معاً،، هيا بنا نرتقي للأفضل

[JN000N]

السلام عليكم ورحمة الله وبركاته



أسعد الله أوقااااتكم جميعاً،،

صارلي فتره افكر فهالموضوع،، خاصة وعقب ما اكتشفت اشيا يبيلها تصحيح فالذات،،

اقصد كلنا لنا عيوب،، ومافي إنسان كامل ..

هني ،، وفهالموضوع حبيت ان نتشارك فالحلول.. نذكر العيب اللي فينا لعل وعسى نصحح عيوبنا وأخطاءنا،،


أبتدي أنا فالبداية ومنها مثال لكم عشان نتناقش ونكمل

ياليت تتفاعلون معاي :)


أنا عصبية،، أتنرفز بسرعه وخاصة فالفتره الأخيره
قبل ماكنت جذي
أما الحين ف صرت وايد أعصب وعلى أتفه الأسباب
وبسرعة اتحسف.. يعني خمس دقايق بس اقلب الدنيا وعقب اهدا واكتشفت اني عفست كل شي :(

احاول احيان امسك اعصابي.. بلاااا فااااااائده ترتجى



باقي الاعضاء

اخواني واخواتي

لديكم حلول؟ او تعانون من بعض العيوب؟
المشكله هالعيوب تصير مثل الشامه
احيان تشوه واحيان تكون حلوه

[شبح الصمت]

يعطيج العافيه

السرعة من الندامـه

شوفي اختي جنون

تبعا لاسمج عادي يعني مبيـن اصلا انج مستنـه على طول

ههههههههههاي :no:

المهم انا عيوبي امممممممم

أصــدق كل شيء >>>>> عقب أستوعب أنه في الكلام فيه شيء مب شيء

[أ التميمي]

انا اصراحه قبل كنت اعصب واشتط بس شفت السالفه ماتسوى الواحد يعصب على شي مايستاهل ويرفع ضغطه على ولا شي

الحين اعصابي بارده ومريح حدي

لاهنتي يالغاليه ............................

[هند88]

محد كامل ياجنون
وانا قبل كنت نفسج كلمة عصبيه شوي علي
والله الجوال مايعمر عندي شهرين الا وكاسرته :p
تخيلي مره حلف علي ريلي ان كسرتي جوال والله مافي غيره
وقبل عرسي بكم يوم من التوتر عصبت على اخوي وكسرت جوالي
والله انه عقاب لي خلاني بجهاز نوكيا الدبوب تخبرينه :cry2:
عقب فترة تعلمت ان ولاشي يسوى امرض و انفعل عشانه..
والحمدلله الحين حاطه اعصابي بثلاجه وخليتها على رقم 3 :pomen

وبالنسبه لعيوبي الحين امممممم اكيد فيني عيوب بس مو الي مضايقتني عادي يعني
بس فيني شي واحد مادري عيب والا شنو :p
ماحب الانتظاااااااااااااااار :(

[JN000N]

يعطيج العافيه

السرعة من الندامـه

شوفي اختي جنون

تبعا لاسمج عادي يعني مبيـن اصلا انج مستنـه على طول

ههههههههههاي :no:

المهم انا عيوبي امممممممم

أصــدق كل شيء >>>>> عقب أستوعب أنه في الكلام فيه شيء مب شيء



يعطيك العافيه،، شكرا عالرد يالعيدروسomen

[شبح الصمت]

يعطيك العافيه،، شكرا عالرد يالعيدروسomen

:no:
:strong2:

[missperfect]

وعليكم السلام ورحمة الله وبركاته


اممممممم حلوه عيدروس حقت شبح خخخخخ

أنا فيني شي غلط واااايد اصدق وأسامح وماخذه الدنيا كلها غشمرة يعني ريلي يهاوشني تلاقيني اقلبها ضحك وغشمرة وهو معصب وهو وده يذبحني يعني بالعربي شوي مطنشه وبعد اناصريحه وااايد مااعرف اجامل :no2:

[JN000N]

انا اصراحه قبل كنت اعصب واشتط بس شفت السالفه ماتسوى الواحد يعصب على شي مايستاهل ويرفع ضغطه على ولا شي

الحين اعصابي بارده ومريح حدي

لاهنتي يالغاليه ............................


وشللي برد على اعصابك؟
انا حاولت اغض بس مااقدرت اكل قلبي مع خلق الله
وفالبيت والا خارج البيت يويل اللي يفكر يسكتني وانا على حق
بالعربي سواء اللي قدامي كان صغير او كبير
وقت اعصب انسى اني احسب حساب للعمر :(

[بوغانم995]

اللهم أجعل جنون من الكاضمين الغيض يأرحم الراحمين ........اللهم أبعد عنها الشياطين عند الغضب وأنزل عليها السكينه .......شوفي أختي جنون الكمال لله ...وحنا بشر على كل حال والغضب صفه حميده وذميمه من صفات الأنسان ...الغضب على اي شىء يمس الدين والأخلاق هذا محمود ومطلوب .....الغضب في الكلام أذا احداً حاول استفزازك بطريقه مهينه او حاول ان يستفزك بقصدالتطاول فمن يستطيع كضم الغضب كطبيعة انسان ...وانتي شوفي بعينك حتى الحيونات تغضب أذا ما أحد أساء المعامله ...اوحاول ان يعبث بأولادها ..هذا الغضب في رأي محمود ....وبسسسسسسسس......والتخفيف من الغضب هي بذكر الله أي ألا بذكر الله تطمئن القلوب ....والتعوذ من الشيطان الرجيم ..وعساك على القوه .....وبسسسسسسس

[شبح الصمت]

انزين اختي jnooon

فرضا الحين انا متملل حددي اوكي وابي اعصبج اشلون !!!

شنو بتكون ردت فعلـج !!

اوكي اقولج شيء



الله يسامحج قبل لا تفكرين تردين علي

شكلج قنبله موقوتـه

:anger3:

[JN000N]

محد كامل ياجنون
وانا قبل كنت نفسج كلمة عصبيه شوي علي
والله الجوال مايعمر عندي شهرين الا وكاسرته :p
تخيلي مره حلف علي ريلي ان كسرتي جوال والله مافي غيره
وقبل عرسي بكم يوم من التوتر عصبت على اخوي وكسرت جوالي
والله انه عقاب لي خلاني بجهاز نوكيا الدبوب تخبرينه :cry2:
عقب فترة تعلمت ان ولاشي يسوى امرض و انفعل عشانه..
والحمدلله الحين حاطه اعصابي بثلاجه وخليتها على رقم 3 :pomen

وبالنسبه لعيوبي الحين امممممم اكيد فيني عيوب بس مو الي مضايقتني عادي يعني
بس فيني شي واحد مادري عيب والا شنو :p
ماحب الانتظاااااااااااااااار :(


وين هذي الثلاجه ابي مثلها :(

نفسي انا بعد ماحب انطر<< احد الاسباب اللي تخليني اتنرفز
وماحب الزحمه وخوو اتنرفز واعصب بسرعه

ومثل مس بيرفكت صريحه وايد ومصيبه صراحتي خسرتني ناس
والمشكله الناس اللي جاملتهم هم اللي لج عليهم

بس انا احب اللي يصارحني بعيوبي
جوفي ما كنت حاطه في بالي اني عصبيه ولا كنت اظن اني مسويه زوبعه واعصار بس قالولي ناس الله يطول باعمارهم ويخليهم اني عصبيه وانكرن لكن بعدها فكرت واكتشفت ان اللي قالوه صح

[غزلان]

معاج حق محد كامل الا وجهه سبحانه

عيوبي استعجل بكل شي واحيانا اكتشف ان استعجالي مب في صالحي ياريتني لو صبرت

مثال استعجالي في الرد او اذا بشتري شي مااصبر لين اشوف كل المعروض او اشتري اشياء اذا رجعت للبيت اكتشف عندي مثلها...


