مظلات السيارات

[الحـ قطر ــب]

بغيت اسوي طبيله لسيارتين برع البيت والنوع لازم يكون قماش حسب مواصفات البلدية فياريت الاخوان اللي مركبين واللي يعرفون بهالامور يفيدونا بالتالي:-

1- الشركات او المحلات الموجوده بقطر وشنو افضلها.
2- اي نوع قماش افضل (استرالي او صيني او الماني او اسباني).
3- مواصفات القماش عادي ولا ضد الماء.
4- السعر.
5- كيفية تعامل الشركة مع الضمان يعني لو ركبت ولو صار شي لاسمح الله راح يهتمون بالموضوع ولا بتعبوني معاهم.

وحسب كلام صاحب احد المحلات يقول انه اغلب المظلات المركبة هي نوع القماش الاسترالي العادي مثل الاي مركبينه بفيلاجيو وحياة بلازه واللاند.

[اكاديمي]

الاسترالي اكثرها انتشار
وبالتوفيق

[ولد شرق]

مرحبا اخوي
عندك الاسترالي
واحسن مكان البقالي
وهم نوعين ... يا ضد الماي او العادي
طبعا يعتمد عليك انت اش تبغي
وضد الماي طبعا اغلى بوايد...

[بور بلاك]

وانا بعد ابي والله محتاااج

[بوحمد111]

القايد للمظلات وانا ركبت من عندهم وشغلهم سريع ونظيف والضمان بكلمة تلفون يصلحون المشكله ولا يطالبونك بفلوس
وان شاء الله الربع ما راح يقصرون معاك ويفيدومك بأحسن المحلات

والله يوفقك

[abu-nawaf]

اخوي انصحك لوجه الله لا تروح محل المسؤل من جنسية عربية حاول ادور على فلبيني هندي بنغالي اسال مجرب غشوني و كذابين واخروني

[الحـ قطر ــب]

مشكورين وماقصرتوا وننتضر المزيد اللي يعرف عن الموضوع ياريت مايبخل علينا

[الحـ قطر ــب]

اخوي انصحك لوجه الله لا تروح محل المسؤل من جنسية عربية حاول ادور على فلبيني هندي بنغالي اسال مجرب غشوني و كذابين واخروني

ممكن اسم المحل اللي انت تعاملت معاه وبأي محلات تنصح :pilot:

[al-sada]

بالتوفيق

[الحـ قطر ــب]

:con2::con2::con2::con2::con2::con2::con2:

[عاشق الشهادة]

مظلات الميدان الي بالغرافه شغل ممتاز وانا تعاملت معاهم أكثر من مره ,

نوع القماش استرالي ومغطى من مادة البولي اثيلين ويكون عليه ضمان لمده عشر سنوات على القماش والحديد وللعلم الضمان لا يشمل صدأ الحديد ,
والشركه ملزمه بتوريد جميع المواد اللازمة مثال ( رمل + اسمنت+ جرنيتر كهرباء+ كنكريت لعمل الخرسانه لقواعد المظله )


سعر المتر المربع 165 ريال فقط ..

[الحـ قطر ــب]

مظلات الميدان الي بالغرافه شغل ممتاز وانا تعاملت معاهم أكثر من مره ,

نوع القماش استرالي ومغطى من مادة البولي اثيلين ويكون عليه ضمان لمده عشر سنوات على القماش والحديد وللعلم الضمان لا يشمل صدأ الحديد ,
والشركه ملزمه بتوريد جميع المواد اللازمة مثال ( رمل + اسمنت+ جرنيتر كهرباء+ كنكريت لعمل الخرسانه لقواعد المظله )


سعر المتر المربع 165 ريال فقط ..

تسلم يالغالي وترى انس اللي عطيتني رقمه كذا مره اتصلت له وكلا مغلق
مسكين شكله حاسس اني بملغ عليه وبسندره :thumbup1:

[عاشق الشهادة]

تسلم يالغالي وترى انس اللي عطيتني رقمه كذا مره اتصلت له وكلا مغلق
مسكين شكله حاسس اني بملغ عليه وبسندره :thumbup1:




لا يالغالي أنس يوم الخميس والجمعه ما في امل يرد على حد لان اجازته يوم الخميس والجمعه , بس يوم السبت اتصل فيه الصبح وهو بيرد عليك ان شاء الله .

[الحـ قطر ــب]

:thumbup:

[al-obaidly]

يا اخي الكريم نزل لك اعلان في الجريده والف بتصل عليك

[saeed-qtr]

مساء الخير يالربع

تكفووووون وينه احصل هالمحل
ابي مظله لسيارتي ويكون سعرها معقووول
قسم بالله ذبحنا الحررررررررررر

اللي عنده خبر ياليت مايقصر جعله سالم

[الحـ قطر ــب]

المحلات اللي حصلتهم كلا اسعارهم شابه نار يعني حق سيارتين اقل واحد قالي 5000 ولا والنوع العادي بعد

[KBM_X6]

مظلات الميدان الي بالغرافه شغل ممتاز وانا تعاملت معاهم أكثر من مره ,

نوع القماش استرالي ومغطى من مادة البولي اثيلين ويكون عليه ضمان لمده عشر سنوات على القماش والحديد وللعلم الضمان لا يشمل صدأ الحديد ,
والشركه ملزمه بتوريد جميع المواد اللازمة مثال ( رمل + اسمنت+ جرنيتر كهرباء+ كنكريت لعمل الخرسانه لقواعد المظله )


سعر المتر المربع 165 ريال فقط ..

اخوي ممكن رقم المحل لا هنت ... على الخاص :thumbup1: