 العاب (( العاب للكبار ))

عدد الألعاب اللي فيها 10 ريال هو 8 العاب (( العاب مادون 12 سنه ))

عدد الألعاب اللي فيها 5 ريال 7 العاب (( للأطفال مادون 6 سنوات ))


الحين تبون تقولون ان هالأسعار غالية؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


قبل اسبوعين كنا بالأمارات (( تحديدا بمهرجان مدهش )) صالة اصغر من عندنا واسعار نار + تذكرة الدخول 20 درهم


ثانيا ياصاحب الموضوع سوق واقف : انت اشوفك دايما تركز على مركز الدوحة للمعارض

والسبب معروف لانك اول من يدور يشارك ضمن المعارض

ولما ماتلاقي مايناسبك تروح تسوي بلبله بالمنتدى هنا وتشوه الصورة


عزيزي مافي لعبة بقيمة 20 ريال وهذي اول كذبه كذبتها على الأعضاء


ثانيا مافي اي مشغل العاب يطلع ولدك ويخلي مكانه ولد ثاني من جنسيته - ولو حصل فعلا اعتقد انك تعرفني زين وتعرف وين تحصلني تقدر تجيني وتدلني عليه بشرط اني اشوفه فعلا قام بتديل طفل مكان طفل اخر

وشرط اطرد مشغل اللعبه قدام عينك

بالنسبة للطوابير هذي معروفه وتلاقيها بكل مكان وإلا تبينا مثلا نحط لك عساكر عشان ينظمو دخول الأطفال

برجل ايفل مثلا مرات نصف طابوور مايقارب ساعتين او 3 عشانه

وبالنسبة للألعاب بالدول المجاورة صدقني حنا الأرخص بينهم ماعدا العاب مدينة الطائف لانه عندهم اكثر من 20 مدينة ملاهي والتنافس قوي بنيتهم عشان يجذب الناس لهم



وبالنسبة لدخول الأطفال للألعاب
تم وضع باب دخول وباب خروج للألعاب ذات الإقبال الكبير وعددهم 15 لعبه
اما باقي الألعاب قليله الأقبال فتكون اسهل لدخول وخروج الأطفال ولاتحتاج لمسار دخول وخروج الأطفال

أما للي يقول ادفع عن كل شخص 400 ريال فهذا فاق المحتمل

الحين اللأعاب عددهم 21 لعبه
اذا حسبنا لكل لعبه 15 ريال ((( اعلى سعر ممكن 315 ريال )) مع العلم ان الألعاب اللي فيها 15 ريال محدوده جدا بس لو فرضنا ان جميع الألعاب 15 ريال بيكون المجموع 315 ريال

نجي للتناقض الكبير
اذا عندك 3 اطفال واعمارهم مختلفه يعني واحد عمرة 6 سنوات : اذن الألعاب اللي تناسبة هي 8 العاب فقط وسعرها 5 ريال يعني : 40 ريال لطفلك اذا لعب كل الألعاب اللي تناسبة (( ومافي حد يلعب طفله كل الألعاب بيوم واحد ))
اذا عندك طفل عمره 12 سنه : اذن الالعاب اللي تناسبة هي 6 العاب
وسعرها 10 ريال : اذن طفلك الثاني تدفع له 60 ريال هذا اذا لعب كل اللالعاب
اذا عندك طفل عمره 14 سنه (( يعني الألعاب اللي تناسبة 6 العاب ))
وسعر اللعبة 15 ريال اذن بتدفع عليه 90ريال اذا لعب كل الألعاب
وصار مجموع اللعب بالألعاب 40+60+90 = 190 ريال اذا لعبت كل عيالك الثلاثة بكل الألعاب اللي تناسبهم


واللي يقول انه صارف 400 واللي يقول صارف 800 هذا انا اقول له انت حسبت المطاعم والأكل وبائعين الذره وباعين الناتشوس ويمكن حسبت كم غرض اشتريته من السوق المصاحب للمدينة الترفيهية


وبالأخير يمكن بعض الأعضاء مارح يشوف ردي فكتب الرد بموضوع منفصل على امل ان يتم مشاهدته من قبل كل الزوار



اخوك

درب




وبالأخير استغرب من باقي الردود الموجوده بالموضوع وكان الكل يقول (( مع الخيل ياشقرا ))

[الشقيان]

صااااااااااااااادق اخوي

[بنت شيوخ]

امممممممممممممممممممم
بصراحه قلت الكلام اللي كل من راح قال نفس الكلام
انا ماشفت المكان لكن الكل يتكلم عنه

وبصراحه ترا غلاء الاسعار من العام مو جديد


شكرا لك

[المناعي1]

مرحبا يا أخوان و خوات فعلآ كلامكم صحيح و تم تمديد ألى بعد العيد لأنه ماشألله شافو المدخول مش طبيعي .....عيل أركب ولدي على الاحصان و ياخذ دورة واحده ب10 ريال ليش أورح جنغل زون أحسن ...........

[نمساوي]

الله يرحم العاب علاء الدين ... مادري ليش كسروها :cry2:

والا ملاهي سناء لاتفوتكم ترى للحين موجوده .. من شهرين رايح لها :victory:

[سوق واقف]

نرجو إغلاق الموضوع الموضوع قديم