حفلات قبل الزواج هل اصبحت هم ؟

[غزلان]

تلجاءأغلب الأسر عند خطوبه احد بنات الأسره إلى أقامه حفلات للخطوبه وعقد القران بالأضافه الى ليلة الحنه التى تسبق حفلة الزواج الرئيسيه بصوره يراها البعض مبالغ فيها ,
بحيث تقام في قاعات كبيره مخصصه لحفلات الزفاف او تأجير خيمه اذا لم يتوفراماكنية عمل الحفل في المنزل .
ويتباهون أهل الزوجة بتوزيع بطاقات دعوة لحفل الخطوبه وبطاقات لحفل عقد القرآن وبطاقات اخرى لليلة الحنه ولاتكتمل تلك الحفلات الا بحضور مطربه او فرقه
وكل مايتطلبه الحفل من تنظيم وخدمات وكوشه للعروس بحيث يكون كحفل زفاف مصغر.





‘‘

هل ترون ان الأسر تتكلف وقد تضطر الى التدين بأقامتها كل هذه الحفلات؟


وهل تؤيدون وانتم مع اقامه حفلات للخطوبه وعقد القرآن
ام الأكتفاء بحفل واحد وهو حفل الزواج؟

[ممنوع اللمس]

لو حفله فالحوش صغيره اوكي ماعليه
بس قاعة وماعرف شنو وخيمه وشي مبالغ فيه وبطاعات دعوه لا انا اشوف هالشي غلط وماله داعي من الاساس اوكي فرحانين بالولد قلنا ماعليه بس مو هالتفخفخ واخرتها قروض على راسهم مالها داعي :)

كل الشكر عالطرح

[سيدة اعمال فلسطنية]

الأكتفاء بحفل واحد وهو حفل الزواج؟

فقط :)

[VIPLady]

للي يقدر ما تعتبر مبالغه بالعكس الحفلات تعبر عن الفرح والوناسه وفيها جمعه ولمه الاهل والمعارف كلهم
وحفله الخطوبه لها مراسم معينه مثل الشبكه وغيرها حلو ان البنت تمر فيها واعتبرها من الاساسيات في الزواج بشكل عام .. والعرس غير والحنه احلى واحلى ولها طقوسها و تختلف كلش عن يوم العرس نفسه

فشي حلو هالاحتفالات والله يزيد ايام الكل بالفرح والوناسه
واذا البيوت ما تسمح ممكن الاستعانه بالقاعات وين المشكله يكون المكان ارقى واحلى التكلفة نفسها سواء بالبيت او بالقاعة اتوقع

والشخص الي بيحمل نفسه عبئ اهو مو قده فهذي مشكلته مو لازم هالحفلات او يسوي حفلات بسيطه تخص الاهل المقربين بس ومالها داعي المبالغه ..
ويعطيكم العافيه

[VIVA]

انزين وش رايكم في shower party؟؟؟؟؟
قبل العرس او الولاده

[غزلان]

لو حفله فالحوش صغيره اوكي ماعليه
بس قاعة وماعرف شنو وخيمه وشي مبالغ فيه وبطاعات دعوه لا انا اشوف هالشي غلط وماله داعي من الاساس اوكي فرحانين بالولد قلنا ماعليه بس مو هالتفخفخ واخرتها قروض على راسهم مالها داعي :)

كل الشكر عالطرح


بالنسبه لي اشوف ليلة الحنه تكفي وتكون على نطاق ضيق بس اهل العروسين

العفوا

[غزلان]

الأكتفاء بحفل واحد وهو حفل الزواج؟

فقط :)


ممكن بوقتنا يدفعون الآلاف على مثل هالحفلات ويمكن يكون التبذير والمبالغه سبب لقلة البركه

يسلموا

[غزلان]

للي يقدر ما تعتبر مبالغه بالعكس الحفلات تعبر عن الفرح والوناسه وفيها جمعه ولمه الاهل والمعارف كلهم
وحفله الخطوبه لها مراسم معينه مثل الشبكه وغيرها حلو ان البنت تمر فيها واعتبرها من الاساسيات في الزواج بشكل عام .. والعرس غير والحنه احلى واحلى ولها طقوسها و تختلف كلش عن يوم العرس نفسه

فشي حلو هالاحتفالات والله يزيد ايام الكل بالفرح والوناسه
واذا البيوت ما تسمح ممكن الاستعانه بالقاعات وين المشكله يكون المكان ارقى واحلى التكلفة نفسها سواء بالبيت او بالقاعة اتوقع

والشخص الي بيحمل نفسه عبئ اهو مو قده فهذي مشكلته مو لازم هالحفلات او يسوي حفلات بسيطه تخص الاهل المقربين بس ومالها داعي المبالغه ..
ويعطيكم العافيه


--
اغلب المرات الأهل يتكلفون وهم على مضض اما لتنفيذ رغبة العروس او اهل المعرس اولأن البيت لفلاني سووا خطبة لبنتهم اما اذا كانت الأسره مقتدره تقدر بالراحه تسوي مثل هالحفلات مع اني اشوف مالها داعي

الله يعافيج وشكرا

[غزلان]

انزين وش رايكم في shower party؟؟؟؟؟
قبل العرس او الولاده


شنو يعنى :eek2:

[VIVA]

شنو يعنى :eek2:



هذي حفله تصير قبل العرس او قبل الولاده بفتره

والغرض منها ان كل وحده تجي للحفله لازم تجيب هدية العرس او الولاده

وهذي موضه هابين فيها بنات البحرين صارلهم سنه ولا سنتين

طبعا ماخذينها من الاجانب

[الـقـاسـي]

والله ماعندهم سالفه كلش ..
لو كانت فيه حفله بسيطه على نطاق اقارب العروس والمعرس من الدرجة الاولى وفي البيت مافي مشكله ..

اما قاعه وخرابيط لا يبه ماينفع .. مالهم الا العرس يبونه ولا يطقون راسهم بالطوفه ..

[قطر دزاين]

العرس المبالغ فيه نهايته الطلاق
اول شي تراكم الديون التي ليس لها داعي
الواحد اول ما يتزوج لازم يكون عنده
قصد سياره
خدامه
دريول
من غير اجار البيت لو زوجته طلبت ذلك في حاله عدم القصد ابعاده من اهله
غير طلبات البيت كل شهر
غير المصروف للزوجه
هذا بدايه المشوار قبل يجي عيال

الله يهدي كل اب لا يفكر في مصلحه ابنته ويغلي المهر

[غزلان]

هذي حفله تصير قبل العرس او قبل الولاده بفتره

والغرض منها ان كل وحده تجي للحفله لازم تجيب هدية العرس او الولاده

وهذي موضه هابين فيها بنات البحرين صارلهم سنه ولا سنتين

طبعا ماخذينها من الاجانب



وليش هالبياخه اطرش الهديه بيتهم ولا لي رحت ابارك وبس

عساها ماتوصل عندنا قول آمين:)

[VIVA]

وليش هالبياخه اطرش الهديه بيتهم ولا لي رحت ابارك وبس

عساها ماتوصل عندنا قول آمين:)



مستعد اراهنك انها بتوصل عندكم وبطوفكم :eek2:

[ولد النواخذه]

الله يهدي الحريم طلباتهم ماتخلص

[غزلان]

والله ماعندهم سالفه كلش ..
لو كانت فيه حفله بسيطه على نطاق اقارب العروس والمعرس من الدرجة الاولى وفي البيت مافي مشكله ..

اما قاعه وخرابيط لا يبه ماينفع .. مالهم الا العرس يبونه ولا يطقون راسهم بالطوفه ..


اعرف ناس على قد حالهم ويمكن اكثر بعد ظروفهم كلش صعبه يوم انخطبت البنت حلفة الخطوبه بقاعه وبعدها حلفه للحنه غير العرس
والله كل ماكان الشي بسيط كان اكثر بركه

[غزلان]

العرس المبالغ فيه نهايته الطلاق
اول شي تراكم الديون التي ليس لها داعي
الواحد اول ما يتزوج لازم يكون عنده
قصد سياره
خدامه
دريول
من غير اجار البيت لو زوجته طلبت ذلك في حاله عدم القصد ابعاده من اهله
غير طلبات البيت كل شهر
غير المصروف للزوجه
هذا بدايه المشوار قبل يجي عيال

الله يهدي كل اب لا يفكر في مصلحه ابنته ويغلي المهر


--
غير التبذير الى ماله داعي في حفل يستمر كم ساعه محد مستفيد الى شركات التنظيم

الله يهيدهم

[قطر دزاين]

--
غير التبذير الى ماله داعي في حفل يستمر كم ساعه محد مستفيد الى شركات التنظيم

الله يهيدهم

استغرب من البعض هو بروحه مديون قبل الزواج ويضع اضعاف على نفسه من الديون بسبه الزواج وفي الاغير يفرح شهر ويندم طول عمره

[غزلان]

مستعد اراهنك انها بتوصل عندكم وبطوفكم :eek2:


قصر صوتك لا يسمعونك مثل ماتعرف مايصدقون حق التقليد:p

الا ماسمعت عن حفلات للطلاق صارت عندناomen

[غزلان]

الله يهدي الحريم طلباتهم ماتخلص


ولا بتخلص

[ولد النواخذه]

ولا بتخلص

للاسف الزواج أهدافه اسمى وأكبر وأغلى من مهر وحفله وعرس وحنه وأشياء كثيرة دخيله علينا الزواج الله رب العالمين ورسوله ذكروه وحثوا عليه والبعض يتعامل معاه كمناسبة للطقطقه والخساير والديون والحفلات الى مانهاية حتى يفلس ويتدين الرجل ويظل مدانا سنوات وسنوات هذا طبعا أن فكر يتزوج من الاساس.....

[قلم حائر]

والله لو اسوون حفلة عالضيق وهم اولى بالفلوس

[غزلان]

استغرب من البعض هو بروحه مديون قبل الزواج ويضع اضعاف على نفسه من الديون بسبه الزواج وفي الاغير يفرح شهر ويندم طول عمره


هنيه المشكله زيادة الديون وبعدها تبدأ المشاكل

[غزلان]

للاسف الزواج أهدافه اسمى وأكبر وأغلى من مهر وحفله وعرس وحنه وأشياء كثيرة دخيله علينا الزواج الله رب العالمين ورسوله ذكروه وحثوا عليه والبعض يتعامل معاه كمناسبة للطقطقه والخساير والديون والحفلات الى مانهاية حتى يفلس ويتدين الرجل ويظل مدانا سنوات وسنوات هذا طبعا أن فكر يتزوج من الاساس.....


حياة بعض الأسر تحتاج الى تنظيم للأمور الماليه اقصد مايتكلف بحفلات ويدفع اموال يمكن يستفيد منها لحفلة العرس

[غزلان]

والله لو اسوون حفلة عالضيق وهم اولى بالفلوس


فكره زينه للأسر الميسور حالها

[الـقـاسـي]

اعرف ناس على قد حالهم ويمكن اكثر بعد ظروفهم كلش صعبه يوم انخطبت البنت حلفة الخطوبه بقاعه وبعدها حلفه للحنه غير العرس
والله كل ماكان الشي بسيط كان اكثر بركه




مو هذي المشكله الناس اللي على قد حالهم اهما اللي يهايطون ويسوون حفلات وحركات يبون يقنعون نفسهم انهم مليارديريه ..

وانا اعرف ناس والله لو يبون يسوون مهرجان بيسوون عادي مقتدرين لكن اعراس عيالهم كلها في البيت واعراس عاديه جدا ..

[ANONYMOUS]

هم لغير القادرين

[بنت^البحرين1]

المثل يقول اللي ماعندووووووووش مايلزمووووووووووووووش

وكل واحد يمد ريوله على قد الحافه


محد مايبي الفرحه والوناسة واللمه .. بس كل واحد يسوي الشي بالمعقول .. حتى المقتدر محاسب على فلوسه شلون صرفها ،، الاعتدال مطلوب وواجب في كل الامور

فيفا .. كلامك اول مرة اسمع به .. في أي منطقة هالكلام ؟؟ ماقد سمعت قبل الولادة والعرس هدايا،،، لليوم نودي الهدية عقب العرس وعقب ماتولد المره !!

[VIVA]

المثل يقول اللي ماعندووووووووش مايلزمووووووووووووووش

وكل واحد يمد ريوله على قد الحافه


محد مايبي الفرحه والوناسة واللمه .. بس كل واحد يسوي الشي بالمعقول .. حتى المقتدر محاسب على فلوسه شلون صرفها ،، الاعتدال مطلوب وواجب في كل الامور

فيفا .. كلامك اول مرة اسمع به .. في أي منطقة هالكلام ؟؟ ماقد سمعت قبل الولادة والعرس هدايا،،، لليوم نودي الهدية عقب العرس وعقب ماتولد المره !!



انتوا مال الرفاع للحين ماوصل لكم :p

[حقيقه]

للي يقدر ما تعتبر مبالغه بالعكس الحفلات تعبر عن الفرح والوناسه وفيها جمعه ولمه الاهل والمعارف كلهم
وحفله الخطوبه لها مراسم معينه مثل الشبكه وغيرها حلو ان البنت تمر فيها واعتبرها من الاساسيات في الزواج بشكل عام .. والعرس غير والحنه احلى واحلى ولها طقوسها و تختلف كلش عن يوم العرس نفسه

فشي حلو هالاحتفالات والله يزيد ايام الكل بالفرح والوناسه
واذا البيوت ما تسمح ممكن الاستعانه بالقاعات وين المشكله يكون المكان ارقى واحلى التكلفة نفسها سواء بالبيت او بالقاعة اتوقع

والشخص الي بيحمل نفسه عبئ اهو مو قده فهذي مشكلته مو لازم هالحفلات او يسوي حفلات بسيطه تخص الاهل المقربين بس ومالها داعي المبالغه ..
ويعطيكم العافيه



:thumbup::thumbup::thumbup:
احييتس على هالراي


اللي عنده خل يتهنى واللي مب بقد هالشيء مب لازم يسوي ويتشكى عقب من الديون omen

[بوهلال]

شالسالفه

في حفلات للمناسبات وهدايا بعد

كويس كويس

بعلم الشباب خبركم ماخذ سيكل جديد

[meme~qatar]

انا افضل انهم يخلون حتى العرس عائلي
والفلوس اللي كان المفروض يحطونها في العرس يستفيدون منها المعاريس في بداية حياتهم

[رُفق المجنّا]

هذا من زود النعمة

ومن لم يشكر الله ع النعمة واحسن استخدامها ضاعت من بين يديه

[latty]

حفله صغيره للاسرتين اوكي

الحناء هي وصديقاتها اوكي


صاله وعرض ومعازيم اصلا راح يسرق الفرحه الكبيره وتجي حفلة الزواج مالها خانه ونور العروس طافي مافيها هيبه الفرحه الكبيره

[بوخالد911]

مصاريف ما لها دااعي

يكتفي حفلة صغيرة بالبيت وبس

واللي يحضر المقربوون جدا من اهل العرووس والمعررس

مب لازم تعزموون الفريج كلله

[غزلان]

مو هذي المشكله الناس اللي على قد حالهم اهما اللي يهايطون ويسوون حفلات وحركات يبون يقنعون نفسهم انهم مليارديريه ..

وانا اعرف ناس والله لو يبون يسوون مهرجان بيسوون عادي مقتدرين لكن اعراس عيالهم كلها في البيت واعراس عاديه جدا ..


00
وبعد كم شهر يقولون علينا ديون مانقدر نسددها

اغلب الناس رجعت للبساطه في حفلات الزواج كل شي غالي ومبالغ في اسعاره

[غزلان]

هم لغير القادرين


غير القادرين هم الى يسوون هالحفلات وياريت على نطاق ضيق الا كانك في حفل زفاف ديجيه او مطربه وبعدها يشتكون تراكم الديون

[غزلان]

المثل يقول اللي ماعندووووووووش مايلزمووووووووووووووش

وكل واحد يمد ريوله على قد الحافه


محد مايبي الفرحه والوناسة واللمه .. بس كل واحد يسوي الشي بالمعقول .. حتى المقتدر محاسب على فلوسه شلون صرفها ،، الاعتدال مطلوب وواجب في كل الامور

فيفا .. كلامك اول مرة اسمع به .. في أي منطقة هالكلام ؟؟ ماقد سمعت قبل الولادة والعرس هدايا،،، لليوم نودي الهدية عقب العرس وعقب ماتولد المره !!


00

يحطون عمرهم بمشاكل هم في غنى عنها بسبب تكلفهم وتباهيهم عند الناس والجيران لوللفلوس يخلونها للسفر او للبيت اهم من حفله تدوم كم ساعه ويندفع فيها مبالغ.

[غزلان]

انتوا مال الرفاع للحين ماوصل لكم :p


:p

------

[غزلان]

:thumbup::thumbup::thumbup:
احييتس على هالراي


اللي عنده خل يتهنى واللي مب بقد هالشيء مب لازم يسوي ويتشكى عقب من الديون omen


مثل مايقولون مشاكلهم من صنع يدهم

[Fa6mH]

انزين وش رايكم في shower party؟؟؟؟؟
قبل العرس او الولاده





الشاور بارتي للولاده
والباتلجر بارتي"العزوبيه" لقبل حفل الزواج

:)

وطبعاً كلها عادات من اوروبا وامريكا

[غزلان]

شالسالفه

في حفلات للمناسبات وهدايا بعد

كويس كويس

بعلم الشباب خبركم ماخذ سيكل جديد


الحق على التطور وخذلك لاند كروزر:p

[غزلان]

انا افضل انهم يخلون حتى العرس عائلي
والفلوس اللي كان المفروض يحطونها في العرس يستفيدون منها المعاريس في بداية حياتهم


والله العرس كل ماكان بسيط كان اكثر بركه وتوفيق للعروسين

ياريت لو نتعلم شلون ومتى نصرف فلوسنا محد ربحان الا شركات التنظيم

[غزلان]

هذا من زود النعمة

ومن لم يشكر الله ع النعمة واحسن استخدامها ضاعت من بين يديه


وانت صح الله يدوم النعمه ويحفظها من التفاخر الزايد عن حده

[soso363]

اسراف ما له لزوم

[VIVA]

الشاور بارتي للولاده
والباتلجر بارتي"العزوبيه" لقبل حفل الزواج

:)

وطبعاً كلها عادات من اوروبا وامريكا





:no2:

هي غير وهذي غير

[وارث العز]

الي بيتبع كلام الحريم بيفلس .

[kuwari]

تكاليف مالها داعي والرجال المتضرر

[باسكن روبنز]

:thumbup::thumbup::thumbup:
احييتس على هالراي


اللي عنده خل يتهنى واللي مب بقد هالشيء مب لازم يسوي ويتشكى عقب من الديون omen

كلامكم سهل ووقت الصج انتو اول من يبالغون في هالسوالف وبالاخير تستغربون ليش يكثرون العوانس ، الله يستر عليكم ،




انا افضل انهم يخلون حتى العرس عائلي
والفلوس اللي كان المفروض يحطونها في العرس يستفيدون منها المعاريس في بداية حياتهم

الكلام السنع ولا بلاش والله يرزقج بالزوج الصالح ،:thumbup:

[غزلان]

حفله صغيره للاسرتين اوكي

الحناء هي وصديقاتها اوكي


صاله وعرض ومعازيم اصلا راح يسرق الفرحه الكبيره وتجي حفلة الزواج مالها خانه ونور العروس طافي مافيها هيبه الفرحه الكبيره


--

يفضل ان تكون مختصره وبسيطه بلا تكاليف

لكن المبالغه تقتل جمال تنظيم حفلة الزواج خاصه اذا كانت كل الحفلات بنفس مستوى التنظيم

[غزلان]

مصاريف ما لها دااعي

يكتفي حفلة صغيرة بالبيت وبس

واللي يحضر المقربوون جدا من اهل العرووس والمعررس

مب لازم تعزموون الفريج كلله


الي يصر يابوخالد الفريج لكه ينعزم لأن كل وحده تحط لسته بصديقاتها جارتنا على قد حالها عزمتنا على الحنه مسوينه في قاعة الأحتفالات وجايبين مطربه ومضيفات للتقديم مع ان العرس ثاني يوم حفل الحنه:eek2:

[غزلان]

الشاور بارتي للولاده
والباتلجر بارتي"العزوبيه" لقبل حفل الزواج

:)

وطبعاً كلها عادات من اوروبا وامريكا





من كم شهر وحده مسويه حفلة لصديقاتها أسمها توديع لعزوبيه:yes:

[واحد 11]

اعتقد كثرة الاحتفالات مع الزواج مثل حفلة الخطوبة وليلة الحنة وغيرها ممكن تحط من بركة هذا الزواج وتكون مبالغة لامبرر لها

ليش مايتعبون الزوجين على ليلة العرس اللي هي بتكون خالدة في التاريخ وبداية مشوار السعادة لهم ويتجاهلون هالمظاهر اللي تسبق العرس وصارت للأسف عادة وعادة سيئة من وجهة نظري

اعتقد ان السباق للتميز وحب التفوق على الآخرين دفع البعض لاختلاق حفلات مثل ماتفضلت به الاخت غزلان وماندري الايام الجاية بيكون فيها حفلات اضافية وحركات غريبة .. يعني يمكن نسمع عن حفلة الرجوع من شهر العسل :anger3:

شخصيا ما اتمنى الاقتران بانسانة تطلب حفلة للخطوبة .. ابدا ؟؟ ورفضي يأتي كمبدأ وعدم قناعة بهذه الامور

[غزلان]

اسراف ما له لزوم


وممكن الأموال تنصرف في اشيء اهم

[غزلان]

الي بيتبع كلام الحريم بيفلس .


بعضهم مجبر اخاك لابطل:p

[غزلان]

تكاليف مالها داعي والرجال المتضرر


الرجل حمال الأسيه من هالحفلات

[غزلان]

اعتقد كثرة الاحتفالات مع الزواج مثل حفلة الخطوبة وليلة الحنة وغيرها ممكن تحط من بركة هذا الزواج وتكون مبالغة لامبرر لها

ليش مايتعبون الزوجين على ليلة العرس اللي هي بتكون خالدة في التاريخ وبداية مشوار السعادة لهم ويتجاهلون هالمظاهر اللي تسبق العرس وصارت للأسف عادة وعادة سيئة من وجهة نظري

اعتقد ان السباق للتميز وحب التفوق على الآخرين دفع البعض لاختلاق حفلات مثل ماتفضلت به الاخت غزلان وماندري الايام الجاية بيكون فيها حفلات اضافية وحركات غريبة .. يعني يمكن نسمع عن حفلة الرجوع من شهر العسل :anger3:

شخصيا ما اتمنى الاقتران بانسانة تطلب حفلة للخطوبة .. ابدا ؟؟ ورفضي يأتي كمبدأ وعدم قناعة بهذه الامور


--

هنا المشكله اخوي ان الناس تجيب المشاكل لها اقصد الديون والخساير لحفله تستمر كم ساعه وعندنا البعض يحب التميز فيضع امواله بحركات تزين ومطربه فقط للفت الأنتباه وحتى ثاني يوم الكل يتكلم عن الحفله وتكون حديث المجتمع

الحمد لله الخير وايد لكن الله سبحانه مايرضى بالتبذير فحفله وحده تكفى وياريت تكون بسيطه افضل لتحل البركه

[بوحارب]

هل ترون ان الأسر تتكلف وقد تضطر الى التدين بأقامتها كل هذه الحفلات؟
بالرااااااااااحة

وهل تؤيدون وانتم مع اقامه حفلات للخطوبه وعقد القرآن
اذا بتكفينا عن العرس مؤيد

واذا ما راح تغني عن العرس والحريم مصممين عليها فلازم تكون مصغره عشان تقل الخساير:anger3:

ام الأكتفاء بحفل واحد وهو حفل الزواج؟

حفل الزواج والسلام عليكم


اشكرج غزلان على الطرح
ويمدحون المسيار :looking:

[مسك روز]

اولا احب اشكرج اختي على طرح الموضوع

انا عن نفسي ارفض المبالغه في تكاليف العرس

وحتى لو كان عندي فلوس وخير، هذي مب معناته اني اصرفها على مظاهر !!

الحين العرس صار هم كل شاب قطري ، وياريت تكوت حفله وحده بس

صارت حفلة عقد القران،، وحفلة خطوبه،، وحفلة ليلة الحنا،، وحفله العرس ،،

يعني 4 حفلات !! هاذي كلها مصاريف مالها داعي ، بدال هالفلوس اللي بصرفها على الحفلات

ممكن اصرفها على شهر العسل او اشتري فيها شي ينفعني مستقبلا


ياريت لو نرجع للبساطه ونسوي العرس في بيوتنا ابرك لنا

واللي ماعنده حوش ممكن يحط خيمه او يستأجر قاعه بسعر ((معقول ))

الحين كثرت حالات الطلاق لان مافي بركه مثل قبل


تحياتي

[غزلان]

