شكر خاص للاخ شموخ دايم

[TZ71]

اولاً احب ان اوجه شكر خاص للاخ شموخ دايم وشكر عام لكل الاعضاء المميزين على الردود المفيده لكل الاسئلة المطروحة في المنتدى وان شاء الله يتم التواصل بين اعضاء المنتدى لما فيه الخير للجميع , اخواني الاعزاء عندي بعض الاستفسارات عن الابواب الخشبية :-

1- ايش افضل خشب لعمل فريمات البيبان وكم بيكون السعر تقريباً

2- ايش افضل انواع الخشب لعمل البيبان ( مرنتي او آش ) وكم سعر المتر تقريباُ

3- شنهي المناجر التى سمعتها طيبه وشغلها عدل ومضمون لعمل البيبان

4- ايهم افضل عمل الدرايش من ( الالمنيوم الدبل ) او ( بي يو في سي ) وكم بيكون سعر
المتر تقريباً لكل منهم :confused:

[شموخ دائم]

,


,

السلام عليكم ورحمه الله

يا هلا والله

TZ71

شكرا على اللفته الكريمه منك

وانا بدوري اشكر

naklan

و

RAHA

على جهودهم في الاقتصادي والبناء والديكور

وخبرتهم الفنيه الكبيره والله يجزاهم خير

وانا بدعوهم هنا بالموضوع الكبير هذا المختص بالابواب والمناجر والالمنيوم لانه قسم كبير ومتنوع

اتمنى يفيدونا بخبرتهم لانه الموضوع فيه جماليات \ وفيه امكانيات وكل شخص على حسب المبلغ المخصصه للابواب والنوافذ في الرخيص والغالي


1- ايش افضل خشب لعمل فريمات البيبان وكم بيكون السعر تقريباً

الفريم احنا نفضله مرنتي لانه يعيش وقوي وسعره رخيص وانا انصح ندهنه بوتومين الاسود من ناحيه الحيطه الوجه الي ملاصق للحيط حتى ما يتأكل او تعيش فيه الحشرات سعره من 150 ريال الى 250 ريال حسب المنجره ومستواها

2- ايش افضل انواع الخشب لعمل البيبان ( مرنتي او آش ) وكم سعر المتر تقريباُ

اذا الباب راح ينصبغ خله مرنتي لان الاش جماله في العروق الي باينه منه للاسف الناس تختار اش الغالي وتصبغه مهوقني اللون البني وبذلك يفقد قيمته لانه لو صبغنا المرنتي بيطلعون نفس الشكل والسعر ارخص
عموما باب الاش يتفاوت سعره حسب معاه تاج عريض على الاجناب ومن فوق
وسعر الباب يكلف من 2000 ريال الى 8000 اذا سولد او سيمي سولد وحسب المنجره

http://www.falconcabinetdoor.com/pix/ashsquareR.jpg
خشب اش

http://vilontimber.blogsome.com/wp-admin/images/meranti.jpg
خشب المرنتي

http://www.sabanawindows.com/imagenes/exteriordoors/pop/03b13.jpg
خشب التيك مع حفر


المرنتي يكلف من 500 ريال الى 2000 ريال حسب اذا كان سيمي سولد او سولد
واذا فيه شغل حفر او مجرد سلايتات يلصقونها عليه من فوق

طبعا الاش احسن و ( التيك ) هو احسن الجميع اقوى

وعندك القشر زي قشر اللوز وقشر

http://www.aqarcity.org/upload/images01/Carved_doors.jpg

اخر صيحه في عالم الابواب النحت

في مكان يصيغ الباب ب 100 ريال وفي مكان يصيغ الباب ب 300 ريال
وكل مكان وله جودته الصبغ بالهوى الطلق يخرب الصبغه وتلتصق في حبات الغبار ويصير الباب رديء وغير ناعم الملمس ويحتاج مكان زي الغرفه محكم عن الغبار حتى تطلع الصبغه ناعمه جدا زي الزجاج
لذلك ماقدر احدد سعر معين نقدر نحدد مستوى المكان


3- شنهي المناجر التى سمعتها طيبه وشغلها عدل ومضمون لعمل البيبان

بترك الاجابه لاخواني raha , naklan

4- ايهم افضل عمل الدرايش من ( الالمنيوم الدبل ) او ( بي يو في سي ) وكم بيكون سعر
المتر تقريباً لكل منهم

انا افضل الالمنيوم الدبل ارتاح له اكثر ماده نعرفها وقويه وتعيش طول عمر البيت
وافضل شركه ( الاختصاصي ) بحكم تعاملي معاهم الكثير واضمن الجوده عندهم