موضوع حلو ومفيد للتعلم من اخطائنا

[JN000N]

وعليكم السلام ورحمة الله وبركاته


اممممممم حلوه عيدروس حقت شبح خخخخخ

أنا فيني شي غلط واااايد اصدق وأسامح وماخذه الدنيا كلها غشمرة يعني ريلي يهاوشني تلاقيني اقلبها ضحك وغشمرة وهو معصب وهو وده يذبحني يعني بالعربي شوي مطنشه وبعد اناصريحه وااايد مااعرف اجامل :no2:




هههههههههههههههه

انتي صريحه مثلي،، وانا لو حد عصب علي< اطقها صيحه لكن انا اعصب اي خخخ

امم انا وقت اعصب اول شي تلاقيني اضحك
معظم الاحيان ماخذ الامور جد

[JN000N]

اللهم أجعل جنون من الكاضمين الغيض يأرحم الراحمين ........اللهم أبعد عنها الشياطين عند الغضب وأنزل عليها السكينه .......شوفي أختي جنون الكمال لله ...وحنا بشر على كل حال والغضب صفه حميده وذميمه من صفات الأنسان ...الغضب على اي شىء يمس الدين والأخلاق هذا محمود ومطلوب .....الغضب في الكلام أذا احداً حاول استفزازك بطريقه مهينه او حاول ان يستفزك بقصدالتطاول فمن يستطيع كضم الغضب كطبيعة انسان ...وانتي شوفي بعينك حتى الحيونات تغضب أذا ما أحد أساء المعامله ...اوحاول ان يعبث بأولادها ..هذا الغضب في رأي محمود ....وبسسسسسسسس......والتخفيف من الغضب هي بذكر الله أي ألا بذكر الله تطمئن القلوب ....والتعوذ من الشيطان الرجيم ..وعساك على القوه .....وبسسسسسسس

اللهم ااااامـــــــــــــــــــين

يعطيك العافيه اخوي بوغانم
ماتقول الا الدرر،،

[حليتان*]

انا عيوبي .... انا خال وشعري اشقر وعيوني صفرا وظروسي بيضه وووووايد <<< الي يشوفني يقول سدره ميته

وعندي وانتو بكرامه ريل اطول من ريل

وساعات تجيني حالات اعطس من اذني :(

واهم شي مخبااي مشقوق مايتم فيه ريال

[بوعلي2]

مافي انسان خالي من العيوب والله يهدينا جميعا لما يحبه ويرضاه :thumbup1:



شكرن جدن للموضوع :looking:

[JN000N]

معاج حق محد كامل الا وجهه سبحانه

عيوبي استعجل بكل شي واحيانا اكتشف ان استعجالي مب في صالحي ياريتني لو صبرت

مثال استعجالي في الرد او اذا بشتري شي مااصبر لين اشوف كل المعروض او اشتري اشياء اذا رجعت للبيت اكتشف عندي مثلها...


موضوع حلو ومفيد للتعلم من اخطائنا


العجله من الندامه:thumbup1:
انا فمشتريات احيان استعحل واحيان لا
بس ماخذ شي مر علي من قبل :p

واحلووت ايامج يسلموو عالمرور غزلان

[JN000N]

انا عيوبي .... انا خال وشعري اشقر وعيوني صفرا وظروسي بيضه وووووايد <<< الي يشوفني يقول سدره ميته

وعندي وانتو بكرامه ريل اطول من ريل

وساعات تجيني حالات اعطس من اذني :(

واهم شي مخبااي مشقوق مايتم فيه ريال

اي الله يسلمك انت اللي قالو عنك المستحيل بزاتوو :looking:

