افيدوني

[راشد قطر]

ابي افتح مكتب عقارات حد يفيدني بالمطلوب
وهل فيه فايده وكم يحتاج راس المال
افيدوني يا اهل الخبره

[اكاديمي]

يحتاج سجل تجاري ومكتب وما يحتاج راس مال وهو من اكثر الانشطه الموجوده بالدوحه اكثر حتى من السبرماركتات ويعتمد على العلاقات اذا عندك علاقات كثيره ممكن تنجح بعد توفيق الله واكثر مكاتب العقارات بالدوحه تحصل اكثر من نشاط مع بعض بمكتب واحد.
والوقت الحالي السوق تعبان وبالتوفيق

[جلامور]

بالتوفيييييييييييق يارب
الله يرزقك ويفتح عليك

[راشد قطر]

مشكور أخوي اكاديمي على المعلومات

والتوفيق من الله

[الدم البنفسجي]

مايحتاج شي واذا تبي اي شي حاضرين يابوسنيده

[العضو الماسي]

ابي افتح مكتب عقارات حد يفيدني بالمطلوب
وهل فيه فايده وكم يحتاج راس المال
افيدوني يا اهل الخبره

مكتب العقار لو قلت لي قبل سنتين ممكن اقولك مشروع جيد بس حاليا السوق تعبان والشراء فيه عمله صعبه ...

وبعدين صاحب مكتب العقار : محتاج قليل من حلو لسان قليل حسان زي مايقول المثل . ومحتاجه لواته ولف ودوران شوي . وجمبزه حتى شغلك يمشي وتنزل من نفسك شوي للملاك . يعني لو الواحد ممكن ينزل من نفسه شوي ممكن يشتغل هالشغله وللي بيفتح لي قصه من بعد كلامي ... أقوله أنا شايف هالوضع قدام عيني مع ناس عندهم مكاتب عقار ومن أكثر من 10 سنوات فالسوق ... ولو قلت لهم هالكلام في وجههم مايزعلون مني لن يدوني على حق وعارف الاعيبهم ... وفالنهايه أقول (( البعض منهم )) حتى لايزعل البعض من كلامي ... :)

[حلف الفضول]

لاتستعجل وأخذ نظرة على السوق
هل فيه عرض وطلب
( ام ركود )
وأخذ الاستشاره ممن لهم علم ودرايه بالعقارات واذكرك بالاستخارة
والتوفيق من الله