,

,






اخوك



شموخ دائم

[TZ71]

جزاك الله الف خير ياخوي شموخ دايم وهذا العشم فيك وكذلك اوجه الشكر العميق الى كل من

anklan
raha
وبارك الله فيكم جميعاً واى الامام دائواً ان شاء الله

[دهــن العود]

جزاكم الله خير والاخوان شموخ دائم

وanklan و راحة مايقصرون

متابعة بكل اهتمام

[ريان]

حقيقه يستاهل اخوي -شموخ دائم ....الشكر

ويستاهلون الاخوان كلهم .....raha>>>>anklan

[سهم سهم]

اي والله يستاهل شموخ دائم كل خير والله يسعد ايامه

ومعطي قسم البناء نكهه خاصه (( شموخية دائمه ))

ولا اقصور بالشباب الي يردون على الاستفسارات ويعطونا من خباراتهم القيمه الله يجزاكم الجنة يا رب

[naklan]

السلام عليكم ورحمه الله وبركاته

ومساكم الله بالخير اخواني واخواتي الاعضاء الكرام ومتابعينا من خارج المنتدى

وشاكر لكم جميعاً الاخوان الاعزاء

شموخ دائم و راحه وTZ71 ودهن العود وان شاء الله ان نقدرنفيدكم

والعلم عند الله دائما وابدا


طبعا عن الاخشاب ما ذكر الغالي شموخ دائم

هو كلام مفصل وكافي ووفي ومن صاحب خبره وله الشكر عليه
واوافقه بما تفضل وتعقيبي هو اثراء لما تفضل به طبعاً اجواء الخليج حاره وقاسيه هل نراعي ذالك في اختيارنا ؟؟؟ الانواع الثلاث المرنتي والاش والتيك اسعارها متفاوته الاقوى والارخص للفريم المرنتي - وللالون الفاتحه الاش للي لا يهتم بغلاء السعر وللمداخل التيك ولو اني افضل ابعد عن الخشب في المداخل واستعيض عنه بالحديد والالمنيوم المشغول اوالحديد والزجاج لجماله وقوه تحمله لعوامل التعريه وفيه ابواب للمداخل جميله تصنع من الخشب وتلبس بالفايبر قلاس ولكن للاسف ماتوجد عندنا في قطر توجد في الامارات واشكالها في قمه الروعه لكثره التفاصيل والديكور فيها ومرغوبه للمداخل

الميزانيه والرغبه تحدد النوع وانصح بالزياره الميدانيه للمناجر في الصناعيه واْن نرى الشغل والاسعار على الطبيعه وبعد ذالك نقيم ونتفق والله الموفق

افضل منجره من وجهة نظري هي
شركة الخليج لتجارة الاخشاب المحدودة (للدرويش)
الصناعيه شارع 41 بوابة 51

وفيه مناجر مستواها ممتاز ومقارب وساذكرها لاحقاً ان شاء الله


بخصوص النوافذ

ارشح وافضل بي يو في سي وللاسباب التاليه

اولا النافذه ذات المفصلات والي تفتح على الخارج وهي افضل الموجود نسبه دخول الاتربه

منها قليله جداً او معدومه وعيبها انه ما يركب لها تور مانع للحشرات

اسعار الدبل قلاس من داخل ديزاين ذهبي 550 عند القطريه الكويتيه

وتختلف الاسعار بين الشركات اعلى وانزل باختلاف الاكسسوارات

من تركي الى الماني الى الصيني

تحياتي بلا حدود للجمــــــــــــــــــــــــــــــــــــــــــــــ يع


اخوكم ومحبكم في الله/naklan

[TZ71]

صبحك الله بالخير يا خوي anklan وجزاك الله خير وهذا العشم فيك , وفي انتظار المزيد منك
مشكوووووووووووووووووووووور:thumbup1:

[تـاجر الـذهب]

جزاه الله خير واياكم

والله اني ادعي له ودعيت له وتمنيت له كل توفيق وشكرته

شكر الله له

ونعم العضو فينا وربي انه صادق ومخلص ويبي ربه

جزاك الله خير يا شموخ
ورحم لله والديك وبارك لك في مالك واولادك وصحتك

والشكر موصول للغالين في شركة راحة هذيلا ما يحتاج نار على علم
جزاهم الله خير و وفقهم

[المرونة]

اتفق معك تماما الاخ شموخ دايم والاخ naklan لايبخلون علينا بالنصح والارشاد والله يجزاهم كل خير على ما يقدمونة من اضافه كبيرة واراء سديدة لهذا القسم .

[قدام]

شموخ دايم يستااااهل البيرق

[شموخ دائم]

,


,


السلام عليكم ورحمه الله

المرونه
تاجر ذهب
سهم سهم
ريان
دهن عود
saeed55

جزاكم الله كل الخير والله يبارك فيكم ولكم
اخجلتوني والله
:)
افيد واستفيد منكم وهذا هدف تواجدنا
الله يسعدكم دوم

,

,


اخوكم


شموخ دائم

[بوحارب]

اخوي شموخ دائم وجميع خبراء البناء يستاهلون احلى قلاص كرك

موفقين خير

[naklan]

حقيقه يستاهل اخوي -شموخ دائم ....الشكر

ويستاهلون الاخوان كلهم .....raha>>>>anklan

جزاك الله خير اخوي ريان وبارك الله فيك



صبحك الله بالخير يا خوي anklan وجزاك الله خير وهذا العشم فيك , وفي انتظار المزيد منك
مشكوووووووووووووووووووووور:thumbup1:

الله يحييك اخوي tz71 ورحم الله والديك وابشر بكل خير
واسمحلي على الرد المتاخر لسفري خارج الوطن


اتفق معك تماما الاخ شموخ دايم والاخ naklan لايبخلون علينا بالنصح والارشاد والله يجزاهم كل خير على ما يقدمونة من اضافه كبيرة واراء سديدة لهذا القسم .

اخوي العزيز المرونة

الله يرحم والديك وشاكر كلامك الطيب

ولنا الفخر بمساعده جميع اخوانا الاعضاء بكل ما علمنا به الله

والله يجعلنا عند حسن ظنكم بنا

[العنود55]

جزاك الله كل خير عالموضوع المفيد اخي الكريم TZ71 .

وشكر خاص للاخ الفاضل شموخ دايم ربي يجزاه عنا كل الخير ويوفقه دنيا وآخره على حسن تعاونه ونصائحه بصراحه استفدنا منه الكثير والشكر موصول ايضا ل naklan على مايبذله حقيقة انتم مرجع لنا وكنز ثمين بهذا القسم بارك الله فيكم وربي يكثر من أمثالكم .

[قطرية عسل]

يزاه الله كل خير
حاليا انا في مرحلة بناء .. وما شاء الله عليه خبرة وخدوم وما يقصر
دوم استشيرة وامشي على نصائحة

:)

[خليفـة]

شموخ دائم .. ونكلان
مايقصرون وفيهم الخير والله
ويكفي اسلوبهم الراقي في الرد
وخبرتهم الكبيرة
جزاهم الله خير .. وكثر الله من امثالهم

:)

[هدوء العاصفة]

جزاه الله خير فعلا من الناس الخبيرين ماشالله عليه

الله يزيده علم وخبرة ويوفقه للخير ...

[naklan]

جزاك الله كل خير عالموضوع المفيد اخي الكريم TZ71 .

وشكر خاص للاخ الفاضل شموخ دايم ربي يجزاه عنا كل الخير ويوفقه دنيا وآخره على حسن تعاونه ونصائحه بصراحه استفدنا منه الكثير والشكر موصول ايضا ل naklan على مايبذله حقيقة انتم مرجع لنا وكنز ثمين بهذا القسم بارك الله فيكم وربي يكثر من أمثالكم .


شموخ دائم .. ونكلان
مايقصرون وفيهم الخير والله
ويكفي اسلوبهم الراقي في الرد
وخبرتهم الكبيرة
جزاهم الله خير .. وكثر الله من امثالهم

:)

اخواني الاعزا العنود 55 واخوي مالكم امل

بارك الله فيكم وشاكر طيبكم وكرم اخلاقكم والله يسعدكم دنيا واخره

ولكم التحيه والاحترام والتقدير

تحياتي للجمــــــــــــــــــــــــــــــــــــــــــــــ ـــيع

اخوكم/naklan

[موضي قطر]

يستاهل اخونا شموخ دائم

[RAHA]