هو الشي الاكيد واللي انا اعرفه وماحتاجك تاكد عليه ومستعده احط صور تشهد ع ذلك

ان ثوبك كله مشقق ومتوصخ من تحت كله طين
ومخابيك مشققه خاصه المخبا اللي فوق نصها طايح ع جنب

[JN000N]

مافي انسان خالي من العيوب والله يهدينا جميعا لما يحبه ويرضاه :thumbup1:



شكرن جدن للموضوع :looking:




امين،، بس حلو الواحد يصحح الاخطاء،، ممكن هالعيب اللي فيه يصد الناس عنه يكون طبعه مب شي
فهو يصحح هالشي


وعفوون جدن للرد الطيب

[The Master]

هالموضوع ماكان في الحوار العام؟؟
وش اللي جابه هنا؟؟؟

لنا عوده...وموضوع طيب...اهم شي اللي كانت تفكر فيه من فتره...احم

بس قبل في شي غريب...

الحين دام اعضاء الاستراحه يمرون على العام ويقرون...
ليه مايردون الا على مواضيع الاعضاء اللي يعرفونهم من الاسترحه؟؟؟
لان املاحظ ان ردودهم ابرك من ردود الكثير من اعضاء العام...لكن مايردون...ولا يعقبون...
شي غريب...لكن كلن براحته...

ولنا عوده اختي...

[JN000N]

هالموضوع ماكان في الحوار العام؟؟
وش اللي جابه هنا؟؟؟

لنا عوده...وموضوع طيب...اهم شي اللي كانت تفكر فيه من فتره...احم

بس قبل في شي غريب...

الحين دام اعضاء الاستراحه يمرون على العام ويقرون...
ليه مايردون الا على مواضيع الاعضاء اللي يعرفونهم من الاسترحه؟؟؟
لان املاحظ ان ردودهم ابرك من ردود الكثير من اعضاء العام...لكن مايردون...ولا يعقبون...
شي غريب...لكن كلن براحته...

ولنا عوده اختي...

لا حلمان:p

من البدايه فتحته هني:looking:

وفانتظار عوودتك يبه

وبالنسبة لتعليقك،، في اعضاء يجوفون الكاتب قبل عنوان الموضوع<< وانا اعتقد ان يفوتهم الكثير

لان مش مهم منهو العضو اللي طرح الموضوع،، كثر ماهو مهم الغرض من الموضوع نفسه واهميته وطريقة طرحه

[sweet_lemon]

بصراحه موضوعج وايد حلو جوجو

وطبعاً مافي انسان كامل حياتي .. ماكامل الا ويهه سبحانه

انا قبل ماكنت اعصب .. بس الحين لاحظت اني صايره استحمق .. بس مب بسرعه .. يعني مثل البعير اذخر واذخر وعقب انفجر وبعد مانفجر افش .. يعني في حزتها ..

وشي ثاني اني ماعرف ازعل على حد كلش .. والله جوجو ساعات يكون مسوي شي يقهر او انه يكون غلط في حقي .. مازعل بس احط في خاطري واواجه الشخص بالكلام اللي قاله ويطيح الحطب ..

وتسلمييييييييييييين ياقلبي على الموضوع الراقي مثلج

ولج مني احلى ورده

http://apochromatic.eu/pixelpost/images/20080318204932_080315_fleursanniversaire_ar_060.jp g

[JN000N]

بصراحه موضوعج وايد حلو جوجو

وطبعاً مافي انسان كامل حياتي .. ماكامل الا ويهه سبحانه

انا قبل ماكنت اعصب .. بس الحين لاحظت اني صايره استحمق .. بس مب بسرعه .. يعني مثل البعير اذخر واذخر وعقب انفجر وبعد مانفجر افش .. يعني في حزتها ..

وشي ثاني اني ماعرف ازعل على حد كلش .. والله جوجو ساعات يكون مسوي شي يقهر او انه يكون غلط في حقي .. مازعل بس احط في خاطري واواجه الشخص بالكلام اللي قاله ويطيح الحطب ..

