لهالدرجة وصلنا لهالانحطاط!!!!!

[JN000N]

السلام عليكم ورحمة الله وبركاته


أكيد معظم اللي فالمنتدى راح قاعة المعارض،، يودي اليهال الملاهي



لكن هل لاحظتو قمة الانحطاط وقلة الادب اللي حاصله؟؟!!!


سكتنا عن المواعد والمغازل والبلاوي الي تصير في الاماكن العامه
من بنات مراهقات وشباب ماعندهم اهل يربونهم ويمسكونهم!!!!!


رايحه مع اخوي اودي اليهال،، واخرتها اجوف هالمناظر

احنا يسوون لنا هالاماكن عشان نستانس والا عشان هالمصخره تصير؟؟؟

عيل خلاص ننحبس في بيوتنا ولا نروح مكان ولا نطلع عشان مانواجه هالاشكال

لين متى بنسكت يا جماعه

والله وقدامي بنت وصلت فيها قلة الادب انها توقف في وسط اللعبه وترقص
وقطريه ولحد يدش ويشكك في اصلها وجوازها

انا بنت واعرف اقرب منها واسمع اللهجه العدله واجوف الوالده الكريمه واقفه وياهم وتطالع كوكش البنات اللي مدخلتهم اللعبة


حاط الدي جي اغنية هدي هدي كلبوكم تعرفونها
شباب رقصو عليها<<< منظر مب غريب

لكن البنت بعد توقف علني ووسط الزحححمه وتترقص فووق فاللعبة

هذي لو يهدوني عليها جان خليتها ترقص صياح


ودي امسك هذول اللي مسووين بلبله ومصخره ومشوهين سمعة المكان واعلمهم ان الله حق



بعد لاتقولون رايحه مكان مشبوه واستاهل اللي اجوفه قدامي،، رايحه ملاهي العب فيها اليهال

مشكلة والله لو بننحرم بسبة هالاشكال

[بوعلي2]

لاحول ولاقوة الا بالله

ماقدر اقول غير الله المستعان والله يستر من القادم

حنيت حق بداية ووسط التسعينات على ايام الدنيا بسيطه وحلوه

[ANONYMOUS]

وقرن في بيوتكن

[sendarala]

وامها تشوفها ترقص وما قالت لها شي
؟؟؟؟؟؟؟؟؟؟؟؟؟؟؟

[Index Signal]

من راقب الناس مات هماً ..

إنتي رايحه تونسين اليهال ركزي في هدفج و ما عليج من غيرج ..

مستحيل كل الحضور يكونون على هواج .. لا بد تحصلين حالات شاذه عنج ..

أنا أدري إن الوضع إللي شفتيه شاذ عن مجتمعنا و عاداتنا و تقاليدنا و الأهم عن ديننا ..

لكن هذا الواقع سواء عجبنا أو ما عجبنا و كل مكان بتحصلين فيه الزين و الشين ..

حتى المسجد فيه ناس يسرقون نعول المصلين .. هل معنى هالشي نصلي في البيت و ننحرم من أجر الصلاة في المسجد ..!!

لذلك لا تشغلين نفسج بتصرفات غيرج ولا تحبسين نفسج و عيالج عشان خاطرهم ..

طلعي و تونسي و ونسي العيال و ركزي على هالهدف ولا تديرين بال للغير صدقيني بترتاحين .

[غزلان]

جنون ماعدنا نستنكر من الى نشوفه بكل مكان

اما نطلع ونستحمل السخافات لأنها شر لابد منه ومع السنوات الجايه بتزيد مابتنقص للأسف ولا نجلس في بيوتنا

[فزعـــــ قطر ـــــة]

http://www.w6w.net/album/35/w6w20050413135150664f9f403.gif
يقول الله تعالى: {ولتكن منكم أمة يدعون إلى الخير ويأمرون بالمعروف وينهون عن المنكر}
[آل عمران: 104]
ويقول تعالى: {ادع إلى سبيل ربك بالحكمة والموعظة الحسنة} [النحل: 125]
‏الأمر بالمعروف والنهي عن المنكر من أعظم الواجبات، وأكبر المهمات، وقد دل على وجوبه الكتاب والسنة والإجماع. وقد دلت النصوص على الأمر به، وجعله من الصفات اللازمة للمؤمنين، وسبباً لخيرية الأمة وأن تركه يؤدي لوقوع اللعن والإبعاد ونزول الهلاك وانتفاء الإيمان عمن قعد عنه حتى بالقلب
http://www.w6w.net/album/35/w6w20050413135150664f9f403.gif

[ابوسعود]

http://www.w6w.net/album/35/w6w20050413135150664f9f403.gif
يقول الله تعالى: {ولتكن منكم أمة يدعون إلى الخير ويأمرون بالمعروف وينهون عن المنكر}
[آل عمران: 104]
ويقول تعالى: {ادع إلى سبيل ربك بالحكمة والموعظة الحسنة} [النحل: 125]
‏الأمر بالمعروف والنهي عن المنكر من أعظم الواجبات، وأكبر المهمات، وقد دل على وجوبه الكتاب والسنة والإجماع. وقد دلت النصوص على الأمر به، وجعله من الصفات اللازمة للمؤمنين، وسبباً لخيرية الأمة وأن تركه يؤدي لوقوع اللعن والإبعاد ونزول الهلاك وانتفاء الإيمان عمن قعد عنه حتى بالقلب
http://www.w6w.net/album/35/w6w20050413135150664f9f403.gif
تسلم اخوي وازيد
قال تعالى
http://quran.al-islam.com/GenGifImages/Normal/290X330-0/3/110/1.png

اختي جنون جزاج اااااااااالله خير

على اااااااااااااستنكار مثل هذه العادات الدخيله واااااااااااالسيئه

ااااااااالله يرحمنا برحمته

[مسك روز]

من راقب الناس مات هماً ..

إنتي رايحه تونسين اليهال ركزي في هدفج و ما عليج من غيرج ..

مستحيل كل الحضور يكونون على هواج .. لا بد تحصلين حالات شاذه عنج ..

أنا أدري إن الوضع إللي شفتيه شاذ عن مجتمعنا و عاداتنا و تقاليدنا و الأهم عن ديننا ..

لكن هذا الواقع سواء عجبنا أو ما عجبنا و كل مكان بتحصلين فيه الزين و الشين ..

حتى المسجد فيه ناس يسرقون نعول المصلين .. هل معنى هالشي نصلي في البيت و ننحرم من أجر الصلاة في المسجد ..!!

لذلك لا تشغلين نفسج بتصرفات غيرج ولا تحبسين نفسج و عيالج عشان خاطرهم ..

طلعي و تونسي و ونسي العيال و ركزي على هالهدف ولا تديرين بال للغير صدقيني بترتاحين .



اسمح لي اخوي ، انا مب معاك في هالنقطه

اعتقد احنا مؤمنين ونبيينا عليه الصلاة والسلام امرنا بالمعروف والنهي عن المنكر

لو كل واحد بيسوي نفس تصرفك وبيقول انا مالي شغل ، على الدنيا السلام

ع الاقل نتكلم ونطلع اللي بداخلنا .. يمكن حد يحس او ينتبه للي قاعد يصير

اما يسكت ويقول انا مالي خص، عيل شلون بنعالج المشكله واحنا نفضل الهروب عنها !!

وانا هني اطرح سؤال مهم جدا

الا وهو : وين دور العضيد في هالموضوع ؟؟

هل العضيد مجرد كماليات ؟؟ وليش مانشوفه في مثل هالاماكن

انا ماقول تسوون نفس السعوديه وتحطون هيئه بس ع الاقل نبي نشوف تواجد العضيد

بمثل هالاماكن ، يمكن تخف المصخره شوي

والسموحه ياصاحبة الموضوع على المداخله

وفي ميزان حسانتج

اسفه على الاطاله

[Index Signal]

اسمح لي اخوي ، انا مب معاك في هالنقطه

اعتقد احنا مؤمنين ونبيينا عليه الصلاة والسلام امرنا بالمعروف والنهي عن المنكر

لو كل واحد بيسوي نفس تصرفك وبيقول انا مالي شغل ، على الدنيا السلام

ع الاقل نتكلم ونطلع اللي بداخلنا .. يمكن حد يحس او ينتبه للي قاعد يصير

اما يسكت ويقول انا مالي خص، عيل شلون بنعالج المشكله واحنا نفضل الهروب عنها !!

وانا هني اطرح سؤال مهم جدا

الا وهو : وين دور العضيد في هالموضوع ؟؟

هل العضيد مجرد كماليات ؟؟ وليش مانشوفه في مثل هالاماكن

انا ماقول تسوون نفس السعوديه وتحطون هيئه بس ع الاقل نبي نشوف تواجد العضيد

بمثل هالاماكن ، يمكن تخف المصخره شوي

والسموحه ياصاحبة الموضوع على المداخله

وفي ميزان حسانتج

اسفه على الاطاله





الإختلاف بالرأي لا يفسد للود قضيه ..

و أنا ما عاتبتها على إنكار المنكر بالعكس هذا شي ما يختلف عليه أي مسلم ..

لكن هي بغت حل و أنا عطيتها الحل .. وإذا ما عجبها مالها إلا تتم تتحسر أو تنحرم من الطلعه و تقعد في بيتها ..

و تأكد إن بإمكاني أرد عليها كوبي بيست من القرآن الكريم و الحديث الشريف لكن هالشي هي عارفته أكيد و ما يحتاج أذكرها .

[الـقـاسـي]

أختي هالشي عادي للاسف بنات قطريات كثير صاروا مايستحوون ويشوهون سمعه البلاد ..
وترى صار معروف في الخليج يعني احنا غطينا على البحرين والكويت والامارات ..

قبل نقول الحمد لله على ان وضعنا أحسن من غيرنا الحين هل الكويت والامارات والبحرين يناظرونا بعين الرحمه يقولون الله يعينكم ..

صاروا اذا يبون الخربطه والبنات يجون عندنا الدوحة .. وللاسف صار منتشر عندهم انه بنات الدوحة اسهل بنات ومحثلينها من قلب وهالشي انا اشوفه بعيني ..

[إعلامي قطر]

..

ماسمعتي الشاعر القطري
إللي قال عن التطوّر والإنفتاح:

سندرونا لعوزونا..
قالوا انتوا ما وعيتوا..
إحنا طفناكم وصرنا..
في زمان الإنفتاح !!

إحنا في عصر التطور..
وإنتوا تو إلا دريتوا !!
عشتوا في بر الجزيره..
ما عرفتوا الإنشراح !!

من لبسكم من شكلكم..
واضح إنكم ما شفيتوا..
من تقاليدٍ ودين ٍ ..
ما بعد ولى وراح !!

لي متى تبقى المشاعر..
لي متى نبقى نكابر !!
لي متى يبقى التخلف..
هايم ٍ وسط البراح !!

قالوا ابدوا بالثقافه..
واخلطوا ما هي سخافه..
أفتحوا الأبواب لا لا..
لا تخافوا من نباح !!

أخلطوا كل المشاعر..
شاب بنت وحب طاهر..
بالأخير إللي تنالوا..
جيل راقي جيل صاح !!

شوفوا أخوان العروبة..
جيلهم راقي بثوبه..
وش بلاكم لا تخافوا..
هذا هوه الإنفتاح..


وبآخر بيت قريته كان التالي:

خلنا نرقص معاها..
وأمها تبكي وراها !!
وأنت إرضى يا أبوها..
هذا هوه الإنفتاح !!

طبعاً هذي مقتطفات من القصيده لا أكثر !!

والفرق إن الشاعر ماتوقع إنه راح يجي
اليوم إللي تضحك وماتبكي فيه الأم لرقص بنتها !!

مسكين أيها الشاعر !!

..

[مرتبش]

فنتق يديد يعني
الرقص جدام الشباب..
مادري شالحكمة ..هي تبي تقول شي والمفروض المجتمع يرد على هالسلوك..مثلا شرطة نسائية تمسك هالمتبجحات ولو حتى تنبيه جدام العالم..لان هالاشكال ماينفع معاهم غير هالطريقة

[سحـابة خيـر]

استغفــرالله العظيم
ماكان جييه بالدوحه اخر خمس سنين الحيــن عيني عينك هالحركات والسوالف
حتى بالمجمعات والمولات البنت تناظر الواحد بعينه وتبتسم تبي حد يبط عينها عشان تستحي..
واذا هالبنت امها وياها على الدنيا السلام فرحانه ببنتها وغباءها وعدم حياءها:anger3:
والله السبب بهاي كله قله الوازع الديني والايمان والتربيه الصالحه:anger3:

[الراقيه سبشل]

اختي انتي ليش مامسكتي امها وقلتيلها انه هاي تصرف منقود؟

ع الاقل خلها تستحي وتستر بنتها عن هالمياعه

الله يهدي هالبنات ويستر عليهم ويصلح اهاليهم

[ولد النواخذه]

أن لم تستح فافعل ماشئت

حلاة البنت خجولة وتستحي وذربة وعينها بالارض بس وين يا يمه وين شوفوا بنات هالسنين حالتهم يرثى لها وبدون تعميم ولكن يكفي التغيير الي صاير ونشوفه بعيونا وماقول غير قول الله تعالي

"وقرن في بيوتكن ولا تبرجن تبرج الجاهليه الاولى"

للاسف نحن حريم ورجال مانتمعن في معاني الدين والقرآن.....

