الى حماية المستهلك ..أرتفاع أسعار مكاتب جلب الخدم ...عاجل نرجوا التدخل ..

[سوق واقف]

السلام عليكم ورحمة الله وبركاته

أخواني أخواتي الأعزاء في هذا الصرح ... أوجه رسالتي وبشكل عاجل جداا الى إدارة حماية المستهلك ..

السادة إدارة حماية المستهلك ...
أولا أشكركم من أعماق قلبي وبدون مجاملة على الجهود الطيبة من أجل مصلحه المواطن وتخفيض الأسعار وتثبيتها ....


أخواني في إدارة حماية المستهلك ..أحببت أن أنوه لكم بأن مكاتب جلب الخدم رفعت أسعارها بشكل خيالي جداا وهذا حتى يوم أمس ...

وبدون ذكر أسماء المكاتب

بعض المكاتب الأندونيسية من 6000 الاف ريال الى 7900 ريال ولا اعرف ما هو سبب هذا الأرتفاع الغير مبرر والسبب عرفته أمس يقولون موسم الحين عشان الناس تطلب حق رمضان ..

وبعض المكاتب 8000 الاف ريال

وبعض المكاتب 7500 ريال

وبعضها 6900 ريال

نريد فقط معرفة سبب هذا الأرتفاع ولماذا كل مكتب سعر ولماذا لا تكون الأسعار موحده وشاكرين لكم على جهودكم النيرة لخدمة المواطن ...

وربي يوفقكم ويسدد خطاكم ...

[طارق]

والله الواحد يجيب الخدامه عن طريقه ب 3000 ريال
لامكاتب خدم ولا شيئ أكبر حراميه

خاصه ان اكثر الي يشتغلون في المكاتب فراعنه

[كازانوفا]

والله صادق قسم بالله شايله هم كبير لو فكرت اجيب خدامه بالفعل كلهم فراعنه والحلف سهل على لسانهم عشان يقنعوك ان هذه الاسعار بكل مكان
حسبي الله ونعم الوكيل ياريت حماية المستهلك تشوفلها حل مع المكاتب جلب الهم قصدي الخدم ...

[بنت ابوها 19]

القهر
انه في خطه يمشي عليها صاحب المكتب مع الخدم

ندفع له 8000 ريال عشان نشتري راحتنا
ويقولك المكتب لك مني ثلاث شهور تجربها

وطبعا المكتب شنهي سياسته انه يفهم الخدم اشتغلو عدل وكونو زينين في ثلاث شهور الاولى عقب براحتكم
عشان يقطها براسنا وننصدم عقب لما يطيح الفاس بالراس انه الخدامه ماتنفع


وهذا الكلام قالته لنا خدامة اختي
انه صاحب المكتب كان يهددهم ويجبرهم على هل الشي



والله الواحد يجيب عن طريقه ابرك له

امي تجيب الي تبيهم عن طريقها بــ 2000 ريال والتذكره عليها بس
ماتستعين بالمكاتب بتااااااااااااتن

[بوخالد911]

هلا

والله من حوالي اسبوعين
دفعت مبلغ
7800 ريال
استقدام خادمة اندونيسية

ومن سنتين كان السعر = 6000 ريال تقريبا

[سوق واقف]

أتمنى تدخل وبشكل عاجل من قبل إدارة حمايةالمستهلك ...

[مضاربه]

وين حمد بن جاسم يوم يقول كل شي بينزل سعره وبنطب على كل حد يرفع السعر الا اشوف كل شي ارتفع سعره ومكاتب الخدم اصلا بروحهم مشكله ويبيلهم ميزانيه

[FAUCHON]

في الامارات المكاتب على 3000 ريال


وللعلم سياسه انك تجيب خادمه عن طريقك وبس تدفع التذكره هذا الشي ممنوع حاليا وان جبتها بيدفعونك في المطار حول ال 5000 ريال

المفروض يكون هناك رادع قووي لهذه المكاتب التجاريه

[latty]

كنت باحد المكاتب كي احضر خادمه جديده حيث ان معاملتهم طيبه وكلامهم

وقد احضرت خادمتين من عندهم 7500 ريال اندنوسيات

قلت دامني متعامله معهم اروح لهم حتى اجيب الثالثه وللاسف وجدتها 7900 ليه ياجماعه

قالوا امبارح كل المكاتب للخدم عملنا اجتماع وكررنا انا نرفع السعر الى هذا

يوه كررتوا كذا قص ولصق بدون استشاره جهه او مسؤول قال اي الجماعه كلهم صوتوا بذلك

قلت يعني غمض عين وفتح عين نلقى السعر عشره وحدى عشر دام السالفه جشع وطمع والا ليه كذا تسوون فينا

اطالب الجهات الحكوميه بانشاء مؤسسه تحضر الخدم بعقود وشرود تحفظ لنا حقوقنا وفلوسنا

الحين اذا بترد خادمه وتحضروحده ثانيه بدلها لازم تدفع الف او الف وخمسميه ليه انا بنك يا حضرة

السالفه ماينسكت عليها ويجب ان تصل كل المسؤولين معليه ارفعوا سعر الرز الدهن السكر اللحم بس المكاتب ايش هم متخسرين والله فيه ناس تحضرهم عبر الاميل بسعر التذكره والف فوقها يعني اذا غاليه 3500 والكل يتعامل معه والحلوا اذا ما تعجبك بيردها هو وبيحضر لك بدلها
وبلا وجع قلب

[CH Engineer]

للعلم يكون في مكتب في اندونيسيا والخادمه هي الي تدفع فلوس تذكرتها ومرات تدفع مبلغ فوق التذكره عشان تتوظف فالخليج..
سمعت هالكلام وما ادري اذا صحيح او لأ

المكاتب لاعبينها لعب...

[ام السعف]

والله الواحد يجيب الخدامه عن طريقه ب 3000 ريال
لامكاتب خدم ولا شيئ أكبر حراميه

خاصه ان اكثر الي يشتغلون في المكاتب فراعنه

يجبرونك لازم عن طريق مكتب ،، ما تقدر اتييب خادمة من نفسك
بيتابوي حاولوا اجبروهم عن طريق المكتب ،،


بالفعل الأسعار مبالغ فيها ،، واشعليه ياليت خادمات يعرفون الشغل
انعلمهم وفي الأخير يرفعون اسعارهم علينا :(

[مالي ومال الناس]

لا يكون يجيبون الخدم على الفيرست كلاس ولا البزنس ؟

[ANONYMOUS]

سوق واقف

عندك رقم حماية المستهلك ولا اجيبه لك !

[ام السعف]

سوق واقف

عندك رقم حماية المستهلك ولا اجيبه لك !

متأكد ان الموضوع يخص حماية المستهلك والا وزارة الشؤون الإجتماعية:looking:

[LionFish]

بعض المكاتب الأندونيسية من 6000 الاف ريال الى 7900 ريال ولا اعرف ما هو سبب هذا الأرتفاع الغير مبرر والسبب عرفته أمس يقولون موسم الحين عشان الناس تطلب حق رمضان ..


هذا يسمونه احتكار :anger1: ... حسبي الله ونعم الوكيل

"من دخــل في شيء من أسعار المسلمين ليغليه عليهم كان حقـا على الله أن يقعده بعظم من النار يوم القيامة"
-عليه الصلاة والسلام

[ANONYMOUS]

متأكد ان الموضوع يخص حماية المستهلك والا وزارة الشؤون الإجتماعية:looking:


حماية مستهلك

لان الموضوع يتعلق بمكاتب وأسعار

[طبعي كذا]

بصراحه مبالغ في أسعار الخدم بشكل كبير ومعروفه سياستهم يهددون الخدامه إنهاتنظبط لمدة ثلاث شهورو
بعدهايتوهق الكفيل ياأنهاتقول أهلهاكلهم ماتواأوإنهاتعبانه متقدرتشتغل والمصيبه إذاشردت بعدمادفعت عليهامبلغ موب بسيط ....فياليت الجهات المختصه تنزل من ذاالاسعار..وأزيدكم من الشعربيت كل من هب ودب فتح له مكتب خدم ...

[ALHAJAJI]

انا جايب خدامة اندونيسية من شهرين ونصف من محل في سوق العلي بمبلغ 6800 ريال .

وقالوا انهم بيرفعونهم لين 7500 قبل شهر الصيام .

اتمنى من حماية الستهلك اذا كان لها دور ان تتدخل بسرعة لانقاذ ما يمكن انقاذة , والله يعينهم ما لقوا من وين يحصلونها ..

[الـقـاسـي]

والله مساكين اهل قطر .. كل شي ياكل منهم ..

الحين لو بغيت أجيب خدامه بدون مكتب شلون أجيبها وشالطريقه .. ياليت تفيدوني ..

[ولد النواخذه]

سوق واقف الله يسلمك تراك ضحكتني :p
الله يهداك توك متذكر ان في ادارة حماية مستهلك أي حماية الله يهداك ووين هالادارة عن أشياء كثييييييييييييييييييييييرة في الدولة وينها ماشافت شغلها يعني بيشوفون شغلهم الحين وينهم يوم الاسعار ترتفع وكل راعي محل يرفع وكل تاجر يزيد براحته ولين يومك وينهم ليش ما شافوا شغلهم, للاسف هالادارة بالنسبة لي تكملة عدد ومن زمان مرفوع عنهم القلم واذا بيلتفتون حق أي شئ الحين ترا في الكثير ما التفتوله من قبل....

يعطيك العافية

[قلم حائر]

:eek5: الله اعيني اذا راحو خدمي لانهم عندي من 3 سنوات

[HIGHNESS]

اقول انت وياه يللا كل واحد يدخل هله المطبخ ويخليهم يشوفون شغلهم في البيت هههههههه بلاخدامه بلابطيخ :p

على فكره تدرون ليش كل مكان يستغلون اهل قطر .. لانه يدرون اهل قطر بيتحلطمون وفي الاخير بيدفعون ... لو كل عيله قطريه قاطعت محل او مكتب او اي جهه تستغلنا كان بتلقونهم يمشون سيده ولابيزيدون ريال .. يمكن حتى يطرشون لنا مسج عرض حق رمضان اطلب خادمه واحصل على الاخرى مجاناً !!!!!

[سوق واقف]

نرجوا حل المشكله

[الشقيان]

والله الواحد يجيب الخدامه عن طريقه ب 3000 ريال
لامكاتب خدم ولا شيئ أكبر حراميه

خاصه ان اكثر الي يشتغلون في المكاتب فراعنه

:nice: