انسرق من 22 سنه وانا عارف [الأرشيف] - منتديات شبكة الأسهم القطرية

fatima88

21-07-2010, 05:39 PM

السلام عليكم ورحمة الله وبركاته
يا جماعه الخير عندي مشكلة وما اعرف حل لها .. قلت الأنسب اني اسأل ذوو الخبرة
مشكلتي بالتفصيل الممل
عندي محل صغير لبيع الاحذيه والشنط النسائيه... وعندي 3 بنغاليين يشتغلون بالمحل
3 بنغاليين لانه كان عندي 3 محلات وقعدت اخسر وصفيت على واحد..
اعرف ان انا سبب المشكله وسوء ادارتي وعدم خبرتي في التجاره او بالاصح عدم وجود الخبره الاداريه للمحل
طبعا ما اسوي جرد لا سنوي ولا شهري وولا شي..ما اعرف شنباع و شضل بالمحل..
مافي فواتير تنعطى للزبون.. لما تصير عمليه بيع يكتب البنغالي البياع اسم الموديل والسعر اللي باع فيه بدفتر عادي .. طبعا الاسعار غير موحده لانه الزبون احيانا يفاصل وينزل السعر شوي.. لكن في مدى معين للسعر..
السالفه انه .. البياعين اللي بالمحل يبيعون مثلا القطعه ( قولو شنطه) ب 350 ويكتب بالدفتر 200 و الباقي في جيبه وهالموضوع صاير من زمان وماعارفه ايش اسوي... جربت مره اكتب جميع الموديلات اللي عندي واول باول اكتب ايش انباع وبكم.. لكن متعب ومرهق ( الشغل كله يدوي) وماجاب نتيجه.. اسأل مثلا باخر الشهر : مفروض يكون في 5 حبات موجودين .. وينهم.. ؟؟ يتهبل ويتسعبط على البياع ويقول مافي معلوم..
الحل اني اسفرهم واجيب غيرهم الله يخليكم لاتجيبون طاريه .. لاني سفرت وجبت بعد صرف و خساير عليهم واخرتها اللي حوالينهم بالمحلات علموهم هالنصب.. طبعا المحلات المجاوره كلها اصحابها من نفس الجنسيات تقريبا.. فاللي عندي كل شوي يقولون المحل خسران لازم تبيعينه وانا شراي .. الحين البنغالي بيشتري المحل ؟؟؟!!

ارجوكم المساعده يا جماعه ... وارجو خبراء اللي يساعدون ما ابي اقتراحات خياليه.. لاني تعبت معاهم ..

فارس الكلمة

21-07-2010, 05:50 PM

السرقة .. مكشوفة و واضحة ..

أفضل حل .. هو تثبيت اسعار البضائع .. إدخال الحاسب الالي في الجرد و البيع و صرف الفواتير ..

خلط الجنسيات .. يعني هندي .. على نيبالي على بنغالي مثلاً ..

الساهر 17

21-07-2010, 05:53 PM

يوجد برنامج محاسبي عجيب تخزن جميع الاشياء في الكمبيوتر وبعدين يحسب بروحه تلقائي واي زبون يشتري مايقدر يعمل خصم واذا عمله خصم لازم يكون السعر مكتوب وراح تترتاحين وانا انصحك نصيحه سفري كل البنغالييين اغلبيتهم حراميه واحضري نيبالي + سرلينكي واذا بغيتي اي استفسار انا حاضر ,, بس لاتبيعيين المحل

die 4 qtr

21-07-2010, 05:55 PM

لاتبيعه ع النيبالي لان شكله يربح والمحل يشتغل

حط حاسب الالي مثل المحلات المعروفه وبتعرف كل شي وين راح

هبوب الشمال

21-07-2010, 05:56 PM

اتفقي مع محاسب او اي شركه محاسبه وهم بيضبطون لج كل شي وبس

ولو المحل خسران ليش بيشتريه البنغالي ؟؟؟؟؟؟؟

يقص عليج ماعليج منه

meme~qatar

21-07-2010, 06:03 PM

الله يعينج
اللي عنده خلفية يا اخوان يساعدها جزاكم الله خير

الساهر 17

21-07-2010, 06:07 PM

توني عرفت شلون اسوي توقيع

خخخخخخخخ

STAR

21-07-2010, 06:13 PM

المحل ربحان لا تبيعينه

fatima88

21-07-2010, 06:38 PM

اخوي فارس..
اعرف ان الحل المثالي بيكون بجهاز اسجل فيه البضاعه اول باول
لكن:
1) البضاعه صعب يتثبت سعرها..
2) من وين الاقي هالاجهزه( الكاشيير) من اللي يبيعها ؟؟ ابي احد يدلني عليها
3) اي نوع بالضبط ينفع محلي و بضاعتي .. يعني اكيد انا مو نفس السوبرماركت ولا كارفور البضاعه عليها باركود وسهل التعرف عليها من الجهاز
----------
الساهر:
اخوي اشتريت من شهر برنامج اسمه peachtree وهو للمحاسبه
غير اني برمجت واحد من زمان بنفسي على الاكسس وكان فيه نفس المواصفات تقريبا.. لكن مافي فايده
لما اسألهم وين الستوك ووين الباقي تبدأ المسرحيات مافي معلوم وما اعرف ومادري والبلاده..
----------
ابي حل عملي .. احد يدلني وين اروح بالضبط وايش اجيب
شركه محاسبه مو محتاج ولا محاسب
بيكلفوني اكثر من اللي اقدر عليه.. محلي واحد وصغير ماهي شركه كبيره اقدر اسوي الحسابات بروحي لكن السرقه يعني الاول كنت اقول يسرقون على خفيف خليهم.. لكن الحين قدامي اجي المحل اخذ الربح يقعد يعد و يطلع 100 ولا 200 زياده بالصندوق عن اللي مكتوب بالدفتر يقوم يشيلهم على جنب ويعطيني .. اقوم اسأل وهذي اللي بالجنب ؟؟ يقول لا هي انا حطيتهم عشان اصرف تشينج .. واحيانا لما المبلغ اكثر من ذيج .. يقول ايه نسيت اكتب شي ناس شروه كان واجد زبون وتلخبط ..

بيانو

21-07-2010, 06:40 PM

أختى / اخى

الحل بسيط جداً

وهو أولاً جميع البطاعه التى تدخل من باب المحل يقيد بدفاتر بجدول به

على سبيل المثال

أسم المنتج = على حسب ما انت بتسمين المنتج
السعر = سعر المنتج
الرقم = وهذا من اهم الاشياء وهو بيكون عباره عن لو انت عندك بالمحل مثلاً 10 منتجات وكل منتج به كذا شكل - بتعطى المنج الرئيسى رقم - ثم تقسمهم على الاشكل لحد ما نتنهى المديلات التى تحمل رقم المنتج الاساسى - وهذا سوف تستفيد منه بالجرد على الورق تقدر تعرف يوجد عندك بضائعه أيه انباعت وايه موجود

أسم المنتج --- السعر --- الرقم --- العدد
شنطه يد --- 350 --- 1/1 --- 10
شنطه يدموديل .... --- 300 --- 2/1 --- 15
شنطن يدموديل أخر --- 270 --- 3/1 --- 20

حذاء بوت --- 150 --- 1/1 --- 50
حذاء صيفى --- 90 --- 2/1 --- 50
حذاء اطفال --- 45 --- 3/1 --- 80

إلخ وهذا على سبيل المثال

ويوجد أيضاً بدفتر الفواتير نفس هذه التقسيمه بجدول الفواتير ولازم تقيد البيانات بالفاتوره

ولازم من جرد كل اخر شهر لمعرفه البطاقه التى نقصت بالمحل وانباعت

ولو حبيت انى احضر لك بالمحل واعرفك على الطريقه هذه بشكل عملى بجيلك وهذه خدمه اخويه بدون مقابل

