النصيحة اركب حجر او بلستر مع صبغ

[Qatari2003]

السلام عليكم اخواني انا توي قاعد احفر في الاساسات حق البيت وكنت حاط في بالي اركب طابوق احمر وبعدها شفت الطابوق الي فيه عازل في الوسط وعجبني اكثر بسبب العازل الي يتميز فيه

لكن عندي شباب انصحوني بتركيب حجر على البيت من الخارج وتوفير مبلغ البلستر والصبغ وانا بصراحة محتار وايد مساحة الفله تقريبا 650 متر والفله للاجار لكن موقعها جدا راقي بس بنفس الوقت الاجارات نزلت وانا افكر بالتكلفه والشكل والجوده

ممكن حد ينصحني من اهل الخبره هل اركب حجر والمقاول قال لي تكلفة البلستر اذا لغيته تقريبا 18 الف وبعد باقي الصبغ

ايش تنصحوني

[naklan]

اخوي مادام البيت للاجار وخاطرك في حجر وما تبي تتكلف

اعمل بلاستر ديكور مقطع واصبغ افضل لك :yes:

الحجر عوار راس وفيه غش ومكلف


موفق ان شاء الله

[بويوسف]

اذا كان للايجار اخوي .. ركب عازل طابوق احمر وبلاستر وصبغ عادي .. وبيكون أوفر من الحجر ..

[السد]

اذا طابوق احمر
اصبغ البيت مع بلاستر
لان احتمال الحجر ما يركب على الطابوق الاحمر

[بوفهد 5555]

ركب حجر البيت لو كان للايجار لكن في النهاية لك

[فتى الجود]

السلام عليكم

بالنسبة للحجر بيكون تكلفة المتر على أقل تقدير 140 ريال ( طبيعي )
والمواد عليك .

والبلاستر لايزيد عن 30 ريال للمتر المربع مع المواد

شوف الفرق ولك القرار

[abu-nawaf]

الحجر عوار راس وفيه غش ومكلف
والله صاج انا انصبو علي و غشوني لوتشوف الفلة خربو شكلها الله ينتقم منهم السوووو؟؟؟

[بويوسف]

الحجر عوار راس وفيه غش ومكلف
والله صاج انا انصبو علي و غشوني لوتشوف الفلة خربو شكلها الله ينتقم منهم السوووو؟؟؟

شلون اخوي ؟ نورنا عشان نتعلم من تجربتك ..

[abu-nawaf]

اخوي العقد مدته 3 اشهر صارت 9 اللون بيج جميع الالوان ركبها
فيه غرامةعلى التاخير روح المحكمة وقابلني ؟
انتبه من العقد غير صريح النصاب يقول اشياء ما يكتبها لازم كل شئ مكتوب و بصراحة كل دفعة لازم تقول ليش وتنكتب
روح شركة و شوف الكفيل والمصنع ابعد عن السو والم ؟، وبتدعي لي

[بويوسف]

اخوي بونواف ليش ماتخصم التأخير من المبلغ الاجمالي ؟

والدفعات اكيد بتكون على مراحل الشغل ..

[abu-nawaf]

اخوي انت تكلم ع نشركة مب مكتب نصابين
النصاب ترك الشغل و سفه لي يوم بحثت عن حالته 14 نقطةtwo years في المررور 80 الف شيكات بدون
ما فيه ورشة او مصنع كان يركب لي ما يبقى والزيادة من ربعه الحرامية
انا كنت مغفل وهذه القصة
اشلون تتوقع اني اعطيه 70 في الميه وما ركب ولا حجر
طيب انا ولا مغفل ضحك علي يالعقد ونا صدقته

[ابو علاوي]

اذا طابوق احمر
اصبغ البيت مع بلاستر
لان احتمال الحجر ما يركب على الطابوق الاحمر
الحجر يركب عالطابوق الاحمر والاسود
كله واحد
لكن الطابوق الاحمر شوي اضعف بالنسبة للتركيب الميكانيكي

[ابو علاوي]

انا اقترح تكتب اسمه هنا حتى تحذر الناس منه ومن التعامل معهم

[captin]

من ناحية اقتصادية
البلاستر والصبغ

من ناحية جمالية وعدم إجراء صيانة على مدى طويل
الحجر
وهناك الحجر الصناعي السعودي رخيص وجميل

[aljaber1]

اعمل الواجهه حجر والباقي صبغ

[almaf1a]

الحجر يحتاج بلاستر قبل تركيبه؟ والا دايركت على الطابوق
اشوف بيت قريب من بيتنا يركبون عليه حجر بدون بلاستر استغربت

[هدوء العاصفة]

لا اخوي مش محتاج بلاستر

[ابو علاوي]

الحجر مايحتاج بلاستر بل بالعكس اذا كان هناك بلاستر فيجب تكسيره
والسبب ان البلاستر ناعم ممايسبب مشكلة لسهولة تعشيق الاسمنت بالجدار
الحجر يحتاج طرطشة للجدران ان امكن او عالاقل طرطشة الجسور والاعمدة الناعمة في الفيلا وبسسسسسس

[hamedo]

انا شغال على البيت الان مع شركه جيده , وتصاميمهم في الحجر حلوه وعمالهم جيدين