هل ترون ان الأسر تتكلف وقد تضطر الى التدين بأقامتها كل هذه الحفلات؟
بالرااااااااااحة

وهل تؤيدون وانتم مع اقامه حفلات للخطوبه وعقد القرآن
اذا بتكفينا عن العرس مؤيد

واذا ما راح تغني عن العرس والحريم مصممين عليها فلازم تكون مصغره عشان تقل الخساير:anger3:

ام الأكتفاء بحفل واحد وهو حفل الزواج؟

حفل الزواج والسلام عليكم


اشكرج غزلان على الطرح
ويمدحون المسيار :looking:



--

محد مستفيد الا محلات تجهيز العرس مره صادف رحت لعرسين يوم الأربعاء والخميس وشكلهم متفقين صدفه مع نفس الشركه الى المنظمه للحفلات وشرايك يابو حارب انا وزوجة اخوي صابتنا الدهشه نفس الورد وترتيب الطاولات ليوم الأربعاء مخلينه لعرس الخميس حتى الورد ذابل زايدين عليه كم ورده فرش وتلاقيهم خذوا المبلغ كامل على كل عرس :(

[غزلان]

اولا احب اشكرج اختي على طرح الموضوع

انا عن نفسي ارفض المبالغه في تكاليف العرس

وحتى لو كان عندي فلوس وخير، هذي مب معناته اني اصرفها على مظاهر !!

الحين العرس صار هم كل شاب قطري ، وياريت تكوت حفله وحده بس

صارت حفلة عقد القران،، وحفلة خطوبه،، وحفلة ليلة الحنا،، وحفله العرس ،،

يعني 4 حفلات !! هاذي كلها مصاريف مالها داعي ، بدال هالفلوس اللي بصرفها على الحفلات

ممكن اصرفها على شهر العسل او اشتري فيها شي ينفعني مستقبلا


ياريت لو نرجع للبساطه ونسوي العرس في بيوتنا ابرك لنا

واللي ماعنده حوش ممكن يحط خيمه او يستأجر قاعه بسعر ((معقول ))

الحين كثرت حالات الطلاق لان مافي بركه مثل قبل


تحياتي



--

العفو اخوي

معاك حق حرااام التبذير حتى لو املك ملايين الدنيا دواره يكفي الأزمه الماليه علمت الناس درس في الحفاظ على المال محد يظمن الزمن القادم كل شي غلا والناس تشتكي من الديون وفي نفس الوقت تلاقيهم يبالغون في احتفالاتهم ولين قلت لهم ليش المبالغه قالوا علشان الناس ماتعيب علينا ..كلها كم يوم وبينسون كل الى سويتوه ومحد بيخسر الا انتوا..خلوا لفلوس لبعد العرس اما تأثيث البيت او عمل مشروع نستفيد منه متى بيتعلمون الناس التوفير؟

جزاك الله خير

[مسك روز]

انا بنت :(

[غزلان]

انا بنت :(


اعذريني اختي مانتبهت

مشكوره وماقصرتي :)

[wadha-qa]

حلاتها حفله حنا و بعدها العرس و بسس

ماله داعي هالقصه الطويله

[الدمعه]

السلام عليكم والرحمه

ماشاء الله وايد اللي يبون الاهل والمقربين جدا بعد انهم يحضرون العرس .. واستبعدوا

الاصدقاء والجيران من القائمه ..مع ان الزواج اشهار .. هل وجود الاهل والاصدقاء

والجيران يزيد الاسراف والتبذير وهل وجودهم يتسبب في ظهور التعاسه في حياة الزوجين ....

و من ايام جداتنا في حفلات قبل الزواج على قدهم .. وكان عرسهم يمتد 7ايام ..

ومن الاشياء اللي كانت تصير .. يوم الدزه وفيه يجتمعون الاهل والجيران بعد صلاة المغرب

وجمعه لازم فيها اكل وشرب .. وعقبها ليله الحنه او الجلوه ويوم يرتبون فيه الخله ويحطون

المناظر ويلبسون الطوفه خامه معينه .. ويوم العرس وطبعا ذباح وطق وغيره .. والصباحيه

بعد ذباح ..والهديه بعد ذباح .. شنو هاي مب تكاليف يعني ..والله مبارك لهم في زواجهم

وعايشين حياتهم عالبركه .. بدون تذمر ..