بيانو

21-07-2010, 07:02 PM

وايضا انت عليك اللوم الاكبر

لانك سايبهم يفعلون ما يشائون فى حلالك ومالك

والمال السايب يعلم السرقه

fatima88

21-07-2010, 07:02 PM

boamir

21-07-2010, 07:07 PM

تحملي تبيعين المحل, حطي كاميرة مراقبه على الكاشير او المحل بكبره

بيانو

21-07-2010, 07:07 PM

اخوي يبانو.. اشكر لك مساعدك ،، لكن
البضاعه صعب تكون ثابته السعر
لانه لو كانت 350 ... احيانا مايرضون شرائها الا 320.. يعني يا فرق عشرين ريال يا بمشي عنكم..
وغير هاى البضاعه اصلا لما اشتريها من المصدر تكون لها اسم وموديل ورقم ونوع ولون وكل شي..
تسجيل البضاعه ممكن لكن ابي احد يدلني على مكاين الكاشير.. وين تنباع ؟؟ من وين اقدر اجيبها...؟؟
دخلت محلات وسألت اصحابها و اغلبهم شاريها من بره الدوحه اللي من امريكا واللي من الصين..
لكن انا هنا بالدوحه لا ابي اشتري بالنت ولا انا مسافره للصين s= ..

السعر مافيه مشكله ادرى ان الذبون يحب الفصال والاسعار الى انا مكتبتها عشوائيه على سبيل المثال وايضاً تقدرى تكتب السعر بالفاتوره الاصلى وبعد ما الزبون يفاصل تكتبى الفرق ويكتب امامه خصم

والمكاين انا بسألك عليها

بس صدق انى الحل البسيط اللى قول لك تتبعه جميع المحلاتالكبرى والصغرى بالإضافه الى ماكينه الكاشير

ممنوع اللمس

21-07-2010, 07:24 PM

من اقتراحي الشخصي ومادري يفيد او لا
شوف لك اخوي اي محاسب فالجرريده وعطه مبلغ معين على انه يصنف البضايع وسط لائحه معينه
يعني مثلا سعر النعال كرمكم الله 100 ريال يكتب الموديل والسعر في كمبيوتر يعني كل شي مسجل والكميه وكل شي مسجله يعني محد يقدر يلف ولا يدور يمكن الشغله بتتعبه شوي وبياخذ مبلغ بس اضمن للمستقبل والله ولي التوفيق والسموحه

آخر العشاق

21-07-2010, 07:36 PM

اكتبي في المحل البضاعه الي تنباع من غير فواتير المحل غير مسؤول عن استرجاعها في حاله الرغبه في التغيير .. والرجاء استلام الفاتورة .. وخلي لج فواتير لازم يكتبون فيها اللي انشرى .. واسمحي لي اذا انتي وحده لازم يروح معاج ريال عشان يحاسبهم ..

او الراي الأخير قولي لهم انتوا استلموا المحل وبيعوا واشتروا فيه وعطوني كل شهر 10000 او 15000 وصدقيني بيوافقون واريح لج .. عوضي خسارتج وعقب طيريهم وجيبي غيرهم وسوي نفس الطريقة لين تتعلمين شيسوون .

لله الحمد

21-07-2010, 07:51 PM

الموضوع بسيط جداً

كاميرا فوق .. انتي كل الوقت ما راح تراقبين .. بس هذا النوع من الكاميرا ما يكلف شي ..

ولكن نتيجته فعّاله .. تخوف البيّاع وتخوف الزبون في نفس الوقت :)

الكاشير اللي تتكلمين عنه .. انا عندي محلات ..

بسأل لج عنه .. بعطيج خبر

نور اعيوني

21-07-2010, 08:05 PM

حطي كاميرات بالمحل وراح تكشفينهم مع الايام لان رفيجتي ابوها عنده محلات جواويل ما شاء الله وكان يحس انهم يبوقونه وسبحان الله اقترحوا عليه اللي حوله يسوي كاميرات بالمحل وفعلا كشف عماله يتامرون بس ما عرف على شنو بس قبل تركيب الكاميرات بكم يوم العمال درو انه بيركب كاميرات مراقبه وباقوا منه 70 الف وانحاشوا وعلى فكره العمال من جنسيات مختلفه واشردوا قبل ما يصيدهم..والله يعوضه خسارته بس خذ حذره من الباقيين..

