بخصوص وزارة الاعمال والتجارة !!

[المولع22]

السلام عليكم والرحمة

شحالكم يالربع طيبين ان شاء الله ,,

يالربع بسألكم بخصوص وزارة الاعمال والتجارة او مثل مايقولون وزارة الاقتصاد

شهالحركات الجديدة اللي مطلعينها ,, :anger3:

رايح اقدم على سجل تجاري جديد ,,

قالو لي الاسم المركب ممنوع يعني مثلا ممنوع كذا

( شركة شبكة الاسهم ) << لو هذا موجود اساسا يعني

وانا ابغي اخذ اسم جديد يكون بهالطريقة >> ( شركة شبكة الاسهم القطرية )

يعني اغير في الاسم شوي ,, يقولون ممنووووع

واساسا النشاااط يكون مختلف عن النشاط اللي موجود بالاصل

مع اني انا اشووووف شكثر وشكثر وشكثر ناس عندهم اسماء مركبة

يعني واحد من الربع عنده قهوة , وبالصدفة لقيت نفس اسم قهوة رفيجنا على اسم مطعم

اسألة ويقول لا مادري عنه يعني مب تابع له من الاساس ,,

شلون هذا هو عنده ( مقهى كذا وكذا ) وهذاك فاتح مطعم ( نفس الاسم بس ان مطعم )

شساااااالفة يالربع حد يفيدنا ولاعليكم امر

شكرا لكم

لاهنتو

[قطراوي للأبد]

المفروض ان عادي @@ !!!

بس ترى تفرق ! .. حاول تغير فالإسم شوي !!! حط شركه < فـ بدايه الإسم .. بس لاتحطها فاللافته مثلا

يعني مثلا !!! نقول ان انت عندك دكان !! اسمه قطراوي للأبد للتموين

رحت انا ابي افتح شركه مثلا .. قمت كتبت مؤسسه قطراوي للأبد للدعايه والإعلان مثلا ..

بيمشي الإسم بالراحه .. وهاي على حسب خبرتي انا !

[KBM_X6]

بالتوفيق

[الواافي]

طيب انت تبي اسم شركه شبكه لاسهم هذا لاسم يختلف لن لازم يكون نشاط مشابه لاسم (لن فيه شبكة ) هذا المعني

ام غير لاسم ماراح يقصرون معااك

[الراقيه سبشل]

صحيح كلام اخوي قطراوي

[المولع22]

المفروض ان عادي @@ !!!

بس ترى تفرق ! .. حاول تغير فالإسم شوي !!! حط شركه < فـ بدايه الإسم .. بس لاتحطها فاللافته مثلا

يعني مثلا !!! نقول ان انت عندك دكان !! اسمه قطراوي للأبد للتموين

رحت انا ابي افتح شركه مثلا .. قمت كتبت مؤسسه قطراوي للأبد للدعايه والإعلان مثلا ..

بيمشي الإسم بالراحه .. وهاي على حسب خبرتي انا !

انا معك يالغالي واول شي اشكرك على ردك ومساعدتك

المشكلة اني انا هذا الشي اللي سويته 100%

غيرت الاسم يعني بهالطريقة

( قطراوي للابد للتموين ) هذا موجود ,, انا سويت ( قطراوي دائما للتصوير )

قالو لي مااااايصير ,, انت جذي تسوي ( اسم مركب ) وهذا ممنوع :anger3::anger3:

هم كل همهم الكلمة الاولى من الاسم التجاري يعني كلمة ( قطراوي ) ممنوع تركب عليها اسم ثاني وتاخذها

لان اسم ( قطراوي ) موجود اساسا ,, جذي يعني اففففففففف شهالحركات بعد

[المولع22]

للرففففففففع

[bb219ee7dc]

والله ياخوي انا ترى نفسك تميت في هالموال 4 شهور لين قالولي اوكيه ترى على ماعتقد انه في ناس وناس يعني ؟؟؟؟؟.
انت الله يعينك (انت تبغي اسم معين والا اي اسم ) لان عندي كمن اسم
وبتوفيق انشاء الله

[المولع22]

والله يالغالي الموضوع اكيد 10000% ان حق ناس وناس

مشكلتي اني ابغي اسم معيييين ومرتب اموري كلها عليه

طبعت الاوراق والفواتير والبطاقات والشغلات هذي كلها

والاسم اللي ابغيه مش موجود اصلااااااا ( لكن مايبغون يعطوني اياه لان يعني في اسم مشابه له )

والله حاااله شهالحركات ليش جذي يعني لاحسيب ولارقيب حق ربعهم وبس !!!!!

[الموضوعي]

قسم الرخص التجارية طلع من البلدية وراح وزارة الأعمال والتجارة اللي مايفهمون اي شيء في الرخص التجارية

[المولع22]

الموضوعي

اخوي انا اقصد قسم ( الاسم التجاري )

هذا تابع لوزارة الاعمال والتجارة

[اكاديمي]

بالتوفيق للجميع

[قطراوي للأبد]

والله ياخوي !!! مادري شالسالفه

انا خذت سجل تجاري !! وفنفس الوقت اللي انا اجهز فيه الأوراق

كان في محل فاتح بنفففففففففس الإسم .. وانصدمت يوم شفته فالجريده

المحل اللي فتح !! اسمه لولي بوبس .. أو Lollipops .. وكان محل ثياب وماركه عالميه

وانا فاتح محل حلويات ... لولي بوب .. أو lollipop !! ... والفرق .. ان ذيلاك ثياب .. وانا حلويات

حتى يوم جات المره تبي تسجل الإسم !!! وانا ماخذ موافقه من فوق

نادت مديرها

وقالت هالإسم موجود !!!! قال لها لا هاي ماله شغل هاي ثياب وهاي حلويات ... خلصيه عادي ..

ويوم شفت الجريده !!! عرفت انها تقصد هالمحل

وانا لا عندي واسطه ولا ششششششششي !!! .. لكن الظاهر ارزاق @@ !!

انت فهمهم الموضوع .. وحاول .. وان شاء الله بتاخذه

[المولع22]

اي والله عدل كلامك هذا المفروض ان يشوفون النشااااط اذا كان متشابه او مختلف

بس ان شاء الله بكرة رايح لهم انا وان شاء الله ربك يهديهم ويكملون لي المعاملة

اشكرك يالغالي والله يوفقك في محلك وان شاء الله يكون بيننا تعاون لان نشاطي يحتاج تعاون مع محل حلويات

^_^

بالتوفيق

[قطراوي للأبد]

اللله يوووفقك يالذيييب ..

وان شاء الله مايجي الظهر إلا انت مبشرنا بالعلوم الطيبه ..

وحاضرين يالشيخ .. انت جهز محلك .. ومايصير خاطرك إلا طيب

[المولع22]

ابشرررررررررك يالقطراااااوي

الامور طيبه وكلها تمام التمام وخلصنا السجل والحمد والشكر لك يارب ,,

شكرا لكل من ساهم في ابداء رأيه في الموضوع وطرح الحلول

شكرا لك اخوي قطراوي للابد لك مني كل الشكر والتقدير

[قطراوي للأبد]

بعدي ;)

تستاااااااااااهل يالذييييب .. والحمددلللله .. قلت لك الموضوع يبيله صبر ووحنه شوي خخخخخخخخخ

العفووو افا عليييك .. وماسويت شي ..

والله يوووفقك في تجارتك ياخووي .. وان بغيت اي شي ولا أي اسئله .. كلمني عالخاص وفالك طيب ان شاء الله

ولايقصون عليك !! ترى انقص علي للأسف وودفعت وايد عالتجهيز من قبل .. بس الحمدلله تعلمت من اخطائي وعرفت من وين اشتري الأغراض برخص !

[المولع22]

موفق ان شاء الله يالذيب

وانتظر مني الرسائل عالخاص بس لما ابتدي التجهيز ,,

مووووفق يالغالي