اسعار البناء عضم وتسليم المفتاح

[daekan]

ارجو من الاعضاء الكرام الذين يبنون بيت العمر في الوقت الحالى الادلاء عن تجربتهم وعن حجم المسطح للبناء والتكلفة سواء عضم او مفتاح ونوع التشطيب اذا مفتاح ليتسناء لناء معرفة اسعار السوق الحالية
ولكم مني جزيل الشكر:thumbup1:

[شموخ دائم]

,


,


السلام عليكم ورحمه الله


اخوي الكريم

هذا موضوع مهم ومفيد ان شاء الله للاعضاء
المقاول الجيد ما يعطي سعر بالمتر ولكن يحسبها كميات وهذي حسبه تاخذ من المهندس جهد يومين بالخريطيه بكل تفاصيلها يحسب كم يحتاج المشروع من حديد الى طابوق الى كم متر خرسانه كونكريت الى اخشاب الى بلاط الى شبابيك الى ابواب الى عوازل

لان كل بيت تختلف كمياته وكل بيت له ديكور مختلف
مو معقوله بيت مليان ديكورات
وبيت عادي مافيه ديكورات
ويكون نفس سعر المتر للبيتين

عموما اخوي السعر يعتمد على الشركه الشركات الزينه والمصنفه سعرها اعلى من الشركات
الغير مصنفه لان نظافه الشغل والالتزام والامكانيات غير

السعر الان فيه العجايب بتلاقي سعر المتر تقريبا للتشطيب النظيف

2500 ريال وبتلاقي 2000 ريال وبتلاقي 1800 ريال وبتلاقي 1600 ريال ويمكن اقل

الشركه الي فيها مهندسين 4 او خمسه وعدد العمال فوق ال 200 وسيارات ومعدات لهم سعر وجوده

وبتلاقي الشركه الي فيها فورمن وبيك اب لهم سعر وطريقه شغل

والاختيار عليك وتتحمل نتيجه اختيارك

نصيحتي للجميع

لا تروح للغالي جدا ولا تروح للرخيص جدا خلك على الي سعره متوسط

منها توفر فلوسك ومنها توفر عوار راس مع الشركات الرخيصه

والله يبعد الجميع عن المشاكل

وبالتوفيق للجميع






,

,

اخوك

شموخ دائم

[ممنوع اللمس]

مرحبا اخوي انا عندي مكتب مقاولات وبنينا من قبل
السعر يختلف من مكتب لمكتب
اكثر الناس تقوله بكم المتر عظظم يقولك مثلا بـ 1100؟ طبعا غلط كيف حكم انه بالسعر هذا واهو ما شاف الخريطه ولا عرف المساحه وغيره وغيره وفي ناس يقولك 900 للعظم ويبني وبعدها بفتره تشوفه بدا يهمل الشغل لأنه بدا يخسر

بس حاليا بالنسبه لمكتبي العظم يتراوح من 920 ريال لين 1100 طبعا ( حسب الخريطه )
اتمنى افدتك بشي والسموحه