قناة سكوب "القطريه" !!

[شبعان]

صار لي مده اتابع برامج قناة "سكوب" الكويتيه..القناه مركزه بشكل اساسي على مناقشة القضايا والمشاكل المحليه"الكويتيه".
اتمنى انى اشوف قناه قطريه بنفس الافكار وتركز على مناقشة المحليات وتكون عندها الحريه تتكلم وتناقش اي موضوع(ماعدا الامور السياديه والامنيه)..
مجرد امنيه وانشاءالله تتحقق!!

[STAR]

وانا افضل ان يكون عندنا برنامج مشابهه لبرنامج المحامي خالد عبدالجليل

[عين قطر]

في المشمش
لا ويقولون عندنا ديمقراطيه

[meme~qatar]

ليش لا

حلوة الفكرة

[كلاسيك قطر]

اخي عندى نفس الافكار

في قناة نفسه بس نسيت اسم القناة

[بوطويشم]

السلام عليكم

خوفك حد يتكلم وينطق

:looking:

لان في ناس مايرضون على نفسهم

مب مثل الكويت ديموقراطية

[طــمــوحــة]

المشكله باللي ما يعرف يثمن معنى الديمقراطيه

هذا الانصاري فتح قناة المجتمع وتكلم بالقضايا

لكن ما حط له هدف ورى هالقناه غير الشهره والتشهير

[عين قطر]

الانصاري الله يهداه اسلوبه غير لائق ابدا وبعض كلامه عيب ينقال وهو يسب ويشتم اكثر ما ينتقد
وقناته فاشله من اسلوبه

[السنافية]

الله لا يقــــــــــــوله
عاد ما بغيت الا قناة سكوب اللي تكيل بمكيالين 00
كلها كذب ونفاق ولعب على الحبلين
اعتقد في قنوات رسميه لحل مشاكل الناس
موعن طريق التشهير بالقنوات والفضائيات
الله يستر علينا وعلى بلادنا

[كلاسيك قطر]

صار لي مده اتابع برامج قناة "سكوب" الكويتيه..القناه مركزه بشكل اساسي على مناقشة القضايا والمشاكل المحليه"الكويتيه".
اتمنى انى اشوف قناه قطريه بنفس الافكار وتركز على مناقشة المحليات وتكون عندها الحريه تتكلم وتناقش اي موضوع(ماعدا الامور السياديه والامنيه)..
مجرد امنيه وانشاءالله تتحقق!!

اي نعم هاي الي ابي اتذكره قناة المجتمع

ومودجوده

بس مو نفس قناة سكوب

يتكلم عن قضاياء في قطر

[الأصيلة]

المشكله باللي ما يعرف يثمن معنى الديمقراطيه

هذا الانصاري فتح قناة المجتمع وتكلم بالقضايا

لكن ما حط له هدف ورى هالقناه غير الشهره والتشهير

والكلام الخارج عن نطاق الأدب ..
والألفاظ السيئة االردئية والمشاكل التي لاتعالج على الهواء لـ حساسيتها الزائدة..
فالحرية ليست بهذه الطريقة التي يظنها البعض
حرية النقد أباحها الإسلام ولكن جعل لها حدود يجب ألا تخرج عن نطاقها...

[شنب]

الانصاري الله يهداه اسلوبه غير لائق ابدا وبعض كلامه عيب ينقال وهو يسب ويشتم اكثر ما ينتقد
وقناته فاشله من اسلوبه

الانصاري لا هو محامي ولا هو يفهم بالقانون ولا حتى عنده اسلوب في الكلام
بس فتح له قناة و قام اييب ناس مادري من وين يايبهم و يقعدون يألفون قصص

[الـقـاسـي]

احنا لين وصلنا لربع مستوى اللي وصلت له الكويت في الديموقراطيه ممكن نسوي قناه تناقش بكل صراحة وضع المجتمع القطري ..

بعطيك مثال شوف الدكتور عبدالله النفيسي - كويتي-
يتكلم ويحاول يعلمنا الديموقراطيه يقول: أنتم يا اهل قطر متى تتحركون متى تعترضون متى تقولون لا ..

وهذا رابط الفيديو
http://www.you tube.com/watch?v=vqD_m_31F8M


بغض النظر عن الموضوع اللي تحدث عنه لكن شوفوا المقارنه شلون ..

والله شي يضايق .. للاسف مثل مايقول انه احنا ماعندنا اراده عامه

[عين قطر]

احنا للاسف عندنا النفاق واصل حده .. يسوووون اي شي لرضى المسئول ..

[بدوي]

المشكله باللي ما يعرف يثمن معنى الديمقراطيه

هذا الانصاري فتح قناة المجتمع وتكلم بالقضايا

لكن ما حط له هدف ورى هالقناه غير الشهره والتشهير


الانصاري ماعنده هدف ولا اسلوب

اسألي عنه الحين وبتعرفين وين مكانه !! يستاهل ماجاه :thumbup1:

انا اشوف نخلي دهنا في مكبتنا ابرك ، وبلاش نشر غسيل
:no2:

[الـقـاسـي]

اخوي بدوي ماودنا نتشمت في الانصاري بس هو كان يحارب هالشي ويستنكره وصادوه فيه

[aljaber1]

الكويت ماوصلت الى ماوصلت اليه في يوم وليله
انا اقول الحمد الله عندنا هامش من الحريه واحسن من غيرنا
بس مايرتقي ولا يقارن بالكويت

[بو الطيب]

سكروها قناة المتجمع ههههههههههه تجمعو على راس الانصاري المسكين هههههههههههههه احسه مرقد في العنايه المركزه

[فارس قطر]

صار لي مده اتابع برامج قناة "سكوب" الكويتيه..القناه مركزه بشكل اساسي على مناقشة القضايا والمشاكل المحليه"الكويتيه".
اتمنى انى اشوف قناه قطريه بنفس الافكار وتركز على مناقشة المحليات وتكون عندها الحريه تتكلم وتناقش اي موضوع(ماعدا الامور السياديه والامنيه)..
مجرد امنيه وانشاءالله تتحقق!!

