ايش توقعون الوظيفه اذا احمل كل ها الشهادات

[قطر دزاين]

السلام عليكم

انتو احكمو ايش وضيفتي بها الشهادات

تمهيدي هندسه اساسية (قطر)
تمهيدي هندسه اساسيه : بريطانيا )
شهاده مشرف صيانه وامن في موقع حساس 4 سنوات
شهاده للغه انجليزيه
دبلوم موارد بشريه
دبلوم تواصل
دبلوم شبكات انتر نت
للغه انجليزيه
خبره 10 سنوات قسم مكانيكا (توربينات ) اللي شبيه محركات الطائرات بس اختلف الوقود


ايش رايكم ماذا تتوقع الوظيفه

انتظر ردودكم

[VIVA]

it shouldn't be less than

senior engineer in on of the petroleum companies


this is the minimum i believe :waiting:

[قطر دزاين]

Thanks viva

[المخفي]

مراسل

[VIVA]

Thanks viva



tell me what was the job
:looking:

[قطر دزاين]

مراسل

ياليت

[قطر دزاين]

tell me what was the job
:looking:

i will tell u soon in my post

[VIVA]

i will tell u soon in my post



good i'll be looking for it once i get back home later in the evening

see you bro & good luck

[قلم حائر]

رئيس قسم بقطاع خاص

ماشالله عليك omen

[بولينجر]

موظف امن او ما عندك وظيفة.....

[h9466]

انت خلقت لتكون تاجر...

[koketa]

لو عندك واسطه بتكون مدير بس لو ما عندك واسطه يمكن تكون متدرب حديث

[Radnes]

يعتمد على جنسيه صاحب هذه الشهادات ؟

[ولد النواخذه]

Mechanical Engineering Specialist

[ANONYMOUS]

since the messenger was a good job, so i beleive the job is driver

[بنوته]

السلام عليكم ورحمة الله وبركاته

اتوقع ماعندك وظيفه ....مؤهلاتك ارفع من الوظايف الشاغره لدى الدوله

......

الله يوفقكم

[روح الاطلس]

لو كنت اجنبي ومعك هالشهادات بالراحه تكون مدير ادارة

بس دامك قطري فأتوقع انك في وظيفة حكومية على الدرجة الخامسة ممكن نقول فني أول

بس دامك محبط يعني اتوقع ماوجدت وظيفة بعد تركك لوظيفتك الاولية << مب ذكاء مني بس اذكر انك كنت منزل موضوع وذاكر انك ماحصلت وظيفة وعقبها بفترة قلت انك اشتغلت بس الحين اتوقع انك فنشت

[rashid-1]

بنجري طيارات

[00soma00]

تاجر فى منتدى الاسهم القطرية :funny:

[بنت قطر33]

شنووو ؟؟؟

[qatar.1995]

عندك الطيران المدني

وسلاح الجوى

اكيد ابتالقى ضالتك

[sendarala]

ما اعتقد بيكون لك وظيفة
بس اتمنى لك الاحسن في كل الحالات
الله يعطيك اللي تبيه يا رب

[خيال شمر]

ولا شي من غير الواسطه ولاااااااااااااااااااااااااااااااااااااااااااااااا اااااشي تفهم ولا شي

[qatari 111]

قبل لا تقدم على وظيفه في لفان اول شي اصبغ شعرك بلون اشقر وركب عدسات زرقا
وطبعا البدله
صدقني راح يوظفونك
الله يوفقك بوظيفه اللي ترضيك

جمعه مباركه عامره بالايمان

[meme~qatar]

عاطل اكيد
حسيت من كلامك جذي

[aljaber1]

على فكره الشهادات مو كل شيء
اذا الانسان ماعنده مرونه وعلاقات وروح مسؤليه
لذالك بعض الوظائف تخضع القرار سياسي

[ولد الشحانية]

فراش يعني

[قطر دزاين]

بعد جهد واسطه
حصلت على وظيفه سائق

[ولد شرق]

اخوي اسمحلي احلل لك الشهادات واقعيا و بدون زعل


تمهيدي هندسه اساسية (قطر)
معناها اخوي ماخلصت الدراسه ... بديت ووقفت
تمهيدي هندسه اساسيه : بريطانيا )
ونفس الشي اهني عندك تمهيدي فقط و ماخلصت
شهاده مشرف صيانه وامن في موقع حساس 4 سنوات
اخوي ممكن تشرح لي اشلون مشرف صيانه و أمن؟ انا اخبر في مشرف صيانه او مشرف امن فمادري هل الوظيفة مدموجه يعني؟ بعدين اش تقصد بكلمه شهاده؟ هل تقصد شهادة خبره و لا شهاده علميه؟
شهاده للغه انجليزيه
هاذي ماعندي تعليق عليها
دبلوم موارد بشريه
ولا ذي
دبلوم تواصل
اش تقصد بكلمه تواصل؟
دبلوم شبكات انتر نت
هاذي بعد جيده و بدون تعليق
للغه انجليزيه

خبره 10 سنوات قسم مكانيكا (توربينات ) اللي شبيه محركات الطائرات بس اختلف الوقود
اخوي بمسكك من اهنيه... على هالخبره 10 سنوات وبشهادة ثانوية الموفروض انت صاير سنير هالايام ويعتمد على التدرج الوظيفي اللي مريت به
انتظر ردودكم

[قطر دزاين]

اخوي اسمحلي احلل لك الشهادات واقعيا و بدون زعل

اوكي قلنا نص شهادات ما اكتملت على الاقل موظف في اي قسم

[سهم سهم]

ما ظن قطري يشغلونه سايق لا وبعد عندك شهاده
وين عايشين احنا
الحمد لله ما وصلنا حق هذي المرحله

[Gentleman]

أخوي بارك الله فيك.
أعلى شهادة لديك هي الدبلوم وهي أقل من البكالريوس.
عندنا في شركات البترول ممكن تتعيّن مشرف (درجة سينير) كبداية ثم تتدرج في الوظائف على حسب مجهودك وأدائك. ولكن الحصول على عمل جيد في شركات البترول ليس سهلاً هذه الأيام. حاول أن تقدم على جميع الشركات وإن شاء الله يكون النجاح حليفك.
إذا عندك سيرة ذاتية (سي في) ممكن تطرشها لي وأنا أبعثها للمسؤولين عندنا في الشركة.
موفق أخوي.

[latty]

بدون عمل او البندالمركزي

[مابدل العادات]

أخوي انت قطري ؟؟!!!!

والله يوفقك

[ANONYMOUS]

since the messenger was a good job, so i beleive the job is driver


بعد جهد واسطه
حصلت على وظيفه سائق


اخوي انا توقعت قبل لاتقول الاجابه ..

عالاقل عطني الجائزه

:)



انشالله تلاقي وظيفه احسن وترضي طموحك

بس اذا تبي الصدق.. خلك تاجر ابرك لك

[بويوسف]

اخوي هالكلام صحيح بالنسبة لشركات البترول وبعض الشركات اللي مصدقة عمرها .. ماتوظف القطري الا اذا كان عنده شهادة بكالريوس من جامعة غربية ويتكلم الانكليزية بطلاقة .. اما غير ذلك فلا اعتبار له عندهم .. كالخبرة او شهادات البكالريوس من الجامعات العربية بدون استثناء .. او حتى جامعة قطر ..

حاول في اماكن اخرى ولاتتوقف عند جهة لاتحترمك ولاتقدرك .. عادي عطهم طناش ..

[باسكن روبنز]

السلام عليكم ،

يعني تبي تقنعني بكلامك ان الشهادات والخبره والدراسه في قطر ، مالهم اي فايده ؟

اخوي وايد ناس عندهم خبرة عمل سنين وبعضهم دارسين ومتعلمين ومب محصلين وظايف ، تدري ليش؟
عليهم قضايا اخلاقيه ومشاكل في المحاكم او يكون متعاطي سابق او او او ،

انا لا ابرر هالشي للدوله بعدم اعطائهم فرص ثانيه ،
بس هذا الواقع ،

ولا اعلم ماهي ظروفك وانا لا اتهمك بشي بس قلت لك رأيي ،
والله يكون بعونك وتلاقي افضل واحسن الوظايف ،

[واقعية]

ما ظن قطري يشغلونه سايق لا وبعد عندك شهاده
وين عايشين احنا
الحمد لله ما وصلنا حق هذي المرحله

بس اللي اعرفه ان القطري اللي شهادته ما دون الثانوية ممكن يشتغل مندوب ف المدارس المستقلة!!

[كورديليا]

الحمد لله ع كل حال ع الاقل تشتغل في ناس مو لاقيه ههههههههههههههه

[CH Engineer]

اخوي وليش ضيعت وقتك بشهادات الدبلوم..
وبعدين نوع هالشهادات معاهد او ماخذ دبلوم معترف فيه..؟

لو انك ركزت على تخصص واحد كان وصلت للماجستير وكان عندك وظيفه محترمه

المكان الوظيفي لحامل هذه الشهادات يعتمد على ادائه الوظيفي في العمل
مع العلم في كثير من الموظفين الاجانب في شركات البترول بدون الشهاده الجامعيه وبدون الدبلوم
بس جايين على اساس خبره 10 او 5 سنوات مع تقييم ممتاز من شركات البترول في بلادهم...

والي يحبب ربعنا لهم انه يجيب لك هندي ماعنده الا ثنوي او دبلوم بس وخبره 10 سنوات ويوظفه سوبر فايز او على البنل وطبعا الهنود سمعا وطاعه مايقولك لا
ويقعد 20 سنه بنفس المسمى الوظيفي ومايتغير...
طبعا هو يقول الحمد لله وربعنا المدراء مستانسين على الوضع.. لانه بعضهم ماعندهم شهادات جامعيه

[بوعبدالله779]

اخوي كل شهاداتك معترفه فيها او بس شهادات وخلاص ؟؟؟لانه الكثير يجيب شهادات نفسسك واعلى بس مب معترف فيها ويشتغل اي شي

[koketa]

اللي يشتغلون في البترول ليش شون الموظفين ما يطرشون أوراق المتقدمين للجهه اللي طالبه وظيفه

[طريق سلوى]

الله يرزقك بوظيفة تطيب خاطرك

[toomi9]

الله يرزقك والله :(
احس في ظلم فـ الموضوع

[نورالهدى]

الله يرزقك من حيث لاتعلم ولا تدري

[سهم سهم]

بس اللي اعرفه ان القطري اللي شهادته ما دون الثانوية ممكن يشتغل مندوب ف المدارس المستقلة!!



`المدارس المستقلة اسقلال للقطريين وظلم الي ابعد الحدود

انا قصدي في الشغل الحكومي اي اي وزارة من وزارات الدوله :yes:

[سهم المراقيب]

أخي الحبيب لن أستغرب اذا كانت الوظيفة متواضعة لأن الشهادات التي ذكرتها ما هي إلا شهادات إحترافية وشهادات تحصل عليها بعد حضورك لدوارت تدريبية ,, مثل تلك الشهادات لا يمكن أن نقارنها بالشهادات الأكاديمية ,,

هل لك ان توضح لنا ما المقصود من شهادات الدبلوم التي حصلت عليها ؟ اهي شهادات حصلت عليها بعد دراستك في كلية أو جامعة ما بإنتظام لمدة سنتين؟

على العموم الله يوفقك وتلقى وظيفة ترضيك ,, ومن صبر نال ,,

[دكان عباس]

My dear it seem to me you are very noisy and seek to creating prblems all the time and complaining , that is why you could not continuouing in your job or find another<. I am joking with you do not abset of me < I wish you reach your aim.

[alkoos]

والله على هـ الشهادات وحسب علمي ولانك قطري ماراح يحطونك في مكان تتمناه ولا راتب عالي لكن واتوقع اذا كان حامل هـ الشهادات اجنبي راح يتنافسون عليه المؤسسات والوزارات عليه كل واحد يعطيه مميزات وعلاوات وراتب خيالي بس يوافق يوقع معاهم والله اعلم

[برشلوني قطر]

ساايق وشو اخوي ؟؟

يمكن سايق ناقلت غاز مثلا

[كرستال]

انت خلقت لتكون تاجر...


سبحان الله على ردك


من وين تعلم الغيب حضرتك

[كرستال]

شكله الاخ جنسيته مو قطري


يعني الله يعينه .. بيدوخ لين يحصل وظيفة

بس ما قلت لنا ليش التنقل الكثير في الدراسه من تخصص لاخر
وليش التنقل الكثير في العمل من عمل لاخر

[La Bella]

نصيحة خذ رخصة سواقة ثقيله
وقدم في وقود ياخذون رواتب محترمة وتأمين على الحياة بعد مثل ما سمعت

[nawara2]

حمالي في سوق واقف ......................امزح اكيد قالو نأسف مالقينا لك وظيفه لك .
الحل خلي شهداتك معك بس بدل جوازك وتحصل احسن وظيفه