جرير

21-07-2010, 08:24 PM

اول الحلول . . . تغيير الموظفين فورااااااااااااااااااااااااااااااااا

ممكن تدخلين نظام الفواتير وتحطين لوحه داخل المحل

" البظاعه المباعه لا تستبدل او تسترجع من دون الفاتوره الاصليه "

بحيث انه العباره ممكن تخلي الزبون يلح في طلب الفاتوره

عمل جرد شهري او نصف سنوي او سنوي لمعرفه كافه التفاصيل

ادخال نظام الكاشير

اما فكره بيع المحل No way

والله يوفقج:thumbup:

Ghaith

21-07-2010, 08:49 PM

الله يعوضك إن شاء الله
بالنسبة للأجهزة الخاصة بالكاشير أو الأجهزة المساعد لعمليات الجرد والترقيم الإلكتروني والباركود سيستم ممكن تلاقينها في فلورا للأجهزة الإلكترونية في منظقة المنتزه بجانب مكتبة ابن القيم وحلويات حبيبه
ولو ماعندهم متوفر هم بيوفرونه
هـــذا والله أعلم

المهندس عبدالعزيز

21-07-2010, 08:52 PM

خلي أخوك أو أبوك يروح لهم ويسوي لهم سالفة ويصارخ عليهم ويجيب لهم الشرطة
علشان يتعلمون ثاني مرة

ابوسعود

21-07-2010, 10:09 PM

التجاااااااااااااره تبي واحد فاااااااااااااااضي ويخصص وقت حق التجااااااااااااره

افضل طريقه لتعامل ويا حاااااااااالتج

تتفقين وياه على نظام النسبه يعني تقولين ابي منك كل شهر مبلغ وقدره

والباااااااقي انت مسوول عنه اجاااااااااااااار وكهرباااااااء

وروااااااااتب العماااااااااااااال جربي اذا مااااااااااافيه فاااااااااااايده

بيعي المحل

لانج لازم توقفين الخساااااااااااااااااااااير

وبالتوفيق

ANONYMOUS

21-07-2010, 10:18 PM

اذا المحل صغير.. اعتد 3 وايد عليه..

لي جا اخر الشهر.. وجا البنقالي اللي دوم يحاسبج.. وقال مثلا الربح الف ريال..

صارخي عليه واختلقي مشكله بسيطه..

وسفريه.. اليوم الثاني.. لاتطولين..

الاثنين الباقي بيتأدبون..

شوفي اخر الشهر الثاني كيف الربح..

وبعد سفري الثاني..

وخلج عالثالث يشتغل ودوري على واحد امين ومن جنسيه ثانيه.. فلبيني مثلا..

اهم شي جنسيتين يكرهون بعض :)

وشوفي الفرق..

وبنفس الوقت.. طوري نظام البيع كأجرهزه وغيره..

طبعا كل هالسوالف اللي فوق.. خلي ريال يسويها..

ابوج اخوج او احد الاقارب..

latty

22-07-2010, 01:36 AM

السرقة .. مكشوفة و واضحة ..

أفضل حل .. هو تثبيت اسعار البضائع .. إدخال الحاسب الالي في الجرد و البيع و صرف الفواتير ..

خلط الجنسيات .. يعني هندي .. على نيبالي على بنغالي مثلاً ..

اتفق معه كليا

وليه بنقال وهنود شوفي لك وحده تمشي لك المحل ومعها كم عامل وبس

وللعلم الاخوات العربيات يخافن من المطالبه والشكاوي وغيرها فيكون شغلهن نظيف ومرتب

شوفي وحده تعرف للكمبيوتر ولديها خبره

اعلان صغير بالجرايد بالوسيط يكفي بالغرض

ذوق

22-07-2010, 02:21 AM

أنت ضروري تاخذين دوره في البزنس في مركز الانماء الأجتماعي لمده اسبوع وبتطلعين بفايده كبيره

واستخيري في كل امورج

والله الموفق

fatima88

22-07-2010, 04:25 AM

مشكورين جميعا.. جاري الحين دراسه الحلول وان شاءالله اتوفق ...
جزاكم الله كل خير

الرمح الطويل

22-07-2010, 12:19 PM

احسن طريقه يبيلج محاسب كل اخر شهر هو يتفق ةياج وكل شهر يحاسبهم ويعرف كم باعو وكم دخلو