[قلم حائر]

الله اعيينا تعبنا واللهomen
ان سكتنا قالوا عاجبكم وان تكلمنا قالوا ما ايخصكم :anger3:
الله يستر على اعيالنا

[سحـابة خيـر]

اختي انتي ليش مامسكتي امها وقلتيلها انه هاي تصرف منقود؟

ع الاقل خلها تستحي وتستر بنتها عن هالمياعه

الله يهدي هالبنات ويستر عليهم ويصلح اهاليهم


بتقول بنتي ولا بنتج؟
انا راضيه انتي شلج؟
بتاكلها بقشورها..
اذا الراس العود راضي خلاص محد له شغل فبنتي

استغفرالله العظيم

[تحداني]

كتبنا كثيرا ورددنا كثيرا واستنكرنا كثيرا
ولم يتبقى لدينا سوى ان نقول عسى الله يهديهم يارب .. وينور طريقهم
ويشغلهم في امور تنفعهم .. ويحبب قلبهم في الدين ويزرع الغيره والحياء في وجوههم
انهم في غفله من امرهم





جملك الله برضى الرحمن

[JN000N]

لاحول ولاقوة الا بالله

ماقدر اقول غير الله المستعان والله يستر من القادم

حنيت حق بداية ووسط التسعينات على ايام الدنيا بسيطه وحلوه



اتمنى لو اني لحين صغيره ولعبتي عالسيف والا فالزرع
ولا اني اكبر واكتشف ان العالم المثالي اللي رسموه لي هلي مجرد حلم

[JN000N]

وقرن في بيوتكن



ولا تبرجن تبرج الجاهليه

رايحه اودي اليهال يلعبون،، ملو من القعده والمكان مسكر ومكيف ينفع لكن ماتوقعت جذي بيكون

[ابن قطر]

الواحد بس ايش يقول في اشكال معروفه مفروض يمنعونهم من الدخول

والله يساعدج وشكرا على الموضوع وتنبيهنا

[s o s o]

لاحول ولاقوة الابالله ..
الله يهدى بنات المسلمين ويستر عليهم ويصلح حالهم

[JN000N]

وامها تشوفها ترقص وما قالت لها شي
؟؟؟؟؟؟؟؟؟؟؟؟؟؟؟



:yes:

[ريــــــــان]

والله شي يقهر صراحه

ياليت فيه هيئة الامر بالمعروف وبالخيازرين :p

[غير البشر]

لاحول ولاقوه الابالله
والله ان الحين عادي توقعو كلشي

ترا وايد بنات ها الايام لا حيا ولامستحى
وين بنات لاول تمشي ومن الحيا ماتشوف قدامها

اختي جنون لاتحرقين قلبج ولا شي

الله المستعان

[وهم قطر]

:nono: مب كلام

الي مثل هالمواقف لازم تسمع من أحد كلمه محرجه من الجمهوروالله ماراح تسويها مره ثانيه

[latty]

يمكن البنت فيها زيران ما تتحمل الاغاني

العتب على الاداره الصراحه كيف حاطه اغاني ترقص وتغزل ؟؟؟؟

معارض صيف قطر للاسف كل عام مسخره

[المغروره]

نفسن احشمهاااا ونفس(ن)احشم نفسك عنهاا
اذا بتشوفيين بتعيزييين
الله يهديهم ويصلحهم

[غير البشر]

:nono: مب كلام

الي مثل هالمواقف لازم تسمع من أحد كلمه محرجه من الجمهوروالله ماراح تسويها مره ثانيه


ياريت لو كان في ناس امبلتعين ويعطونها كلام محرج قدام الناس
كان تأدبت ولاتعودها

[Ussop]

هيه الله يذكر أيامك بالخير يا بن خالد!

[kuwari]

لاحول ولاقوة الا بالله

[toomi9]

بـسـم اللـه الـرحـمـن الـرحـيـم
اخواني الاعزاء
لا نـنـسى حديث الرسول -صلى الله عليه وسلم - عندما قال:"مَثَلُ الْقَائِمِ عَلَى حُدُودِ اللَّهِ وَالْوَاقِعِ فِيهَا ،كَمَثَلِ قَوْمٍ اسْتَهَمُوا عَلَى سَفِينَةٍ ،فَأَصَابَ بَعْضُهُمْ أَعْلاهَا وَبَعْضُهُمْ أَسْفَلَهَا ،فَكَانَ الَّذِينَ فِي أَسْفَلِهَا إِذَا اسْتَقَوْا مِنَ الْمَاءِ ،مَرُّوا عَلَى مَنْ فَوْقَهُمْ ،فَقَالُوا لَوْ أَنَّا خَرَقْنَا فِي نَصِيبِنَا خَرْقًا ،وَلَمْ نُؤْذِ مَنْ فَوْقَنَا،فَإِنْ يَتْرُكُوهُمْ وَمَا أَرَادُوا هَلَكُوا جَمِيعًا،وَإِنْ أَخَذُوا عَلَى أَيْدِيهِمْ نَجَوْا وَنَجَوْا جَمِيعًا "

معناة هذا الحديث ان في جماعة تقاسمو على سفينها فـ نصهم حصل الجزء الاعلى للسفينه والنص الثاني الاسفل
فقالت الجماعه الي تحت احناا كل مانبي نسقى من الماء مرينا على الي فوق وضايقناهم لو ان سوينا فتحه فالسفينه وماضايقنا الي فوق يكون احس <<< ومعروف لوو صار ثقب في اسفل السفينه تغرق
ولوو الي فوق مسكوهم من يدهم نجو جمعيآ ،، ولو مامسكوهم من يدهم وعضوهم غرقوا جميعآ
....................
يعني احنا مسؤلين ان ننصح ونحاااول ان نفس هـ الاشيا ماتصير في مجتمعنا وبذات اذا كان مجتمعنا اسلامي الي صار بحد ذاته حرآآم
وعذاب الله شاامل الشين مع الزين
فـ أتمنى من ان محد يقول اناا مالي خص كيييفهم شدخخخلني شعلييي اناا منهم
احناا لازم ننصح نفهم نعقل حتى لو مالنا علاقه بالي صار

[JN000N]

من راقب الناس مات هماً ..

إنتي رايحه تونسين اليهال ركزي في هدفج و ما عليج من غيرج ..

مستحيل كل الحضور يكونون على هواج .. لا بد تحصلين حالات شاذه عنج ..

أنا أدري إن الوضع إللي شفتيه شاذ عن مجتمعنا و عاداتنا و تقاليدنا و الأهم عن ديننا ..

لكن هذا الواقع سواء عجبنا أو ما عجبنا و كل مكان بتحصلين فيه الزين و الشين ..

حتى المسجد فيه ناس يسرقون نعول المصلين .. هل معنى هالشي نصلي في البيت و ننحرم من أجر الصلاة في المسجد ..!!

لذلك لا تشغلين نفسج بتصرفات غيرج ولا تحبسين نفسج و عيالج عشان خاطرهم ..

طلعي و تونستي و ونسي العيال و ركزي على هالهدف ولا تديرين بال للغير صدقيني بترتاحين .



مرحبا اخوي.. حياك الله

كلامك اللي قلته صحيح منطقي نوعا ما
لكن انا مش من النوع اللي لين طلع ينتبه عالناس ويراقب حركاتهم ويستنكرها
طبيعتي اطلع وارجع وماجوف الا اذا حد نبهني وقال جوفي بالعربي يعني مفهيه شوي خاصه وقت الزحمه هبابي اعابل اليهال عشان مايضيعون
واللي صار اخوي نبهني عليه،، قالي يلا خذي انتي جوفي التربيه وين وصلت هذي وامها واقفه بعد
عقبها انتبهت ،،

اذا علي انا،، فأنا واعية واعرف اميز الصح من الخطا،، الخوف من الجيل الياي،، لما اجوف خواتي واخواني الصغار من الحين يتعودون على هالمناظر وعقبها يصير شي يومي وطبيعي

[JN000N]

جنون ماعدنا نستنكر من الى نشوفه بكل مكان

اما نطلع ونستحمل السخافات لأنها شر لابد منه ومع السنوات الجايه بتزيد مابتنقص للأسف ولا نجلس في بيوتنا







بس مب معقووله يا جماعه نسكت
اذا في فئة راضيه انها تعيش بمستوى منحط فلها اماكنها اما مكان عام تجتمع فيه اجناس البشر لايقربون صوبه لان اذا هي مب شريفه ومب ستيره،، فمعظم اللي حولها عكسها
انا وحده مابغي كل مره اطلع واجوف هالمنظر الوقح والله يستر من الياي وتلوع جبدي واتحسف اني طلعت

[meme~qatar]

فعلا الواحد صار يخاف على عياله
اذا كبروا بيكون هالشي عادي بالنسبة لهم من كثر ماشافوا

يبيلهم وزير الداخلية السابق نسيت اسمه والله كان ممشيهم على السراط المستقيم

[ساحر برشلونة]

لاحول ولاقوة الا بالله

[الخفي]

(( ما استأسد الحمل الا بعد ما استنوق الجمل ))

لو كان دين و هناك مربي وأهل ماكان صارت قله الحياء في الاماكن العامه

[السيف5]

السبب الرئيسي للفوضى الاخلاقية غياب الدور الامني الرادع لوزارة الداخلية

ويكفي عندهم ادارة كاملة لذلك (ادارة الامن الوقائي) لكنها نايمة في العسل

شكرا على الموضوع ----والله يهدي الجميع

[JN000N]

http://www.w6w.net/album/35/w6w20050413135150664f9f403.gif
يقول الله تعالى: {ولتكن منكم أمة يدعون إلى الخير ويأمرون بالمعروف وينهون عن المنكر}
[آل عمران: 104]
ويقول تعالى: {ادع إلى سبيل ربك بالحكمة والموعظة الحسنة} [النحل: 125]
‏الأمر بالمعروف والنهي عن المنكر من أعظم الواجبات، وأكبر المهمات، وقد دل على وجوبه الكتاب والسنة والإجماع. وقد دلت النصوص على الأمر به، وجعله من الصفات اللازمة للمؤمنين، وسبباً لخيرية الأمة وأن تركه يؤدي لوقوع اللعن والإبعاد ونزول الهلاك وانتفاء الإيمان عمن قعد عنه حتى بالقلب
http://www.w6w.net/album/35/w6w20050413135150664f9f403.gif



الله يكملج بعقلج،، وجزاج الله الف خير
لو في دورات لهالامور جان بادش اتثقف،، اما اني انا وحده امشي فحالي،، وانكر المنكر لكن امر بمعروف هذي يبيلها جرأه وانا افتقدها في مثل هالحالات خاصة مع وجود ولي الامر ويجوف وراضي وساكت

[JN000N]

تسلم اخوي وازيد
قال تعالى
http://quran.al-islam.com/gengifimages/normal/290x330-0/3/110/1.png

اختي جنون جزاج اااااااااالله خير

على اااااااااااااستنكار مثل هذه العادات الدخيله واااااااااااالسيئه

ااااااااالله يرحمنا برحمته




يجزينا ويجزيك الخير،،



لكن نبي حل انا ماحطيت الموضوع الا وابغي اجوف الرأي العام،، وحلولكم

نسكت ونرضئ،؟؟ والا نتحرك وشنسوي عقب!!
اعتقد يبيلنا شرطه نسائيه مش عشان تمسك بنات الناس وينفضحون بالاسامي.. لاااا الله يستر عالكل
لكن شرطه توقفهم قدام الناس تعطيهم تحذير منها يتوبون،، ومنها الناس تجوف وتحذر وتخاف
والعيار اللي ما يصيب يدوش،، صح !!

[JN000N]

اسمح لي اخوي ، انا مب معاك في هالنقطه

اعتقد احنا مؤمنين ونبيينا عليه الصلاة والسلام امرنا بالمعروف والنهي عن المنكر

لو كل واحد بيسوي نفس تصرفك وبيقول انا مالي شغل ، على الدنيا السلام

ع الاقل نتكلم ونطلع اللي بداخلنا .. يمكن حد يحس او ينتبه للي قاعد يصير

اما يسكت ويقول انا مالي خص، عيل شلون بنعالج المشكله واحنا نفضل الهروب عنها !!