أسف على التأخير
و قلة المشاركة
-
-
-
ما شاء الله الأخوان ماقصروا
و يعطيهم العافيه
و الهدف هو تثقيف المالك بإمكانيات السوق
-
-
نعود للموضوع
-
-
تعودنا لما نسأل
نسأل عن الجودة و السعر
و متناسين الميزانيه المطلوبه لإنهاء عمل ما
فكل مادة لها جودة معينه و سعر معين و درجه معينه
و كل صنعة لها سعر معين و جوده معينه
فلذلك الميزانيه مطلوبه لكل باب حتى لا تتخربط الأمور
لذلك المهم البحث عن
الخشب المطلوب- و جودة صانع الباب (النجار)
و أهم حاجه الفنيشنق و الصبغ
-
-
عموما الباب الواحد تقدر تحط له ميزانيه من
1200-2000 ريال
السعر 1200 يبتدي بالباب الإستاندر وهو عباره عن
(فريم مرنتي - خشب كبس تيك - ديكور باب مربعات خفيف - برواز اطار حول فريم المرنتي من الجهتين من غير التاج)
و ممكن تحصله ارخص على حسب جودة المنجرة
و لكن لأفضل الرخيص لأن المنجره الرخيصه دائما و راها المشاكل
خاصة في الصبغ حيث لا يتوفر لديهم صباغين محترفين

و هناك نوعيه اخرى من أبواب الكبس تيك ممكن ان يلبس الباب
بقشر الأش او التيك او البلوط و متوفر عند بعض المناجر
و يتراوح سعره بين 1200-1400 شامل الفريم
و إذا تبي تحط ديكورات للباب و تاج تقدر تزيد السعر بـ 400-600 ريال على حسب الديكور
هذا بالنسبة للباب العادي الكبس تيك
-
-
و هناك معلومه بسيطه
في مناجر تصنع الباب
برص الخشب عرضيا بفراغ 4-6 سم و لذلك تسمع صوت فراغ
و هناك مناجر ممكن تحط لك داخلها نشارة خشب مظغوط و يزيد السعر في حدود 200 ريال
-
-
السعر اعلاه من غير المقابض
و تقدر تحط ميزانيه للمقابض العدله بين
150-200 طبعا ديكوره بسيط
و هناك مقابض تعدي هذه الأسعار
هذا كله يعتمد على الميزانية
-
-
بالنسبة للسوليد طبعا سعره على حسب نوع الخشب المستخدم
تيك - اش - بلوط إلخ---
و مثل ما قال أخونا شموخ سعره يبتدي بـ 2000 ريال و فوق
-
-
اما الباب الخشبي و ين يركب
فهذا يعتمد على المشتري
شخصيا بالنسبة للميزانيه المحدوده
أفضل الأتي:
-
-
أبواب الغرف: تركيب أبواب كبس تيك فريم مرنتي بديكورات
سلايت و تيجان مع الأقفال بسعر لا يتعدى 1800 - 2000 ريال للباب الواحد
-
-
أبواب الحمامات: تركيب أبواب كبس تيك فريم مرنتي بديكورات
سلايت بدون تيجان مع الأقفال مع وضع لوح ألومنيوم خلفي بطور بع متر و ذلك لحماية الباب من الماء بسعر لا يتعدى 1400 - 1800 ريال للباب الواحد
* معلومه بسيطه لا توجد منجره تعطي ضمان على الخشب و عدم امتصاصه للماء
لأن خاصية الخشب هو الإمتصاص و الذي يقلل الإمتصاص الصبغ فإذا حصل أي خدش في الباب فممكن ان يمتص الماء عن طريق الخدش
-
-
الأبواب الخارجيه يفضل الحديد المشغول او الألومنيوم بالنسبة للملاحق
-
-
و على حسب طبيعة بيوتنا و استخدام الخدم و الأطفال للبيوت
يفضل النوع الاول منها منظر و منها حمايه
-
-
-
-
بخصوص الألومنيوم و اليو بي في سي
الأثنين ممتازين
و كل واحد فيهم مزايا خاصة في السعر
فالألومنيوم مشاكله الحراره و الغبار
و اليوبي في سي حتى الأن لم يتم اختباره لزمن طويل
حيث ان عمره في السوق لا يتعدى 10 سنوات (سوق قطر)
-
-

[$الفارس$]

الاصيل يبقى اصييل ياشموخ دايم دوماا سباق لنصح كل من يستفسر بيض الله وجهك وعساك على القوه وكثر الله امثالك

[ماجد]