نكون صريحين لو بعد100 سنة مانوصل الى
ماوصلت لة الكويت من هامش الحرية
وطني الحبيب ويخب علينا

[£عبدالعزيز£]

قبل ما اتكلم في الموضوع

بخصوص اللي تكلموا عن عبدالعزيز الانصاري

قال تعالى : (يَا أَيُّهَا الَّذِينَ آَمَنُوا إِنْ جَاءَكُمْ فَاسِقٌ بِنَبَأٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ)

صدق الله العظيم

..

من فترة قريت رد لاحد الاعضاء وقال انه جار الانصاري وان الرجال موجود

وانه يقول ان القناة بترجع ان شاء الله

..

وبعدين صح انه يمكن اسلوبه جريء زيادة عن اللزوم

بس يعني شمعنى الناس خلوا اللي يخربون البلاد (اللي يبيعون خمر مثلا) وتكلموا عن الانصاري ؟

..

انا عن نفسي اتمنى انه ترجع قناة المجتمع .. مع تغيير بعض الامور (البسيطة)

[عزتي سمو ذاتي]

أناضد الفكرة لأنها أول شي تزيد المشاكل وثاني شي تطلع فضايح القطريين وكل من هب ودب قام ينشر غسيله


وحتى قدام العالم والدول الثانية ليه نطلع سوالفنا ومشاكلنا يعني الواحد لنشرها بيستفيد شي المشاكل تنحل بالهدوء

[بوخالد911]

وانا افضل ان يكون عندنا برنامج مشابهه لبرنامج المحامي خالد عبدالجليل

انا احب أتابعه

:thumbup::thumbup1::yes:

[تحداني]

.. ان كنى نتمنى ان تكون هناك قناه تحمل الحريه والديمقراطيه
فلنجعلها في قضايا ليست اجتماعيه ونشر الغسيل والفضايح والعوائل والمشاكل الخاصه
مو كافي البعض مو راضي يستر على نفسه تجي قناه امام العالم والخلق تنشر كل التفاصيل
ويذكر المظلوم ما مر به من ظلم من ناحيه اخوه
والاخو يسب اخته
والجد يتربى من احفاده




ليس هكذا تحل الامور ..
وما الفائده التي سيجنيها المشاهد من معرفه دنائه وقبح اخلاق البعض ؟؟





.. انما قناه تعالج القضايا المؤسسية والقضايا الوزاريه .. والاسكانيه ..قناه تتكلم بإسم النبض القطري والشارع القطري والمصلحه القطريه
تناقش الكهرباء
والشوارع
والمباني
والسلوكيات الغير لائقه في بعض اللوائح والقوانين البشريه




جملك الله برضى الرحمن

[الغالي!]

حسن الساعي وين!!!!!!!!!!!!!!!!!!!!!!!!!!!!!!!!!!!!

[قناص الخليج]

يناقشووون وبعدين شراح يوصلون له

عندهم مشكلة الكهرباء واهم اغنى بلد بالعالم

[FAUCHON]

والله نتمنى الاعلام يتطور في قطر كثر ما يهتمون بالرياضه

نتمنى انه تكون عندنا اكثر من قناه

الله كريم ..~

[al-vtc]

يا جماعة لا تسموووون ما تعيشة الكويت

ديموقراطية

[FAUCHON]

^

بغض النظر احنا مانبي نتبع لا الكويت ولا غيرها

بشكل عام قطر محتاجه قنوات ياجماعه شعندنا غير " القناه الفضائيه القطريه " اللي برامجها مستهلكه من عام 1900

تقليد اعمى لبرامج القنوات الاخرى وبدون تطوير

عالم السينما = تقليد اعمى كوبي بيست لعالم السينما الذي يعرض على ام بي سي قبل سنتين حتى الكوادر نفسها بالضبط

قطريات = تقليد اعمى لبرنامج اماراتيه بامتياز

شبابنا = نفسه شبابنا في بوظبي

صباح الدوحه = برنامج جميل في الاعداد تعيس بالتنفيذ ولكن مع الاستايل الجديد تطور شوي ولكن بعد يبي له تطوير من ناحيه المراسلين والاستيديو

فن x فن = يا الله برنامج فكرته قديييييييمه جدا والله يذكرني ببرامج غيداء ذياب وذهبيه جابي

" مافيها البرامج الدينيه " من احسن ما يكون


حلو الواحد ياخذ افكار ولكن " يطوووورها "لكن اللي نشوفه العكس كوبي بيست بدون امكانيات كذلك

[سـ ع ـود]

انا اقول لو يسون لنا قناة ارضيه تشتغل بس في قطر ومايجوفها الا القطري اول مايفر عليها يطلعله رمز مرور يحط رقم بطاقته الشخصيه علشان يتاكدون من شخصيته :thumbup:




اتغشمر لاحد يصدق :p
بس جد لو يسون لنا قناة تعرض هموم ومشاكل دولتنا الحبيبه بأسلوب راقي ومتحضر اكثر من قناة المجتمع صدقوني بتنجح القناه

[Bo_7aMaD_Q8]

يا جماعة لا تسموووون ما تعيشة الكويت

ديموقراطية

مساك الله بالخير :p

[الشقيان]

وانا بعد اتمنى