وانا هني اطرح سؤال مهم جدا

الا وهو : وين دور العضيد في هالموضوع ؟؟

هل العضيد مجرد كماليات ؟؟ وليش مانشوفه في مثل هالاماكن

انا ماقول تسوون نفس السعوديه وتحطون هيئه بس ع الاقل نبي نشوف تواجد العضيد

بمثل هالاماكن ، يمكن تخف المصخره شوي

والسموحه ياصاحبة الموضوع على المداخله

وفي ميزان حسانتج

اسفه على الاطاله



ايووووااه نبي علاااج

وين العضيد وشمهرتهم!! وليش مايعسعسون


ع فكره،، ترى هناك في شرطه رجال ونساء وفي تحريات
لكن وانا طالعه لقيتهم حاطين ريل على ريل ومسكرين بابهم ووجباتهم قدامهم وطق سوالف
ومخلين القرعه ترعى داخل

مانبي عضيد،، صفوه ع جنب،، نبي شرطه نسائيه للبنات تمسكهم وتوقفهم عند حدهم
لحد هني وخلاص،، البنات اجرأ من الشباب واوقح من حركات المراهقين
والله واني افكر فهالحال اللي وصلناله واقول رجعنا لعصر الجاهليه
وكأنهم قرده في غابه لا يحكمهم قانون ولا وازع ديني

[JN000N]

الإختلاف بالرأي لا يفسد للود قضيه ..

و أنا ما عاتبتها على إنكار المنكر بالعكس هذا شي ما يختلف عليه أي مسلم ..

لكن هي بغت حل و أنا عطيتها الحل .. وإذا ما عجبها مالها إلا تتم تتحسر أو تنحرم من الطلعه و تقعد في بيتها ..

و تأكد إن بإمكاني أرد عليها كوبي بيست من القرآن الكريم و الحديث الشريف لكن هالشي هي عارفته أكيد و ما يحتاج أذكرها .



يعطيك العافيه

لكن هذا مش حل اخوي اني اطلع واسكت وانا اجوف وارجع
الساكت عن الحق شيطان اخرس

وكأني اجوفه بداية طريق الهلاك
فأول الغيث قطره
اذا على هالمنكر سكتنا
فاللي جاي فالطريق اعظم ،، ومن علامات اخر الدنيا

اللهم لا تؤاخذنا بما فعل السفهاء منا،، وارحمنا واغفر لنا

[رُفق المجنّا]

ضريبة إنفتاح , والقادم أشد ألماً

[باسكن روبنز]

كلها كم يوم ويفتحون اكوا بارك ،
وبنشوف بلاوي منحطه فيها وبتشتكون بالمنتدي ،

الله يهداهم ،

[بوحارب]

عاد انه كنت مصنف اليوم اودي وضوح بس خلاص هونت من عقب هالكلام

ليش الواحد يروح اماكن يشوف فيها اشيا ماترضي الله ولا رسوله

اللهم اهدي قومي فأنهم لا يعلمون

[Index Signal]

يعطيك العافيه

لكن هذا مش حل اخوي اني اطلع واسكت وانا اجوف وارجع
الساكت عن الحق شيطان اخرس

وكأني اجوفه بداية طريق الهلاك
فأول الغيث قطره
اذا على هالمنكر سكتنا
فاللي جاي فالطريق اعظم ،، ومن علامات اخر الدنيا

اللهم لا تؤاخذنا بما فعل السفهاء منا،، وارحمنا واغفر لنا





الله يعافيج إختي ..

لكن أنا عطيتج الحل إللي إنتي تقدرين عليه ..

أما باقي الحلول إللي ذكرتيها مع باقي الأعضاء مثل الشرطه النسائيه و العضيد و غيره فهي أشياء خارج إرادتكم و أمنيات مو حلول ..!!

و صدقيني مهما تكلمتوا و قلتوا و تمنيتوا ما بتطلعين بنتيجه من هالموضوع ..

لأن الكلمه الأولى و الأخير للحكومه و هي شايفه و ساكته و عاجبها الوضع ..

و مافي جهه لها كلمه عالحكومه إلا مجلس الشورى المنتخب (ثلثينه..!!) ..

هو إللي بيحول صوت المواطن إلى مشروع قانون يلزم الحكومه بتنفيذه بعد إقراره ..

أما كل الحلول اللي تم ذكرها فهي أماني و كلام طاير بالهوا شاشي مع إحترامي لآراء الجميع ..!!

[العـوا]

لاحول ولاقوة الا بالله

[JN000N]

أختي هالشي عادي للاسف بنات قطريات كثير صاروا مايستحوون ويشوهون سمعه البلاد ..
وترى صار معروف في الخليج يعني احنا غطينا على البحرين والكويت والامارات ..

قبل نقول الحمد لله على ان وضعنا أحسن من غيرنا الحين هل الكويت والامارات والبحرين يناظرونا بعين الرحمه يقولون الله يعينكم ..

صاروا اذا يبون الخربطه والبنات يجون عندنا الدوحة .. وللاسف صار منتشر عندهم انه بنات الدوحة اسهل بنات ومحثلينها من قلب وهالشي انا اشوفه بعيني ..




لا والله ياخوي انا ماجوف انه عادي
ابو المصاخه كلها تصير ولا لهم حد يوقفهم عن حدهم
لكن فالجزء الاخير اللي قلته،، ماتفق معاك
ان شاء الله مانوصل لهالمستوى ولو ان احنا عالطريق
بس ان شاء الله يوقف ولا يكمل ونصير في حفره انحطاط

[JN000N]

..

ماسمعتي الشاعر القطري
إللي قال عن التطوّر والإنفتاح:

سندرونا لعوزونا..
قالوا انتوا ما وعيتوا..
إحنا طفناكم وصرنا..
في زمان الإنفتاح !!

إحنا في عصر التطور..
وإنتوا تو إلا دريتوا !!
عشتوا في بر الجزيره..
ما عرفتوا الإنشراح !!

من لبسكم من شكلكم..
واضح إنكم ما شفيتوا..
من تقاليدٍ ودين ٍ ..
ما بعد ولى وراح !!

لي متى تبقى المشاعر..
لي متى نبقى نكابر !!
لي متى يبقى التخلف..
هايم ٍ وسط البراح !!

قالوا ابدوا بالثقافه..
واخلطوا ما هي سخافه..
أفتحوا الأبواب لا لا..
لا تخافوا من نباح !!

أخلطوا كل المشاعر..
شاب بنت وحب طاهر..
بالأخير إللي تنالوا..
جيل راقي جيل صاح !!