بوخالد911

22-07-2010, 12:26 PM

وضع كاميرا

جيبي عمال من جنسيات مختلفة
لو من نفس الدولة ؛ بيلعبوون علييج

استخدام الحاسب الالي لرصد كل عمليات البيع

مووفقين

سهم رايح

22-07-2010, 12:36 PM

al-sheek

22-07-2010, 02:37 PM

اتفق معاك 100%

هذا حال 90% من التجار في قطر ......

القطري ياخذ 1000 ريال في الشهر والاجنبي ايحول ابلاده اضعاف المبلغ

والسبب ان كل من هب ودب دخل في التجارة والخبرة صفر .....

ليه تلوم الاجنبي دام القطري مخليه على كيفه (الملام القطري وليس الاجنبي)

محد انولد عنده خبره

والاجانب يساعدون بعض فالتجارة اما القطريين العكس (عن تجربه وواقع)

اختي بالنسبه لج لا تبيعين المحل
وغيري العماله الي عندج بطريقة الترهيب

واذا بغيتي عمال (عندي عمال ممكن يجوبونلج موظفين امينين) وما عليج غير انج تدفعين تذكرته بس ورسوم الاقامه

وممكن اعطيج حد من العمال لين ما تتعدل امورج عن طريق الاعاره

واهم شي الفواتير لا تتفعل عندج فالمحل بشكل سريع

والجرد لازم يكون اسبوعي مع الخصم من العمال في حال النقص

وطريقة ادارة المحل تكون بالشده والحده بالامور

والله يوفقج ويباركلج في حلالج ويوسعلج رزقج

بويعقوب

22-07-2010, 02:49 PM

قولي لهم اي شئ ينقص باخصم من الراتب

:(

واشتري الجهاز اللي يطبع السعر

واكتبي السعر النهائي اللي مابعده خصم علشان تفكين نفسج من موضوع الخصم الوهمي

وبالنسبة للمخزون سهل جداً

جدول اكسل : اكتبي فيه نوع البضاعه وسعرها ( الثابت ) والكمية الموجوده

ونهاية كل شهر تنخصم الكمية المباعوة من المخزن

والله يوفقك ويرزقج بحلاله ويبعد عنج الحرامية

LionFish

22-07-2010, 03:03 PM

صارلهم 22 سنة يسرقونج!؟؟!؟ :eek5:

قطر دزاين

22-07-2010, 05:19 PM

ابعد عن البنغال اوصخ عملاه وحراميه اللى من رحم ربي

ام راشد 1

22-07-2010, 11:36 PM

عن تجربة، لا تفنشين حد في الوقت الحالي، ما زلتي تحتاجين خبرتهم في السوق. اول خطوة عمل كنترول للكاش الداخل، و ذلك بان توظفين شخص من طرفك شغلته كاشير، فقط قاعد في المحل يستلم الفلوس، (لا يحتاج خبرة في اي شي، فقط يكون ثقة و يخاف الله). و من ثم تطبيق اقتراحات الاخوة الاعضاء (فواتير الكمبيوتر، جرد، تبديل العمال،تأجير المحل عليهم بمبلغ مقطوع شهري، إعطاء نسبة....الخ). والله يفك كربتك.

sendarala

23-07-2010, 11:14 AM

الله يعينج ويساعدج والاعضاء ما راح يقصرون معاج ان شاء الله

بوخالد911

23-07-2010, 12:50 PM

هلوو

وهل راح تطبيقيين اللي اذكررروه لج الاعضاء؟

عااد خبرينا وش يصيير معااج

بوبندر

23-07-2010, 12:54 PM

اذا 22سنه تنسرقين وانت ساكته اسموحه منك انت اكبر غبيه

شيط ويط

23-07-2010, 01:23 PM

الحل بسيط اشله ما تتفقين وياهم على (نسبة ثابته) تاخذينها منهم نهاية كل شهر .. يعني مثلا تقولين لهم ابي 10 الاف ريال نهاية كل شهر !

