ادواره على الفاضي لين متى يعني ..!!

[Qt.1]

اليوم رحت مع الااهل ارض المعارض , بلفيت مهرجان الصيف..بغيت العب اليهال واطلعهم اشوي , لفت نظري الشباب وبكثره ! والله ماعندهم شغل الاا مزاحم الحريم , والله ادواره بين الحريم بدون هدف ومغازل وملاحق خلق الله , لين متى يعني , ياخي اذيتو خلق الله بدوارتكم , ياخي اذا مالك هدف معين من المعرض ياخي شوف لك مكان ثاني دور فيه بدال ماتمللون الناس والله انهم اذيه !

[(الفيصل)]

لا تزول قدما العبد يوم القيامة حتى يسأل عن أربع عن عمره فيما أفناه وعن شبابه فيما أبلاه وعن ماله من أين اكتسبه وفيما أنفقه وعن علمه ما عمل به.

نحتج بهذا فيما يتعلق بالاخلاق والسلوكيات
جزاك الله خيرا ، وأعاننا وإياك على تحمل مانشاهد ونسمع ونقرأ !!

[الوعد2016]

سبحان الله كل المجمعات شباب وللاسف تحرش في الكل واهم شي سواد وبس وللاسف لا يعرف ولا يفقه بان من دق باب الناس دقوا الناس بابه يعني الحل الوحيد السفر للخارج بدل سياحه في الداخل وازعاج المتسكعين وللاسف دوله مجاوره مشهوره بتشجيعها لسياحه ومهرجاناته الصيف اصبحوا يتسكعون هنا وبدون رقيب

[hamoor4ever]

للاسف المشكله مش من الشباب فقط

[روح الاطلس]

ثقافة شباب وطريقة فكر

للاسف لازال الشباب محدود الفكر سطحي التوجه

ومع انخفاض المستوى التعليمي والتربوي والادبي تزيد سطحية الشباب

الله يعين عل القادم

[(الفيصل)]

هي النفس
إذا لم تشغلها في الطاعه والإستفاده
أشغلتك في المعصية والا إستفاده

(نظرية صحيحه 100%)

[تحداني]

هذيلن ما عندهم هوايه .. ؟؟ ما عندهم مجلس .. ؟؟
ما عندهم شغله ؟؟ ما عندهم دوري ..:)؟؟




أنا أخبر الرجال إلي يسمي نفسه رجال .. يجلس إما في مجلسه ..
أو يروح يقضي وقته بين ربعه وشيبانه .. بس واحد يناطط من قاعه معارض
إلين الاند مارك .. إلين الستي .. هذا ما أعرف إيش علته :)



مشكــــله إلي ماله هدف في الحياه
يكسر الخاطر والناس متأذيين من شره :)

[JN000N]

ان الصلاه تنهى عن الفحشاء والمنكر

قلة الوازع الديني يخليهم يزاحمون الاناث فهالاماكن
لو واحد فيهم يصلي بخشوع ويخاف ربه صدقني ماراح يسويها

يعني بالعربي انا ابصم بالعشر انهم مايصلون ولايخافون ربهم

[سحـابة خيـر]

هي النفس
إذا لم تشغلها في الطاعه والإستفاده
أشغلتك في المعصية والا إستفاده

(نظرية صحيحه 100%)

صحــيح100%
لوفيه صج توعيه دينيه ماوصلنا حق هالحال..
ولو فيه شي يسوى يشغلهم ماجان زاحموا الناس بهالاماكن..
بس لاتعليم ولا شغل ولا مشغله ماوراهم الا الدوراه بالشوارع:no2:

[تاجر طمووح]

ياخي والله ما نعرف وين نطلع مع الاهل من هالشباب وبعضهم وقح لدرجة الوقاحة تتبرى منه واسف على التعبير لان فعلا وصلنا لمرحلة من الانحطاط ولا وكل مالنا ونزيد بالانحطاط (قصدي بعض الشباب وليس الكل بعضهم فيه خير )

[ولد النواخذه]

للاسف بعض شبابنا يضيع وقته بدون فائدة تذكر لاعلم نافع ولا جلسة ذكر طيبة ولا اهتمام بأهاليهم ومضايق في خلق الله وصارو غير مرغوب فيهم الله يشفيهم ويصلحهم ويهديهم...

[تغلبية]

اعدادهم زايدة الله يحفظهم .. ومتواجدين في الاماكن اللي مالهم داعي فيها !!

يكسرون الخاطر .. تايهين ضايعين !! الله يهديهم ويصلحهم ..

[Night KNight]

بخصـوص مهـرجـان الصـيف
الي ماعـندي خـبر عنـه

فـي ِشـي يخـص الشبـاب
يعنـي احصـل اشيـاء زينـه اشتريـها

ولا اتـم قـاعد فالمجـلس ابـرك .!!

[الــوفـــــي]

لـــو فــيه هــيئه ماشــفت احد يتجراْ على البنات

كـذااا الله يحــفظ شبابنا وبناتنا من كل مكروه

[لطآم]

الكل مسؤال عن تصرقاته
والله يعينهم على نفسهم
والله شيء يحز بالخاطر صراحه

[قطر دزاين]

اخ لو عندنا الهيئه النهي عن المنكر ولهم صلاحيات قويه ما كان شفت ها الاشكال دور

[HIGHNESS]

الله يهديهم ويصلحهم ..

[باسكن روبنز]

مواضيع المنتدي متكرره على دوارة الشباب ومكياج البنات ،

ماعندنا هموم بالبلاد غير همومهم ولا شلون ،





:)

[دبلوماسية]

الظاهر هاي اللي طولهم اقل من 160 واللي ماقبلوهم الداخلية

:yes:

[برشلوني قطر]

الظاهر هاي اللي طولهم اقل من 160 واللي ماقبلوهم الداخلية

:yes:



اشششدخل ههههههههههههههههههههه والله ضحكتيني ..دخل علي واحد المكتب يقولي اشفيييك تضحك ابرووحك خخخخ:eek2:

[دبلوماسية]

اشششدخل ههههههههههههههههههههه والله ضحكتيني ..دخل علي واحد المكتب يقولي اشفيييك تضحك ابرووحك خخخخ:eek2:

من فاضي غيرهم ؟

ضايعين بين اليهال .. :eek2:

[بنت ابوها 19]

الفاضي يعمل أضي

موراهم شي متمللين يلعون جبد خلق الله

والله اخبر الرجاجيل السنعين مايفارقون المجالس


بس ذوله شنو ؟؟
والله اشكالهم تفشل وهم يدورون بلا هدف
مافي امل اروح مكان بلا هدف والله فشيله

[بوفهد 5555]

السبلان في كل مكان

[بوخالد911]

ليش ما يخصصون هالمكان للعوايل وبس

[((غلا قطر))]

مساكين والله ذولا الشباب ،،، قلة التربية وعدم وجود رادع ديني وغفلة الأهل ورفاق السوء

كل ذي وشو تنتظرون منهم غير الدمار والأنحراف وأكثرهم يبحثون عن الأهتمام إلي هم

محرومين منه ، يعني ذي الظاهرة أحسن من ( البويات والخوانية ) إلي صار الواحد يشوفهم

في كل مكان تعتقدون ذولا وشو إلي وصلهم لذي الحاله غير الأهل يعني دوم سؤال يطرح نفسة

في بالي الأهل ما شافوه يطلع من البيت ما شافوا غراضة إلي في البيت ! الله المستعان ،،،،،،،،

الله يهدي الجميع ،،

[BuNooR]

شباب شباب شبااااب في شباب

كل شي صار بسبب الشباب

البنات خصروا عبيهم وقالوا الشباب يغازلونا
البنات اترسوا الوجه مكياج وقالوا الشباب ما يخلونا في حالنا
البنات قعدوا احذانا فالقهاوي والشيشه فاليد ويقولون الشباب ما خلوا لنا مكان
البنات يقعدون فالكافيهات اللي فالمجمعات وتكركر وضحك ويقولون الشباب يطالعونا


حتى محلات الكرك ما سلمت منهم

[بوحارب]

وانه نفسك امس رحت مع الأهل احم وشوف حشد كبير من الشباب الزقرتية والكشيخة واللي كل واحد يقول الزود عندي من الكشخة والرزة وتميت اسأل نفسي هذا وش عنده في الملاهي بيلعب مثلا !!!

[بوحارب]

شباب شباب شبااااب في شباب

كل شي صار بسبب الشباب

البنات خصروا عبيهم وقالوا الشباب يغازلونا
البنات اترسوا الوجه مكياج وقالوا الشباب ما يخلونا في حالنا
البنات قعدوا احذانا فالقهاوي والشيشه فاليد ويقولون الشباب ما خلوا لنا مكان
البنات يقعدون فالكافيهات اللي فالمجمعات وتكركر وضحك ويقولون الشباب يطالعونا


حتى محلات الكرك ما سلمت منهم

اما بخصوص الكرك اتفق معاك 100%

بنت الذينا تصفط احذاك بموترها الرزة

واحنا في موتر عادي والحرارة فوق النص ونكرك :eek2:

وهي الهوى يهف عليها من كل مكان حتى القذلة تتحرمك من الكنديشن حق الموتر :strong2:

[ابو محمد7]

ليش ما يخصصون هالمكان للعوايل وبس

كفيت و وفيت

[الرويـس]

اما بخصوص الكرك اتفق معاك 100%

بنت الذينا تصفط احذاك بموترها الرزة

واحنا في موتر عادي والحرارة فوق النص ونكرك :eek2:

وهي الهوى يهف عليها من كل مكان حتى القذلة تتحرمك من الكنديشن حق الموتر :strong2:

وين ؟
:(

[BuNooR]

اما بخصوص الكرك اتفق معاك 100%

بنت الذينا تصفط احذاك بموترها الرزة

واحنا في موتر عادي والحرارة فوق النص ونكرك :eek2:

وهي الهوى يهف عليها من كل مكان حتى القذلة تتحرمك من الكنديشن حق الموتر :strong2:

يا خوي انا مب مع التصرفات الطايشه للشباب ولا اني اوقف معاهم

ولكن الشباب ما سوى اللي سواه الا يوم لقى اللي تبادله نفس السواه والعن

انزين بدال ما نقعد نلوم الشباب ليش ما ندور لهم حل

اذكر قبل 5 سنين وزود يوم ما كنا نروح سيلين والعديد ما كنا نشوف طيف بنت
بس الحين تلقاهم يسابقونك لين محلات الايجار وخذ يا مهزله

كل ما طلع شي يستهوونه الشباب بتلقى البنات وراهم وراهم

هذا اللي خذناه من المساواه ؟؟

[FAUCHON]

للاسف المشكله مش من الشباب فقط

:thumbup:

صدقت اخوي

[باسكن روبنز]

اما بخصوص الكرك اتفق معاك 100%

بنت الذينا تصفط احذاك بموترها الرزة

واحنا في موتر عادي والحرارة فوق النص ونكرك :eek2:

وهي الهوى يهف عليها من كل مكان حتى القذلة تتحرمك من الكنديشن حق الموتر :strong2:

اي شعليهم ،:eek2:

لا وراهم مهور ولا تكاليف زواج ،:anger3:

مستانسه بحياتها وناطره الفقير المسكين مثلي يحط دمه وحلاله فيها وبعد مب مالي عينها ،:no:

[الدمعه]

انا مارحت له ولافكر اودي اليهال مع انهم ماذني يبون يروحون بس طالما مب منظم ماعندي

استعداد اخرب يومي ..

المفروض الدخول للعائلات ويكون بفلوس بعد عشان مب كل من هب ودب يدش ويملغ علينا ..

وياليت يكون فيه ناس تردع هاليهال من هالتصرفات اللي تفشل ..

والله عيالنا محرومين من الترفيه في بلادهم من بدت الاجازه رحنا الطايف اسبوع عن

الخاطر وبس هذي قعدتنا لا وطحنا مصخنين بعد ماتهنينا بالسفره.. وماوديتهم ولامجمع ولامكان

بالدوحه ..

[بن محمود]

للاسف

سبق وقلنا ان عدم ردع هذا الشباب الصايع الضايع .. والتستر عليهم بالقول ( ان الغلط مب منهم وان البنت هي المسؤولة ) الى اخر هالكلام الفاضي..
سوف يؤدي الى تشجيع الشباب اكثر واكثر على الوقاحة وقلة الادب
لأنهم يشوفون المجتمع ( الشبابي ) قاعد يحاول يغطي عليهم بكل وسيلة


انا بس ابي افهم شلون تكون البنت مسؤولة اذا هي ماشية بحالها في المجمع ويجيها واحد ( سافل ) يقط عليها الرقم او يلحقها طول الوقت في السوق
حتى لو فرضنا انها لابسة عباية ضيقة وحاطه مكياج ( الخ )
شلون انت يا ( رجال ) تبرر حق نفسك انك تتحرش فيها وتغازل وترقم ؟َ!
عيل وين راح ( غض البصر ) ؟؟؟
ووين راحت اخلاقك وتربيتك ؟ ( هذا ان كان حد مربيك اصلا )

والا حضرتك يمكن نسيت الواجبات الشرعية اللي عليك وتذكرت الواجبات الشرعية اللي على البنت بس !

والله نشوف هني ردود غريبة صراحة
يجيك واحد يقول لك ( المشكلة مو من الشباب بس .. او.. البنت هي المسؤولة ولازم تحتشم اكثر ) ومادري ايش..
سبحان الله !
يعني الاخوان ناسيين تماما انهم مطالبين بغض البصر ( بأمر رسول الله ) قبل كل شيء


والمصيبة ان البنت الحين ماعاد ينفعها الاحتشام ..
لان الشباب خلاص وصلوا مرحلة من فساد الاخلاق انهم صاروا مايفرقون بين المحتشمه والغير محتشمة .. على سياسة ( المهم عباية ) !

[..الاميرة..]

للاسف

سبق وقلنا ان عدم ردع هذا الشباب الصايع الضايع .. والتستر عليهم بالقول ( ان الغلط مب منهم وان البنت هي المسؤولة ) الى اخر هالكلام الفاضي..
سوف يؤدي الى تشجيع الشباب اكثر واكثر على الوقاحة وقلة الادب
لأنهم يشوفون المجتمع ( الشبابي ) قاعد يحاول يغطي عليهم بكل وسيلة


انا بس ابي افهم شلون تكون البنت مسؤولة اذا هي ماشية بحالها في المجمع ويجيها واحد ( سافل ) يقط عليها الرقم او يلحقها طول الوقت في السوق
حتى لو فرضنا انها لابسة عباية ضيقة وحاطه مكياج ( الخ )
شلون انت يا ( رجال ) تبرر حق نفسك انك تتحرش فيها وتغازل وترقم ؟َ!
عيل وين راح ( غض البصر ) ؟؟؟
ووين راحت اخلاقك وتربيتك ؟ ( هذا ان كان حد مربيك اصلا )

والا حضرتك يمكن نسيت الواجبات الشرعية اللي عليك وتذكرت الواجبات الشرعية اللي على البنت بس !

والله نشوف هني ردود غريبة صراحة
يجيك واحد يقول لك ( المشكلة مو من الشباب بس .. او.. البنت هي المسؤولة ولازم تحتشم اكثر ) ومادري ايش..
سبحان الله !
يعني الاخوان ناسيين تماما انهم مطالبين بغض البصر ( بأمر رسول الله ) قبل كل شيء


والمصيبة ان البنت الحين ماعاد ينفعها الاحتشام ..
لان الشباب خلاص وصلوا مرحلة من فساد الاخلاق انهم صاروا مايفرقون بين المحتشمه والغير محتشمة .. على سياسة ( المهم عباية ) !



كفيت ووفيت أخوي .. :thumbup1:

ومش قادره استوعب بعض الاراء إلي تبرر غلطها بغلط غيرها ياسبحان الله ..

[نظرة شجاع]

البنت الى فيها شوية ايمان وفيها حيااااء العرب والله ان تخجل من نفسها ان تروح لمكان مثل ذا او مثل هذا لغير الناطقين
لكن جراءة البنات هي الى خلت الأمعه او اشباه الرجال يخالطونهم في الاماكن


والرجل الى يرضا على احدن من اهله ان يتونسون في مثل هذه الامكان فهو في نظري (ناقص رجووله ولابعد حد )


والدوله الله يجزاها خير تقدس شي اسمه حريه لو انها خلته للعوائل فقط كان افضل لكن حبها في الحريه يطابق الذي قال ومن الحب ما قتل !!


سلاااااااااااام