شوفوا أخوان العروبة..
جيلهم راقي بثوبه..
وش بلاكم لا تخافوا..
هذا هوه الإنفتاح..


وبآخر بيت قريته كان التالي:

خلنا نرقص معاها..
وأمها تبكي وراها !!
وأنت إرضى يا أبوها..
هذا هوه الإنفتاح !!

طبعاً هذي مقتطفات من القصيده لا أكثر !!

والفرق إن الشاعر ماتوقع إنه راح يجي
اليوم إللي تضحك وماتبكي فيه الأم لرقص بنتها !!

مسكين أيها الشاعر !!

..


صح لسانك ولسان الشاعر
جابها عدله

لكن الشاعر يوم يتوقع شكل الام،، كان يحسبها من جيله ومن اللي يخافون ربهم
مادرا ان بنوصل لمرحله يكون فيها قلة الوازع الديني من الاهل قبل الابناء

[العضو الماسي]

والله يبغيلهم من يلحفهم بعقال ويعرف يربيهم عدل ..

[JN000N]

فنتق يديد يعني
الرقص جدام الشباب..
مادري شالحكمة ..هي تبي تقول شي والمفروض المجتمع يرد على هالسلوك..مثلا شرطة نسائية تمسك هالمتبجحات ولو حتى تنبيه جدام العالم..لان هالاشكال ماينفع معاهم غير هالطريقة




ماعرف شنو المقصد بالضبط يوم ارفع عيني واجوفها ترقص وهي تطالع الجمهور اللي واقف وتضحك حق البنت اللي حذاها وتسوي انها استحت وترد تقوم ترقص:no2:

[JN000N]

استغفــرالله العظيم
ماكان جييه بالدوحه اخر خمس سنين الحيــن عيني عينك هالحركات والسوالف
حتى بالمجمعات والمولات البنت تناظر الواحد بعينه وتبتسم تبي حد يبط عينها عشان تستحي..
واذا هالبنت امها وياها على الدنيا السلام فرحانه ببنتها وغباءها وعدم حياءها:anger3:
والله السبب بهاي كله قله الوازع الديني والايمان والتربيه الصالحه:anger3:



واجوف ان اللي قادم اعظم واهول

[فتى الجود]

الله يذكرك بالخير ياعبدالله بن خالد

الله يجيب لنا واحد مثله ويمسك هالأمور عشان تعدل البلاد وينصلح حالها

[rawda]

والله ماندري شنقول !!

الله يعين !! شكلهم بعض بنات هالايام اللي يبيلهم لخويا وفزعه يلعنون خيرهم بدل مامستقوين على اشيا تافهه

[**هـتــــــان**]

عش رجبا ترى عجبا ...كل يوم شي جديد يظهر على الساحه والله يستر من الجايات

[JN000N]

اختي انتي ليش مامسكتي امها وقلتيلها انه هاي تصرف منقود؟

ع الاقل خلها تستحي وتستر بنتها عن هالمياعه

الله يهدي هالبنات ويستر عليهم ويصلح اهاليهم





حبيبتي اولا مش من صغر امها ،،
وثانيا انا وحده مافيني جرأه اروح اقول حق امها جوفي بنتج قاعده ترقص جدام الشباب وعيب وحرام!! ليش هي ماتعرف الحرام؟ ماتعرف ان عيب بنتها توقف فوق فاللعبه وتطالع صوب الجمهور وترقص وترد تقعد وترد ترقص؟

وايس تي كملت عن اللي كنت بقوله،، يزاها الله خير :)

[JN000N]

أن لم تستح فافعل ماشئت

حلاة البنت خجولة وتستحي وذربة وعينها بالارض بس وين يا يمه وين شوفوا بنات هالسنين حالتهم يرثى لها وبدون تعميم ولكن يكفي التغيير الي صاير ونشوفه بعيونا وماقول غير قول الله تعالي

"وقرن في بيوتكن ولا تبرجن تبرج الجاهليه الاولى"

للاسف نحن حريم ورجال مانتمعن في معاني الدين والقرآن.....


وللا هالزمن زمن الستر والثقل والسنع،، وجاي فالطريق بلاوي،، اذا سكتنا فأولها ماراح ينفع الندم في اخرها

[missperfect]

حسبي الله عليهم شوهوا سمعتنا جان عطيتيها اطراق علي عينها هي وأمها

[المترجم]

اعتقد ان الفعل الي ارتكبته البنت غلط وعيب ومنقود ومايجورز........... الخ

ولكن ايضاً ظاهره صحيه ان فيه فئه في المجتمع ترفض مثل هذه الأفعال

والا شرايكم :)

[Qt.1]

الله يهديهم يارب

[همس القصيـد]

أختي جنون جاني فضول بس ابي أعرف كم عمرها البنت اللي تر قص

[JN000N]

أختي جنون جاني فضول بس ابي أعرف كم عمرها البنت اللي تر قص



تقريبا تعطينها بين 16 وال 19 مش اصغر ولا اكبر
لابسه عبايه ومعاها بنات من سناينها

وارد اقول مش اكيد وانا ماعرف الغيب

[JN000N]

الله اعيينا تعبنا واللهomen
ان سكتنا قالوا عاجبكم وان تكلمنا قالوا ما ايخصكم :anger3:
الله يستر على اعيالنا



ااميين

[تاجر طمووح]

حقا انه لشي تدمع له العيون ويتفطر له القلب

[JN000N]

بتقول بنتي ولا بنتج؟
انا راضيه انتي شلج؟
بتاكلها بقشورها..
اذا الراس العود راضي خلاص محد له شغل فبنتي

استغفرالله العظيم




اي والله

دام امها تجوفها وساكته
والبنت شكلها ماتعرف الحشمه
انا احشم نفسي :(

[JN000N]

كتبنا كثيرا ورددنا كثيرا واستنكرنا كثيرا
ولم يتبقى لدينا سوى ان نقول عسى الله يهديهم يارب .. وينور طريقهم
ويشغلهم في امور تنفعهم .. ويحبب قلبهم في الدين ويزرع الغيره والحياء في وجوههم
انهم في غفله من امرهم





جملك الله برضى الرحمن


الله يهديهم

[JN000N]

الواحد بس ايش يقول في اشكال معروفه مفروض يمنعونهم من الدخول

والله يساعدج وشكرا على الموضوع وتنبيهنا


المفروض شي،، واللي حاصل شي اخر
العفو،، تسلم عالرد الطيب


لاحول ولاقوة الابالله ..
الله يهدى بنات المسلمين ويستر عليهم ويصلح حالهم


امين،،


والله شي يقهر صراحه

ياليت فيه هيئة الامر بالمعروف وبالخيازرين :p

الله كريم

[بوخالد911]

حسبي الله ونعم الوكييل

[bu 3li]

والله ياختي لو انتي متصله فـ العضيد ومخليتهم يسحبونها هي وبنتها برع المكان
جان سويتي خير فـ الموجودين .. ماتدرين اشكثر من اليهال يشوفون هـ المنظر
ويقلدونه سواء فـ بيوتهم ولا اماكن ثانيه .. واليهال مايعوقهم ماشاء الله عليهم
كل شي يلقطونه يحاولون يسوون مثله وهم مايدرون شسالفه

[ساكن ازغوه]

قال صلى الله عليه وسلم ( بدأ الإسلام غريباً وسيعود غريباً كما بدأ فطوبى للغرباء)

[الغالي!]

اسمح لي اخوي ، انا مب معاك في هالنقطه

اعتقد احنا مؤمنين ونبيينا عليه الصلاة والسلام امرنا بالمعروف والنهي عن المنكر

لو كل واحد بيسوي نفس تصرفك وبيقول انا مالي شغل ، على الدنيا السلام

ع الاقل نتكلم ونطلع اللي بداخلنا .. يمكن حد يحس او ينتبه للي قاعد يصير

اما يسكت ويقول انا مالي خص، عيل شلون بنعالج المشكله واحنا نفضل الهروب عنها !!

وانا هني اطرح سؤال مهم جدا

الا وهو : وين دور العضيد في هالموضوع ؟؟

هل العضيد مجرد كماليات ؟؟ وليش مانشوفه في مثل هالاماكن

انا ماقول تسوون نفس السعوديه وتحطون هيئه بس ع الاقل نبي نشوف تواجد العضيد

بمثل هالاماكن ، يمكن تخف المصخره شوي

والسموحه ياصاحبة الموضوع على المداخله

وفي ميزان حسانتج

اسفه على الاطاله



جزاحك الله خير كلامك 100%

[BuNooR]

الشاب ما غازل ولا واعد إلا يوم لقى اللي تغازله وتواعده

ذنب مشترك وما نقدر نلوم الشاب على كل شي

[الصريحه]

جزاك الله كل خير لازم مانسكت ونستنكر علشان مايعم الفساد الشرهه على اللي اسمها امها

[ابو محمد7]

الدور الاول يكون على الرجال المفروض مايرضون على اهلهم

والثاني على الام

والثالث دور الموجودين هناك كان المفروض اكثر من شخص يتوجه للأم ويكلمها باسلوب محترم وهادي بس ينصحها ويخليها تستحي وتتفشل , يعني يقول لها مثلا جزاج الله خير مايجوز بنتج تسوي هالشي جدام العالم ومن هالكلام

الحمدلله ان في ناس تنكر هالتصرفات بالقلب بس بعد في مرحلة اعلى وهي الانكار باللسان

صراحة الواحد يفتخر ان بنات بلاده من اكثر بنات العالم احترام ورقي ومحافظة لكن للأسف في فئة قاعده تشوه هالصورة

[شبح الصمت]

لا حول ولا قوة الا بالله

ااخ منظر مب شيء ومن بنت

وتقولون الشباب يغازلون ويدشون هالامكان !!!

الله يستر على أهالينا

أختي أنا لو منج وانا بنت حالي حالها والله لقولها استحي على ويهج انتي في مكان عام

وإذا مب حاشمه نفسج أحشمي خلق الله

والله الواحد يزعل يوم يشوف هالمنظر

والمصيـبه تقولين امها اطالعها !!

ااااخ فيني قهر

:anger3:

[FAUCHON]

اذا الام جذيه ساكته وراضيه احنا شنقول

وصدقوني يمكن اذا حد كلمها يكون ردها محرج (( وتقول مالكم خص ))

والله هالايام اسمع قصص عن الامهات استغرب

الله يعين

[JN000N]

لاحول ولاقوه الابالله
والله ان الحين عادي توقعو كلشي

ترا وايد بنات ها الايام لا حيا ولامستحى
وين بنات لاول تمشي ومن الحيا ماتشوف قدامها

اختي جنون لاتحرقين قلبج ولا شي

الله المستعان


جنك تقول لي جوفي وصدي

لاحول ولا قوة الا بالله

ولين متى بنتصدد:(

[JN000N]

:nono: مب كلام

الي مثل هالمواقف لازم تسمع من أحد كلمه محرجه من الجمهوروالله ماراح تسويها مره ثانيه


اعتقد هالاشكال ماتنحرج،،،:no2:


يمكن البنت فيها زيران ما تتحمل الاغاني

العتب على الاداره الصراحه كيف حاطه اغاني ترقص وتغزل ؟؟؟؟

معارض صيف قطر للاسف كل عام مسخره


لا اللي فيهم زار ينعرفون حتى من رقصهم،، مش رقص دلع وعبط


نفسن احشمهاااا ونفس(ن)احشم نفسك عنهاا
اذا بتشوفيين بتعيزييين
الله يهديهم ويصلحهم

من الحين وعيزت،، والله يستر :(

[JN000N]

ياريت لو كان في ناس امبلتعين ويعطونها كلام محرج قدام الناس
كان تأدبت ولاتعودها



التبلتع مادليناه وعسانا ماندله

لكن تقصد ناس عندهم جرأه تتكم مع امها الكبيره،، وتوعيها ولو ان اعتقد انها مش محتاجه توعيه،، خاصة والصح صح والخطا خطا

يبيله شي واضح،، قانون يستند عالقران والاحاديث،، شي يخليها عبره للغير ويخليها هي تتوب

[باسكن روبنز]

بعد كل هالردود والمناقشات اش وصلتوا له ؟ ،

غير انكم حارقين اعصابكم على الفاضي ،

جنون مالج الا تتصلين بالجرايد بالدور وتخلينهم يتكلمون عن هالشي بدال مانتي حارقه روحج وتنطرين الاجابه تنزل عليج من السما ،

[بنـ ابوها ـت]

ياريت يخلونه للعائلات فقط لان صج الوضع لايطاق والشباب مالهم داعي بالمكان

[منهم وفيهم]

الله المستعان
احيي غيرتج ياجنون

[Index Signal]

بعد كل هالردود والمناقشات اش وصلتوا له ؟ ،

غير انكم حارقين اعصابكم على الفاضي ،

جنون مالج الا تتصلين بالجرايد بالدور وتخلينهم يتكلمون عن هالشي بدال مانتي حارقه روحج وتنطرين الاجابه تنزل عليج من السما ،



ولا حتى الجرايد تقدر تسوي شي ..

الموضوع يحتاج قانون ..

و القوانين بيد الحكومه ..

و الحكومه عارفه كل شي و عاجبها الوضع ..

متى ما أصبح عندنا مشاركه شعبيه بإتخاذ القرار بيكون في حل ..

و هالشي ما راح يصير إلا بتفعيل مواد الدستور و إجراء الإنتخابات البرلمانيه ..

غير هالكلام ما ينفع .

[JN000N]

ولا حتى الجرايد تقدر تسوي شي ..

الموضوع يحتاج قانون ..

و القوانين بيد الحكومه ..

و الحكومه عارفه كل شي و عاجبها الوضع ..

متى ما أصبح عندنا مشاركه شعبيه بإتخاذ القرار بيكون في حل ..

و هالشي ما راح يصير إلا بتفعيل مواد الدستور و إجراء الإنتخابات البرلمانيه ..

غير هالكلام ما ينفع .


الله كريم :(

[الشقيان]

لاحول ولاقوة الا بالله

[الشمريه]

من راقب الناس مات هماً ..

إنتي رايحه تونسين اليهال ركزي في هدفج و ما عليج من غيرج ..

مستحيل كل الحضور يكونون على هواج .. لا بد تحصلين حالات شاذه عنج ..

أنا أدري إن الوضع إللي شفتيه شاذ عن مجتمعنا و عاداتنا و تقاليدنا و الأهم عن ديننا ..

لكن هذا الواقع سواء عجبنا أو ما عجبنا و كل مكان بتحصلين فيه الزين و الشين ..

حتى المسجد فيه ناس يسرقون نعول المصلين .. هل معنى هالشي نصلي في البيت و ننحرم من أجر الصلاة في المسجد ..!!

لذلك لا تشغلين نفسج بتصرفات غيرج ولا تحبسين نفسج و عيالج عشان خاطرهم ..

طلعي و تونسي و ونسي العيال و ركزي على هالهدف ولا تديرين بال للغير صدقيني بترتاحين .

اعجبني ردك :nice:

[فارس قطر333]

الله يستر علينا يارب

[faisalqatar]

و عقب يقولون ان الشباب يتحرشون فينا !!

كل شي على اذن هالشباب وماكلين تبن بسبة هالاشكال !!

اختي ليش معوره قلبج تره في الاسوأ والاسوأ

دام الام واقفه واتشوف بنتها تترقص !!

وللاسف يقولون الاجانب مخربين الدولة و مشوهين صورة قطر

خليها على الله

هالايام البنت قامت اتراكض ورى الريال والبنت اللي قامت اتسوي بلاوي الشباب يستحون منها

الله يستر علينا وعليهم

[faisalqatar]

ولا حتى الجرايد تقدر تسوي شي ..

الموضوع يحتاج قانون ..

و القوانين بيد الحكومه ..

و الحكومه عارفه كل شي و عاجبها الوضع ..

متى ما أصبح عندنا مشاركه شعبيه بإتخاذ القرار بيكون في حل ..

و هالشي ما راح يصير إلا بتفعيل مواد الدستور و إجراء الإنتخابات البرلمانيه ..

غير هالكلام ما ينفع .


ياخوك القانون ماشي على الرجال .. اذا الشاب سوى شي غلط تلوه من اذنه
لكن لين البنت سوت هالمصخره محد يكلمها !!

الله يعين بس
والله يستر على بناتنا

[Index Signal]

ياخوك القانون ماشي على الرجال .. اذا الشاب سوى شي غلط تلوه من اذنه
لكن لين البنت سوت هالمصخره محد يكلمها !!

الله يعين بس
والله يستر على بناتنا



الموجود حاليا فيما يخص الظواهر السلبيه في مجتمعنا ليست بقوانين .. بل هي قرارات فرديه و إجتهادات من بعض المسؤولين ..

لكن لو أنا و إنت و كل مواطن يكون له دور في إتخاذ القرار ما كنا شفنا هالظواهر الدخيله على مجتمعنا ..

الحل هو تفعيل الدستور و إجراء الإنتخابات البرلمانيه لمجلس الشورى المتنتخب (ثلثينه) ..

لعل و عسى أن نوصل من هالثلثين من يحمل همومنا و يترجمها لمشاريع قوانين تعالج هذه الظواهر و غيرها من السلبيات .

[المبتسم]

سؤال لاهل البنت اللي كانت ترقص,,,اذا صورنا بنتكم بالجوال ونشرنا هالمقطع بالنت والبي بي,,,ترضون بهالشي والا -تندمون على هاليوم اللي دخلت فيه بنتكم هالمكان-؟؟؟

اقول يمكن اذا انفضحت بنت والا اثنين,,احتمال اللي عندهم هالاشياء يستحون ويخافون من الفضايح !!!

[مدريدي بفخر]

من راقب الناس مات هماً ..

إنتي رايحه تونسين اليهال ركزي في هدفج و ما عليج من غيرج ..

مستحيل كل الحضور يكونون على هواج .. لا بد تحصلين حالات شاذه عنج ..

أنا أدري إن الوضع إللي شفتيه شاذ عن مجتمعنا و عاداتنا و تقاليدنا و الأهم عن ديننا ..

لكن هذا الواقع سواء عجبنا أو ما عجبنا و كل مكان بتحصلين فيه الزين و الشين ..

حتى المسجد فيه ناس يسرقون نعول المصلين .. هل معنى هالشي نصلي في البيت و ننحرم من أجر الصلاة في المسجد ..!!

لذلك لا تشغلين نفسج بتصرفات غيرج ولا تحبسين نفسج و عيالج عشان خاطرهم ..

طلعي و تونسي و ونسي العيال و ركزي على هالهدف ولا تديرين بال للغير صدقيني بترتاحين .

اتفق معاك فكلامك 100% اخوي الكريم
ياما اشياء مش حلوه تصير جدامنا ومانقدر نسوي شي ومش من حقنا مرات او الواحد ماينزل من نفسه ويحرج نفسه بعد
الواحد يسوي نفسه مايشوف احسن

[شجرة الدر]

لاحول ولاقوة الا بالله ،،

لو وراها رياييل جان ماصارت جذي ،،

(ربنا لاتؤاخذنا بما فعل السفهاء منا )