وتسلمييييييييييييين ياقلبي على الموضوع الراقي مثلج

ولج مني احلى ورده

http://apochromatic.eu/pixelpost/images/20080318204932_080315_fleursanniversaire_ar_060.jp g



انتي احلا دبوه :shy:

عجبني تشبيه البعير خخخخ

والله زين انج تواجهين.. شي ممتاااز

اما انا وحده فالمواجهه تلوع جبدي بسرعه
اخر شي اسكت وابلعها.. وصارت مع رفيجاتي وايد

[غير البشر]

موضوع جميل اختي جنون
بس شكله بيخليني اعيد حساباتي

اكبر مشكله عندي النسيان :no:
بصراحه امسبب لي مشكله كبيره
مادري لان طبيعتي انسى او قله تركيز او انتباه

والقهر في اشياء تافهه سنين مانساها مادري ليش هههههههههههههههههههه

وبعد مشكله ثانيه الكسل احيانا وهذا الشي يزيد من النسيان
لان الكسل = تأجيل = نسيان :looking:

من عنده خلطه لي :pilot:

[هند88]

وين هذي الثلاجه ابي مثلها :(

نفسي انا بعد ماحب انطر<< احد الاسباب اللي تخليني اتنرفز
وماحب الزحمه وخوو اتنرفز واعصب بسرعه

ومثل مس بيرفكت صريحه وايد ومصيبه صراحتي خسرتني ناس
والمشكله الناس اللي جاملتهم هم اللي لج عليهم

بس انا احب اللي يصارحني بعيوبي
جوفي ما كنت حاطه في بالي اني عصبيه ولا كنت اظن اني مسويه زوبعه واعصار بس قالولي ناس الله يطول باعمارهم ويخليهم اني عصبيه وانكرن لكن بعدها فكرت واكتشفت ان اللي قالوه صح

جنون ترى انتي توج صغيرة وطبيعي تكونين عصيبه عادي كلنا مرينا بهالمرحله وعدت على خير :p
بس انتي حطي في بالج ان ولا شي يسوى تتعبين والا تمرضين بسبب العصبيه
وامورج بتسير طبيه :thumbup1:

[بوحارب]

يبيله نرقتي

لي عوده جنون وتسلمين على الطرح الحو

[JN000N]

موضوع جميل اختي جنون
بس شكله بيخليني اعيد حساباتي

اكبر مشكله عندي النسيان :no:
بصراحه امسبب لي مشكله كبيره
مادري لان طبيعتي انسى او قله تركيز او انتباه

والقهر في اشياء تافهه سنين مانساها مادري ليش هههههههههههههههههههه

وبعد مشكله ثانيه الكسل احيانا وهذا الشي يزيد من النسيان
لان الكسل = تأجيل = نسيان :looking:

من عنده خلطه لي :pilot:



الاجمل مرورك اخوي غير


اي والله النسيان مصيبه،، بس حط لك تذكير،، الجواويل ماتقصر هالايام
ولما يكون الشخص متشتت تفكيره ومش مركز اكيد بينسى

والاشيا اللي ماتقدر تنساها لانك انت حاطها في بالك،، جرب تغفل عنها فتره وعقب بتلاحظ انك نسيت مع الوقت

والكسل،، ما يحتاي اعطيك لقب عليك:p

مافي خلطه تنفع لو كنت اصلا كسول

الا اذا انت اصريت^_*


وشكرا عالرد

[JN000N]

جنون ترى انتي توج صغيرة وطبيعي تكونين عصيبه عادي كلنا مرينا بهالمرحله وعدت على خير :p
بس انتي حطي في بالج ان ولا شي يسوى تتعبين والا تمرضين بسبب العصبيه
وامورج بتسير طبيه :thumbup1:



بالنسبة لي ماكان طبيعي الوضع
انا اكل قلبي اي احرق اعصابي ع اي شي
بس ماعصب مني والدرب
الا اذا كلن سبب جايد وانا اصلا متنرفزه
بس اخر الايام صاايره عود جبريت
عسا من قربني شبيت عليه

ومثل ماقلتي اخرتها كل شي يصير تمام. عالفاضي حرقت قلبي يمكن

[meme~qatar]

اييييييييييييييييييييييييييييييييه
عيبي
غير صبورة كل شي بالعجلة عندي
والعيب الثاني

صادني الزهايمر وخرفت وكله انسى يعني مفهية حدي

[باسكن روبنز]

جنون بتفق معاج بشي ،

لاتهدين العصبيه وخلج جذي على طول وكسري وانتقمي من كل حد ،

بس جربي بس 3 ايام انج ماتعصبين كلش وتتصرفين بهداوه وتاخذين حقج بالطريقه الصح ،

اوعدي نفسج بهالشي وطبقي وشوفي النتيجه وبلغيني ،:yes:

[%حورية قطر%]

جنون

وانا مثلج عصبيه وخاصه اذا حد نرفزني والا قال عني شي مب فيني حزتها ماعرف اللي جدامي

وقريت ردود الاعضاءوياليت اصير مثلهم واحط اعصابي ف ثلاجه

وبعد انا من النوع اللي اذا شلت فخاطري على حد مستحيل اتقبله حتى لو كان موجود ف نفس المكان اللي اكون فيه فتلقيني اسفهه وما اعيره اي اهتمام

<<<<<

ويعطيج العاافيه على الموضووع الحلوووووووو

[JN000N]

يبيله نرقتي

لي عوده جنون وتسلمين على الطرح الحو



نرقتي عند الجيران
نرتقي عندي وككك

وحياك الله اي وقت خيوو،، والله يسلمك

[JN000N]

اييييييييييييييييييييييييييييييييه
عيبي
غير صبورة كل شي بالعجلة عندي
والعيب الثاني

صادني الزهايمر وخرفت وكله انسى يعني مفهية حدي



هاي قلة الصبر فينا كلنا
انا وحده لازم اغفل نفسي فأي شي اذا تبوني اصبر ههههههه والا بتلاقيني اطحن

واما النسيان مصيبه كلنا صرنا ننسى واللي عند فالبيت كله ينسون
مادري الاكل فيه شي؟

[JN000N]

جنون بتفق معاج بشي ،

لاتهدين العصبيه وخلج جذي على طول وكسري وانتقمي من كل حد ،

بس جربي بس 3 ايام انج ماتعصبين كلش وتتصرفين بهداوه وتاخذين حقج بالطريقه الصح ،

اوعدي نفسج بهالشي وطبقي وشوفي النتيجه وبلغيني ،:yes:


امسك اعصابي والا اكسر الدنيا؟

لا انا لين عصبت ماكسرت ولا اسوي شي ملموس

كله كلام وبس يعني اسوي زوبعه بكلامي

اممم عاد انا وقت اعصب اطيييش ويني ووين اهدا لو مامسكني حد وغفلني جان راحو فخرايطها:eek5:

<< شريره:weeping:

[JN000N]

جنون

وانا مثلج عصبيه وخاصه اذا حد نرفزني والا قال عني شي مب فيني حزتها ماعرف اللي جدامي

وقريت ردود الاعضاءوياليت اصير مثلهم واحط اعصابي ف ثلاجه

وبعد انا من النوع اللي اذا شلت فخاطري على حد مستحيل اتقبله حتى لو كان موجود ف نفس المكان اللي اكون فيه فتلقيني اسفهه وما اعيره اي اهتمام

<<<<<

ويعطيج العاافيه على الموضووع الحلوووووووو

هلا والله حوووريه


مررحباا ومسهلااا

ههههههههه حلوه ماعرف اللي جدامي
تقصدين تنسين من هو وتخورينها :(



صح لما تشلين فخاطرج على حد عقب مع الوقت ما تتقبلينه وخاصه اذا تراكم هالشي
نفس اللي صار مع رفيجتي
الحين قمت اجوفها بنظره ثانيه

[واحد 11]

انا عيبي صرت اتملل بسرعه .... مادري يمكن الواحد حزات يمر بمرحلة يطفر من كل شي ههههه

[JN000N]

انا عيبي صرت اتملل بسرعه .... مادري يمكن الواحد حزات يمر بمرحلة يطفر من كل شي ههههه

اي والله صادق

ولين تمللت تحط الحره فاللي حولك

اذا صادك الملل لا تقعد فالدوحه وجوف ي مكان تقدر تهج له لو يومين وترد

[فلتة زمانها]

ليش تعصبين وتحرقين اعصابج الدنيا ماتسوى
خلج بارده مثلي مفهيه ومطنشه اذا عصبتي قومي واطلعي سوي اي شي
والصراحه انه انحرج من عيوبي واحاول قد ما اقدر اغيرها
انا على نياتي واصدق الناس بسرعه ومرات انظلم واستحي اواجه اللي ظلمني
او اطالب بحقي بس عقب ما اندلغت كم مره خلاص غيرت نفسي
هالايام ماتنفع الطيبه الزايده بعض الناس ماتمشي معاهم الا اللعانه

[JN000N]

ليش تعصبين وتحرقين اعصابج الدنيا ماتسوى
خلج بارده مثلي مفهيه ومطنشه اذا عصبتي قومي واطلعي سوي اي شي
والصراحه انه انحرج من عيوبي واحاول قد ما اقدر اغيرها
انا على نياتي واصدق الناس بسرعه ومرات انظلم واستحي اواجه اللي ظلمني
او اطالب بحقي بس عقب ما اندلغت كم مره خلاص غيرت نفسي
هالايام ماتنفع الطيبه الزايده بعض الناس ماتمشي معاهم الا اللعانه

اي والله صادقه

مع ربعي كنت مثلج واسكت واغض واقول مهما كان بينا عيش وملح

اما الحين محثلتها ولا همتني ولا وحده لين متى بداري خواطرهم

يعني هو القانون اللي امشي عليه
اما ان العالم تمشي سيده معاي بمشي سيده
بيستلعنون باستلعن شوراي
ولو ان احشم نفسك افضل :victory:

[الوان]

موضوع رائع .. جزاج الله خير
محاسبة النفس من اعضم الامور التي يقوم بها العاقل
لأن اللي مب حاس بعيوبه .. عمره ما راح يقدر يطور نفسه

انا كنت اعصب بسرعه ، وانسى نفسي و غيري كثير
صار لي موقف من بعده تغيرت

مره عند مدرسة بنتي لف علي هندي .. و ياكثرهم
عاد انا الفتوُّه فتحت دريشة السياره و هاوشته .. وهو مفهي يطالعني ما يدري شالسالفة

بس اللي أثر فيني ان سمعت معزبته في الكرسي اللي وراه قالت كلمه أثرت فيني و عمري ما راح انساها و ما راح ارضى ان تنقال عني مره ثانيه
قالت: سكر الدريشة هاذي لغويه

انا انصدمت ، انا؟ لغويه ؟ ما صدقت ، بس كان هذا انطباع الحرمه عني
و جزاها الله خير ، لو ما قالتها كان ما تغيرت

صرت الحين في قمة الهدوء اتكلم بالاشاره

[الوان]

العمر يأثر على الانسان .. اقصد مع الوقت الواحد تمر عليه مواقف مثل الصفعات يتعلم منها ..

[JN000N]

العمر يأثر على الانسان .. اقصد مع الوقت الواحد تمر عليه مواقف مثل الصفعات يتعلم منها ..

صح.. دروس الحياه