باسكن روبنز

23-07-2010, 02:19 PM

حطي في بالج انه مافي محلات خسرانه ، هالايام البزنسس ماشي بكل شي وأي شي ،

غيري الستاف وهاتي جداد وجنسيات مختلفه والاحسن لو كانو يكرهون بعضهم هههههههه ،
والله يعينج على التفاصيل الثانيه بس انتي غلطتي من البدايه بثقتج فيهم ،

CH Engineer

23-07-2010, 04:21 PM

الحل الاول تفنشين العمال وانتي غلطانه جايبتهم كلهم من نفس الجنسيه وبدون ماتراقبينهم
والحل الثاني كمبيوتر يطلع لج فواتير المشتريات
مايكلف ابدا نظرا لحجم السرقات..

وبالنسبه للخصم عادي الكمبيوتر يتقبل هالشي
ينكتب السعر الاصلي 350
بعد الخصم 300
ويطبع للزبون ورقه
وانتي تحتفظين بحساباتج فالكمبيوتر..

نورالهدى

24-07-2010, 12:10 PM

الله ينصرك ياختي
وسوي مثل ماقالولك الأعضاء
وفعلا المحل لو خسران ماطلب يشتريه
وبيشتريه من حلالك
حسبي الله ونعم الوكيل

Special man

24-07-2010, 12:18 PM

:( الله يعينج انا مره سرقوا علي 25 الف:no:

كرستال

26-07-2010, 09:18 AM

من 22 سنه توج فطنتي وطلبتي النصيحة

الله يسهل عليج وتفتكين منهم

bluelion

26-07-2010, 10:33 AM

السرقة .. مكشوفة و واضحة ..

أفضل حل .. هو تثبيت اسعار البضائع .. إدخال الحاسب الالي في الجرد و البيع و صرف الفواتير ..

خلط الجنسيات .. يعني هندي .. على نيبالي على بنغالي مثلاً ..

لازم تصرف شوي ... جهاز حاسب آلي، طابعة، ... وضع سعر على كل منتج وفواتير... ولوحة كبيرة "لو لم تستلم فاتورة تكون مشترياتك مجاناً" (وتنخصم من واحد من الموظفين - المكلف بالمحل والكاشير - ويكون واحد). وسعر ثابت مسموح للموظف التصرف بنسبة معينة فقط 10% أو 15% أو حتى 20% ...

ومطلوب جرد دوري (مثلاً كل 3 شهور) تسويه بيدك.

fatima88

26-07-2010, 10:53 PM

شكر جزيل لجميع اللي حاولو يساعدوني.. وشكرا لمشاركة نصايحكم واقتراحاتكم..
" بو بندر" الله يسامحك :looking:

افسر سالفه من 22 سنه.. طبعا العنوان لجذب السياح..
من 22 سنه كان عمري يوم ونص:p .. المحل محل الوالد ، والوالد "كان" عنده وظيفه اساسيه الصبح والمحلات كانت " ما اعرف كيف اوصفها" اقرب للهوايه !! .. تقريبا عمل ثانوي وما يهتم فيه وطبعا انا اعرف ان دخول مجال التجاره بدون دراسه وخبره تؤدي للفشل..
وطبعا ماكان لي دخل بتجارته.. لكن شوفه عيوني ان المحلات تتدهور.. والبياعين صار فيهم تكبر وتحكم وسمعت بلبله ان المحل احتمال ينباع .. قررت ادخل شوي واساعد الوالد .. لكن بحكم ان الاداره غلط " عذرا ابوي" قررت اخذ رأي اخر " خبراء ومجربين" وطبعا هنا مو اول مكان ادخل واسأل ، سألت دكاتره اداره ومحاسبه و قانون بالجامعه لكن للأسف كلامهم كان على كبير.. وكأنه عندي شركه عالمية ب 1000 موظف...
ان شاء الله راح امسك هالتجاره ، واكون اليد اليمنى للوالد ، بدءاً من اختيار البضاعه الى الحسابات والجرد...
شكرا جزيلا مره ثانيه لاهتمامكم.. وللي كانو حابين يطمنون على اللي بيصير..
اولا: راح اطبق نظام الحاسب الالي ( جاري البحث على انسب جهاز وبرنامج).
ثانيا: لصق بوسترات توعيه للزبائن ( خذ فاتورتك احسن لك والا).
ثالثا: اختار بضاعه العيد :eek2: ( الاسبوع القادم السفره ان شاءالله).
واخيرا: فكرة ان اترك الشغل عليهم واطلب كل شهر مبلغ ما اقتنعت فيه ولا ناويه اعرض الفكره على الوالد .. حابه امسك انا التجاره و ان شاء الله بتوفق وبعوض الخساير ..
(( فكره تركيب الكاميره ، خليها على جنب بعد تركيب الكومبيوتر بالمحل)) عشان افاجئهم على مراحل ..
لكن عندي سؤال..
الحين ان شاءالله بضاعه جديده راح تجي..
وطبعا الجهاز او الكومبيوتر باللي بيدخل بيكون جديد مافيه شي
ايش اسوي ؟؟ ادخل البضاعه الجديده فيه واركز عليها
واللي بالمحل خلى ولي؟
لان اللي بالمحل احس راح يخربطني اللي موجود واللي انباع كيف الجرد اسويه.
و على كلام البياع ان الجرد " لازم سكر مهل تلاته يوم بادين سوي اكتوب"

قلم محايد

27-07-2010, 01:47 AM

اختي انا احييج انج ساعدتي والدج في تجارته و ان شاء الله راح يكون لج شأن كبير في المستقبل .. فقط لا تيأسي ولا تستلمي و بصراحة التجارة بحر و تحتاجين الخوض فيه لكي تكتسبي الخبرة .. قد تتعرضين لبعض الخسائر لكن راح تتعلمين منها الكثير .. خصوصا بعد ان عرفت ان هذي محلات الوالد يعني ان شاء الله في دعم موجود لك .. لذلك هذي فرصتك تثبتين نفسك ..

و انا من البداية قبل لا اقرا ردود الاعضاء كنت بقترح عليك وضع كاميرا .. و فيه كاميرات مراقبة امنية و يجي معاها جهاز تسجيل و تراقب اربع و عشرين ساعة .. ماعتقد العمال يفكرون يبوقون بعدها و الكاميرا بتريحج و بتخليهم يخافون يسوون اي شيء .. لكن ممكن توعدينهم ببعض الزيادات لو زادت الارباح كتشجيع لهم .. يعني ترهيب بالكاميرا و تشجيع في نفس الوقت .. لان الترهيب فقط مابينفع .. و بجذي تكونين عطيتيهم فرصة ..و بالكاميرا بيبين لج كل شيء و كل تصرفاتهم و هل المحل يربح فعلا او يخسر مثل مايقولون ...

BuNooR

27-07-2010, 02:28 PM

السلام عليكم
الشيخ كانت عندنا نفس المشكله والحل كان انا جبنا وحده فلبينيه (لانهم يخافون اكثر من غيرهم)

وصار السعر ثابت يعني الزبون ما يقدر يفاصل في اي شي

ولااااااااازم تسوي جرد شهري على الاقل واذا في اي نقص اخصمه من راتب الموظف

والله يوفقك ويبارك لك في حلالك

بنت ابوها 19

27-07-2010, 03:13 PM

من سنة 1989 وهم يبقونج
وتوج سنة 2010 مكتشفه

والله حرام

وهم قطر

27-07-2010, 04:10 PM

أما سالفه الكيمرات مالها داعي كيف بتكتشفهم ياجماعه جاء زبون شاف بضاعه جابها عند الكاشير دفع فلوسها وراح هل الكيمره بتحسب الفلوس

الاخت نظامها بدائي غير حديث أشوف ماله داعي لجهاز وسالفه

أحد الردود جدا واضح وبسيط الي هو تحط لافته للزبون ياخذ فاتوره وتحط السعر الاصلي في الفاتوره وتحت يكتب الخصم

الاهم أتلاحق على البضاعه الموجوده وتحسب العدد وتسجلها وتبدأ منها