أرحمونا يابلديه من هالحال!!!

[السهم السريع]

السلام عليكم ورحمة الله وبركاته

أخواني الافاضل رواد البحر
حبيت أطرح موضوع المواقف البحرية للطرادات
الصراحه احنا نعاني من أزمة المواقف ما أدري لين متى احنا بنتم على هالحال
الملاحه والغوها وراس النسعة الغوها لاماي للغسيل ولا حرس ولاصيانة ولا إدارة وخلوا القرعه ترعى وكل من جاء قبل قال هذا مكاني وكم من الزعل والهوشات صارت على من يوقف قبل الثاني ولا هذا موقفي من زمان ،
الصراحه عيب على البلدية تترك الناس من غير بديل والمشكلة كل يوم والثاني تسمع أخبار الإزالة على المكان ويخلون الناس في قلق نفسي كبير، اللي يبي يبيع الطراد واللي يخليه واقف بره واللي يوقفه عند البيت ويونك البلديه ويقولون لك ممنوع

طيب والحل ؟
ليش يابلدية ما توفرون البديل قبل الازالة وتريحون خلق الله
الصراحه قلبي يعورني لين شفت الدول المجاورة وتنظيمها للمواقف والخدمات المتوفرة للناس من كل شي وأول شي وأهم شي البترول والماي
راس مالنا بترول وقود اللي تنطر ساعه لين ايي دورك
طبعا احنا بعيد عن اسعار المواقف في الفنادق مانقدر عليهااااا

ولكم فائقالاحترام والتقدير،،،

[غونان]

الله المستعان

[السهم السريع]

صدقت اخوي غونان
دائما وأبدا نستعين بالله عزوجل
الله يفرجها

[اكاديمي]

الله المستعان

[باسكن روبنز]

ماظنتي بيدهم يسون شي دام الاماكن المتوفره قليله ،

[BEng]

صدقت اخوي
ولا حياة لمن تنادي

المشكلة اللي بيده القرار ما يحس بالمشكلة فما تهمه ولا يفكر فيها للاسف

الله المستعان

[العودي V.X.R]

يبا خذها مني نصيحه .... ولاتعور راسك ... حط طرادك على تيدرك ... وصفه عند الملاحه من قريب ... متى مابغيت تنزل ... ماتاخذ معاااك خمس دقايق ... واوال ماترجع خل الهنود يرفعونه ... ولا منة فلان وعلان ...:strong3::no:

اما بالنسبه للمسائيل ...فاكيد مب حاسين لان طراريدهم في الريتز والانتر والخدم ووالحشم موجودين هناك ..فاكيد مب حاسين فيك ....:anger3:

[الجوكر90]

السلام عليكم
شدعوه اخوي مافهمت السالفه
هم يصكرون هالاماكن الرخيصه عشان تنجبر وتروح الاماكن الغاليه
والله يعينك

[السهم السريع]

ماظنتي بيدهم يسون شي دام الاماكن المتوفره قليله ،

لا بالعكس الاماكن متوفرة وكثيرة
ممكن يكبرون فرضة الصيادين ويسوون فيها خدمات وبالإيجار حق اللي يبي
وعندك نادي الدوحه القديم ممكن يتعدل وتنضاف له مواقف جديده ووراس النسعة بعد نفس الشي

بس وين اللي يبي يسوي
الله المستعان ياخوي

[السهم السريع]

صدقت اخوي
ولا حياة لمن تنادي

المشكلة اللي بيده القرار ما يحس بالمشكلة فما تهمه ولا يفكر فيها للاسف

الله المستعان

ما نقول غير حسبنا الله ونعم الوكيل
والله ياخوي انا طلعت الطراد اسبوع اسويله صيانه وحطيت سلسلة كبيرة عشان محد يصف في المكان في راس النسعة
تصدق لقيت واحد قاص السلسلة وصاف مكاني ويحلف انه من زمان وهو يصف في هالمكان
لكن الحمدلله اخوان شما عند ويهك اللي في نفس المكان وقفو ويايي واشهدو لي بالمكان

الله يعينا لين يفرجها رب العالمين

[السهم السريع]

يبا خذها مني نصيحه .... ولاتعور راسك ... حط طرادك على تيدرك ... وصفه عند الملاحه من قريب ... متى مابغيت تنزل ... ماتاخذ معاااك خمس دقايق ... واوال ماترجع خل الهنود يرفعونه ... ولا منة فلان وعلان ...:strong3::no:

اما بالنسبه للمسائيل ...فاكيد مب حاسين لان طراريدهم في الريتز والانتر والخدم ووالحشم موجودين هناك ..فاكيد مب حاسين فيك ....:anger3:

كلامك صحيح اخوي العودي بس لوكان الطراد خفيف سهل في تنزيله وتطليعته مب مشكله
لكن اللي طراده كبير وثقيل ماهو بحل وانا اخوك

حتى لو فيه اماكن في الرتز وغيره ما يعطونك اذا ما عجبهم شكلك او طرادك مب بالمستوى المطلوب يبون شي كشخه واسعارهم فوووووق

لكن الله يعين

[السهم السريع]

السلام عليكم
شدعوه اخوي مافهمت السالفه
هم يصكرون هالاماكن الرخيصه عشان تنجبر وتروح الاماكن الغاليه
والله يعينك

وعليكم السلام ورحمة الله وبركاته
يمكن تكون وجهة نظرك صحيحة اخوي بس الحكومة عارفة ان امكانيات الناس ماهي بوحده
يعني لازم يراعون الناس بكل المقاييس وتوجد حلول واماكن كثيرة لكن وين اللي يتخذ قرار
ويرحم الناس من بعد رحمة الله

[*^*محمد*^*]

اخوي نصيحتي لك اطلب مقابلة وزير البلديه واشرح له الموضوع

وانطر سنه اوسنتين:weeping: و اذا قابلته قوله محمد يسلم عليك وصارلي 3 سنين طالب مقابلته

[السهم السريع]

ههههههه
عز الله خوش نصيحه
هالحين مدير ويالله يالله تقابله عقب طلعت روح وين تقابل وزير

بس نبي حد من الشباب اللي عنده علم بشي يعلمنا

الله المستعان

[نيساني]

السلام عليكم
شدعوه اخوي مافهمت السالفه
هم يصكرون هالاماكن الرخيصه عشان تنجبر وتروح الاماكن الغاليه
والله يعينك



يالله على يدك وتحصل لي موقف قي الرتز واكون شاكر لك:):)

[فاضي عمل]

السهم السريع ابشر بالخير من مصدر موثووووق

خلال الاشهر الجايه راااح يرتبوون مواقف للطراريد وبرسووم سنويه رمزيه

والمشرووع بيشمل فرضة الدوحه والوكره والخور وغيرها

بس المشكله لا بدوو المشرووع طراريدنا وين بترووح مادري

صحيح انهم بيوفرون كهربه ومااي حلووو وسكورتيه وبواباات

لاكن المشكله ماوفروو مواقف احتياطيه .

الواحد ماله الا الصبر

دامك في الدووحه بتشكي من اشياء كثير خلها على الله وربك كريم

وبنصبر على المشرووع وانشاءلله خير