أسف على التأخير
و قلة المشاركة
-
-
-
ما شاء الله الأخوان ماقصروا
و يعطيهم العافيه
و الهدف هو تثقيف المالك بإمكانيات السوق
-
-
نعود للموضوع
-
-
تعودنا لما نسأل
نسأل عن الجودة و السعر
و متناسين الميزانيه المطلوبه لإنهاء عمل ما
فكل مادة لها جودة معينه و سعر معين و درجه معينه
و كل صنعة لها سعر معين و جوده معينه
فلذلك الميزانيه مطلوبه لكل باب حتى لا تتخربط الأمور
لذلك المهم البحث عن
الخشب المطلوب- و جودة صانع الباب (النجار)
و أهم حاجه الفنيشنق و الصبغ
-
-
عموما الباب الواحد تقدر تحط له ميزانيه من
1200-2000 ريال
السعر 1200 يبتدي بالباب الإستاندر وهو عباره عن
(فريم مرنتي - خشب كبس تيك - ديكور باب مربعات خفيف - برواز اطار حول فريم المرنتي من الجهتين من غير التاج)
و ممكن تحصله ارخص على حسب جودة المنجرة
و لكن لأفضل الرخيص لأن المنجره الرخيصه دائما و راها المشاكل
خاصة في الصبغ حيث لا يتوفر لديهم صباغين محترفين

و هناك نوعيه اخرى من أبواب الكبس تيك ممكن ان يلبس الباب
بقشر الأش او التيك او البلوط و متوفر عند بعض المناجر
و يتراوح سعره بين 1200-1400 شامل الفريم
و إذا تبي تحط ديكورات للباب و تاج تقدر تزيد السعر بـ 400-600 ريال على حسب الديكور
هذا بالنسبة للباب العادي الكبس تيك
-
-
و هناك معلومه بسيطه
في مناجر تصنع الباب
برص الخشب عرضيا بفراغ 4-6 سم و لذلك تسمع صوت فراغ
و هناك مناجر ممكن تحط لك داخلها نشارة خشب مظغوط و يزيد السعر في حدود 200 ريال
-
-
السعر اعلاه من غير المقابض
و تقدر تحط ميزانيه للمقابض العدله بين
150-200 طبعا ديكوره بسيط
و هناك مقابض تعدي هذه الأسعار
هذا كله يعتمد على الميزانية
-
-
بالنسبة للسوليد طبعا سعره على حسب نوع الخشب المستخدم
تيك - اش - بلوط إلخ---
و مثل ما قال أخونا شموخ سعره يبتدي بـ 2000 ريال و فوق
-
-
اما الباب الخشبي و ين يركب
فهذا يعتمد على المشتري
شخصيا بالنسبة للميزانيه المحدوده
أفضل الأتي:
-
-
أبواب الغرف: تركيب أبواب كبس تيك فريم مرنتي بديكورات
سلايت و تيجان مع الأقفال بسعر لا يتعدى 1800 - 2000 ريال للباب الواحد
-
-
أبواب الحمامات: تركيب أبواب كبس تيك فريم مرنتي بديكورات
سلايت بدون تيجان مع الأقفال مع وضع لوح ألومنيوم خلفي بطور بع متر و ذلك لحماية الباب من الماء بسعر لا يتعدى 1400 - 1800 ريال للباب الواحد
* معلومه بسيطه لا توجد منجره تعطي ضمان على الخشب و عدم امتصاصه للماء
لأن خاصية الخشب هو الإمتصاص و الذي يقلل الإمتصاص الصبغ فإذا حصل أي خدش في الباب فممكن ان يمتص الماء عن طريق الخدش
-
-
الأبواب الخارجيه يفضل الحديد المشغول او الألومنيوم بالنسبة للملاحق
-
-
و على حسب طبيعة بيوتنا و استخدام الخدم و الأطفال للبيوت
يفضل النوع الاول منها منظر و منها حمايه
-
-
-
-
بخصوص الألومنيوم و اليو بي في سي
الأثنين ممتازين
و كل واحد فيهم مزايا خاصة في السعر
فالألومنيوم مشاكله الحراره و الغبار
و اليوبي في سي حتى الأن لم يتم اختباره لزمن طويل
حيث ان عمره في السوق لا يتعدى 10 سنوات (سوق قطر)
-
-

ماقصرت اخوي الف شكر لك ولباقي الاخوان

[TZ71]

الله يرحم والديك وبيض الله وجهك ياخوي يا راحه وجعل ايامك كلها راحة والله ماقصرت انت والاخ شموخ دايم وanklan وباقي الاخوان والاخوات

[الوعد2016]

الله يعطيكم العافيه
وسوال هل اقوم بتركيب الفريم لوحده وبعد البلستر اقوم بتركيب الاوبواب
وهل يختلف السعر الباب بدون فريم وبفريم يعني هل يزيد السعر بدون فريم وهل المقاسات من منجره لمنجره تختلف لو اقوم بتركيب الفريم من منجره والابواب من منجره
والفريم الممتاز لجميع الابواب ؟
وياليت احد يرفق لي صوره باب مرنتي وتيك مضغوط وتيك عادي يعني افضل الابواب لو تكرمتوا