انا بتكلم عن عوايدنا يوم الملجه يكون فيه عشا حق اهل العروس والمعرس وكم وحده من

صديقاتهم .. واحيانا مره وحده يلبسها شبكتها وخلاص اذا البيت صغير .. .. والخطوبه في

البيت طبعا والتكاليف على الاثنين .. والحنه في البيت على العروس ..اما العرس على

المعرس واذا فيه مجال تساعده العروس في بعض الامور ..

ومن رايي وعن تجربه حلو ان الوحده ماتطلب مهر كبير وتختار البساطه في كل شي سواء

عرس او خطوبه او غيره من حفلات..

وادري كلامي ماراح يعجب الاغلبيه بس كلن برايه راضي .. وبدال مايقعد الشاب يتذمر مهر

ومهر يجمع المهر من اول مايشتغل مب يصرف فلوسه على سيايير ودراجات وعنه كل سنه

شكل .. والعاقل يدبر نفسه صح ولادين ولاشي .. واللحين اغلب المهور 70 و80 الف

حتى مايجي قيمه ارخص سياره في السوق ..اما اذا بحنتهم يبون حريم ببلاش هاي له

كلام ثاني ..
والسلام عليكم

[فلتة زمانها]

لازم حفلة خطوبه حتى لو تكون فالبيت ومن مهري عادي
الوحده تستانس وتهيئ نفسها للزواج مب على طول خذوه فغلوه
انا حفلة خطوبتي سويتها في قاعة صغيره لانه حوشنا صغير
بس ماكلفتني وااااايد مع الفستان والتصوير وكل شي 25 الف

[بدون]

حلو الاعتدال في كل شي بس في ناس يبالغون بعض الأحيان على حساب مستقبلهم
يعني ممكن تستوي حفلة خطوبة أو ملجة و تكون على مجال ضيق و ما يقعدون الناس يبالغون في الترتيبات
حتى الحنة ممكن تكون في البيت و عمل عشا بسيط بسعر معقول و المقصد منها الجمعة بين العروس و صديقاتها و جاراتها
و بعدين حفلة العرس و اللي ممكن ينصرف عليها مبلغ معقول لأن الأهل يبون يفرحون بعيالهم
كل شيء ممكن يترتب بطريقة بعيدة عن المبالغة إذا الناس ابتعدوا عن التفكير بالمظاهر

[الحره]

هذي حفله تصير قبل العرس او قبل الولاده بفتره

والغرض منها ان كل وحده تجي للحفله لازم تجيب هدية العرس او الولاده

وهذي موضه هابين فيها بنات البحرين صارلهم سنه ولا سنتين

طبعا ماخذينها من الاجانب

اول مره اسمع عن هالنوع من الحفلات لازم يغيرون اسمها الى طرارة بارتي يعني يعزمون الناس عشان يلقطون هدايا وبعد لما تربي هم تبي هديه!

انا من رايي الحفله الكبيره تكون العرس اما الخطوبه تكون بين الاهل وتلبس فستان حلو وتلبس شبكتها وتسوي بوفيه والحنه بعد للأهل ليش هالتباهي والتبذير واخرته كله سلفيات وديون

لو بنت ملوك او امراء بقول عادي بس لو ناس عاديين ليش يكلفون على نفسهم فوق طاقتهم

[الشقيان]

:nice:
للي يقدر ما تعتبر مبالغه بالعكس الحفلات تعبر عن الفرح والوناسه وفيها جمعه ولمه الاهل والمعارف كلهم
وحفله الخطوبه لها مراسم معينه مثل الشبكه وغيرها حلو ان البنت تمر فيها واعتبرها من الاساسيات في الزواج بشكل عام .. والعرس غير والحنه احلى واحلى ولها طقوسها و تختلف كلش عن يوم العرس نفسه

فشي حلو هالاحتفالات والله يزيد ايام الكل بالفرح والوناسه
واذا البيوت ما تسمح ممكن الاستعانه بالقاعات وين المشكله يكون المكان ارقى واحلى التكلفة نفسها سواء بالبيت او بالقاعة اتوقع

والشخص الي بيحمل نفسه عبئ اهو مو قده فهذي مشكلته مو لازم هالحفلات او يسوي حفلات بسيطه تخص الاهل المقربين بس ومالها داعي المبالغه ..
ويعطيكم العافيه

:nice: