الـخادمات والـجوال ++ آرائــكم ++

[انتر ميلان]

السلام عليكم ورحمه الله وبركاته

انتشرت في الفترة الأخيرة ظاهرة وجود الجوال في أيدي الخادمات
وانتشرت معاها المشاكل والاتصالات والرسايل الغرامية بين الخادمات وبعض السائقين في البيت أو سائقين الفريج .. الخ الخ ،،

وتقريبا كل يوم في جريدة الراية في صفحة حوادث وقضايا نشوف مشاكل بين الخدامات والمقيمين واستضافة الخدامة لرجل غريب في بيت المكفول ..

واغلب البيوت فيها خدامات
والحين السؤال يقول :
خدامتكم عندها جوال ؟

ونبي آرائكم وبعض الحلول لمواجهة هذه الظاهرة المستحدثة :omen2:

[Sharshooooor]

بالنسبة لي انا وافقت على استخدامهم للجوال ومراقبهم ومحاسبهم على هالشي

طبعا مادخل غرفهم لكن اهم شي عندي اهتمامهم في عيالي ومايكون بيدهم طول الوقت للضروريات بس اذا ماكنت موجود لاني اتصل فيهم مباشرة اذا بغيت اي شي بشكل سريع

وطبعا لاننسى ان الجوال من ضروريات الحياة وجيل الخدم الجديد مثقف غير القبليين مايعرفون شي

يعني عالاقل تكلم اهلها او تدز لهم مسجات

اقصد بشكل عام يعرفون يستخدمون التكنولوجيا الحديثة بدل الرسايل اللي توصل بعد اسبوع لاهلهم

تحياتي للجميع

[شبح الصمت]

والله ياخوك شاقول لك

المفروض ما ياخذون جوال لانهم كله فالبيت يبون الحريم منهم شيء يتصلون فيهم على تلفون البيت وان لزم شيء والا شيء نزلوهم في مكان العاب الله يهداهم الاهل طبعا وخلوهم مع الخدامة يخلون التلفون معاها ويوم يردون يسحبونه
لانه نفس ما قلت مشاكلهم وايد ونفوسهم ضعيفة وبيئتهم الي قبل تحتم عليهم هالسوالف

يعني خلنا واقعيين

اندونيسيا - الفلبين - اثيوبيا - الهند - سريلانكا

متعودين على الاختلاط والسوالف والضحـك يعني

الحين دريول جاء صوب بيت في خدامه شافها انعجب كل يوم الحبيب تحصله قاط الويه يبي يروح لهم عشان يكحل عيونه في ( ميري ) يعل عيونهم البط وعقب اشوي اشوي يحذف لها الرقم اشوي اشوي متواعدين

اشوي اشوي في بتشا صغير

الله يستر عليهم

الحل لا تلفون والا تخليها مهدوده سبيـل تراكض فالشوارع

[رنج سبورت]

شر ذو حدين ومالها حاجه فيه

[ام السعف]

لو اشتكوا عليك حقوق الإنسان بيعطونهم حق بالجوال

[بويعقوب]

ماله داعي الجوال

وهو ساس البلا والمشاكل للخدم

انا من المعارضين وبشدة لاعطاء جوال للخادمه

والله يحفظكم

[حنان k]

يعطيك العافية ع طرحك للموضوع ... لو سمعتي القصص اللي من الواقع وليست من نسج الخيال عن الخدم والجوالات ما كان طرحتي الموضوع للنقاش كان طرحتي الموضوع تحذير وتنبيه

أنا شخصيآ ضد أن تعطى الخادمة جوال يكون معها ع طول , تبغى تكلم أهلها ع عيني وراسي من فوق أطلع لها رقم من دون اسم وكل ما حبت تكلم أهلها تشحن الالرقم وتكلم منه بعد ما تخلص مكالمة الجوال يتقفل وينحط عندي بالغرفة ... لكن أترك الجوال بيدها ما عينت خير مستحيل أترك لها الخيط والمخيط تلعب زي ما تبي . هي أمانة برقبتي بكره صار ما صار أنا أتحمل ذنبها لأن أنا قصرت في حقها أمهلتها ولا راقبتها ... من مخاطر الجوال بيد الشغالة كثير لا تعد ولا تحصى , منها : ممكن تواعد لها عامل أجنبي سواء لقاء غرامي أو حتى التخطيط لسرقة صاحب البيت أو تهريب مصوغات ربة البيت والأشياء الثمينة بالبيت (( كثير حصلت )) أو تواعد لها من شباب البلد الطائشين ويعملون الحرام (( كثير حصلت , الشغالة بالشرقية وتعرفت ع شاب بالغربية ترتب له موعد ويوم وتعطيه العنوان وتجيبه ع عماه لعندها )) أو ممكن من خلال الجوال تعمل السحر لأهل البيت من خلال تواصلها مع أهلها , ما نستبعد أي حاجة .... في شغالة شافت أخت ربة البيت قالت يا ماما أخت أنتي في سحر قالت لها وش مدريك قالت لها أنا قبل كنت أسحر بس الآن تبت ........... بعدين حادثة تسونامي المغمض خلته مفتح , فتحت قصص الكل عجز من حلها منها : شخص ثري وله مكانته فجأه فقد عقله وأختل وأهله تعبوا معه حالته ميئوس منها , من ثراء وعز وفخامة ومنصب إلى شهار (( مستشفى غني عن التعريف , بالطائف مستشفى المجانين )) بعد حادثة تسونامي عقله رجع له !!! أيش السبب ؟؟ الشغالة كانت حاطه عينها عليه ما قدرت عليه أسحرته وكان السحر مدفون بالبحر , بحادثة تسونامي تفجر باطن البحر ... كثير اللي كانوا مسحورين من قبل الشغالات أنفك عنهم السحر ......... أخر جديد الشغالات : بالشرقية حاصله من كم شهر , شغالة راسمه ع الأب والأب ما عبرها ولا مكنها من مرادها صارت تدس السم للبيبي في رضاعته يوميآ أخر شي البيبي توفي والشغالة أعترفت بس بعد أيش ؟؟؟؟؟

(( الباب اللي يجي منه ريح أسده وأستريح )) أعطيها الجوال وأفتح ع حالي باب أنا في غنى عنه ليه ؟؟!

[طبعي كذا]

أول ماتجيني الخدامه أشترط عليهاإنه مافيه جوال تبي تكلم أهلهامن تليفون البيت في أي وقت ولهاعلي إذاجات تسافر أشتريه لهاهديه ....بشرط ماتأخذه من وراي وباالخش ..وماأشوف له لزمه أكثر البلااوي منه ..

[الراقيه سبشل]

مافيها شي لما الخدامه يكون عندها جوال

لانه احيانا نتصل فيها ونبيها ترد بسرعة

وهي بعد تبي تكلم اهلها .. يعني تظل انسانه

وانتو لو مكانها اكيد بتطالبون انكم تكلمون اهليكم ببلد غريب ومالكم حد فيه

والاهم انها اتكلمهم بعد ماتخلص من شغل البيت والتنظيف .. ومايلهيها عن شغلها

[venum]

لو اشتكوا عليك حقوق الإنسان بيعطونهم حق بالجوال

تصك راسها بطوفة حقوق الأنسان.............:strong3:

عندي عقد مكتب الخدم وموقعة عليه انه مافيه جوال......
وكل شي بيني وبينها بأوراق , الراتب يوم تستلمه توقع على دفتر وتوقع على وصل تحويل الفلوس وتآخذ صورة منه.....

[هذلان]

الخدامه الي ناويه على زوالها ... خل تاخذ جوال

[latty]

اولا من عنده رقم حقوق الانسان يعطيني الرقم

ثانيا

حسب الخدامه وركادتها وسنها وحالتها الاجتماعيه

ان شفت الخادمه بالاربعين وام ولها زوج وانسانه محترمه لها الجوال فهو افضل من الرسايل التي لا نعلم على ماذا غلفت

عندي خادمات ولهن خصوصيتهن مع اهلهن وتلفونات باسمائهن والله يستر على خلقه


شكرا

[لجين قطر]

والله الا بتسوي شي
بتسويه من غير جوال؟

[تغلبية]

ساس البلا .. وبداية الطريق الغلط

[bohilal191]

كنت حارم الخدامة من الجوال،،،وقبل ماتسافر اكتشفت ان عندها جوالين فودافون وكيوتل اشرايكم،،،صدقوني العوايل اللي حارمه الخدم من الجوال اذا دشوا غرفهم بيحصلون الخدم عندهم وانا مجرب هالشي

[بوخالد911]

سلاح ذوو حدين

والله يسترررر من الخباياا

[حنان k]

كنت حارم الخدامة من الجوال،،،وقبل ماتسافر اكتشفت ان عندها جوالين فودافون وكيوتل اشرايكم،،،صدقوني العوايل اللي حارمه الخدم من الجوال اذا دشوا غرفهم بيحصلون الخدم عندهم وانا مجرب هالشي




طيب وش لقيت بجوالها لما فتشته ؟؟

وحده من الزميلات كانت معطيه الشغالة الجوال بناء ع رغبة وطلب الشغالة ولأن الشغالة كانت عند أهلها سنين يعني كانت مأمنه وقالت صارت بنتنا الشغالة , الزوج أنزعج وحس الشغالة فيها بلا ومره دخل لقاها تكلم جوال قرر يسحب الجوال وش طلع بالجوال ؟؟؟

أرقام شباب من باقي المناطق

من البداية عرفها بنظامك أنه الجوال لا .. وأحرص أنها ما تحتك ببنات بلدها كثير لأن للأسف أجتماعهم ع خراب

[سـ ع ـود]

انتو اتكلمون عن التلفون ونسيتوا ان احتمال عقب فتره لهم اجازه يوم واحد في الاسبوع @@

[أم المها2010]

أهم شي المراقبه ،، تلفون البيت موجود ما لاداعي الجوال

[بوحارب]

خدامتنا عندها جوال

والجوال وفر علينا وايد

بدل الصراخ لما اناديها وندورها نتصل لها رنه وثاوني االا هي عندنا ههههههههه

لا لا مب رنه اشدعوة قح خخخخخخ

بس بالفعل الجوال نفعنا وايد

[JN000N]

احنا ممنوع عندنا نعطي الخدامه جوال

هذا القاصر بعد ناقصين مشاكل احنا؟؟؟

تلفون البيت ويالله ملحقين عليهم بعد جوال؟ حق يتخمرون في غرفهم بالساعات
وانا شيظمني انها تتصل الفلبين بس؟
بوه عاد شكثر من اللي نعرفهم اللي خدمهم دخلوه لين داخل البيت<<< استغفر الله والله يستر عالجميع


وبالنسبة للي يقول لها يوم اجازه فالاسبوع
عاد اللي عندنا مبكفوتطالب فيه لان راحمينها ذول الاسبوع هذا هم طلعات ووناسه
ولاشي يصرفونه ع حسابهم
وكل ادوات الترفيه موجوده
وارحمو من في الارض يرحمكم من في السماء

يعني هي يايه تشتغل صح،، بس تحترم القانون فالبيت ولها الحرية المحدوده

بس في ناس لاعنين خير خداماتهم ،، الله يهديهم خدامه وحده على فيلا،، غسيل ومطبخ ويهال

[kuwari]

ماله داعي الجوال

[انتر ميلان]

كنت حارم الخدامة من الجوال،،،وقبل ماتسافر اكتشفت ان عندها جوالين فودافون وكيوتل اشرايكم،،،صدقوني العوايل اللي حارمه الخدم من الجوال اذا دشوا غرفهم بيحصلون الخدم عندهم وانا مجرب هالشي

:thumbup:

كلامك واقعي
كانت عندنا خدامة فلبينية وقلنا لها ان الجوال ممنوع .. وان بغت تكلم اهلها تلفون البيت موجود ..

ويوم بتسافر كانت ماسكة الجوال في يدها .... كأنها تتحدى

[انتر ميلان]

انتو اتكلمون عن التلفون ونسيتوا ان احتمال عقب فتره لهم اجازه يوم واحد في الاسبوع @@

هالنظام مب موجود في بيتنا ..

كل اسبوع يطلعونها مع اليهال ياجنغل زون او العاب ستي سنتر واذا الجو زين يودونها الكورنيش ..

مافي احسن من الطلعات العائلية :p

[انتر ميلان]

مافيها شي لما الخدامه يكون عندها جوال

لانه احيانا نتصل فيها ونبيها ترد بسرعة

وهي بعد تبي تكلم اهلها .. يعني تظل انسانه

وانتو لو مكانها اكيد بتطالبون انكم تكلمون اهليكم ببلد غريب ومالكم حد فيه

والاهم انها اتكلمهم بعد ماتخلص من شغل البيت والتنظيف .. ومايلهيها عن شغلها

لو تشوفين المشاكل والمواعد بين الخدامات والجنسيات الثانية او شفتي واحد غريب يتمشى في حوش بيتكم بتغيرين كلامج ..

اذا تبي تكلم اهلها تلفون البيت موجود ..

[انتر ميلان]

بالنسبة لي انا وافقت على استخدامهم للجوال ومراقبهم ومحاسبهم على هالشي

طبعا مادخل غرفهم لكن اهم شي عندي اهتمامهم في عيالي ومايكون بيدهم طول الوقت للضروريات بس اذا ماكنت موجود لاني اتصل فيهم مباشرة اذا بغيت اي شي بشكل سريع

وطبعا لاننسى ان الجوال من ضروريات الحياة وجيل الخدم الجديد مثقف غير القبليين مايعرفون شي

يعني عالاقل تكلم اهلها او تدز لهم مسجات

اقصد بشكل عام يعرفون يستخدمون التكنولوجيا الحديثة بدل الرسايل اللي توصل بعد اسبوع لاهلهم

تحياتي للجميع

لازم تخلي اهلك يجيكون على غرفة الخدامة وفي أوقات مختلفة ..

ماتدري ايش يصير في غياب أهل البيت .. وانا مااتكلم من فراغ
لو تسمع عن مشاكلهم يشيب شعر راسك

[Sharshooooor]

لازم تخلي اهلك يجيكون على غرفة الخدامة وفي أوقات مختلفة ..

ماتدري ايش يصير في غياب أهل البيت .. وانا مااتكلم من فراغ
لو تسمع عن مشاكلهم يشيب شعر راسك

ادري يالغالي عن المشاكل واسمع لكن لاتحاتي في مراقبة شديدة على هالموضوع

وتسلم

[قطر501]

لحد يكذب على نفسه اذا ماعطيت الخدامة جوال صدقني بحصل الجوال في غرفتها

[عزتي سمو ذاتي]

اللي فيها البلا بتسويه بالجوال أو بدونه واللي مافيها شي لوتعطيها ميه جوال ماراح تسوي لك شي